الكورة مش مع عفيفي #3 - تحليل مباراة الزمالك وأورلاندو بايرتس 13-9-2015

صفحة البرنامج
/ elkoramshm33fify
كتابة وتعليق: أحمد عفيفي
/ ahmed1afify
/ ahmed.afify.549
مونتاج وإخراج: محمد مجدي
/ forzamalek1911
/ kanzaman_4my
/ mohammedmagdi.k.z
في مباراة ينصح بها للمقبلين على الزواج الزمالك يصعد الى سيمي فاينال الكونفدرالية الأفريقية برقم قياسي مصري جديد من 15 نقطة
قالوا زمان الزمالك مدرسة لعب و فن و هندسة .. تغيب بطولات و تيجي بطولات و يظل الزمالك محتفظا بهويتة الفنية الفريدة كمصدر حصري لانتاج لاعيب الكورة السافل قليل الأدب اللي مترباش .. الخاصية اللي بقت جزء لا يتجزا من معادلة حب الزملكاوية للزمالك و ايمانهم دايما بانه مهما حصل بيظل هو الأجمل الأحرف و الأمتع .. انهاردة بينضم لليستة الذهبية الطويلة اسم جديد .. نورت بيتك يا ابن اللاعيبة .. بس كده حفني و مصطفى فتحي و محمد ابراهيم و حمودي و كهربا .. احنا محتاجين مشترك
مباراة كبيرة من كوفي و علي جبر و ان كان يلام على كوفي عدم تكملته مع المهاجم في الجول اللي جه فينا و يلام شوية على علي جبر كتر الباصات بالعرض بالقرب من فراودتهم ..
مباراة معقولة من طلبة و ممتازه من توفيق من حيث الألتزام تماما بواجبات المكان بروح و فدائيه معنادين منه و ان كان يعاب عليه انه اترقص كتير و لبس انذار في ماتش بالسهولة ..
مباراة جيدة من سلطان الطرب و جيده جدا من طارق حامد اللي قطع و سد مساحاته و عمل اسيست و سط اشاعات لم يتم التأكد منها ان عمر جابر كان في الملعب
مباراة معقولة جدا من مكي و ان كان محتاج يبقى اشرس شوية على الكورة اخلاق المهاجم دايما اصعب من كده .. دي اخلاق موظف خدمة عملا
اول عيب لازم يخطف عينك في كهربا و محمد ابراهيم هو ضعفهم قدام الكورة .. لما بيرقص الأولى حلو يتحمس فيحاول في التانية و التالته و الرابعه فتضيع .. لما بتجيله تاني بيرقص الأولى حلو فيتحمس فيحاول في التانية فتضيع و هكذا .. هي الكورة كده تطمعك في واحدة تجننك و تخليك مصر تكرر و تجود و تعمل الأحلى في نفس اللعبه .
جول اورلاندو بايرتس هنا شبه جدا جولهم فينا هناك .. كورة من الجنب بتتلعب للاعب منطلق زي الرصاصه في المساحه بين كوفي و علي جبر على القريبة و بينتشها برضه في القريبة ..
نقاط سريعة
محظوظ الزمالك بتواجد كل المواهب دي في وجود مجلس ادارة قوي و جهاز فني تقيل والا كان ممكن الدنيا تفرط مننا خالص
اللاعيبة الحريفة في الفرقه مش غيرانين من بعض دول بيدوروا على بعض عشان يدوا بعض الكورة
بيبان من تفاصيل صغيرة كواليتي اللاعيب الكبير .. حمودي لاعيب كبير اوي
الحذر كل الحذر من النجم الساحلي .. فريق رخم و غدار و متمرس في بطولات افريقيا و في ماتشات الذهاب و الأياب بالذات و بيقودهم تعلب كبير اسمه فوزي البنزرتي

[@MohamedMostafa-qm9et]

وحشتني اوي 2015 مع الجيل دا و دوري فيريرا و تحليل عفيفي ❤️🥺 كان نفسي دوري 2021 يبقا في الكوره مش مع عفيفي 💔

[@57e.4_]

فيريرا رجع😂♥️

[@MohamedMostafa-qm9et]

@@57e.4_ انا لو اعرف كدا كنت هبدت الكومنت من زمن 😂😂

[@zsc930]

اهو رجل فيريرا بس الفريق لسه مرجعش

[@MohamedMostafa-qm9et]

@@zsc930 فريق عار مفيش رجوله

[@user-bv4nl6ym2n]

@@zsc930 الفريق رجع اهو

[@mino10]

ربنا يسامحك يا أخي انا اهلاوي بس والله عنيا دمعت في كليب شيكابالا... وعندك حق في موضوع المنتخب الأوليمبي... يا يوقفو الدوري يا يلعب من غير لعيبه الأهلى والزمالك لأن غالبا بأمر الله لما يصعد الأهلى والزمالك لنهائي الكونفدرالية هيكون بداية مباريات المنتخب الأوليمبي الرسميه فلازم يفكرو في حل من دلوقتي

[@hussienrecco2014]

شيكاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا حبيب الملايين

[@amralaazamlek1260]

احسن 4 دقائق بتوع شيكا الحب كلوه 😍

[@mohamedelshshtawy4199]

احلي ما ف الحلقه اولها واخرها

[@amrhassan11111]

اطفى البدرى وشغله تانى هههههههههههههههههههه هموت من الضحك لما سمعتها .. اجمل حلقه يا عفيفي برافو عليك

[@ahmedaamr1078]

حلقه ناريه من عفيفي عندك حق في موضوع المنتخب الاولمبي دة احنا دخلين علي مرحله حسم مهمه

[@hashimteka]

انت عبقري يا عفيفي استمررررررررر قولت كل الكلام اللي جوانا

[@marconobiano]

قلبي وجــعني يا شيكـــــا ,,,,, منــك للله باعفيــــــــفي !!!

[@marconobiano]

+Marco Nobiano وعجبتني حتة المشترك دي ,, الحاجة الوحيده اللي بتنقص وميتعملش حسبها ايام الفيديو أما يحضر الثقافي زمــااااااان

[@samia24502]

+Marco Nobiano فعلا والله ربنا يسمحة والله بعيط

[@dishakerd3924]

Marco Nobiano

[@shekoo4834]

الدخله بتاعت اديك تقول مخدتش فشيخه :D

[@Mohamedanwareltal]

شيكا وعمرو دياب ف الحلقة لا ده كتير :D

[@ebrahemelsayed6067]

الزمالك كبير

[@asmaaamaar3726]

انا كنت اهلاوية الأول و لكن تحديدا مباراة الزمالك و الأهلي بتاعت الدوري سنة 2014 انا سبت الأهلي و بقيت زملكاوية مع ان الزمالك كان خسران بس اكتشفت ان الأهلي فريق بيفوز بالحظ بس و مش عندهم اللعبة الحلوة الي تخليت تقف على رجليك . الزمالك مليان لاعبين حريفة مع أنهم اغلب متشات الأهلي و الزمالك مبيكسبوش بس عندهم اللعبة الحلوة و الروح العالية و أعتقد لو انا بشكل المنتخب هيكون اغلب اللاعبين من الزمالك و خصوصا حراس المرمى يبقى الشناوي أساسي و جنش احتياطي او يبدلوا مع بعض كل ماتش # زملكاوية-والفخر-ليا

[@user-kc8sr4zr1y]

زمالك لعب واداء افضل الاهلي بيكسب بالحكام والرشاوى

[@thegreatxplode5940]

طب والله انا كمان نفس قصتك بالظبط بقيت زملكاوي من اول الماتش ده

[@redamohmed8404]

+‫ولد شقي جدا‬‎ هلا العب

[@zeyadkandil9275]

#زمالكاويه -والفخر-ليا والنبي لما التحفيل يكتر عليكي ابقي حولي الاسماعيلي بقى 😬

[@eslamsaad3954]

اقسم بالله انت مفيش منك اتنين يا عفيفي بجد ربنا يحميك وانا بعشقك :*

[@-ahmedasem1229]

معلش يا كابتن #عفيفي بس خطأ صدر منك أعتقد إنه غير مقصود بس وجب التوضيح للإفادة /مفيش حاجه اسمها 10% على ربنا الأمور كلها كاملة تسير بمقادير الله وليست مجزأة ما شاء الله كان وما لم يشأ لم يكن فلازم التوكل على الله يكون مطلق مع الأخذ بالأسباب زى ما انت قولت

[@mohamedsaed6305]

+S Tube مظبوط

[@user-ot4ns5oj9y]

+S Tube احسنت

[@7azem7ussein96]

+S Tube RESPECT

[@Ahmed_Gamal87]

+S Tube +ayman mostafa هوا بيتكلم علي الحظ والتوفيق , يعني ممكن تبقي أحسن فرقة في بطولة ومتاخدهاش عشان ربنا عاوز كده بس احتمال ان ده يحصل ميزيدش عن 10% مثلا فهمت الفكرة ؟

[@tareqeid8967]

+Jemy Freeman يا جيمي اس تيوب يقصد ان كل حاجه بتوفيق من بنا المطلق في كلمه كل حاجه افض يا جيمي ان اصلا الفريق مقدرش يعمل التسعين ف الميه اللي قالها عفيفي زي ماتش الاهلي كده مثلا ما ده كان توفيق و عدم توفيق من عند ربنا نحمد الله عليه الكلمه نفسها ماينفعش تتقال زي ما اس تيوب قال كان ممكن يتقال اعملوا اللي عليكو و سيبوا الباقي علي ربنا توكلوا ولا تتتكلوا او تتكاسلوا اعملوا اللي عليكوا و يكون ملحوظ عند الناس انكوا عملتوا اللي عليكوا و التوفيق ده من عند المولي عز و جل

[@gannamohmed2013]

2019 مدرب تاني خالص ،الفريق دا كله تقريبا نصفه مشي زي الشناوي وطلبة وعلي جبر ،كوفي ،احمد توفيق ،مكي ،عمر جابر ،معروف ومفضلش غير جنش وكهربا ومصطفي فتحي وايمن حفني ومحمد ابراهيم من الفرقة دي

[@user-rb1mb5wd1t]

والونش كان موجود

[@sliemazmnmalk8050]

كهربا رااح 😭

[@user-yj8ie2ex9h]

حلقة جميلة مبروك للزمالك ومبروك علينا شيكابالا

[@begadahmad408]

الواحد دمع و جسمو قشعر لما شاف شيكا

[@mohammedtawfeeq2847]

عفيفي انك زملكاوي عظيم .الزمالك العشق الابدي

[@CRonaldo717ify]

من احلا الحلقات علي الاطلاق للبرنامج واحلا حاجه نهايه الحلقه

[@NURALI40]

دايما تمتعنا بحاجة ف اخر الفيديو تخلي الواحد جسمه يتهز تسلم ايدك ياعفيفي ويامجدي 👍

[@faridns20]

حلقة فشيخة و خصوصا اخر جزء ,, ان شاء الله شيكا حيبدع مع الاسماعيلي السنادي و ربنا حيكرمه

[@eslamshamy9978]

يخرب عقلك يا عفيفي اشد أغنيتين البداية والنهاية ليا طلب ياريت تقطعلنا المقطعين دول البداية والنهاية علشان نشيرها لوحدهم ياريت

[@abdullahaltaher2786]

أحلى ما في الحلقه الاغنيه اللي عشان شيكابالا

[@mostafasaeed2093]

عالية اوى الاغنية مع موقف شيكا .. حلقة جامدة تسلم ياعفيفى

[@MohamedEmad-yl8gp]

عفيفى انتا فى 100 الف بيشوفو فيديوهاتك من ضمنهم 30 الف اهلاويه لو سيبنا كل التعصب على جمب فانتا رائع فى كل فيديوهاتك واسلوبك جميل جدا ومبروك للزمالك #اهلاوى

[@mostafasalah6320]

احسن محلل فى مصر احمد عفيفى

[@mahmoudsaid4359]

من احلى الحلقات و الاغنية لايقه جدا

[@midonew2]

نجم اعفيفي بستني حلقاتك والله

[@MohamedKhaled-hp9pi]

أجمد حلقه دى ياعفيفي تسلم دماغك وروعه كليب شيكا ربنا يوفقه ويرجع لينا بخير ويكون أحسن

[@fadysayed6699]

اامفروض يتعملك اكبر برنامج فى الوطن العربى

[@nourabulsalam9772]

حبيبي ياعفيفي #صوت_الزمالك_الحر #باصي_لعفيفي #زملكاوي #الزمالك_حياة #الكنفدرالية_زملكاوية

[@adelmohamed9329]

شكرا عفيفي تسلم ايدك يا مجدي .... شغل إحترافي ...ما شاء الله عليك

[@jourytamer3458]

مين هنا بعد ما كهربا جه الاهلي😂

[@moustafaahmed7547]

والله كلنا بنحبك يا شيكا حرااام انا مش دمعت انا عيطت

[@user-if9tg1vs8r]

لأول مرة أشوف الحلقة وقت نزولها

[@hemaroma2305]

من اجمد الحلقات دى

[@user-nn8uz6qh8b]

حلقاتك بتتأخر أوي على ما تنزل يا عفيفي بس أول حته ضحكت فيها وحتة شيكا دمعت فيها

[@ElwyMamdouh]

الأنترو فشيييخ بس كان ناقص ولاد سليم اللبانين :"D .. هتعورنى أعورك هنبوظلك منظرك ^

[@aymanmostafa9589]

معلش مفيش حاجه اسمها 10%علي ربنا كل حاجه علي ربنا واخدنا بالاسباب شيئ وتوكلنا علي الله في كل شيئ

[@Ahmed_Gamal87]

+ayman mostafa هوا بيتكلم علي الحظ والتوفيق , يعني ممكن تبقي أحسن فرقة في بطولة ومتاخدهاش عشان ربنا عاوز كده بس احتمال ان ده يحصل ميزيدش عن 10% مثلا فهمت الفكرة ؟

[@aymanmostafa9589]

Jemy Freeman بس برضه الجمله خاطئه ولابد من التصحيح

[@apomummy1442]

@@Ahmed_Gamal87 صح

[@ahmedmostafa5257]

من افشخ الحلقات ماتش ولا ف الاحلام ♥

[@mezoooooo]

أنا اهلاوي وبحب اشوف عفيفي وتحليلاته لكن نصيحه ركز في فريقك بس ومتحطش الاهلي دايما في اي جمله بتقولها في الحلقة لان واضح ان عقدة النقص مستعصية عندك يا عفيفي

[@hulkey10]

+mohamed morgan يا جماعة انتوا ليه مش قادرين تستوعبوا ان جماهير الاندية اللى بتتنافس على البطولات دايما بيقطعوا ف بعض فى كل منافذ الميديا , والله بيحصل فى كل مكان فى العالم

[@mohamedrfek8540]

والله نفس الكلام الی بقوله كل مره هو مقعد وعقده كلها حططا علی الاهلی وعارف انه مش هيشوف بطوله تانی

[@tareqeid8967]

+mohamed morgan ماينفعِش مانقطعش ف فروه بعض انا اصحابي اهلاويه و نافخين بعض نفخ و ممكن توصل ل زعيق و الناس اللي ف الشارع تحوش بينا و نصحي الصبح بيكون كله بخ ولا كان كان فيه حاجه

[@alimekky6822]

حبيبي يا عفيفى حلقة من الاخر

[@negoelmahlawy]

الشناوي مرتين باسم مرة جنش مرة كهرباء مرة القائمة الشرفية ل 10/10

[@toystory3541]

الاغنيه فشيخه مش ممكن يا عفيفى انت قتلتنا

[@deco55511]

دايما حلقاتك فيها اضافه

[@Dexter-hg2ht]

حلقه ممتعه جداااااااااا الله ينور .

[@Alshabahforgames]

حلقة جميلة تسلم يا عفيفى

[@user-bn9hz9fs3d]

أحلى لايك من قبل ما اتفرج

[@mimo201066]

حلقة جامدة يا عقيقى من تميز لتميز

[@youniselnwawe]

يآ رآجل دا انا مستنيك من ساعتها وعمال اعمل رفرش ^^

[@Mustafa700000]

حد دمع بغباء غير ف حتت شيكا ولا انا الي اووفر

[@Mustafa700000]

جايز 😒

[@vectovegas]

والله على حسب حالتك النفسيه لو مش مشغوله وعاطفي في اللحظه دي هتدمع انا عن نفسي إتأثرت ودمعت في الحلقه بتاع المنتخب لما باسم مرسي جاب هدف ووالده لسه متوفي

[@Mustafa700000]

هههههههه ياعم اي حد بيحب شيكا هيدمع كلام ماشي مع الموقف

[@vectovegas]

+MosTafa YosRe مفيش زملكاوي بجد مبيحبش شيكا....كل الحكايه بس رقه القلب ولحظه صفا....ههههههه إيه الكلام اللي بقوله ده

[@Mustafa700000]

ههههههههههه

[@user-cp3dw6pf2y]

تحليل رائع بس ممكن سؤالهل صوتك بيوصل للمدرب او لاى حد من الجهاز الفنى للعمل بة

[@ekrameldien]

ترك الأسباب معصية والإعتماد على الأسباب كفر . فلا يوجد شئ يسمى ب 10% على ربنا . التوفيق كله من الله . ربنا يوفق فريق الزمالك إن شاء الله

[@madystone]

انا مستني الحلقه من امبارح بس حاسس انك بصراحه ما شفتش غليلي الماتش كان فيه كتير اسخن كده وطلع كمان يا بوي

[@samifaied2508]

حلقه ممتازه

[@moseba2187]

اسم الاغنية الي في البداية ايه ؟ ال هي هتضربرهنضرب

[@saadkafafy4759]

حلقه جميله ولكن الاهم .. النقد اللى قلته... عن التقهقر الدفاعي و عدم الضغط على الخصم لازم لازم لازم نتخلي عن الزون ديفينس ونلعب بالضغط على الخصم وقت فقدان الكوره تحديدا امام النجم و الأهـــــــــــــــــــــلي ياريت صوتنا يوصل

[@omarf148]

المفروض فى الاغنية بدل هنولع تبقى ... هنكهرب ههههههههههه

[@mostafaelgzar8582]

وحشنا تحليلك ياعفيفي ٢٠٢٠

[@AhmedAli-kb9cd]

انا بعشقك ي عفيفي ....انت ازاي كتا 😦

[@abonabil5915]

نورت بيتك ياكهربا ⚡❤️😂 هو فعلا نور بيتو بس في الاهلي اني اسف

[@mohamedmishaal]

انا عملت رفرش 100 مرة مستني الحلقة

[@samia24502]

حرام عليك ياعفيفى وربنا بعيط عشان الاغنية الى فى الاخر دى

[@gaser006]

حلقه جامده كالعاده

[@xmidozex]

ء

[@mohamedyousry5287]

عفيفى ما اروعك :-*

[@hossamhasn331]

دائما في نجاح

[@mohamedrady5285]

انا جاى اتفرج ع كلامك عن كهربا و اضحك يا فيفى 😂😂😂😂😂😂😂😂😂😂😂

[@elgzarmostafa2622]

حلقة جاااااااااامدة يا عفيفى

[@jumanajumana2616]

عجبتني أوي الحته بتاعت شيكابالا . يا خربيت دماغك يا عفيفي 😙 😙

[@am6969rr]

انا وملكاوي جدا ومش عارف انا الوحيد الي مش طايق الالتراس والمعكز محمد ابراهيم وعمر جابر ومن زماان يعني

[@peace4721]

دي مشكله شخصيه عندك

[@khaledkikoz5141]

نصيحه ... روح اتعالج

[@am6969rr]

Khaled Kikoz حازم وشيكا زملكاويه جدا وبكوا عشا الفريق وبيفيدوا الفريق لاكن الاتنين دول لا بيفيدوا الفريق و وااحد مشي والتاني كان عايز يمشي ويفسح عقدوا وخاف من الجماهير فا انا مع الفريق مش مع الي يبقى عامل زملكاوي فيلعب

[@peace4721]

يعني هو شيكابالا ممشيش من الفريق ف آخر لحظه ف الانتقالات و كان بيجاهد عشان يهرب؟ يعني مش شيكابالا وقع استقرار الفريق كامل لما اتخانق مع حسن شحاته ف ماتش الزمالك فايز فيه رايح جاي عشان غيره؟ يعني الفريق كان مستقر جدا وقتها ومن يومها محصلش اي استقرار للفريق عشان استاذ شيكابالا اتعمله تبديل عمر جابر واحد من اللاعيبه الرجاله و عمل موسم مذهل السنه ال فاتت و خد أفضل لاعب ف مصر! مش عارف عاوزه يعمل ايه عشان يبقى بيفيد النادي! و اي لاعب بيبقى نفسه يحترف ولو مش نفسه يحترف ميبقاش لاعب عنده طموح اصلا ف دي حاجه متلوموش عليها

[@am6969rr]

Ahmed Gomaa احنا زملكاويه وكل الاحترام يعني - شيكابالا امهر لاعب جه في تاريخ الكوره المصريه المهم هو ليه اسباب وقصص محتلفه كتيير جدا حاجه صغيره منها انو قعد 8 سنين مع فريق درجه تانيه ايام ما كل الناس كانت بتقول مافيش فايده لكن هو كان قاعد وبيدي امل وروح واعتقد كمان انو منع الفريق يهبط كماان فا هو قصه وليه قصص كتيير

[@ahmedabdo7380]

الزمالك في القلب ياولد دين القلب

[@user-oh5kp8ox8w]

حلقة جامدة

[@midoahmed7127]

Allah 3alek ya afify Prince

[@hanyelbialy5867]

#شيكاااا ف القلب زملكاوي ..

[@user-yh4ep5lm5k]

عفيفي يامبدع

[@Ahmedashraf-il3jt]

انا عايز اسأل سوأل يا جامد يا متعنا ديما

[@fathy7072]

ايه رآيك في كهربا دلوقت يا فيفي 😂😂😂

[@AliMohamed-oi1ln]

@الثاني المرعب ايه رايك انت ناو

[@samirokasha5769]

جامده ياعفيفي

[@MohamedAli-vv9gn]

بكره الغايب يعود. وحشتنا ياشيكا

[@Kareem.El.Tohamy]

شيكا :'( قلبي وجعني

[@tahasaleh4501]

يااااه ي عبدالصمد

[@user-bh1om5mf2y]

الله يا نور

[@user-tf2yo6jx7h]

روعة بس هتوحشنا يا شيكا

[@user-pz7ye1zw9e]

حبيبي ياعفيفي

[@user-so7jg2qh9h]

فيييييين ياعفيفي ماتش الزمالك والاهلي مشتاااااااااااق انزل بيه يلا عاوز اشوف كومنتاتك عليه اشجيني ياريس #باصي_لعفيفي

[@cezarcezar5772]

بحبك يا زمالك ♥ شيكا ♥♥ يا تيشيرت العمر يا ابيض ♥♥♥

[@omarabdelkader2711]

ذكريات

[@cheali2]

الله ينور

[@taybhassan6587]

روعه

[@samehtarek1725]

الواحد بيتحسر اما يشوف حال الفريق دلوقتي 😞😞

[@user-qc1oc2st8j]

الزمالكــ و كفى

[@shaloofabahgat4412]

عبقري كالعادي

[@user-em7qf8xn1g]

الزملكاوي الأصيل عفيفي

[@user-mf2hh7xq8z]

يارب ياشيكا ترجع بقي

[@mohammedmostafa2560]

بالنسبه للخمسه الشووول اللى كانوا بيلعبوا ف وقت واااحد دا مش غلط

[@mohamedelbadery5621]

جامدة

[@waelfawzy908]

ملكش حل يا عفيفي

[@mahmodelgandor]

انا داخل انا مراهن نفسي انك هتختم الحلقة بشيكا

[@ahmedelsyed1465]

عايز الحق كم انت كبير يا عفيفي :D انت معلم :D

[@mahmoudrafek7116]

اغنيه عمرو دياب لايقه جداا على شيكا