الشاعر عبدالله بن زويبن رحمه الله - عسى الله ينجينا من المدفع اللي ثار

عسى الله ينجيني من المدفـع اللـي ثـار
بعيد المدى اللـي كـل الأهـداف يعطبهـا
يخـوف ويرعـب كـل ماثـار ياستـار
يهـد المبانـي والـرواسـي يشطبـهـا
حديث المديـل اللـي علـى كهربـا وزار
عسى الله يعيـن القـوة اللـي يحاربهـا
رماني وجاني من سهومه مطـر وغبـار
ولغـات المدافـع بالصواريـخ أخاطبهـا
ألا ياهـلا يامرحبـا والكـبـار صـغـار
وتـرى النـاس تهديـد العـدا مايهيبهـا
عزمنا على عسـف النظـا نسـع الأزوار
وجزمنا على مس الكتـب فـي غواربهـا
وكربنا الأشدة فوقهن في حقـب وحضـار
ونسفنـا مواركهـا وشلـنـا مزاهبـهـا
ونوينـا علـى رد النقـا للعميـل جهـار
على شـان صعبـات المواقـف يجربهـا
تـدور المعـارك والجنايـز لهـا قـبـار
لهـا مـن يكفنهـا ويركـز نصايبـهـا
حصل ماحصل والمبتـدي ماعليـه حيـار
وترى اللي تقـدم لحيتـه عنـد شاربهـا
وترا الشك ودى له رياجيـل يـم شهـار
تربـع بليـس بروسهـم ليـن خربـهـا
مع الدرب الأيمن رح وخل الشكوك يسـار
تراهـا بعيـدة عنـك وأنـتـه تقربـهـا
عطيناك بشـتٍ ماتخالـف بهـا الأنظـار
نقينا المشالـح ليـن جبنـا لـك أطيبهـا
وقبلت الهدية ثم مدري وش اللـي صـار
لقينـاك يـوم تصلـي العـيـد قالبـهـا
وأنـا ياعلـي مانـي مـراوغ ولا غـدار
أقـدر خويـي والمحابيـل مـا أنصبهـا
وأجنب عن الشينة ونفسـي لهـا مقـدار
مع الطيب تمشـي والـردا مـا يناسبهـا
وأنا ماني اللـي يعتـرض سكـة المـرار
أنا لـي طريـق وباقـي الطـرق أجنبهـا
أخل العرب وأسرارها ما أبحـث الأسـرار
أجنـب ولالـي فـي خطاهـا وصايبهـا
أعرف أن لو أنه يطـق الحجـار حجـار
تقـوم السبـاع إلهـا سبـاعٍ تجاوبـهـا
وتصير القضية مسألة بحـث واستفسـار
وعلـى راس منشيهـا تعـود عواقبهـا
وتراك انت راع الرمية اللي بـدون عيـار
طريقـة خطـا مـدري عليـه مصوبهـا
تبجح وتنظـر لـي بتصغيـر واستهتـار
كبيرة عليك ولا أعـرف ويـش واجبهـا
وتقول أنك انت الشاعر الماهـر البيطـار
جميـع المثايـل مفـردٍ فـي غرايبـهـا
وأنا خابر انك لـك بضايـع مـع التجـار
على كل سـوقٍ يشـري الزيـن تجلبهـا
وبالأسهم تساهـم بالجنيهـات والـدولار
مع أرقى البنوك اللي تضاعـف مكاسبهـا
وترى كل ديرة غيـر ديـرة بهـا خبـار
أهـل معرفـة بسباعهـا مـن ثعالبهـا
وترى كل ديرة غيـر ديـرة بهـا صقـار
يعرف الصقور الرقش ويعـرف أرانبها
وأنا يوم سويـت القصيـدة خبـر وانـذار
وأنا ما أحسب انك تشتبـه فـي مآربهـا
وتعبت وتعبنا والنتيجة مـا غيـر أصفـار
والأصفار بالأصفـار وشلـون نضربهـا
وأنا مسهمي ماهو بناقص مـع الشعـار
أروض صعيـبـات المثـايـل وأرتبـهـا
وأسوق القوافي لين تمشي مـع المعبـار
كما سـوق هجـنٍ حنـوة العـود تدبهـا
على درب شيـخٍ كـل يـومٍ يصبـح دار
يسج النشيـط مـن النظـا ليـن يتعبهـا
وأجيب البيوت المفـردة وأتـرك التكـرار
نقيـض الفـوا رغ بندقـي ماتزهبـهـا
وأطب الفياض المخضرة واقطـف النـوار
اقـص الزهـور الناعمـة مـن ذوايبهـا
واطـب المـزارع واتنقـى مـن الأثمـار
أنقـي نبـات اثمارهـا مـن شوايبـهـا
وأغوص البحور اللي بها الحص والمحـار
وأخلـص عميلـي دينتـه قبـل يطلبهـا
وأعرف البضايع واعرف السوق والأسعار
واثمـن واقـدر سلعتـي قبـل أطببـهـا
وترى اللي سواك نشيمه شيمـة الخطـار
وفاء والنفـوس الطيبـة ليـه نغضبهـا
لاكنا على اللـي فيـه زودة لغانـا حـار
مشاهيـب نـارٍ مـن زمهريـر نجذبهـا
تواهج توهج شقر الأسياخ وسـط النـار
لـو انـا نمثنيـهـا صـفـاتٍ تذوبـهـا
وترى الشعر فتل ونقض ماهو بخبط أشجار
وترى الفرق بعقـول الرجـال ومواهبهـا
وترى الحكمة البلغة وباق الكـلام بخـار
يمـر الحلـوق الناشفـة مـا يرطبـهـا
والايـام والدنيـا تـرى مالهـا استقـرار
علـى نجومهـا تطلـع نجـومٍ تغيبـهـا
الأيـام تخفـي غيبـهـا والـزمـن دوار
بطش بالملـوك وحالهـا عـن مناصبهـا
على عروشها مثل النوادر علـى الأوكـار
وتصـف العساكـر بالطريـق لمواكبهـا
تلاشوا مثل نبتٍ بـروض وطـاه عصـار
عواصـف ريـاحٍ طيـرت بـه هبايبهـا
نواعم غصونه طار فيهـا الهـوى التيـار
وبقايا عروقـة جـارح السيـل سالبهـا
تعيـش الأوادم بالأمـل والعمـار قصـار
وراهـا محاسـب والله اللـي يحاسبهـا
رجانـا وملجانـا هـو الواحـد القهـار
ولـي العبـاد اللـي يحقـق مطالبـهـا
وقرينا الكتاب اللي نزل لأولـي الأبصـار
بشيـر ونذيـر ولابـه آيــه نكذبـهـا
قرينـاه بالغنـة والأخـفـا وبالأظـهـار
وبالإدغـام واللـي بالحركـات نعربـهـا
وتبعنا طريق اللي كسر شكوكـة الكفـار
ونقيـم الصـلاة الواجبـة مـع رواتبهـا
وتركت المجال لصاحبـي لجـل مايحتـار
تقصـرت ولـى لـو تقصيـت أشيبـهـا
وأنا خابر انـه صقـر ماياكـل الاسوار
وطعام الصقور الجارحـة مـن مخالبهـا
وتقبـل تحياتـي وهـذا اخـر المشـوار
قصيـدة جديـدة بـأزرق الحبـر كاتبهـا
قصيدة تشـره مابهـا شجـب واستنكـار
نظيفـه عفيفـة مابهـا مــا يعيبـهـا
على مبتداها من نسيـج الحريـر شعـار
وعلـى منتهاهـا العـود الأزرق يطيبهـا
وصلاة الله البـاري علـى سيـد الأبـرار
شفيع الخلايـق يـوم تكشـف حقايبهـا
نبيٍ أوحي لـه بالرسالـة وهـو بالغـار
بها خصه الله مـن عبـاده وفـاز ابهـا

[@مجيدا-ك5ش]

عز الله انه شاعر الله يرحمه

[@تخصص]

امبراطور شعر بلا منازع .. الله يرحمه

[@nawafalharbi894]

الله يرحمك يابن زويبن عزا الله ان قبيله ابلش عمره يا قو القصيدة قواه مفرادات مركبه بتناسق عجيب سبحان من عطاك هالملكه الشعرية

[@menwer-azab]

رحم الله الشاعر الكبير عبدالله بن زويبن عزالله أن الساحه الشعبيه فقدت شاعر جزل ولا هي غريبه على بن زويبن الجزاله وهو من قبيلة حرب العريقه قبيلة الشعر والكرم والعلوم الطيبة من قديم 🌹🌹🌹🌹🌹🤚

[@Fahads7]

الله أكبر القصيدة هذي هي فخر الشعر النبطي قصيدة قوية بمفرداتها وبجزالة بيوتها وجمال تشبيهاتها وفريدة بأفكارها وخاليه من الحشو رحمة الله على ابن زويبن أجيب البيوت المفردة واترك التكرار نقيض الفوارغ بندقي ما تزهبها أنشهد

[@بيتالقصيد-ح9ط]

الله يرحمه شاعر عملاق يشكل من السهل الممتنع .. القصيده لا طالت عن حدها زاد نقدها الا حط تحت الا قوسين قصائد ابن ازويبن كل ماطالت كن يشفيك اكثر ، بعضهم نسمع قصيده مره وخلاص الا ( ابو بندر ) مثل اول مره حين تسمعه.

[@Fahads7]

@@بيتالقصيد-ح9ط صدقت ابن زويبن هو الوحيد اللي كسر هالقاعدة

[@بيتالقصيد-ح9ط]

@@Fahads7 يقول ابن عون ماهيب تخرج مفردات على ايااه يصهر ذهبها لين ينجض نجاضي

[@Fahads7]

@@بيتالقصيد-ح9ط مناياه** وهو صادق ابن عون

[@HarbiNajd]

@@بيتالقصيد-ح9ط انا اشهد انا اشهد له قصايد سمعتهن فوق ٥٠٠ مره ولا مليتها

[@احمدالحمد-ق7ن]

لكنا على اللي فيه زوده لغانا حار 👏🏻 هذا طبع الاحرار

[@moaz5016]

مافهمت وش هو اللغا

[@الإبريز]

حتى انا مدري وشهو اللغى

[@احمدالحمد-ق7ن]

@@moaz5016يعني اسلوبه بالكلام مع العدو ساخن وجارح

[@محمدالجابري-ب6ك]

اللغا يعني كلام ينذرك به بالعربي يعني انا عدوك وخصمك القاتل

[@AsdAsd-y9e8t]

عسى الله يحرم وجهك عن التار ويجعل فالفردوس الاعلى مثواك

[@hmohamed3202]

ونعم في الشاعر صح السانك الهم احفظ الوطن وشعبه وحفظ جميع اواطن المسلمين من اعداء 👍👍💪💪🌹🌹

[@abdullaalmohannadi6060]

الله يرحمه، ليت كل مستشعر بس يحاول يجيب مثل بن زويبن حتى لو ماهوب قادر

[@mrwiil7924]

تقصرت ولا لو تقصيت اشيبها ) هذا وهو قصرها الله يرحمه عزالله ابلش نفسه قبيله 😅😅

[@أيااام-ت6خ]

بن زويبن مهضوم حقه ولاعرفوا قدر قصيده الا بعد مماته الله يرحمه والله عمره فوق الاربعين واسمع له قبل 25 سنه

[@صالحالحربي-ل5ي]

قمة الجمال القصيدة لابن زويبن واللي يلقيها الشاعر مساعد

[@dafalotabi6153]

صدق بن عون يقول ما فيه اشعر منه رحمة الله عليه

[@مشعلالحربي-ض6ج]

لله درك يبن زويبن اكبر شاعر ماضي وحاضر ❤

[@111111kha]

من معلقات بن زوبين ، الله يرحمه ويغفر له

[@شايفوعايف-ق8ر]

يا ساتر ما شاء الله تبارك الله يا قو القصيده قواه يا رياجيل

[@عتيقالمظيبري-ل2ذ]

رحمة الله على بن زويبن

[@الشامخالغامدي]

‏إبداع إبداع إبداع هذه المعلقة نشكر الاستاذ مساعد رحم الله والديك بصراحة خدمتنا وخدمت الشعر ‏رحم الله الشاعر الكبير وأنا أقول لا يوجد نظير لعبد الله بن زويبن ‏كما لا يفوتني أن أشيد في الإلقاء المميز والحفظ المميز الذي لا يعكر صفو القصيدة

[@HarbiNajd]

ابيض وجه يالغامدي

[@ابوفيصل-ذ2و8ب]

يقف الشعر عند ابن زويبن امبراطور الشعر بكل جداره عسى الجنه مثواه

[@الحربي-ف8ط]

هذي شيخة القصيد بوقتنا هذا

[@HarbiNajd]

لكنّا على اللي فيه زوده لغانا حار ! يمال الجنه ياهاك الوجه

[@احمدالحمد-ق7ن]

هذا الشطر اكثر شطر اعجبني جدآ

[@علىاللهتزين]

يارب رحمتك هذا والله ضرب الرصاص يمال الجنه يابو بندر

[@صلواعمحمد]

الشاعرعبدالله ابن زويبن شاعر غني عن التعريف الله يرحمه ويغفرله ويجعل قبره روضه من رياض الجنه امين يارب العالمين🌸الينه فقيده 💔

[@عبداللهالحربي-ذ2ر3ع]

عطيناك بشتن ما تخالف بها الانظار نقينا المشالح لين جبنالك اطيبها وقبلت الهديه ثم مدري وش الي صار لقيناك يوم تصلي العيد قالبها 👏🏻 رحمك الله يابن عمي 🙏🏽

[@مختاراتعلمية]

رحم الله الشاعر عبدالله بن زويبن

[@al-hrdif15]

نفس صوته سبحان الله ❤❤

[@Sari19941]

ابن زويبن خاله

[@سعودالظفيري-ذ3ذ]

كفو الله يرحمه ويسكنه فسيح جنانه

[@tevez1207]

واغبني من البقر اللي تسولف والرجال يقصد

[@amo1123]

اشهد بالله ان به شاعر

[@مسفرالفطيح-و7و]

واجب القصيد اللي تسمع تبي افعل تسند عليها تقدير ومقدار

[@فيصلالحربي-ع3خ6ن]

شعار سبيل وعبدالله وصياف وكثرين من قبيله حرب

[@HomoudAldaihani]

الله الله الله الله الله

[@حمزهالنخاطين]

هالله هالله صح الله لسانك 🌹♥️

[@احمدالحربي-ي6خ]

ابن زويبن محد يجاريه الله يرحمه

[@swal7233]

تحدي هالقصيده

[@moaz5016]

هاذي القصيدة على لحن جميل جدا وهو لحن شيلة الغريبان بصوت خال ال بريك ووزنها فعولن مفاعيلن فعولن مفاعيلن

[@uehsshhsh9478]

عزالله انه بحر الله يرحمه

[@استغفرالله-ل4ص3خ]

الله يرحمه

[@Nrr305]

يارب تغفر له ولموتى المسلمين

[@fhgftfpfdth7771]

على حسب ماسمعت

[@فايزالحربي-غ9س]

نخبة النخبه من الشعر

[@flllll7438]

صح نقلك ي الدكتور ولا هنت فيها نواقص لاكن ما قصرت

[@1276894]

اللي يهرجون ورا وخربو التصوير ودك تسد حلقه بجزمه

[@sale774]

رحمه الله

[@zah7455]

ارفع الصوت "

[@حمودالعتيبى-ز4و]

اللة يرحم ابن زويبن

[@ASNASAN-er3cb]

يمال الجنه

[@saeedalkhatri4722]

صح لسانه ورحم الله الشاعر

[@aaksh7013]

هذي القصيده في علي ابن ربح الصميلي كان علي يجاريه في كل قصيده ثم ارسل له ابن زويبن يا علي قل و لا لواردك ملطوم ثم رد علي بقصيده لم تكن موفقه ثم رد عليه ابن زويبن هذه القصيده

[@يكتبالأن-خ5ض]

تقصرت ولا لو تقصيت أشيبها.. أظنه لو تقصا شوي راحو سوات الراعي النميري 🤣

[@mrmohd9809]

التصوير يقطع يخرب القصيده والصوت هاذا خطأ.

[@بندر-ر7و]

يقولها قدام خمام ماتعرف تسكت

[@عبداللهالحربي-ح7م2ذ]

ابي ديوان مطبوع لبن زويبن وين احصله

[@theo4084]

سمعت معرض الكتاب الان يبيعه فالرياض

[@خالدخالي-ب4ظ]

@@theo4084 اكيد

[@HarbiNajd]

@@theo4084 مالك لوااا

[@abdallahl2566]

ما فيه الا ديوان صوتي

[@fhgftfpfdth7771]

موجها صوب علي ربح السبيعي ارسله قصيده ورد عليه رد مهوبزين

[@عينالحقيقه-ط8ت]

اتحداك ياشيخ والله مارد على بن زويبن ولا قصيده ارسله بن زويبن قصيدتين ولا رد ولاقصيده ولاشي صاحي انت منهو اللي بتجرأ بس ويحتك ف بن زويبن وان كنت صادق هات الرد

[@نوافالحربي-ض6ل1ح]

@@عينالحقيقه-ط8تلا هو صادق ارسله قصيده اللي فيها ( يعلي قول ولا يوردك ملطوم يراعي الخرمه حديد البقومي ) وفهم علي القصيده انها هجاء وهي مدح ورد رد يسب فيه الله يرحمه وسو القصيده هذي ابن زويبن يقول (هديناك بشتن ما تخالف به الانضار / نقينا المشالح لين جبنا لك اطيبها : وقبلت الهديه ولا ادري وش اللي صار / لقيناك يوم تصلي العيد قالبها ) عشانه فهم القصيده انها سب

[@عينالحقيقه-ط8ت]

صحيح . وصلته قصيده بن زويبن وقالو له ناس رد ع بن زويبن قال لو اني بهتم ف الشعر اني لأخلي بن زويبن يعاف الشعر كله هنا زعل بن زويبن وارسل له القصيده هذي

[@عينالحقيقه-ط8ت]

بعدين بن ربحه شاعر والشاعر والشاعر يفهم المعاني وقصيده بن زويبن مدح مايحتاج واي واحد يفهمها انها مدح

[@ابوعايضالخالدي-ث3و]

منهو اللي عرف اللغز المدفون بالقصيده ❤

[@user-aziz55]

خبط الشجر

[@ابوعايضالخالدي-ث3و]

@@user-aziz55 مالك لوى

[@FANJ_]

من عرف اللغز المدفون؟ واللي شكلك جيل ٢٠٠٠ ماتدرون وين مسرحه

[@رايدحمودالعوفي]

يالفهيم كيف تبغانا انعرفها وحنا ماعشنا علئ زمانهم ماقول انا مانعرف شي الا نعرف لكن اللي مانعرفه اكثر

[@سارهالشربيني-ج8ر]

تكفون وش قصة القصيده 😭؟؟

[@Fahads7]

ابن زويبن علي بن ربح السبيعي كانوا زملاء بالحرس وقال علي أنا عندي قصيد لو سمعه ابن زويبن ما عاد يقصد الكلام وصل ابن زويبن فقال قصيدته : يا علي قول ولا لواردك ملطوم يا راعي الخرمة حديد البقومي عندي علوم وخابرٍ عندك علوم تبي تعلمني وتاخذ علومي وصلت القصيدة لعلي واساء فهم ابن زويبن وكان يظن انه يسبه بالقصيدة فرد على ابن زويبن وكان ما هو بمقام ابن زويبن و اساء لابن زويبن أو نقص من قدره طبعاً قصيدة علي ماهي موجودة فرد عليه ابن زويبن بهالقصيدة وحجمه بكل أدب

[@asmznhnewchannelaszvip6356]

@@Fahads7 كمل

[@Fahads7]

@@asmznhnewchannelaszvip6356 بعدين رد ابن زويبن بقصيدة المدفع وهذي السالفة بكل إختصار

[@صلواعمحمد]

الله يرحم الشاعر المعروف عبدالله ابن زويبن ويجعل قيره روضه من رياض الجنه امين يارب يارحيم🌸الينه فقيده 💔

[@ابوراجحالحربي-س2و]

@@Fahads7 تكفى عيد القصه لاهنت ما تجي كامله اقرا المزيد اضغط عليه ما يجي

[@واحدمنخلقالله-ب6ط]

منهو اللي القصيده موجهه له؟

[@Fahads7]

علي بن ربح السبيعي كانوا زملاء بالحرس وقال علي أنا عندي قصيد لو سمعه ابن زويبن ما عاد يقصد الكلام وصل ابن زويبن فقال قصيدته : يا علي قول ولا لواردك ملطوم يا راعي الخرمة حديد البقومي عندي علوم وخابرٍ عندك علوم تبي تعلمني وتاخذ علومي وصلت القصيدة علي واساء فهم ابن زويبن وكان يظن انه يسبه بالقصيدة فرد على ابن زويبن وكان ما هو بمقام ابن زويبن و اساء لابن زويبن أو نقص من قدره طبعاً قصيدة علي ماهي موجودة فرد عليه ابن زويبن بهالقصيدة وحجمه بكل أدب

[@misharialonazi3679]

@@Fahads7 ز

[@fayezalharbi7208]

@@Fahads7 و

[@عدناانالحربي]

@@Fahads7 ل

[@m..3489]

@@Fahads7 .

[@حمودالعتيبي-ض6ه]

رحمة الله على بن زويبن