الشهادات المهنية فى مجال المحاسبة والتحليل المالي

[@goldentouch-accountingandf7068]

ال CFA هي Chartered Financial Analyst

[@essamtawfik7890]

ربنا يكرمك استاذ طارق بجد شكرا لمجهودك جزاكم الله كل خير مفيش اخبار عن شهر fmva وان شاء الله متابع مع حضرتك شرح cma part 2 وعقبال متشرح Cfa level 1 منتظرين من حضرتك كتير وبجد انت قربت وسهلت علي ناس كتير ربنا يجعله في ميزان حسناتك

[@Tarek_Elbosaty]

ربنا يعزك يا ا. عصام .. يشرفني متابعتك جدا

[@alibelharbi1525]

الكثير يشرح على موقع CFI هناك أربع كورسات مجانية هل من الضروري أن احصل على الكورسات الأربع كي احصل على شهادة التحليل العالي أرجو منك الرد ياستاد عن كيفية الحصول على شهادة التحليل المالي مع دكر الموقع

[@MMO-gd4no]

الله يعزك ويزيد معرفتك بجد افادتنا .. هو ممكن اخد ال ACCA منين على النت و في قد ايه وقت يعني ؟

[@Tarek_Elbosaty]

تسلم يا محمود يشرفني متابعتك

[@Tarek_Elbosaty]

شهادة ACCA شهادة المحاسب القانوني المعتمد البريطانية زي شهادة CPA الامريكية الشهادة متقسمة لمستويات كتير اولا المستوى الاساسي وهم عبارة عن ٣ مواد ثانيا مستوى المهارة وعبارة عن ٦ مواد ثالثا واخيرا المستوى الاحترافي وعبارة عن ٤ مواد اثناء دراسة هذة المواد هتاخد دبلومة المعايير الدولية لانها هي المادة رقم ٧ وهتاخد الضرايب لانها المادة رقم ٦ والقانون رقم ٤ والمراجعة المادة رقم ٨ ومش مهم الترتيب بشرط تكون في نفس المستوى يعني وانت في المستوى الاول تقدر تدخل اي امتحان من ال٣ الأوائل براحتك ولما تنجح فيهم بيتفتحلك المستوى التاني اللي فيه ٦ مواد من رقم ٤ الى رقم ٩ وتقدر تدخل اي واحدة قبل التانية عادي بس مش متاكد اذا المادة ٤ القانون لازم تعديها عشان يفتح اللي بعدها ولا لا بصراحة عموما اول ٤ مواد تقدر تمنتحهم في اي وقت انت جاهز فيه يعني امتحان تحت الطلب اما الباقي فلازم يكون في ٤ توقيتات في السنة شهر مارس او شهر يونيو او شهر سبتمبر او شهر ديسمبر تقدر تدخل بحد اقصى ٣ مواد في الويندو الواحد الرسوم للعضوية ١٠٥ جنية استرليني في السنة ورسوم الامتحان الواحد ١٠٥ جنية استرليني برضو انت لو بكالريوس تجارة محاسبة من مصر عربي بتاخد اعفاء على اول ٤ مواد بس لازم تدفع قيمة اتمحانتهم وتاخد الاعفاء وتبدا من المادة الخامسة اللي هي PERFORMANCE MANAGEMENT المستوى الاحترافي الاخير اللي هو عبارة عن ٤ مواد بتاخد ٢ اجباري وبتختار ٢ من بين اربعة اختيارات ADVANCE AUDIT & ASSURANCE ADVANCE TAXATION ADVANCE PERFORMANCE MANAGEMENT ADVANCE MANAGEMENT ACCOUTING والمواد دي كلها بتكون درستها في المستوى التاني skill level مدة او مهلة الحصول على الشهادة من يوم ما تسجل ١٠ سنوات وبتاخد الشهادة مهما كانت اختياراتك في المستوى الاخير بحيث لو انت عايز تاخد رخصة مزاولة المهنة في بريطانيا لازم تاخد في المستوى الاحترافي الضرايب والمراجعة وتخلص في ٥ سنين بس دي ماتشغلناش كتير الامتحانات بتكون في المجلس الثقافي البريطاني في القاهرة فقط الامتحانات اصبحت كمبيوتر بعد ما كانت ورقية من حوالي سنتين تلاتة والنتيجة بتظهر بعد ٤٥ يوم ممكن بعد ما تخلص المستوى الثاني لحد المادة ٩ تعادل شهادتك وتاخد بكالريوس محاسبة من جامعة اكسفورد بروكس في بريطانيا بس بتعمل بحث وتمتحن امتحان اخلاقيات وكمان لازم تقدم شهادة انجليزي IELTS اكاديمي بدرجة ٦ وبشرط لاتقل الدرجات عن المحادثة ٥.٥ والاستماع ٥.٥ والكتابة ٦ والقرائة ٦ وممكن بعد ما تخلص ACCA كلها تاخد اعفاءات على ماجستير محاسبة من جامعة لندن ويتبقالك مادتين تقريبا بس

[@Tarek_Elbosaty]

استاذ/ وليد ياسين ادخل علي القناه علي اليوتيوب هتلاقي كل حاجه عن الشهاده بالتوفيق kzbin.info/www/bejne/fZ-uppmurJ2tbNk

[@حسامصلاحالدين-ر1ض]

طيب أنا محتار أدرس أنهى شهادة في دول خصوصاً أني كنت شغال محاسب في شركة يعني مش كبيرة وحساباتها مش قوي وحابب أشتغل في حاجة أكبر وأوسع وبمرتب كويس أدرس إيه أو أعمل إيه خصوصاً أني عندي حالياً 35 سنة فماذا أفعل 🤔

[@MMO-gd4no]

معلش سؤال بس : هو فعلا هل كمان ١٠ سنين الالات والذكاء الاصطناعي هيحل محل المحاسب ، من واقع خبرتك بالمجال ؟ بسال لان دراسه الشهايد دي ف سنين ولو كدا يبقي الواحد ميدرسهاش اصلا صح ؟!

[@Tarek_Elbosaty]

الطيارة كانت الاول لازم بسواق بعدين اصبحت بدون سواق لكن اللي بيحركها طيار بردو لكن طيار متطور حكم الكورة اصبح بال var دلوقت لكن اللي بيراقب الفار بردو حكم بشري لكن حكم متطور وكذلك المحاسب كان زمان كل شغله بالورقة والقلم لكن دلوقت اصبحت المهنة بالبرامج واللي بيشتغل عليها بردو محاسب بشري لكن محاسب متطور المنهة نفسها مستحيل تنقرض لأنها بتعتمد علي حاجات كتير يصعب علي البرمجة عملها زي اتخاذ القرارات مثلا لكن اللي مش هيبقي ليه دور هو المحاسب اللي مش بيسعي يطور من نفسه

[@MMO-gd4no]

@@Tarek_Elbosaty ❤❤❤ الله على الرد منمق الله ينور عليك