الرز البرياني الإحترافي

Рет қаралды 5,773

Күн бұрын

الرز البرياني الإحترافي👨🏻‍🍳❤️
لي كاستين رز ودجاجة أو كيلو لحم :
دجاج مقطع أثمان ومنزوعة الجلد أو لحم
٣ بصلات صغيرة مقطعه شرايح رفيعة
ملعقة صغيرة ثوم مهروس
ملعقة صغيرة زنجبيل مهروس
نص نعناع مقطع صغار
نص كزبرة مقطعة صغار
٣ حبات طماطم صغيرة معصورة
٣ لبن زبادي
ملعقتين طعام من
بهارات البرياني الي نزلت طريقته
غطاية ونص ماء ورد / غطاية ونص ماء كادي/ زعفران
الطريقة:
نضيف في القدر كمية وفيرة من الزيت ونقلي شرايح البصل لين يسير لونها بني فاتح نشيلها من الزيت ونضيف باقي الثلث من الزيت في القدر الي راح نطبخ فيه البرياني نضيف علية الثوم والزنجبيل والدجاج أو اللحم لين يتغير لونه نضيف ملعقة طعام بهارات البرياني وبعدها عصير الطماطم ونقفل القدر ومانضيف ملح ولا موية لين يستوي الدجاج
صلصة البرياني:
نضيف في زبدية لبن زبادي مع النعناع والكزبرة و ملعقه ممسوحة من البهارات و نص ملعقة صغيرة زعفران ونخلطهم مع بعض وقبل مانضيفهم نرفع الدجاج أو اللحم من القدر ونضيف ثلاثة أرباع الخلطة على المرقة ونضيف ثلاثة اوراق غار ونخليهم على نار هادية لمدة عشرة دقايق تتسبك بعدها نضيف الدجاج أو اللحمة ونحط الملح ونزيده لو كان يحتاج ونضيف ثلثين البصل المحمر ونقلبهم بالراحه نسلق الرز نص استوى ونضيف معاه ملح وكم حبة هيل ونصفي الرز من الموية
بعدها نرفع الدجاج أو اللحم من الخلطة ونضيف ثلثين كمية الرز المسلوق على القدر وفوقهم الدجاج أو الدجاج مع كامل الخلطة وماتبقى من صلصة اللبن ونوزع الباقي من الرز على الوجه نضيف في الفنجان منقوع الزعفران مع ماء الورد والكادي ونرشو عالوجه ونقفل القدر ونتركه على نار هادية لمدة ٢٠ دقيقة وبعد مرور ٢٠ دقيقة اطفي النار واتركه ١٠ دقايق يتدمس الرز بدون ماافتح القدر بعد كدا نغرف الطبقة الأولى في صحن خارجي وطبقة اللحم في صحن ثاني نقلب باقي الرز ونغرفه في صحن التقديم ونوزع علية الدجاج أو اللحم بعدها نضيف عليهم الطبقة الأولى والبصل المحمر ورشة كزبرة وشوية الكاجو المحمص بالزيت وبالعافية وادعولي معاكم👨🏻‍🍳❤️
ملاحظة:
لو كان البرياني بالدجاج أو اللحم قليل الدهن وقت مانرش موية الورد والكادي قبل تقفيل القدر نرش ٣/٤ فنجان شاي من الزيت الي قلينا فيه البصل عالوجه ونقفل القدر وبالعافية وادعولي معاكم👨🏻‍🍳❤️