Рет қаралды 1,814,057
صفحة البرنامج
/ elkoramshm33fify
كتابة وتعليق: أحمد عفيفي
/ ahmed1afify
/ ahmed.afify.549
مونتاج وإخراج: محمد مجدي
/ forzamalek1911
/ kanzaman_4my
/ mohammedmagdi.k.z
على اجمل ملاعب الارض (ملعب بتروسبورت) وبعد مباراة هي الأسهل في مشوار كأس مصر السنه دي الزمالك بطلا للثنائية للمرة الأولى من 27 سنه
في غياب حسام غالي كان الضغط على الأهلي في نص ملعبه اشبه بنزهة في الحديقة الدولية بملاية و اتنين كيلو يسوتفاندي
تشيب هايل من طلبة في ظهر الباك رايت سعد سمير بيسيب ال18 عشان يغطي سعد بيتغفل معروف بيقوله انزل هات الشلن حسين السيد بيهنج بيعمل ريستارت بسرعه بيقوم الكورة في رجل باسم و هوب تعالى تعالى هنا يا حسين .. رايح فين لسه هتاخدوا اتنين
الجول التاني اشبه بملحمة اغريقية تاريخية لفارس بيقتحم ساحة قتال في اليونان القديمة بسيف و درع بيموت جيوش العدو لوحده و يطلع المنصه ينتع الاميرة بوسه و ينزل ياخدها سينما روكسي ..
بعد الجول التاني فتحي مبروك لونه اتخطف اكتر ماهو مخطوف الزمالك اكتسب الثقة رجع يقابل بدري نسبيا حفني مسك الكورة و حافظ عليها في رجلينا مستغلا بعض الممارسات القمعية و اللي فيها افراط في استخدام قلة الأدب بحسب تقرير منظمة الاهلي رايتس ووتش الزمالك مع الوقت اكتشف ان الفرقة فاضية و قالك نديلة القاضية
في الشوط التاني فيريرا قالك جبرنا ملوش لازمه وجع القلب معاهم اكتر من كده ارجع اخر 30 متر بتوعنا قفل الملعب بنفس التشكيلة المعتاده و نلعب ع المرتدات .
الزمالك مستني الأهلي يفقد الكورة و يخطف المرتدات لغاية ما جت واحده لمصطفى فتحي عدى و قطم و لعبها نموذجيه لباسم اللي حطها مفيش احلى من كده عشان يعمل اكرامي اعلى صده في حياته .. كان نفسي تهاتريك يا باسم كان نفسي الكورة بعد كل التفاصيل دي تدخل كان نفسي نعلي السكور بس الرحمة حلوه
المهم كل جمهور الأهلي قاعد مستنى اللحظه اللي هينزل فيها جون انطوي .. الكورة الوحيده اللي لعبها انطوي جنش صدها بصدره .. مفتري ابو الأجناش برضه
هو انا عارف ان باسم مؤذي وغلبنا نقوله خف يا باسم اخواتك برضه يا باسم مفيش فايده بس هل ده معناه ان كل ما هيتحط عليك هتتقمص و تغضب ع المداليه كده.
آه صحيح فكرتني الزمالك مره مرضيش يستلم مداليات كاس مصر في 2007 فاتحرم من السوبر اتمنى ميطبقش نفس القرار على الأهلي اصل احنا حبينا الموضوع اوي ده نجوم المستقبل و الحرس و الأتحاد و سموحه تعبونا اكتر من كده
بس يا مؤمن صدقني مفيش حاجه اسمها عقده مش معنى انك كنت معانا خسرنا الدوري و روحتلهم كسبنا الدوري و الكاس و كسبناهم لأول مره من 8 سنين ان العيب فيك .. دي مجرد صدف لكن لو الكونفدرالية كمان انصحك تبتدي تشك
رسالة اخيرة للي بيقولوا الزملكاوية ظهروا بعد ما كانوا مستخبيين .. كلمة زملكاوي دي جزء من هويتنا احنا بنتعرف في المدرسة و الكلية و الشغل اننا زملكاوية قبل ما بيتعرف اسامينا احنا بيتنادي علينا ب يا زملكاوي من ناس شافونا مره واحده كانت كافية جدا يعرفوا فيها اننا زملكاوية احنا عددنا اقل لكن في كل مكان مؤثرين احنا الواحد فينا منكوا بعشرين .. منكوا هو انتوا مين اه افتكرت انتوا العادي الرمادي ابو قرشين .. ههه قالك الزملكاوية كانوا مستخبيين (بلاش اشارة لجمهور الأهلي خالص)