Рет қаралды 159,372
-
الرسمية لـ قناة ابو يعقوب
Whatsapp :
api.whatsapp.com/send?phone=9...
.
صحيح الجميل اكبر من الشكر والعرفان
لكن الشكر ضروي وحاجه مهمه
ما يجحد معاريف الرياجيل مهما كان
يكود الجحود اللي بيجحد حليب امه
عز الله العزيز انك مجمل يابو سلطان
جميلٍ يكبّر همة اللي معه هِمه
ليا جوني الاجناب جيتك وانا نشطان
ياحظ اللي انت اخوه والا ولد عمه
تردك الهقاوي مثل ما يارد الضميان
على عيلمْ ما تنقص الورد من جمّه
تقول وتطول وتثبت القول بالبرهان
مهي هرجة اللي يصرف الهرج من كمّه
ترا اللي يحط اللّبتن بدلة الرسلان
يحاول يسوي كيف ويسوي مطمّه
ردي البخت حتى لو انه بدون لسان
على المسلمين فعوله اخطر من النمّه
بحبه لنفسه كنّه يفرٌق الخلاّن
لا ضاع التكافل تنخفض لحمة الامه
وترا اللي ما يقبله الله الخالق الرحمن
ما يقبل لون المسك مخلوق في دمه
فعول الكفو ما هيب تبغى شهود أعيان
ولا غطها الا ""واحدٍ ""ما معه ذمه
اسامي تبين وتختفي "واسمك" الرّنان
نحته على صم الصفى في حجا القمه
ياكم واحدٍ لو قال انا فلان وابن فلان
نمرّه مرور اكرام ما نلتفت يمّه
مثل ما تشوم النفس عن منّة المنان
يشوم النظر عن راعي الكبر والزمه
يا جعل المحازم فدوة المحزم المليان
حزامٍ رصاصه يعوي الذيب لا شمّه
هذا سحيم وابا اقولها بالفم المليان
على اسمه متى ما الله رزقك بولد سمّه
ولد شايبٍ تمشي على رايه الشيبان
ابو ختم وابو بشتٍ اشقر وابو عمه
كبير المقام اللي توجه له الركبان
مثل ما يوجه كل مسلم على اليمّه alfan.link/abo_y3gob