الرحالة المصري الاشهر حجاجوفيتش هل كان دقيقًا في تصوير اليابان؟ بين الواقع والمبالغة

والله انا مش عارف ابتدي منين؟ الحلقات بتاعته مليانة الحقيقة. مليانة ايه؟ مليانة فن! طيب في حلقة من حلقاته قال انه ركب في اليابان اسرع قطار في العالم اللي هو قطار الشينكانسين وانه أسرع قطار طلقة صاروخي في العالم بيسافر بسرعة ٦٠٤ كم في الساعة هل الكلام ده حقيقي؟ طبعا الكلام ده حقيقي بس لما تكون نايم ومش متغطي كويس. انت بتسأل؟ طبعا الكلام ده أي كلام مفيش قطر بيمشي بالسرعة دي مش في اليابان لا في العالم كله "حسب معلوماتي". طيب انا يعم مابفهمش حاجة. دي حتى صفحة اليابان بالعربي اللي مش بترد على غير بعض الخرافات اللي بتطلع عن اليابان طلعت وردت عليه وقالت ان ده أي كلام ودي خرافات وان القطر ده أقصى سرعة له 320 كم في الساعة وليس 604 وايموشن بيضحك ولا حتى 350 كم في الساعة وان القطار الذي سرعته القصوى 604 كم في الساعة قيد الإنشاء يعني لسه بيتعمل أصلا وبعدين بيقولوا ايه بقى ربما المصداقية تقود لزيادة عدد المتابعين وليس المغالطات كما في هذا الفيديو وغيره 🤫 وحاطين ايموشن اسكت بقى ياعم صدعتا. خدت بالك من غيره دي عشان جايين ليها. الراجل ده بيعتمد على انه بيرميلك المعلومة وخلاص من غير ما يتأكد منها ولكن معلوماته كلها مبالغة بعيده عن الحقيقة. بقولك قال القطر اللي سرعته 320 كم هو خلاهم ببساطة وعدم اهتمام بالمشاهد 604 لا تخرج الا ان تقول سبحان الله. هل الراجل طلع اعتذر طبعا لا
وبعدين طلع يتكلم عن عمال النظافة وقال ان في اليابان بيقولوا عليه مهندس النظافة. انت برده مندهش ايوة قال مهندس نظافة. ومبيقولوش عليه زبال ولا مش عارف ايه؟ طبعا الكلام ده برده قاله احمد الشقيري في برنامج خواطر بس عامل النظافة مش اسمه مهندس نظافة لا اسمه عامل نظافة عادي وكمان ده طلعت أكدته صفحة اليابان بالعربي قبل كده ولكن ايش جاب لجاب احمد الشقيري معظم كلامه كان صحيح عن اليابان ونادرا ما تلاقي عنده أخطاء. ودي حاجة اشكره عليها كواحد من جمهوره انه بيتأكد من المعلومات اللي بيقولها شكرا للشقيري
وبعدين لما كان في الفندق حب ياخد دوش فسأل يا جماعة انا عايز اخد دوش "قال يعني مفيش دوش في غرفته" فقلوله الدوش هنا عمومي فراح يشوف ايه الدوش العمومي ده فلقى أولا اهم حاجة انك تقلع ملط "واكني الغرض من الدوش انك تقلع ملط". ثانيا الوقت اللي مسموح ليك دخول الدوش من 5 المغرب لتسعة ونص الصبح طيب وباقي الوقت لا مينفعش لان الناس المقيمين او اللي قاعدين في الفندق بيروحوا يشتغلوا في الوقت ده فعشان مفيش حد هياخد دوش في الوقت ده فبيقفلوه وممنوع استخدامه ولما بتدخل جوة وانت ملط بتنزل في المكان ده زي بسين صغير جدا كده ومعاك الشانبو وبتاخد الشاور بتاعك. طيب أولا الفنادق اللي من النوع ده عادة فيها دوش وحمام عادي في كل غرفة والمكان اللي راحه ده هو مكان عشان انت فعلا تاخد دوش ولكن هو للاسترخاء ولازم فعلا تدخل ملط ودي من قواعده انك تقلع. طيب هو للاسترخاء ازاي ايه علاقة الدوش بالاسترخاء انت بعد تعب الشغل بتدخل أولا لازم تقعد وتاخد دوش وتنضف نفسك وبعد كده تنزل المكان ده وتقعد فيه عشان تسترخي نص ساعة ساعة ساعتين زي ما بتحب لان المية بتكون سخنة او دافية فبيبقى مكان كويس للاسترخاء طيب هل الناس بتروح المكان ده عشان تاخد دوش وتمشي لا لو عايز ياخد دوش فبياخده في حمام اوضته عادي فالهدف من المكان ده هو الراحة مش الدوش او انك تقلع ملط وكمان هو قال انك بتاخد الشانبو بتاعك وتعيش حياتك في المكان ده وده ممنوع مينفعش تستحمى بالشامبو فيه هنا. كالعادة المبالغة هي الأساس لابهار الناس وكسب المشاهدات!
الفيس ريكوجنيشن ده زي الفيس بوك كده؟ لا يبقى اسم دواء موجود في الصيدلية يا عم لأ. ده جهاز في المحطات اليابانية زي البوابات بتاعت المترو عندنا في مصر بتحط تذكرة المترو وبتعدي اما الفيس ريكوجنيشن فهو بيشوف وش حضرتك وبتعرف عليك وبيفتح وانت بتعدي وقال انه متطبق وموجود في كل مكان في اليابان والله يا جماعة انا عايش في اليابان بقالي سنتين ونص وكل يوم بركب القطر او المترو وعمري ما شوفت الجهاز ده قبل كده خالص؟ انا صدعت هروح اجيب الفيس ريكوجنيشن من أي صيدلية هنا.
دي كده حاجة من على طرف المعلقة. هو قال حاجات مش صحيحة كتير ولان الهدف مش اني اطلعه بيهري او بيقول أي كلام ولكن اللي عايز أقوله انه بالرغم ان عنده 4 مليون متابع على الفيس بوك إلا انه بيقول معلومات غير صحيحة كتير. فمش في مجال السفر بس في أي مجال مش معنى ان شخص مشهور قال معلومة معينة يبقى المعلومة دي صح. تخيل الشخص ده بيتكلم في التاريخ او الدين.
اهلا بكم في اليابان
Welcome2Japan
#اهلا_بكم_في_اليابان
profile.php?id=61557770095849
#japan #اليابان #حجاجوفيتش
#travelgram
#travelvlog
#travel
#traveling
#trendingvideo
#travelling
#travelblogger
#traveller
#travelgram
#wanderlust
#wanderlustwheels
#wanderlustwednesday
#wanderlustasia
#travelgram
#explore
#explorepage
#exploremore
#exploretheworld
#explorereels
#exploreshorts
#adventure
#adventures
#adventureawaits
#adventuretravel
#adventurevlog
#adventurer
#vacation
#traveltips
#traveladdict
#travelgoals
#bucketlist
#سفر
#رحلات
#سياحة
#مسافر
#اكتشف
#مغامرة
#عطلة
#نصائح_سفر
#عشاق_السفر
#وجهات_سياحية
#سفر_حول_العالم
#تجارب_سفر
#أماكن_سياحية
#إجازة
#سياحة_وسفر

[@user-rr2zt6nm9b]

يأخي سيبك من سرعة القطر كلمنا عن حوار التونجا الياباني دا 😂😂😂

[@Not_so_shady]

informative and straight to the point, keep it up!

[@Welcome2japan2024]

Thank you ❤❤❤❤

[@Ghazapalistine]

من الجزائر بارك الله فيك

[@Welcome2japan2024]

بلد المليون شهيد احيانا الواحد بيبقى مبسوط ان مش المصريين بس اللي بتفرجوا عليه بس مش عارف يعبر ازاي بس الي اقدر اقوله لحضرتك اني بشكر حضرتك جدا ❤❤❤❤

[@Ghazapalistine]

@@Welcome2japan2024 الله يحفظك يا خويا محتوى هادف إستمر

[@user-jo9zq7qm2y]

مرحبا كيف اسافر والاقي عمل في اليبان انا مصري

[@almadarplus]

้السرعة بالكيلوغرام؟؟ Kg أو بالكيلومتر Km يا هوووو تأكد من كتابة المصطلحات...

[@Welcome2japan2024]

فعلا ده خطأ كبير الكتابة بتكون الكترونية اوتوماتيكية ان شاء الله النوع ده من الاخطاء هنحاول نتفاداه في الفيديوهات القادمة النوع ده من التعليقات بيفيدنا جدا اننا نتطور للاحسن فشكرا جزيلا لحضرتك

[@Welcome2japan2024]

فعلا ده خطأ كبير الكتابة بتكون الكترونية اوتوماتيكية ان شاء الله النوع ده من الاخطاء هنحاول نتفاداه في الفيديوهات القادمة النوع ده من التعليقات بيفيدنا جدا اننا نتطور للاحسن فشكرا جزيلا لحضرتك

[@mervatyassen4766]

❤❤❤❤

[@martinlamie7808]

Τέλια 😊

[@Welcome2japan2024]

كله بنصايحكم والله 😊

[@engmsa88]

كل الكابشن بتاعك العربي غلط ياريت تراجعه علشان المصداقية

[@Welcome2japan2024]

شكرا على الملحوظة وهيتم التعديل هذا النوع من الاخطء ان شاء الله النوع ده من التعليقات بيفيدنا جدا اننا نتطور للاحسن فشكرا جزيلا لحضرتك

[@awadali71]

برافوا عليك تحياتي

[@Welcome2japan2024]

شكرا جزيلا لحضرتك😊😊😊

[@user-gx4wd6sv8f]

دعاره بكارميتشو صحيحه100بالميه

[@SuperFayry]

سؤال انه مبالغ وو صح بس سؤال فيه جزء انت لم توضحه انت قلت هيدخل عريان .الشخص هيدخل عريان قدام اخرين بيستحموا عريان استرخاء مش استرخاء لم توضح الشخص هيكون لوحده ام لا !! والصور التي نشرها انها هتكون امام الاخرين !!هل هذه مغالطة ام حقيقة

[@Welcome2japan2024]

لا دي حقيقة لازم تكون من غير هدوم قدام الناس وهو كان صادق في المعلومة دي شكرا جزيلا لحضرتك😊😊😊❤

[@Ibbae]

والمانيا برضه كان مبالغ فيها!

[@Welcome2japan2024]

اتمنى انه يستغل شهرته في تقديم معلومات صحيحة على اد ما يقدر لان اي حد ممكن يغلط بس مش بالكمية دي شكرا جزيلا لحضرتك😊😊😊