Рет қаралды 7,282
#APATV #Şirvan #Çılpaqlı #qəsəbə #vətəndaş #şəhər #qatar #sakin #yol #əhali #qataryolu #dəmiryolu #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Çılpaqlı sakinlərinin qatar yolu problemi - APA TV
Şirvan şəhərində iki böyük yaşayış massivindən biri olan Çılpaqlı qəsəbəsi ilə şəhəri ayıran dəmir yolu xətlərinin üstündən və ya altından piyada keçidinin olmaması sakinlərin narahatlığına səbəb olub. Vətəndaşlar ərazidəki yoldan istifadə edib şəhərə gedib-gələ bilmirlər.
Sakinlər deyir ki, ərazini şəhər mərkəzinə iki yol birləşdirir. Bu yollardan biri ilə hərəkət etməli olsalar hər gün 5 kilometr məsafə qət etmək məcburiyyətində qalırlar. Digər istiqamət isə şəhərin özünə bitişik olan, lakin qatarların intensiv hərəkət etdiyi yoldur.
Onların sözlərinə görə, hələ iki dəmir yolu xətti mövcud olduğu dövrlərdə burada hadisələr olub. İndi isə üçüncü xətt də əlavə edilib və yol keçilməz olub. Dəmir yolunun o bir hissəsində qalan məscid, məktəb, ticarət obyektlərinə getmək üçün sakinlər canlarını təhlükəyə atmalı olurlar. Vətəndaşlar ərazidə piyadalar üçün keçid inşa olunmasını istəyirlər.
Məsələ ilə əlaqədar “Azərbaycan Dəmir Yolları” QSC-nin mətbuat xidməti ilə əlaqə saxladıq. Qurumun mətbuat xidmətinin cavabı isə belə oldu:
““Azərbaycan Dəmir Yolları” QSC Ələt-Horadiz-Ağbənd dəmir yolu xəttinin Şirvan şəhərində Kür çayı üzərindən keçən hissəsində mövcud dəmir yolu körpüsünü yenidən qurmuş və paralel olaraq ikinci dəmir yolu körpüsünü salınıb. Eyni zamanda körpüyə qədər 700 metr və körpüdən sonra isə 500 metr məsafədə köhnə dəmir yolu xətləri əsaslı təmir edilib. Üçüncü dəmir yolu xətti salınmayıb. Əhalinin əvvəlki hərəkət trayektoriyasına heç bir məhdudiyyət qoyulmayıb.
Eyni zamanda körpünün altından keçən Şirvan şəhəri ilə Çılpaqlı qəsəbəsini birləşdirən avtomobil yolu təmir edilmiş, yolun hər iki tərəfində piyada səkiləri salınıb. Kənd sakinlərinin məktəb, həmçinin Şirvan şəhəri istiqamətində hərəkəti məhdudlaşdırılmayıb.
Məlumat üçün bildirək ki, Ələt-Osmanlı-Horadiz dəmir yolu xətti 1936-cı ildə inşa edilib. Gələcəkdə qatarların bu istiqamətdə hərəkət intensivliyi və məskunlaşma sıxlığı artdığı təqdirdə, yol hərəkətinin təhlükəsizliyi baxımından müvafiq təkliflər dəyərləndirilə bilər”-deyə, açıqlamada bildirilir.
Qeyd edək ki, Çılpaqlı yaşayış massivində 3 min sakin yaşayır.
Əlibəy zeynallı
Elçin Həsənov
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzbin.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv