Рет қаралды 46,219
إستقبال المغرب لمونديال 2030 كيبقى أحد أكثر اللحظات الفارقة فالمستقبل لقريب لبلادنا، كيفاش لا و هاد التظاهرة اللي كيتبعها العالم و غتعطي إشعاع واسع لبلادنا ، لهادشي من اللازم علينا نكونو مستعدين باش نبانو فأحسن صورة ، و من أهم الاستعدادات، هو تشييد الملعب الجديد للدار البيضاء ملعب غيكون عملاق و المغرب كيراهن عليه باش يكون الواجهة الرئيسية لكرة القدم المغربية
إلا أن موقع تشييد هاد الملعب خالق جدل كبير فالاوساط المغربية .... بزاف كيتساؤلوا كيفاش ملعب الدار البيضاء يكون بعيد على لمدينة بحوالي 60 كيلومتر ، 60 كيلومتر بمعنى إلى استثنينا مباريات المونديال اللي غيكون عادي بالنسبة للجماهير أنها تتنقل، فا فأيام المباريات العادية ديال البطولة الوطنية أو القارية الجمهور ديال الوداد و الرجاء غيبقى يسافر باش يوصل للملعب ، هاد الحقيقة بحد داتها غتخلي بزاف من الجماهير تفضل تتفرج فمنازلها على أنها تنقل للملعب ، و لو نهضرو بكل واقع ، إلى مباريات الرجاء و الوداد اللي هي لب المنتوج الكروي المحلي و قمة مباريات البطولة الوطنية ، لو هاد المباريات تلعبت بمدرجات معامراش بالجماهير، فراه غتكون خسارة كبيرة
إلى جانب هادشي بحال هاد الملاعب الكبرى اللي كتخسر عليهم ميزانيات ضخمة من أجل تشييدهم، تكلفة صيانتهم كتكون مرتافعة و لو مكانوش كيدخلو لفلوس من أنشطة رياضية فراع غيتقلو كاهل الدولة مادية
و كاين بزاف دالأمثلة على هادشي ، اليونان مثلا من أجل إحتضان أولمبياد 2004 فالعاصمة آتينا , قامن بتشييد قرية رياضية متكاملة من بينها ملعب آتينا الأولمبي ، مباشرة من بعد إنتهاء فعاليات الأولمبياد هاد الملعب الأولمبي ، إلى جانب المركبات الرياضية الأخرى ، صبحت كتكل حمل على ميزانية الدولة اليونانية و كاين بزاف دالمتخصصين كيربطو هاد الإستثمار الرياضي الغير مدروس بتراكم ديون اليونان و الإفلاس المالي اللي تعرضات ليه فستة 2008
نفس الأمر بالنسبة للبرازيل ، البرازيل من أجل إحتضان كأس العالم 2014 , قامت بتشييد عدة ملاعب اللي من بعد المونديال مبقاتش محتاجاهم ، من بينهم ملعب الأسطورة البرازيلية جارينشا، هاد الملعب كان فوقت تشييدوا ثاني أغلى ملعب فالعالم و كان كلف 550 مليون دولار ، ولكن من بعد كأس العالم 2014 , الحكومة البرازيلية مقدرتش تتحمل تكاليف صيانتو حيت مكان كيدخلها والوا ، واش عارفين المصير ديالوا شنو كان ، تم تحويلو لمستودع حافلات، غاراج كتسطالا فيه الطوبيسات و الكيران،