لقاء مع أسرة مسلسل دكين 1998

بطل المسلسل الهادى صديق (دكين) ودكتور عبد الحكيم الطاهر وسحر إبراهيم والفنانة البلبلة حياة طلسم وغيرهم / ضيوف هذه السهرة فرقة الأصدقاء المسرحية وعدد من نجوم الدراما حياة طلسم وعبد الحكيم الطاهر وعبد العظيم (منوفلى الحاج متذكر) والمخرج الشاعر المرحوم مجدى النور وزوجته سحر إبراهيم وقسم الإله حمدنا الله ومحمد صالحين والفنانة عبير على وغيرهم / عيد الفطر يناير 1998

[@muntaserahmad9800]

انا بتفهم انو الزول يحضر مسلسل، فلم ، كورة، اغنية، اي إن كان بشكل مكرر وبرضو م يمل لكن زول يحضر لقاء ل ناس بتكلموا عن تجربة خاضوها في شيء ما اكثر من ثلاثين مرة وبرضو بستمتع وذي كأنو بحضر لاول مرة ف دا شيء ان دل انما يدل على روعة العمل وروح الكاست المرحة والجميلة وبكل فخر الان بحضر في 2023 وح اظل احضر في كل الاعوام الميلادية المتبقية لي وما ح امل

[@omeresmail1856]

نفس الإحساس

[@user-fi3tm4wj5r]

ياخ والله الزولة الغنت التتر بتاع المسلسل مفروض تدخل التاريخ من اوسع ابوابه صوت رايق وهادئ

[@mohamaxmax9474]

الاستاذة الفنانة عبير علي

[@nzarmohammed4647]

افضل جيل مسرحي في السودان فرقة الاصدقاء حملت هم الدراما لوحدها في زمن صعب ونجحت ..لهم التحية

[@wattan5743]

والله الزوله تمتلك صوت من دهب

[@donjr.3106]

المسلسل الأفضل على الإطلاق اكتر مسلسل يعكس المستوى الفني السوداني الرائع ومدى اخلاق وطيبة هذا الشعب.الشكر موصول لفرقة الأصدقاء .ربنا يديكم الصحة وان توفى احدكم فرحمه الله .

[@abdoaltieb3831]

ليت الزمان توقف عند هذا الزمن الجميل

[@TalhaNuralgalil]

يا سلاااااام والله شي يبكي ..

[@user-qu9gp7rz1p]

بكيت وشبعت بكا

[@musabalnitaifa]

انت بيجاي اصلي انت ياخي ربنا يوفقك دايما

[@AhmedAhmed-yw8qn]

حبيبنا طلحه

[@Local-host2024]

ياحليل زمان ياخوي طلحة

[@adilthestar2378]

باشمهندس طلحه نور الجليل منور والله وانسان شكلك متابع في قنوات الاخرين لاحظتا ليك بتعلق في كتير في المواد البتتقدم علي ما اعتقد علقت في قناه خالد نيالا ههه اعطيك الف صحه وعافيه بالجد شي يبكي دراما زي دي ما تتقدم الله الله يحازي اللكان السبب

[@samibarakat9395]

دكين من أروع وافضل الأعمال التلفزيونية على الإطلاق . عندما كنت في زيارة لتشاد كانت الحياة تتوقف فيها وتخلو الشوارع من المارة لمتابعة المسلسل الأروع في تاريخ السودان

[@user-tg7te5sb6q]

يا سلاااام أعظم جيل مسرحي مر علي السودان

[@firdousabdulnour9090]

رحم الله تلك الايام ..... ايام امي قدام عيني ياحليلا

[@wadaboali4577]

افضل فرقه الاصدقاء المسرحيه اللهم ارحمه من مات منهم ومن كان حي ارزقه الصحة والعافية

[@user-jz3wr7up4m]

من كان ميت ربنايتقبلوبي واسع رحمة ومن كان حي ربنااوطول في عمرو شاكرين ومقدرين لي هذاالتوسيق الجميل من واقناالمرير

[@alyonko5]

سبحان الله السنين بتجري شديد يعني انا حضرتو قبل تلاتة سنة وتاني قبل سنتين والان بحضر فيهو

[@abdoaltieb3831]

و انا كذلك نستذكر تلك الأيام الطيبه

[@maherefathe6904]

رحم الله من توفي منهم وربنا يمتع الأحياء بالصحه والعافيه أفضل أ الدراما في السودان

[@user-wn8jj9xv3r]

ياسلام عليك يارجل وبنات السودان زمان

[@user-hb2yz9io2m]

ماشاءالله تبارك الله يا اهلي السودانين عزالله رجال ونعم .خويكم من السعوديه

[@alielnaeim7161]

انا سعيد جداً وانا بشاهد في الفرقه المبدعه. زكره عطره من الزمن الجميل ❤️

[@asimafeefy5099]

احلي حاجه براهم يغنو م استضافو فنان في الحلقه ما كانو ممثلين بس فنانين بمعني الكلمه

[@mohmedaltayeb6677]

لكم التحيه والتقدير جميعا اجمل جيل ذهبي شالو هم الدراما لوحده لم يساعدهم احد شكر لكم لك ماقدمتوه لنا

[@omeralialmslmi5986]

الذمن الجميل ايام الطفولة الحلوة والناس الطيبين وأيام لا تنسى وحتى الأصدقاء الحقيقين🌹🌹🌹

[@alyonko5]

الحضر الفيديو اكتر من مرة يعمل لايك

[@abdoaltieb3831]

ادمان الفيديو دا

[@abubkarnadir974]

يا سلااام ياخ الزمن الجميل. رغم إنوا كنا صغار في السن لكن استمتعنا بها وكنا نحسب الزمن بالثواني لحضور الحلقات ❤🇸🇩🇸🇩 رحم الله الأستاذ الهادي الصديق وكل من سبقنا إلي الدار الآخرة رحمة واسعة وأسكنهم فسيح جناته. ووافر الصحة والعافية للجميع. شكرا جزيلا أخونا محمد صلاح. انت ودبلد اصييل والله كونك خارج السودان وتنزل حاجه زي دي عمل عظيم. متعك الله بالصحة والعافية وبارك أيامك وحقق أمانيكم يارب العالمين 🌹🌹

[@mohammedsalah1935]

تسلم ابوبكر يديك العافية يا رب

[@user-nl3zz5hq7c]

فرقه عظمه وزي ماقال شالت هم الدراما السودانيه في فتره ونجحت تماام النجاح وقدمت اعظم الأعمال

[@user-dr3pc1sd4e]

زمن الطيبين فرقة الاصداقاء اثبتت لينا انو المعانا بتولد الإبداع

[@user-yn2kb1tt1e]

لقاء جميل أفضل مسلسل مره على دراما سودانيه مسلسل دكين الله يرحم الأستاذ الهادي صديق (دكين )

[@w0w0w0w3]

تحياتي لكم من السعوديه والله هذه المجموعه اجمل فنانين عرب واخف دم و يقدموا فن محترم وهادف فعلا مو مثل غيرهم .

[@abdelwahabelaagib9929]

بصراحة حضرت المسلسل مرات عديدة بكامل الاحساس عيني دمعت مع بداية البرنامج و صوت مغني التتر شكراً جزيلاً لكل المجموعة أتمناكم بالف خير و أطيب الاماني

[@user-hf1ej1ll3d]

رحمك الله الباشمهندس/ الطيب مصطفى الذي كان مديراً للتلفزيون وقتها .. وكان وراء هذا العمل التاريخي الجميل حين اجتمع مع عدد من الدراميين والممثلين وطلب منهم عمل درامي كبير فكان مسلسل دكين كما حكى ذلك الجنرال حسن فضل المولى .

[@user-yn4qp7fo9m]

ربنا يرحم الاساتذة جعفر سليمان والهادي صديق وعبد الحكيم الطاهر ومجدي النور والتحية للاعضاء الباقين وربنا يديهم الصحة والعافية بقدر ما اسعدونا وتحية خاصة ليك يا استاذ محمد صلاح

[@mohammedsalah1935]

تسلم ابو ايه ربنا يرحمهم جميعا يارب

[@user-bn1kj9us2l]

رحمك الله استاز الهادي صديق 😭😭😭😭😭😭😭

[@user-nt1jr6pz8p]

رحم الله الأستاذ الهادي الصديق وعلي ذويه الصبر والسلوان وحسن العزاء وربنا يعوضه الجنه أن شاء الله

[@user-bn1kj9us2l]

اتوفى بتين لا حولا ولا قوة إلا بالله

[@user-rp8ti5rw7w]

هكذا دائما السودان سيظل ماضينا افضل من حاضرنا

[@ashrufabualshoush6124]

ما اجملة من توثيق

[@ahmedallabas8790]

من افضل واجمل الاعمال الفنية السودانيه كل فتره بتابعه بحضر الحلقات كلها في يوم

[@abdoaltieb3831]

رحم الله عبدالحكيم الطاهر

[@user-pj7vt4om4p]

اللهم احفظ وأطل عمر من كان عايشا وارحم واغفر لمن كان تحت ميتا كنتم ولن يجيد الزمن بمثلكم

[@user-sd4lt5tu8j]

ناس حلوين شخصيات مبدعه افضل جيل مسرحي في السودان فرقة الأصدقاء متعهم الله بالصحة والعافية وارحم من توفي منهم برحمتك يا ارحم الراحمين

[@altreefeawdalla1849]

إبداع الذمن الجميل كنا بنشاهدو في النادي وبنجي نحكي في البيت ياسلام رايعين

[@user-tg7te5sb6q]

ربنا يرحم استاذ العادي الصديق

[@dr.mommadkaroam528]

التحايا الخالصة لفرقة الأصدقاء العملاقة وجميل ودى وامتنانى لهذا الجيل الفذ من الدراميين السودانيين

[@MohammedIbrahim-px7cc]

المشاعر الإنسانية دي حاجة عجيبة ❤️

[@nurallabadi]

في الزمن الجميل داك ، متزكر كنا شفع صغار ، ويلا حلتنا كلها في خشم القربة فيها تلفزيون واحد ، بس في بيت عمي الإحيمر بلة حفظه الله ورعاه ، ياخ زمن المسلسل وكت يقرب يجي بنتجمع كلنا ناس بيتنا ، وبيوت جيرانا ويلا نمشي ونلقى أهل البيت هناك مطلعين التلفزيون في ساحة حوشهم الجميل داك ، ومفرشين لينا سجادات، وشوف المتعة ، يااااخ تاني يوم في المدرسة بنوزع الأدوار بيناتنا ونلعب دكين لمتين دكين لمتين ، ويا سلام على الزمن الجميل داك .

[@alialemam9794]

ي سلام عليكم ي حلوين يظل الواحد يذكركم أينما ذكرت الأيام الجميله وابدعاتها طبتم وطابت مقاماتكم

[@amalaljak7652]

اين ذهبت هذه الفنانه من اجمل الاصوات

[@mohammedsalah1935]

موجودة لكين اختفت من أجهزة الإعلام تماما

[@gggvhhb634]

هذه الفتيان اعدو زكري لعشرين سنه حين اكان في خاطري انا السودان وطن العزاز

[@user-ef7bo4gl3j]

نجوم وجواهر تانى السودان م بجيب زيهم والله

[@nasmah1262]

الله عليكي ياألرضيه ماشاء الله من اروع الأصوات

[@ismailabdallh6461]

رحم الله المبدع عبد الحكيم الطاهر شاويش حميدة

[@aboalhakmalahakm8198]

اجمل مسلسل والله والله كل كم شهر بحضرو من الاول وانا مستمتع جد ا بدور الممسله الاستاذه الرضيه

[@mok5371]

حياةطلسم البلابل

[@nasmah1262]

من أروع المسلسلات السودانيه الجميله القديمه

[@MohammedIbrahim-px7cc]

الهادي الصديق وحياة طلسم وجمال عبد الرحمن وموسى الأمير والثلة الجميلة

[@BlueSky-fw7lb]

احلى مسلسل وكل الممثلين والطاقم الفني ابدعوا فيه

[@user-yx5qf9wj5y]

افصل فرقة كان مسلسل دكين جميل شديد

[@arafatfkhairelsied8666]

واحد من اجمل المسلسلات السودانية

[@osmanadam2903]

الله يرحمك يا الهادي الصديق

[@alyonko5]

ههههههههههه يامحاسن الصدف ياعثمان بالله انت بتتابع الحاجات دي من زمان عارفك زول زوق ليك التحية وماشايفك في اركويت رجعت قطر تاني ولا شنو

[@user-ov8nn4il6r]

يا سلام لكم التحية جميعا

[@abdallahalifariss7423]

هنا سحر طفلة صغيرة لكن صوتها لم تتغير حتى الآن

[@m_tezkar-azeez]

سحر كبيره وكانت زوجة العميري الاتوفى عام ١٩٨٩

[@user-qj1tp3se8b]

اقسم بالله العظيم مسلسل يقطع القلب وخصوص حياة طلسم دي اقسم بالله بتبكي انا المسلسل كملتو في يومين وهسي في اللقاء دا 🥺🥺🥺💔

[@user-bh1qe6rh1x]

اجمل مسلسل واجمل مجموعه متناسقه ولكم كل الود والمحبه

[@user-cx9gf8fh4d]

شكل الناس و غنية المسلسل و الضحكات و لمة العيد و كل الحاجات الفي الفيديو دا حركت فيني مشاعر كتيرة شديدة اولها سعادة غامرة اني اتزكرت اجمل ايام حياتي و ثانيها حزن عميق اتزكرت امي الله يرحمها و ابوي و اخواني الابعدي الزمن عنهم تالتها مشاعر الفخر اني عشت الزمن دا و مشاعر كتيرة شديد م قادرة اوصفها زاتو و الله انا الليلة بحضر الحلقة دي في اصعب ايام مرت علي بلدي الحبيب السوداني ربنا يرفع عننا البلا

[@ashrufabualshoush6124]

😢😢

[@user-qz5sn9xu7e]

ياسلام كن بنحضر المسلسل دا ونحن في الثانوي ممتحنين الشهادة السودانية فعلا عمل قدمو بكل صدق عشان كدي دخل في نفوس الناس شكرا لكل المبدعين القامو بالعمل من اكبرهم لاصغرهم ماقصرو تب وكل من هم خلف الكواليس سيظل يدرس للاجيال فعلا عمل رايع بكل ما تحمل الكلمه من معني وسوف يظل يذكرنا بايام كن يافعين مليانين طموحات ومستقبلين الدنيا بكل سرور قبل نكتشف مرارة الحياة جعل الله ايمانا وايامكم سعادة

[@alrasheedtbteba7198]

قاسم عريباب . حقيقه مسلسل شد الكبار قبل الصغار. كنا صغاراً ننتظر مواعيد المسلسل بفراق الصبر وتاني يوم نعيدو في الشارع اثناء اللعب. أيااام ماأحلاها . حتي جيرانا في الدول الافريقيه مثل تشاد وأرتريا كانو يترقبون كل حلقه بتلهب غريب.

[@gasemelzain8874]

فرقه الأصدقاء المسرحيه لها القدح المعلي في تطور الدراما السودانيه لهم التحيه

[@asmamohamad4283]

ماشاءالله علي صوته جد روعه

[@mohammedsalah1935]

يديك العافية

[@user-cj5fo9ew9q]

اخخخخخخخخخخخخ كم نبشتا فى دواخلي ذكريات زمن جميل ليتنا نعود اليه ليت عجلة الزمن ترجع للوراء مسلسل مرتبط بطفولتي وانغام حنينة مشبعة بحنان الرضية ومأساة دكين ووفاء حاجابي وأمباشة حمد وطيبة ضياب وسخرية زروق وزمن مشبع بالرجولة والتكاتف والسودنة الأصلية دمت بخير يا وطني

[@user-hf1ej1ll3d]

جرستنا بتعليقك دا ياااخ 😭😭😭😭😭😭

[@user-nb2zo7db7d]

ياسلام والله علي الزمن الجميل

[@mansormasory1779]

الرحمة والمغفرة للاستاذ القامة عبد الحكيم الطاهر

[@akramft4671]

يا سلام ياخ ناس موهبة بالفطرة وفنانين حقيقين رغم أن الامكانيات كانت ضعيفة .. رحم الله من رحلوا عن دنيانا وحفظ الله من تبقى

[@mohammedalrayah1631]

ي سلاااااااام عليك يا ابوصلاااااح👏🏽👏🏽👏🏽👏🏽👏🏽👏🏽👏🏽👏🏽👏🏽👏🏽 عبير صوتها ابدااااااااااااع

[@mohammedsalah1935]

تسلم محمد حياك

[@sadamdakeen2877]

اروع جيل في تاريخ الدراما السودانية

[@mohamed-wm3pg]

يا سلام زمن لكن لك التحية يا راقي دوما تتحفنا بالجميل

[@mohammedsalah1935]

تسلم ياغالى يديك العافيه

[@user-he7jh2mq7y]

والله العظيم والله العظيم والله العظيم احلاه ناس في السودان كلو

[@adamabass1516]

سيظل دكين افضل عمل مسرحي دارمي عبر العصور الفنيه السودانيه

[@saharelias676]

عبير صوت مميز جدا...اين اختفي

[@mohammedsalah1935]

اختفت تماما من الساحة

[@user-ii4vs6wt2f]

ابداع اقسم بالله ما بعده ابداع ربنا امتعهم بالصحة والعافية 💔

[@user-ef3bc6ye2s]

ماشاءالله كان عمل جميل جدا اسره المسلسل ربنا يرحم الميتين و يديم الصحه والعافيه للحيين

[@iddissmohammed8369]

اتزكر البرنامج دا كان فى العيد زمن

[@fut6670]

ربنا اديكم العافيه والصحه مبدعين بلادي زمن والله واحلي طرايف في احداث في مسلسل

[@ahmadmohammed7770]

الله يطول في عمركم قدمتو عمل رائع

[@user-sy9sg1jx5w]

بالله اسمعو للغناء ياسلام كل الاغاني الاتغنت جميله

[@user-he7jh2mq7y]

والله العظيم ناس حلوين

[@jamalabdulqadir3807]

افضل فرقة مسرحية لهم التحية والتقدير

[@abazrballa7759]

بالجد مسلسل كان جميل إخراج اكتر من رائع، تمثيل وأداء وقصة وحبكة درامية، مسلسل عكس البيئة السودانية والثقافة من غير رتوش ولا إضافات

[@mohamedelfatih487]

حلقة بكامل الروعة من الزمن الجميل حقيقي ي صلاح انت دايما في الموعد🌸

[@mohammedsalah1935]

الله يخليك يارب تسلم يا غالى

[@user-qu9gp7rz1p]

ربنا احفظ المجموعه وامتعم بي الصحه والعافيه

[@user-nu2ny4jr5v]

الزمن الجميل

[@abbasmostafa4864]

فرقة الأصدقاء متعكم الله بي الصحة والعافية يارب

[@saifmohamed1357]

كلهم فنانين رغم الامكانيات البسيطة بس وصلوا رسالتهم

[@user-hf2tw7ul4c]

الله عليك يامبدع والله انت بطلع درر الله يفتح عليك يا محمد صلاح

[@mohammedsalah1935]

تسلم ابو عبيدة

[@user-oz5je8xb3q]

حي الطلسم حبي ليك من جوه قلبي والله ابدعتي كل الإبداع في مسلسل دكين الله يمتعك بالصحة والعافية

[@mhmdalimam8139]

افضل جيل وافضل ممثلين فرقه الاصدقاء لما كان السودان معافا

[@user-xe3kf3lc3c]

ياسلام عليك ياغالي ربي يعزيك يارب

[@user-qj2vx5ct6b]

شكرآ جزيلاً ي أستاذة كان أداء اكثر من رائع

[@user-tl5cv6iz6h]

الله عليك ياأبوصلاح يامبدع دائمآمتحفناكل الشكروالأحترام ليك موفق دائمآ

[@mohammedsalah1935]

الله يخليك تسلم يوسف

[@user-io4ff1ib6f]

يااااسلام على كل الممثلين ابدعو في هزه الدراما

[@hatimali3353]

@@mohammedsalah1935 عليك الله بسس عايز الاغنيه بتاعه المقدمه دي.. دكين لمتين قمرنا يتم.. ممكن

[@khalidaltayp1758]

يا سلاااام ياخ الزمن الجميل ... واخيرا اكتشفتا الطفل الفي المسلسل الكان بشرك للطير بقول (ترو ترو لي غادي )الحلقه الثالثة الدقيقة ٨:٤٠😂 هو الفنان المبدع (نادر عثمان) وهو ابن الفنانه المبدعه (حياة طلسم )

[@mohammedsalah1935]

نادر جمال الدين

[@khalidaltayp1758]

@@mohammedsalah1935 علي ما اعتقد اسمو نادر عثمان جمال الدين

[@adilthestar2378]

ههههه شكلك زي انا ياداب حضرتا عرفت من برنامج جينات في قناه النيل الازرق مقدمه البرنامج الريان الظاهر الضيوف عوض حسن امام (شكسبير) وامام حسن امام والاستاذه حياه طلسم والفنان نادر جمال بالجد انا اكتشفتا فيها حاجات كتيره حاليا متواجد الفنان في الحلقه مع الاستاذه سحر إبراهيم

[@khalidaltayp1758]

@@adilthestar2378 ههههه اي نفس الشي في حلقه جينات

[@wajdyelnour6091]

البنت البتلحن دي عملاقة ياخ

[@user-wd8gq8cl6g]

الأستاذ.محمد نعيم سعد والأستاذ عبد المنعم سليمان والأستاذ أمير عبد الله ، من الناس الأاوئل الذين اسسوا فرقة الأصدقاء المسرحية.. كانت بداياتهم بنادي الضباط الخرطوم وكانوا حينما يريدون أن يعملوا عمل مسرحي يخطرون اسرهم حتى يشاهدوا عملهم الجديد.. وهذا الكلام كانت في بداياتهم قبل أن يشتهروا.. ثم انضم إليهم الأستاذ مصطفی أحمد الخليفة والأستاذ جعفر سعيد رحمه الله ، وكان الثنائي يقومان بكتابة القصص . ثم انطلقت فرقة الأصدقاء المسرحية.. وشكلوا النجوم الجدد المنضمين إليها إضافة كبيرة جدا مثل : الأستاذ الطيب شعراوي والأستاذ.جمال عبد الرحمن ..الخ. هذا الكلام سمعته بصوت الدرامي الجميل منعم سليمان في حوار اجراه معه الأستاذ المخضرم محمد عبد الماجد ، عبر برنامجه الجميل الضلع الثالث الذي يقدمه عبر اليوتيوب كل ثلاثاء .

[@mohammedsalah1935]

تقصد عبد المنعم عثمان؟ منعم سليمان دا صحفى تبع حمدوك

[@user-wd8gq8cl6g]

@@mohammedsalah1935الحبيب أنا أقصد الدرامي عبد المنعم عثمان الذي ذكرته في بداية البوست ولا أقصد الأستاذ الصحفي منعم سليمان المشهور بابصلعة هههه . أشكرك الجميل محمد صلاح علی تصحيح المعلومة ولك كل الود يا إنسان يا أكثر من رائع

[@mohammedsalah1935]

@@user-wd8gq8cl6g تسلم يازوق تحية ليك

[@user-bi6ih2hu7f]

امير نفسي ممكن سوال

[@user-wd8gq8cl6g]

@@user-bi6ih2hu7f جدا اتفضل يا الحبيب

[@aminsatti5491]

ياسلام اجمل ايام

[@mohammedalrayah1631]

البلبله الصداحه حياة طلسم😍😍😍😍👏🏽👏🏽👏🏽👏🏽👏🏽

[@MohammedAli-uz6si]

تسلم كتييييير ي البو صلاح

[@user-mg8ii8ke2e]

الفنان محمد عواض وين اختفي برضو كان حيكون ليه مستقبل عظيم لاكن لا اعلم اين اختفي

[@mohammedsalah1935]

اتوفى والله فى القاهرة قبل ٨ شهور كدا ربنا يتولاهو برحمته الواسعة