النجوم المرقبة - جزاع المري (حصرياً) | 2024

للتواصل والاستفسارات
الحسابات الرسمية :
bio.site/i505
الابيات :
الله من ليلاً سهرته لين نور الفجر بان
ماغير انا وهجوس شعري والنجوم المرقبه
حنا ثلاثة نعرف الرابع على بر الامان
لكن ليا من شافني ضايق يقوم ملعبه
طلبت رابعنا صحيب لي ماتنظره العيان
لا قلت يا نطاح جاء قدام بإسمه لا اطلبه
اخذت انا وياه جوله والهواجس ماتهان
ايلين حاصرنا القصيد العذب واخذنا اطيبه
ترى الهجوس اللي ليا من جت ماتطرب للاذان
احسن لشاعرها مايعبث فالقصيد ويكتبه
ولا اقول انا افضل شاعراً غنى وطاوعه اللسان
لكن قسمي فالقصيد الجزل محدٍ يقربه
يا سعود ابن عايض تحزم بي على طول الزمان
وانته حزامي يا ابن خالي فالسنين المرعبه
يانسل شيخاً لا احتمى الماقف وجاء مس البطان
يارد على حوض المنايا من حماس ويشربه
راح و رحل ياجعل روحه تنعم بخضر الجنان
اللي فعول الطيب تفخر به ومجناه اذهبه
خلف زحولاً ماتعرف الذل يوم الامتحان
الكل منهم للصعايب ما تراخى منكبه
منهم لواء يارد على الهيجاء ليا هاب الجبان
يالين قدم روحه بكفه لداره وعربه
هذاك عبدالله و ابو رسام له قدر وكيان
ضحى بروحه للسعودية نهار الموجبه
قدم على ضرب المشوك فيه عزم وعنفوان
ماقال انا مالي دخل ولا على افضل مرتبه
يحق لك تفخر بهم يا سعود و ارق براس ابان
واطبع لهم ديوان كامل للبطوله واكتبه
ذولا رقو للمجد بالافعال يوم العز بان
ماهم من اللي بانين مجده بطوبه وخشبه
وانته يا ابو عايض مقدّر ولك قيمه والك شان
يا سعود يا سعد الرفيق وسيفه اللي يقضبه
حفلك سطع نوره وضيفانك لهم قدر ومكان
روس الرجال اهل الحمايا والفعول المتعبه
يامرحبا بضيوفنا الوافين خطلان اليمان
ترحيبةً تنقاد من حد الحساء لين تربه
يا مرحبا والحيل والقعدان من فوق الصيان
تقديركم ياروس قوماً فعلهم ما له شبه
و يا مرحبا بأسماء بني عمي هل الفعل التكان
لاد الدميني نجمها الوضاح عالي كوكبه
العود منا لا صهل يصهل كما صهيل الحصان
والشبل منا ينطح الفريس ما خط شنبه
اليا دحمنا ندحم بجنباً ما يدخله الليان
واليا بطشنا فعلنا حط رقبه فوق رقبه
يوم الزمان الصلف قبل الدار يدخلها الامان
يرعى جملنا في ديار القوم محدٍ يقربه

[@wfz5]

مبدع يا عجاب 👏🏻👏🏻

[@ابومحاسنربيع]

صح لسانك

[@فهدشهراني-غ9ش]

الجميع علا راسي