Рет қаралды 9,363
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
نوع خبيث من أنواع النرجسيين ماحدش أتكلم عنه كتير بالرغم من ان كتب علم النفس اتكلمت عنه ، النوع دة اسمه النرجسي الانتقامي ، هو اكيد كل النرجسيين عندهم نزعة انتقامية لكن بدرجات بتزيد حدة الانتقام وبتقل على حسب طيف النرجسية ، لكن النرجسي الانتقامي دة حكاية تانية هو أصلا قبل مايبقى نرجسي كان انسان مش بيسيب حقه ولو كلمة لازم يردها ومش بيرتاح غير لما يجيب حقه من الناس ولا ينام ولا يهدا له بال غير لما ياخد حقه النوع دة من البشر مش بيعرف يسامح ولا يتسامح ولا حتى مع نفسه ، فلما الصفات دي تكون في نرجسي عنده التعاظم والكبر والاستحقاق اللي بدون أي حق ، حيكون ازاي ؟ حقول لك
١- أولا بيكون مسيطر ومتحكم بشكل لا يحتمل لازم الدنيا كلها تتحرك بطريقته وعلى كيفه كل حاجة بطريقته وتحت سيطرته كل نفس بتتنفسيه لازم يكون عارفه وموافق عليه ، فيه ناس بتاكل اللي هو عايزه فعلا حرفيا ومتاكلش اللي هي بتحبه ولازم تاخد الاذن امنه انها تنام ، ولو نامت وهو مش عايزها تنام بيسود عيشتها بعدها لانها تعدت حدودها معاه وعملت حاجة من غير اذن وماسمعتش كلامه فلازم ينتقم منها وبعضهم بيقول بصراحة وبجاحة لزوجته انتي غلطتي ولازم تتعاقبي ، ليه لان هو شايف انه الافضل والاهم والاقوى لانه هو اللي معاه السلطة في البيت وبعضهم بيقول لزوجته انا الله تبعك وانا ربك ،في نفس الوقت نظرته للناس والعالم انهم ضعفاء وغير قادرين ومحتاجين حد يسيطر عليهم ويمشيهم واكيد هو الحد دة واللي مش حيعترف بكدة حينتقم منه
٢- ثانيا دايما يسعى للوصول للسلطة وكراسي السلطة والمناصب العليا وبيكون خطر على المجتمع لو مسك سلطة فعلا لانه مش بيعدي اي هفوة لاي حد وبيستمتع بانه يعاقب الناس واي حد بيعارضه بيكون مصيره سيء ، ولو ماعرفش يكون في كرسي سلطة بيسعى ورا المال عشان يوصل بيه لاصحاب المراكز وكراسي السلطة ويكون موجود في مجالسهم ويكون دايما في وسطهم
٣- ثالثا النوع دة مش شاطر في أساليب التلاعب بتاعة النرجسي العادي ملوش في الجاسلايتينج اللي هو يقول حاجة ماحصلتش ويقنعك انها حصلت وانتي كنتي موجودة بس انتي ناسية ويشكك في عقلك ، ولا له في نظام قلب الترابيزة ولا اللف والدوران ليه بقى ؟ أولا هو مش ذكي هم كلهم اغبياء للأسف لكن النوع دة اكترهم غباء ومشاعر الانتقام مسيطرة عليه وهو مابيقدرش يسيطر عليها ، يعني هو كل تفكيره حنتقم ازاي ومش بيقدر يتحكم في أفكاره الانتقامية دي ولأنه غبي فمش بيعرف يستخدم حتى أساليب التلاعب في انتقامه من ضحيته .
عشان كدة فيه حالات بتيجي تقول هو بيعمل صمت عقابي طويل لكن مش بيعمل جاسلايتينج ولا بيلف ويدور وغالبا مش بيكذب وتبقى محتارة ومعدي العشرين في اختبار التلاتين سؤال يبقى نرجسي ولا لا؟ غالبا هو نرجسي ولو لقيتي فيه العلامات بتاعة النهاردة يبقى نرجسي انتقامي
٤- رابعا مستحيل يقبل النقد او الرفض ولا النصيحة حتى لو كانت لمصلحته وممكن يؤذي نفسه ويخسرها لمجرد انه يوريكي ان نصيحتك زي قلتها وانتي أصلا ملكيش قيمة وازاي تتجرأي وتنصحيه ، الثلاث حاجات دول بيثيروا رغبة الانتقام بداخله ، هو مسجون داخل نرجسيته وضعفه وهشاشته وسواد نفسه ومش بيحاول يفكر اصلا في وضعه السيء دة واكتئابه المستمر لكن بيحاول يعيش كل اللي حواليه في السواد دة
٥- بيخطط كويس جدا للانتقام ودة انتي حتشوفيه لما حد يزعله او يضايقه في شغله او من عيلته او عيلتك ( الدليل على كدة الجرائم الكاملة اللي بيعملوها ،بعيدا عن الازواج يعني) ، احيانا الغضب النرجسي بيكون صورة سيئة جدا للانتقام ، هو مش بيكون عايز يعاقب هو بيكون عايز يخلي الشخص يعاني واحتياجة للانتقام بيكون اكتر من احتياجه للحفاظ على نفسه ، يعني ممكن يكون حيؤذي نفسه لو انتقم وعارف ان اللي بينتقم منه دة حيردها له اقوي ومع ذلك ميقدرش يمنع نفسه من انه ينفذ انتقامه قمة الغباء وعشان كدة هو بيعتبر اغباهم ، ممكن يخرب بيته ويخسر الاسرة والصورة الحلوة اللي مصدرها للمجتمع لمجرد انه ينتقم منك
٦- لما حد بيوجه له اهانة مش بيردها في وقتها ، ممكن يفضل وقت طويل يفكر ازاي حصلت الاهانة ويجترها كتير عشان يزود احساسه بالكارثة فتزيد رغبته في الانتقام
٧- بيضيع وقته وطاقته في التخطيط للانتقام وبيحس بالرضا عن نفسه جدا لما ينتقم ولو فشل في الانتقام واتأذى منه جدا برضه حيحاول تاني يعني مهارة التعلم بالتجربة مش موجودة عنده ابدا مبيتعلمش من غلطه ابدا
٨- بيكون باين جدا انه انسان شرير وبيكون عنده ادمان للانتقام دة مش مجرد انه انسان حقود مثلا لا دة طول الوقت بيطارد اي حد عشان ينتقم منه ، هو مدمن انتقام وانتي تلاقي النوع دة مدمن شكاوى طول الوقت بيقدم شكاوى ويعمل محاضر ويكايد في الناس لمجرد ان مثلا حد مقالش له صباح الخير ، ودة بينعكس عليكي طبعا في حياتك معا هانتي بتتحاسبي ع التيل والقطمير ،النفس اللي بتتنفسيه انتي واولادك بيكون بحساب وحساب عسير
٩- هو بيكون شايف نفسه ضحية لواتعرض للاهانة وبالتالي من حقه ينتقم وياخد حقه وان دة هو العدل وهو دة اللي بيديه الطاقة والتحفيز انه ينتقم ويستمر في اللعبة-١٠- لما تزعليه وتعتذري له مهما اعتذرتي مش حيوقف انتقامه منك ابدا لازم ينتقم مهما عملتي ، تلاقيه ينجح في تحقيق اهدافه على المدى القريب لكن على المدي البعيد بينكشف للناس ومحدش بيحبه ولا يتعامل معاه . طيب دة تتعاملي معاه ازاي ؟ دة متتعامليش معاه اصلا تجنبيه تماما ولو تقدري تهربي منه اهربي
واذا انتي مضطرة تتعايشي معاه فلازم لازم الاختفاء النفسي عنه يعني لا تتكلمي ولا تحكي ولا تنصحي ماتعمليش غير انك تهزي راسك وتبتسمي ،
#صحةـنفسية #القوة #الاكتئاب #النرجسي #النرجسية