Рет қаралды 16,542
ينك حجز الكورس ع الواتس:
chat.whatsapp....
رقم حجز الاستشارات : ٠٠٢٠١١٥٠٥٨٦٠٥٢لما النرجسي يقرر يخليكي تخلعيه
امتى النرجسي يقرر انه يخلع منك وبالاصح يخليكي تخلعيه؟
كلنا عارفين ان النرجسي حيخلص منك بمجرد ما يحس انه مش مستفيد منك او انه يلاقي حد غيرك يستفيد منه اكتر زي مصدر جديد للوقود مثلا او ان اهله النرجسيين بينوا له انهم حيرضوا عنه فيجري يترمي في حضنهم ظنا منه انه حيحصل على القبول اللي عمره ماحصل عليه منهم ولا حيحصل عليه هم بس عايزين منه مصلحة هم كمان فبيجذبوه لهم .المهم انه في الحالتين دول بيبدأ يفكر حيخلص منك ازاي من غير مايخسر ويديكي حقوقك وفي الحالة دي بيتحالف مع الشيطان ويبدأ يخطط ازاي حيوصلك انك تتنازلي عن حقوقك كلها في سبيل انك تخلصي منه وتهربي بعيالك وعمرك من اذاه ، طيب بيعمل ايه عشان يحقق هدفه؟
في الأول بتلاقيه في حالة من الصمت كام يوم واحيانا بتوصل لشهور ،في الوقت دة لو هو فاهمك كويس بياخد جنب ومش بيطول ولو هو محتار فيكي مش بياخد جنب بيفضل متواجد بيراقب في صمت عشان يعرف ايه اكبر نقطة ضعف عندك عشان هي اللي حيلعب عليها وطبعا في الغالب بيكون حافظك كويس الا اذا انتي في وعي وتشافي فبتكوني بتتغيري عشان كدة ممكن يقعد يراقبك شوية . المهم بيوصل لاكتر حاجة انتيب بتوجعي منها وبيبدأ يشتغل عليها
١- اول حاجة دايما يبدأ بيها النرجسي في الوقت دة العيال بيبدأ يتقرب لهم بشكل مختلف عن الأول وبيكون بيبين انه بيستبدلك بيهم في الخدمة والوقود ،ولو انتيب تخافي اوي على اولادك حيزود الضغط عليهم استفزازا لكي ، او انه يقلبهم عليكي ويبين لهم انك مقصرة معاه ويراضيهم بكل الطرق عشان في النهاية يساومك بيهم على حقوقك
٢- تاني حاجة بيشتغل عليه النرجسي شغلك خصوصا لو كنتي مبينة له ان شغلك خط احمر يبدأ يقول لك لازم تقعدي من الشغل ولو مش عايزة تشتغلي يقول لك لازم تنزلي شغل وتصرفي في البيت
٣- تالت حاجة يشتم اهلك وخصوصا لو حد منهم مات الاب او الام يبدأ يشتم في اللي مات اكتر لان عارف ان دة حيوجعك ويبدأ يمنعك تزوريهم
٤- حريتك بقى وتنفسك الهوا ممنوع تروحي ،ممنوع تيجي ولا تنزلي ولا تطلعي ولا تفتحي باب الشقة أصلا
٥- خامس حاجة بقى حيحاسبك على كل حاجة واي حاجة تحصل او ماتحصلش ويبدأ يعنف فيكي ويشتم ويطول لسانه وبعضهم بيوصل للضرب لو انتي مفهماه انه يوم مايمد ايده حتمشي فساعتها بيضربك عشان تمشي ، أي حاجة انتي حاطاها له خط احمر حيعملها عشان تطلبي انتي الطلاق ،
٦ سادس حاجة بقى واهم حاجة وغالبا بيعملها اول خطوة لو انتي مش بتشتغلي وملكيش مصدر دخل غيره ،انه يقلل المصاريف وياكل هو برة او عند امه وانتي واولادك عادي تجوعوا عشان يجبرك تروحي لاهلك يأكلوا اولادك
٧- من ضمن الطرق القذرة اللي بيعملها النرجسي عشان يطفشك انه يسيب لك دليل خيانة ادامك يا اما يسيب التليفون مفتوح يا اما يخليكي تشوفيه وهو بيكتب الباس ورد بتاعة الموبايل ،او انه يكلم أي حد ويشتكي منك بالزور وتكون المكالمة ادامك اويعلي صوته عشان تسمعيها
خدي بالك السبع حاجات دول ممكن يكون النرجسي بيعملهم أصلا في حياتكم من غير مايكون عايزك تخلعيه لكن في حالة انه عايزك تخلعيه بتكون الطريقة مختلفة بيكون التصرفات مكثفة ومفيش هدنة كله ورا بعضه وبشكل مستفز وبزيادة وانتي نفسك بتلاحظي انه مزودها وبتوصلي لمرحلة انك مش قادرة تتحملي فعلا وممكن يخليكي تاخدي القرار اللي طول عمرك بتقولي مستحيل حاخده اديني عايشة ومتحملة عشان اولادي ،
ولو غلب معاكي حيروح يتجوز عليكي على اساس تطلبي الطلاق ،طيب هو ليه بيكون عايز يطلق؟ مايعيش دنجوان زي بعض النرجسيين اللي عايز يبقى الحاج متولي ، لا دة بيكون ماعندوش إمكانيات يفتح بيتين او انه بخيل أصلا فمش حيصرف على بيتين ،واحيانا النرجسي بيكون واصل معاكي انك بتفكري بالعار اللي جواه وبتفكريه بنقصه وضعفه لانك احسن منه وناجحة عنه واقوى منه مهما كنتي ضعيفة هو شايفك احسن منه وخصوصا كمان لو انتي بدأتي تتعافي وتقولي لا فهو بيكون شايف فشله وضعفه اللي انتي السبب فيه "من وجهة نظره"فوجوده معاكي بيقتله وبيخليه مش قادر يكمل وعايز يدور على مصدر اضعف عشان ماينشطش الشعور بالعار اللي انتي منشطاه