النهاردة و بكرة و بعده و كل يوم لغاية لما تشرب الطريقة بالظبط

أكيد معظمنا سمع عن المديتيشن قبل كده… اللي هو التداوي بإنك تقعد مع نفسك كده وتفكر في ولا حاجة
المديتيشن بالمناسبة مش هو التأمل
التأمل انك تقعد مع نفسك، وتتأمل وتفكر وتحاول تفكر بوضوح
اللي انا جاي أكلمكم عليه النهارده مش هو ده خالص
اللي انا جاي اتكلم عليه النهاردة وعلى أهميته الشديدة هو مديتيشن… اللي بيعلمك انك ماتفكرش في اي حاجة في الدنيا
لكن تعالوا احكيلكوا قصتي مع المديتيشن من الاول
انا بشتغل مهندس برمجة، وبعمل برامج وتطبيقات للموبايلات
جانب من حوالي سنتين، عميل من فرنسا، عاوز يعمل برنامج للمديتيشن، علشان هو بيعمل سيشنز، بيعالج فيها الناس بالمديتيشن
ولأني كنت سمعت عن المديتيشن ده ميت مرة قبل كده وعن أهميته الفظيعة من براين جونسان ومن براندون بيرشارد ومن ميت واحد غيرهم، فا دي كانت فرصة مهمة جدا ليا اني اتعلَّم المديتيشن صح، علشان لما اعمل المشروع اللي مطلوب مني، اعمله يفيد الناس فعلا
فا رحت نزلت أشهر برنامج للأيفون والاندرويد في العالم لتعليم المديتيشن، والبرنامج اسمه: هيد فيرست - او: الرأس اولا
تعليم المديتيشن انك تحضر حصة او سيشن ١٠ دقايق يوميا
تتعلم فيهم ازاي انك ما تفكرش في اي حاجة خالص
الموضوع ممكن يبان سهل انك تقعد ١٠ دقايق ما تفكرش في حاجة خالص
لكن لو جربته في الاول، صدقني: الموضوع اقرب للمستحيل
الهدف من تعليم المديتيشن انه يعلمك انك تفصل دماغك وتفكيرك عن الدنيا كلها وما فيها لمدة ١٠ دقايق متواصلة، لكن وانت صاحي وفي كامل مش وانت نايم
طيب هاستفيد ايه انا حضرتك لما اكل المديتيشن اللي انت قاعد تطبخ فيه ده سيادتك؟؟؟
الاستفادات كتيييرة جدا جدا لا حصر لها بجد
استنى بس يا عّم أسلوبي… انت بتتعصب بسرعة، ومحتاج مديتيشن فعلا
بس هاقولك اللي انا استفدته من المديتيشن ده
اول حاجة فهمتها واتعلمتها لما اتعلمت فعلا المديتيشن الصح، ان كل حاجة في المديتيشن ده، موجودة في الصلاة الصحيحة… مش الصلاة الكروتة الهبل اللي بنمضي بيها حضور وانصراف دي
الصلاة الصحيحة
اللي هي: اول لما تقف، وترفع ايديك لربنا، وتاخد نفس كامل بكل هدوء وتقول: الله أكبر
وأول لما تقول الله اكبر… الكون كله يقف
مفيش حاجة خلاص في الكون
مفيش ورايا حاجة مهما كان
مفيش شغل ولا مشاكل شغل
لو الشغل ومديري اللي في الشغل انفجروا دلوقتي حالا، ولا يهمني
مفيش أولادي ولا مشاكلهم خالص
مفيش ورايا ولا ديون ولا اي هموم
انا خلاص… مش معاكوا في الدنيا دلوقتي
انا مع ربنا
إنتوا والكون كله تحت… وانا في حتة تانية خالص، مفيش فيها اي انشغالات ولا مشاغل ولا حياة
انا واقف بي ايدين ربنا
اللي بإيده الكون بتاعكوا كله
هاقول: الحمد لله رب العالمين
واقف لحظة كده، وافهم وأحس انا قولت ايه
مع كل كلمة هاقولها هايكون في اطمئنان حقيقي في قلبي
كل حركة، يكون معاها: اطمئنان
يااااااة…. مستحيل اقدر اوصفلك انت بتكون فين لما تصلي كده
بتكون فعلا في مكان تاني خالص
لما بتخلص صلاة… بتبقى فعلا منتظر الصلاة اللي جاية بفارغ الصبر، علشان تروح نفس المكان ده، وتسيب الدنيا والكون والمشاكل والمذاكرة والأولاد ومشاكل الاسرة والديون والضغط النفسي والعصبي… وتروح عند ربنا… وتقف وتقول: الله اكبر
وتاخد نفس طوييييييل… وقلبك بجد يبقى في اعلى درجات السعادة والاطمئنان … وَيَا باختك بجد وانت في رحلتك اللي بتقابل فيها خالق الكون كله، وانت واقف لواحدك عنده، وتقول: انا جيت يارب، بقلبي وروحي وتفكيري، ورميت كل همومي وانشغالاتي واتخلصت منها،
ساعتها بس هاتفهمليه في ناس بتقف تصلي قيام ليل بالسعات يوميا… وبتبقى ساعتها خارج نطاق الكون
انت محتاج تفصل نفسك عن الكون كله لمدة دقايق بس، علشان تقدر ترجع تاني إنسان جديد
اول لما تقف بين أيدين ربنا علشان تصلي، قول لمل فكرة هاتحاول تدخلك: اياكش تولع
هاتحس براحة بجد فظيعة
انا متأخر اوي في الشغل: ان شالله يولع الشغل باللي فيه
انا متأخر في المذاكرة… اياكش تولع المذاكرة على المناهج … عجبتك دي اوي انا عارف… هههه
كل فكرة هاتدخل وتحاول تشتتك، هاتكون هي فرصتك لطردها وتحرير نفسك من كل قيود الحياة … هاتكون حر مرة تانية، مهما كانت قيودك
وافتكر دايما… انك محتاج تفصل نفسك عن الكون وانت صاحي وفي كامل وعيك
النقطة التانية: برنددون بيرشارد بيحكي بالتفصيل في الفيديو ده:
ازاي هو بيجبر نفسه على طرد كل الأفكار من دماغه علشان يعرف يعمل مديتيشن
هو بيقول انه اول لما بيروح من الشغل، وقبل ما يقابل مراته، لازم يعمل مديتيشن لمدة ٢٠ دقيقة كاملة، يفضّل ال ٢٠ دقيقة يقول فيهم… ريليز… وياخد نفس طويل
ويقول ريلييييز وياخد نفس
ويفضل يكرر الموضوع ده ٢٠ دقيقة
وهو بيقول انا اللي اخترعت كلمة ريليز دي، انت ممكن تقول اي كلمة
انا كنت بتعلم اعمل مديتيشن، كنت بفضل أقول وانا رايح الشغل بالعجلة طول الطريق، ريليييييز
وبعدين لاقيتني بقول بدالها… الله اكبر، واخد نفس… وأقول الله اكبر واخد نفس طويل… وأفضل أعمل كده طول الطريق
ربنا بعتلي ناس ملهومش اي دعوة بالدين لا من قريب ولا من بعيد، يعلموني ازاي اصلي صح، وإزاي أقول أذكار صح، وإزاي أعبد ربنا صح، وأستفيد فعلا في يومي وحياتي من الصلاة والذكر والدعاء
ودي فرصتك انت كمان… انك تتعلم رؤية للصلاة والذكر من زاوية جديدة مختلفة
واجب الحلقة بتاعك النهاردة:
هات كراسة اُسلوب في رمضان بتاعتك
ووقف الفيديو ده، وشغله من الاول خالص تاني
دلوقتي حالا ما تنتظرش
وتكتب كل نقطة تشوفها مهمة في كراستك
وتروح تطبق النقط دي كلها وانت بتصلي وانت كمان بتذكر ربنا
الحلقة دي بالذات، ما ينفعش تشوفها مرك واحدة ابدا
دي تشوفها تاني دلوقتي حالا
وتشوفها بكرة وبعده وبعده وكل يوم لغاية لما تشرب معنى الصلاة والخشوع بين يدي الله… وكمان ترجع للحلقة دي مليون مرة تاني، كل ما تعوز تشحن نفسك فهم وحب للصلاة والعبادة
بنفكرك انك هاتروح تصلي دلوقتي حالا بقلب جديد … نفس عميق
… ابتسامة في قلبك
وخليك حبوب بقى وتدعيلنا معاك… بلاش بخل يا راجل

[@noura7859]

الطريقة دى احد اهم وسائل لبرمجة العقل الى ذكرها الدكتور إبراهيم الفقي

[@asmaamohamed5809]

اللهم اجزي من عمل هذه الحلقه او ساهم بعملها عنا كل الخير وجعله الله في ميزان حسناتكم بجد شكرا

[@Omar19990]

اجزِ صححها

[@hossamhassan179]

سبحان من جعل الصلاة راحة لقلوبنا قبل اجسادنا

[@user-wv4hv6cd1k]

انا ده فعلا اللى بدور عليه لما باجى اصلى بتمنى ان عقلى يتوقف عن التفكير وان كل الافكار تطلع من دماغى واكون بس مركزه فى الصلاه واكون خاشعه ومعزوله عن العالم

[@abeerkhalid1052]

5:34 عظمة يا أسلوب عظمة⁦❤️⁩😂😂😂😂😂

[@Whale-fg9ff]

حكم والله حكم

[@thechildinyou637]

بارك الله فيكم إحنا محتاجين نجدد إيماننا وخشوعنا كل يوم حتى نلقى الله بقلب سليم 💚🙏🏼

[@habdoulelmon3em658]

اسهل إنك تقول التفكر في عظمه ربنا وده إلي علمه لنا النبي صل الله عليه وسلم

[@ikhlasalaoui]

قناة رائعة.بلمسة إبداع مبهرة.نشكر قناة أسلوب على الإفادة و الروعة في تقديمها.

[@thegirlofbooks9411]

تحفة بجد يا. رب نعرف ننفذ الفكرة دي بجد!

[@dr.habibamet.6764]

كنت لسه والله حالا بشوف فيديو هل الميديتيشن ده حرام ولا لأ ؟؟ و لكن سبحان الله لقيته قدامي ❤️❤️❤️❤️❤️❤️❤️❤️❤️❤️ الصراحه عظمه على عظمه👍🏻❤️❤️❤️❤️

[@daniafarhat5537]

انا من زمان بتأمل بس ما بقدر اركز كثير😞 بس من اليوم خلص رح ابدأ من اول وجديد ورح اطبق الي بالفيديو 💫 شكرا على الأسلوب الرووووعة👌💛

[@emykoki6593]

مليون شكر يا اسولبي الحلوو ، نسبة خشوعي ضعيييفة جداااا 😥😭.

[@Ghayth_Mahmoud]

الله أكبر عليك ي إسلوب💕 جزاى الله إسلوب خيرا 💓 دخلت الفيديو جميلة جدا ، وجميل أوى إن من حاجة لا علاقة لها بدين وصلتها ي إسلوب بدين 💯. #جزاى الله إسلوب خيراً💖💖💖

[@aurelius784]

القناه دي من أفضل القنوات اللي شوفتها ف حياتي،وتحية كبيره لفريق العمل⁦❤️⁩ . -بعد اذنكم أنا عايز أعرف ازاي مش أخلي المذاكره تتراكم عليا عشان المشكله دي بتحبطني ومبعرفش اذاكر بسببها. - ازاي أحس باستمتاع وانا بذاكر مواد زي الكيميا والفيزيا ومش أضايق.......وأتمني الرد علي أسئلتي 💝

[@esraaabdalalimahmed3983]

جيه في وقته والله ديما بتيجوا في وقتكوا ❤

[@ahmedayousha9425]

سيدي العزيز انت وقناتك طريقة رائعة لتنمية جيل يحترم وطنه ويحترم دينه كم انت مبدع اتابعك مذ بدأت ليتك تركز على التعليم وتطوير اداء المعلم والطالب

[@esrasuliman5449]

رااائع يارائع جزاك الله خير ، محتاااااجين جدا نحسن صلاتنا لانه بيها حتتصلح كل حياتنا وسلوكياتنا حتى ،و فيها بنرتاح من مشاكل الحياه (ارحنا بها يابلال)

[@wafaazahran]

كنت شفت فيديو هنا من اكتر من سنه بيتكلم عن الميديتيشن ولما بحست عنه واتدربت عليه فعلا فرق معايا جداااااا خصوصا لو ام وعندك أطفال صغيرين وبيعرضوكي للتوتر كتير شكرا لاعاده نشر الفيديو مره تانيه💞

[@muhamedzainelabden4159]

ربنا يباركلك جت في بدايه الانتظام ربنا يثبتنا بحبل الله. اللهم إنك عفوا تحب العفو فاعفو عنا.

[@tamer8418]

صدق الرسول صلى الله عليه وسلم عندما قال أرحنا بها يا بلال الصلاة كانت راحه وسكينة للرسول واغلليتنا بيعتبرها فرض لازم يعمله😔

[@Arwa-gt3kr]

كنت محتاجه الفيديو ده 🥹

[@user-kz4qv6nf5b]

جزاكم الله كل خير قناة أسلوب علي نصائحكم الجميل الرائعه المميزه والله يوفقكم ويسعدكم♥️♥️♥️

[@reno5645]

الل.. أكبر... من أجمل الحلقات و أعظمها و أقواها...❤❤❤❤❤❤❤❤❤🙏🙏🙏🙏🙏🙏🙏🙏

[@anassgourrane2525]

هدا الفيديو والقناة ككل فوق الوصف رائعة 🤩 رائعة فقط لو اضفتم عدم استعمال الموسيقى في الخلفية مثل هدا الفيديو سيكون افضل من كل النواحي

[@osamashalaby6036]

رائع وجميل ... انت على حق.. اذا استطعت الخشوع في الصلاه... عملت اكبر ميديتيشن في يومك

[@asmaasayed1464]

اشكرك بجد جزاك الله خيرا ورحمه ومغفرة ورزق وتوفيق

[@amirasaad4973]

عاااش ي أسلوبيين💜💛

[@nadasamir9015]

دة اجمل فيديو ممكن الواحد يشوفه الفترة دي شكراا 💙

[@sarahmo8515]

انت اكثر من مبدع👍💪

[@simaanageeb9218]

من أجمل الفيديوهات اللي سمعتها جزاكم الله خيراً

[@user-il9cp4gj2t]

تسلم ياريت البرامج الل بتفسر الدين صح والحياة تبقي كتيرة ...بارك الله فيك

[@manarhassan1065]

شكرا بجد بحس ان كل الحلول موجوده علي أسلوب جزاكم الله خيرا وجمعني بكم في الجنه وكل عام وانتم بخير وثبتكم علي الطريق المستقيم بجد شكرًا ❤❤❤❤❤

[@nahedanber9837]

ربنا يكرمك ويجازيك خير

[@sarahmuhammedahmed4614]

اسلوبيييييي ❤❤❤ جزاكم الله كل الخير سمعت حلقتكم امبارح و النهارده قد ايه جميله 😍😍

[@hananereda7149]

هذا من فضل ربي جازاك الله كل خيييييييير بارك الله لك

[@user-qp4bk6xe5x]

بارك الله فيك🌹🌹

[@user-eg1bt4qu1h]

شكر علي الحلقة ده

[@shaimaagamal20]

ربنا يكرمك مهندس محمد عبدالكريم ويتقبل منكم أسلوب

[@user-gs1iv8im1m]

الله يفتح عليك ويجازيك خيرا ❤️

[@yassinetalmousst2811]

مشاء الله. بارك الله فيك .

[@user-vg8yx6zl2b]

جزاك الله كل خير انسان محترم بجد قدرت تقول المحدش النهارده يقولو ع منابرنا للأسف من شيوخ الأزهر

[@_Moro82]

ربنا يجازيك خير ويبارك فيك اخي الكريم

[@positiveenergiewithwafa2426]

بارك الله فيك هذا الفيديو في ميزان حسناتك ان شاء الله

[@akilapsy2717]

جزاكم الله الخير كله..مفهوم مميز لمعنى الخشوع.. بوركتم

[@maaznoori2563]

جزاكم الله كل خير

[@user-xe7vi5io1p]

سبحان الله عدد ما كان وعدد مايكون وعدد الحركات والسكون , جزاكم الله خيرا فريق أسلوب ❤️

[@fatemhkawajah1738]

شكرا يا اسلوب عنجد انا ستفدت منك

[@linanegm9862]

بجد بجد بجد الحمد لله ع وجودكم ي اسلوب🌸

[@hossam_yakout]

جزاكم الله كل خير .. بارك الله فيكم .. حلقة رائعة⁦♥️⁩🌷

[@Dewdarko]

الفيديو فادني جدا💖

[@user-iw2gv7uq9l]

بجد الفيديو جميل استفدت منه جزاك الله خيرا وبالتوفيق ان شاء الله

[@hallodeutsch2568]

حقيقي اجمل حلقه شوفتها جزاك الله كل خير ❤

[@raniaelganainy6563]

الله يرضى عليكم 🌹 جزاكم الله كل خير 🌹 🌹 🌹

[@futurecraft8060]

شكرا بجد

[@armyforever7376]

والله شكرا كتيييير انت تستاهل اكتر من كده والله 💖

[@user-mj9uo8ef5p]

رااائع جد فيديو كثييير راائع شكراً اسلوب

[@tataah947]

أنا بحبكم و بحب قناتكم جداً ربنا يوفقكم❤❤

[@ibrahimelazb54]

جزاك الله خيرا جت في وقتها فعلا

[@saharmohamed4265]

والله يا أسلوب مش عرفين نودى جميلكم فين ربنا يوفققكم وشكرا القائمين على الحلقة

[@naser730]

حجربها جزك الله خيرا

[@reanrean5349]

ماشاء الله على الابداع 💕💕 ربي يوفقك وفي ميزان حسناتك يارب

[@user-fw4mr4kj1r]

ربي يسعدكم ويعطيكم العافية عالمجهودات الجبارة وعالمحتوى الاكثر من رائع 💕💕💕

[@user-ub9rz3xs2w]

جزاك الله خيرا يا أخى

[@zakariyahassan2465]

جزاك الله خير

[@user-yl3wv5wn5s]

ربنا يكتب اجرك ويرفع قدرك

[@mohammedrajih1343]

بارك الله بكم استاذ وشكرا لفريق العمل الرائع

[@abubakerjandan]

الله يجزاك خير وبارك الله فيك أستاذي العزيز ما قصرت فيديو جميل الله يعطيك الصحة والعافية ويحفظك دائمآ مبدع مع كل فيديو بيض الله وجهك

[@mahmoudkamarMKD]

ايه الروعه دي 😍😍

[@sihamabdelatty2231]

جزاكم الله خيرا

[@SaRaAhmed-gb4ul]

يااااااللله ع العظمه من أجمل الجلقات بجد💛💛

[@alaaali1286]

الفديو جميل جدا♥️ شكرا يا اسلوبي💙

[@omaralissa458]

ما شاء الله جزاكم لله الف خير

[@ahmeddesoky5599]

ما شاء الله ربنا يجعل هذا العمل في ميزان حسناتكم

[@user-xj4pf4mb3s]

الله يسعدكم ويوفقكم ..شكرا.

[@user-he1kx1bb6q]

جزاك الله خيرا

[@shaimaa823]

جزاك الله كل خير وبارك الله فيك اخي الكريم على هذا المجهود الرائع

[@nourdaas3683]

أسلوب من أعظم القنوات بحبكن كتير❤❤

[@sciencetoon-3018]

الفيديو ده عظيم

[@auraPlus-h5q]

انت مبدع جدا والله 🖤👌🏻

[@user-jd3sd9rp1d]

جميييل جداااا جزاك الله خيرا

[@user-io3sg5bv6r]

رائع جدًا، شكرًا لك.

[@ommohanad6842]

جزاكم الله عنا خيرا

[@user-hm5wn2wd9k]

شرحكم عجييب يا اسلوبييي استمروا❤❤❤❤❤❤❤❤❤❤❤

[@mariamhashem5114]

ربنا يبارك فيكوا ويرضي عنكم يارب

[@abdullah.mahmoud]

أحسن قناه في العالم 😍

[@nadasaieed178]

الحلقه روعه👍👏👏 جزاكم الله خيرا

[@nourdiab1149]

انت انسان عظيم❤️

[@fadwafuad4181]

ربنا يسعدكم يااارب ❤️❤️

[@malakm8143]

انا هشوفها كل يوم يا اسلوبي 🤗😍💕

[@user-il9cp4gj2t]

ياااارب

[@-mahmoudsoliman5608]

جعله الله فى ميزان حسناتكم 🤍🤍

[@nohazedan5200]

بجد شكراً حلقه حلوه جداً

[@user-yl4bb6qi2t]

اروع فيديو ❤️❤️❤️❤️❤️❤️✨ جزاك الله كل خير 💙💫

[@boosygamal8636]

ربنا يكرمك

[@zainabosmen2058]

جزاك الله الجنة يارب💜💜

[@nourmohammad1750]

حلو اوى

[@user-fe2id4oz4e]

ايه الجمال ده حفظكم الله

[@abdelmonemelkholy44]

لايك اكيد قبل الفدبو 💖🌚

[@nahlashawki1243]

رائعه جزاك الله خيرا

[@user-vy7jo5ss4u]

شكرًلك