Рет қаралды 2,271
Xaran suugen jope ti alla toxon ŋa gamsara faransi debin noxo ke ya
Kuuñinde ŋa katta o saara sirun ŋa maxaneera kunda kuuñinde wa di ya
O xa na siren yandi i xanne waro ya a to nalli ñime ti xeri sire ya
Gamsara faransi o ku seew'o talla beran be o wari a dunko nu ku ya
O kallu sirun su o da xa su kuuñi ku beenu ga giri denba kunda ya
Yaxun ni diinan ña sikkan ta ken di xa dan ŋe do sange ken xa maña ya
O saara siru ku xa na yanpo dan ŋa dan ŋe do dinme o ni su wara ya
O lenki ñaxanu ku sangun gabo ya ma alla ga neeman di beenu maxa ya
An gaana kaban di ñaxanu ku sange soron na an bonon di na la an xo ni ya
Xooron sime gan ni n'xiri su sirun ŋa i ñaxanun moxo nu o nan sinme di ya
Yaxun piti wuru baanan golle duna di yaxa len siru ku xooron sime ke ya
O tunka sire alla o da an ñaaga xera an na ño dan ŋa yaxunun noxo ya
الـــشاعـر الأدابي مــالـين أبو منصور عـبد الـــحق فوفنا