Рет қаралды 9,147
الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
الصورة الخارقة للمرأة القادرة على شفاء آلام الراجل وحل مشاكله بقوة حبها اللانهائية اللي حتقدر بيه تغيره وتغير حياته وتنقذه من الضياع وتحل كل مشاكله سواء كان مدمن او مفلس او عنيف بيضربها بحجة انه عاش طفولة صعبة ومأساة في الماضي خلته يبقى كدة
الغريب بقى ان الراجل الغير سوي اللي عنده مشاكل واضطرابات ومش قادر يغير نفسه بنفسه ولا يواجه صعوبات الحياة بنفسه ومش عايز يتعب نفسه وبيدور على حد يقوم بكل واجباته ومسئولياته اللي مفروض يعملها عايز حد يعملها بداله الراجل دة بقى بيبقى قاعد مستني النوع ده بالذات من النساءعشان يجي ينقذه فعلا، هو بيعرفها اول ما يشوفها وبيقرر يصطادها وبتكون تحدي له ولما فعلا بيحصل عليها بيحس انه كسب التحدي وبيكون عارف ان هي دي اللي هتقبله بعيوبه وهتحل له مشاكله وتشيل هي الليلة كلها، وهي طبعا هتجري عليه عشان هي أصلا بتدور على الضايع اللي هتنقذه وتعتني بيه عشان هي كمان عندها مشكلة انها محتاجة تحس ان في حد محتاجلها ومعتمد عليها كطريقه الوحيد للخلاص!!
و للأسف هذا السيناريو البائس موجود في المجتمعات كلها من قديم الازل والاعلام بيأكد على الصورة دي ويرسخها في عقولنا طول الوقت ومن اكتر الأمثلة المشهورة قصة الجميلة والوحش، البنت الجميلة اللي عاشت مع الوحش المرعب الغضبان عشان تنقذ اسرتها من شره ورغم انه في شكل وحش وطباع وحش حبته وقررت تفضل معاه وفي النهاية وبفضل حبها وتضحيتها رجع تاني بني ادم رائع ، أمير مش مجرد شخص عادي، وكأن دي كان مكافئتها على تضحيتها ودخولها في علاقة غير سوية وان النهاية هتكون سعيدة وخيالية !!
في الواقع هي نهاية خيالية فعلا، لان القصص الحقيقية من النوع ده عادة بتكون نهايتها مأساوية !! تخيلوا بقى ان القصة اللي كل المتعاطفات وانا منهم بنحبها جدا وبنشوفها من جانب العطاء والتضحية والحب العظيم تطلع قصة مدمرة للذات ونهايتها خيالية تماما ومالهاش علاقة بالواقع والدليل على كدة ان لو الزوج المختل وظيفيا لو اتغير واتهد بيكون كبر وعجز وفقد كل مقومات الزوج اللي كانت الزوجة محتاجاها وهي بتحبه وبتحاول تغيره بحبها ومبقاش الأمير الجميل ولا حاجة لانه مش بيتغير غير لما الزمن يهده والعمر يفرغه من كل قواه وافتراه فعلا هي اسطورة واحنا مفروض نراجع نفسنا في اعتقاداتنا في القصص الأسطورية دي لان معظمها غلط وبيرسخ قيم غلط فاتعلموا دايما تفكروا في أي حاجة تشوفوها او تقرأوها واعرضوها ع المنطق وعلى العلم وشوفوا هي صحيحة ولا لا وخصوصا مايتعلق بالعاطفة لانها طبعا نقطة ضعف المتعاطفات والمتعاطفين طبعا
طيب خلينا نرجع تاني لكي ايه اللي بيخليكي مصرة انك تدخلي في الوضع ده؟ وضع الاميرة والوحش وليه بتدوري ع الوحش بنفسك وبتسعي له ؟ السبب هو رغبتك الملحة في التحكم في حياة شخص اخر، مشاعر الخوف و الغضب والتوتر اثناء الطفولة والشعور بالذنب والخزي والشفقة على نفسك وعلى اللي عايشين معاكي في نفس الظروف بتخليكي دايما مدخلة نفسك في حالة الانكار كآلية دفاع عشان تحمي نفسك من المشاعر دي بتنكري ان فيه غلط أصلا في حياتك وبتنكري ان أي شخص بتحبيه ممكن يكون فيه عيب او ممكن يكون وَحش وبيتولد عندك حافز قوي لا شعوريا ورغبة قوية للتحكم في اللي حواليكي وفي امورهم عشان تغيري الواقع اللي انتي مش عايزاه ، فالانكار دة بيخليكي تقدري تهربي من الم المشاعر اللي بتتعرضي لها من ادراكك لسوء الوضع او الأشخاص اللي بتحبيهم
طيب ازاي الانكار ده بيخلي الطفلة دي لما تكبر يكون عندها طاقة حب هائلة وعطاء لا محدود ؟! الانكار بيكون انكار للحدث نفسه وانكار للمشاعر الناتجة عن الحدث ده، يعني مثلا الطفلة اللي كبرت في بيت فيه اب بيرجع متأخر كل يوم بسبب الخيانة والعلاقات المتعددة، والام بتبرر غيابه بأنه مشغول جدا بيشتغل كتير عشانهم، فتبدأ البنت بانكار الحدث نفسه اللي هو الخيانة، وتقنع نفسها انه في الشغل فعلا وتبدأ تتعاطف معاه عشان بيشتغل كتير وبيتعب وده بيكون انكار للمشاعر الحقيقية، انكرت الشعور بالخوف والغضب والخزي واستبدلتهم بالتعاطف مع الاب الخائن !!
لما تعيش فترة طويلة في هذه الاحداث البائسة وغيرها الكثير من الاحداث المؤلمة و الصعب التعامل معاها حتتكون عندها خاصية الانكار بقوة وحتبدأ تشتغل عندها بشكل تلقائي لانها هتفضل عدم الشعور بأي شيء على الاطلاق للهروب من الألم المستمر، ومن النقطة دي بتظهر الحاجة للتحكم في الأشخاص والاحداث في حياتها من خلال التحكم في كل حاجة حواليها عشان تخلق لنفسها شعور بالأمان عن طريق انها منعت الصدمات والمفاجآت والمشاعر المؤلمة عن طريق تحكمها في كل حاجة حواليها .وبالتالي يتم الاعتقاد انها كل ما اتحكمت في العلاقة وفي الشريك اكتر هتقدر تمنع حدوث أي صدمات او عقبات او أي احداث قد تسبب لها مشاعر مؤلمة هي مش عايزة تتعامل معاها. ومن هنا بتدور على شخص بائس ضايع محتاج حد يعمل له كل حاجة وهو يقعد يتفرج عليه وياخد ومايديش وبالتالي هي اللي حتمشي له حياته وحتعمل كل حاجة بنفسها لحد ماتوقفه على رجله وتخلق منه رجل ناجح وأول ما ينجح ويكون استنزفها ياخد نجاحه ويمشي يدور علي غيرها يكون عندها عطاء جديد من نوع تاني يمص دمها برضه ويسيبها ويمشي ،
يعني ممكن تعيش سنين من الشقاء وحياة كاملة من البؤس والعطاء فقط لعدم قدرتها على الاعتراف بوجود مشكلة مدمرة انها اختارت تعيش في حالة انكار تامة وكأنها تتحكم في كل شيء تماما وان حياتها مثالية !! وفي الحقيقة هي مش متحكمة في حاجة أصلا هي تم استغلالها أسوأ استغلال ومش بتفوق غير لما ياخد نجاحه وتعبها ويمشي وتكتشف انه بيخون زي مين ؟ زي الاب اللي كانت مكتشفة انه بيخون وتستمر الدايرة واجيال بتسلم اجيال
#صحةـنفسية #القوة #الاكتئاب #النرجسي #النرجسية