Рет қаралды 599,236
حلقات مقترحة
اقتحام منزل الرئيس
• اقتحام منزل الرئيس
أوروبا عطشانه
• جفاف أنهار أوروبا وغرق...
أسرى الجيش المصرى
• أسرى الجيش المصرى
جاسوسة الملابس الداخلية
• جاسوسة الملابس الداخلية
فوائد الشيبسي
• الشيبسي
يوم 10 ديسمبر سنة 1968.. اتعرضت اليابان لسرقة واحد من أهم بنوكها.. لكن مش دى المشكلة سيدى المواطن.. المشكلة ان لحد النهاردة - من سنة 68 - الشرطة اليابانية مش قادرة تقبض على اللى سرق البنك.. لدرجة ان القضية اتأيدت ضد مجهول.. بعد 7 سنين كاملين من التحقيق فى القضية.. اعترفت الشرطة اليابانية بفشلها واعتذرت للشعب اليابانى وقفلت القضية.. ايه اللى حصل وازاى؟.. هقولك..
يوم 10 ديسمبر سنة 1968 دخل مدير بنك نيهون اليابانى لمكتبه علشان يبدأ يوم روتينى من الشغل اللى بيكرره بشكل يومى.. لكن اللى مكنش روتيني اليوم ده انه بمجرد ما دخل مكتبه.. وصله جواب من شخص مجهول.. بيقول ايه الجواب؟.. سيدى مدير بنك نيهون.. حرصا على سلامتك وسلامة أفراد أسرتك.. وحتى لا يتعرض أيا منكم لما تشاهدونه فى أفلام الرعب على التلفاز.. أطالبك بتسليمى 300 مليون ين يابانى..
سَيِّدِي مُدِيرَ بَنْكِ نيهون. . . أَرْسَلَ تَحِيَّاتِي إِلَى اِبْنَتِكَ اَلْجَمِيلَةِ . . . لَقَدْ وَهَبَ اَللَّهُ اِبْنَتَكَ مِنْ اَلْجَمَالِ . . . مَا يَجْذِبُ إِلَيْهَا اَلشَّبَابُ كَالذُّبَابِ . . . وَيُزْرَعَ فِي نُفُوسِ اَلْفَتَيَاتِ اَلْغَيْرَةِ كَبُذُورِ أَشْجَارَ اَلْاَيتْشُو . . . لِلْجَامِعَةِ تَسِيرُ صَبَاحًا كَوَرَقِ اَلشَّجَر يَطْفُو عَلَى سَطْحِ اَلْمَاءِ اَلْعَذْبِ . . . وَفِي اَلْمَسَاءِ تَعْزِفُ اَلْبِيَانُو بِأَنَامِلَ مِنْ ذَهَبٍ . . . أَمَّا وَلَدُكَ اَلْمُرَاهِقُ . . . فَقْدٌ غَزَا اَلْحُبُّ قَلْبَهُ . . . وَيَسْتَمْتِعَ بِمُرَافَقَةِ خَلِيلَتِهِ إِلَى دَارِ اَلسِّينَمَا كُل ثُلَاثَاءَ فِي حَفْلِ اَلتَّاسِعَةِ مَسَاءً . . . لَكِنْ عَلَيْهِ أَنْ يَتَعَلَّمَ اَلسَّمَاحُ لِلنِّسَاءِ بِالْمُرُورِ أَوَّلاً . . . بِالْجُلُوسِ أَوَّلاً . . . بِالِاسْتِمَاعِ إِلَيْهِنَّ بِقَدْرِ اَلنَّظَرِ إِلَى عُيُونِهِنَّ . . . عَلَيْهِ أَنْ يَتَعَلَّمَ كَيْفَ يَنْظُرُ إِلَى اَلْعُيُونِ قَبْلَ أَنْ يَهْمِسَ فِي اَلْأُذُنِ . . . هَنِيئًا لَكَ بِعَائِلَتِكَ . . . لكن حَاوَلَ أَنْ تَبْذُلَ مَزِيدًا مِنْ اَلْجُهْدِ لِرِعَايَتِهَا وَحِمَايَتِهَا مِنْ اَلْخَطَرِ . . .
بمجرد ما مدير بنك نيهون قرا الجواب.. اترعب.. دى رسالة تهديد واضحة جدا.. اللى بعت الجواب ده عارفنى وعارف ولادى.. راصد تحركاتنا.. عارف احنا بنروح فين وبنعمل ايه.. وده معناه انه يقدر يطولنا فى أى وقت..
جرى بسرعه على التليفون يتصل بزوجته فى البيت.. عاملين ايه؟.. انتو كويسين؟.. أيوه يا حبيبى احنا كويسين خير ايه اللى حصل؟.. الولاد فين؟.. البنت فى الجامعه وابنك فى مدرسته.. قفل مع زوجته التليفون واتصل بسرعه على الشرطة.. الحقونى.. فى حد بيهدننى بالقتل لو مسلمتوش 300 مليون ين يابانى..
وهنا كانت المفاجأة سيدى المواطن.. الشرطة اليابانية لما وصلت مكنش مدير البنك هو الشخص الوحيد اللى وصله خطاب التهديد.. أكتر من 10 موظفين فى البنك وصلتهم نفس الرسالة باختلاف تفاصيل حياتهم وأفراد أسرهم.. المجرم كان مراقب موظفين البنك وعارف تفاصيل حياتهم وتحركاتهم بشكل يخوف..
مين ده وازاى كان بيراقبنا كلنا طول الفترة اللى فاتت بدون ما حد فينا يحس.. وازاى قدر يجمع كل المعلومات دى عننا كلنا فى وقت واحد؟.. والسؤال الأهم.. الراجل ده ناوى على ايه بالظبط؟.. هنا رد ظابط شرطة من اللى واقفين وقال.. هو غالبا مش راجل يا جماعه.. اللى بعت الجواب ده بنت فى نهاية العشرينات.. دخلت أكتر من علاقة حب فاشله.. والأهم انها عاشت حياة فقيرة حرمتها من الحياة اللى بتتمناها كل بنت؟.. فسأله مدير البنك.. انت عرفت كل ده منين؟..
قاله عرفت انها صغيرة فى السن ودخلت فى علاقات حب فاشله من اهتمامها بتفاصيل علاقة ابنك مع البنت اللى بيحبها.. مفيش راجل هينتقد راجل زيه علشان مبيسمحش لحبيبته انها تتكلم كتير.. ده غير ملاحظتها ان حبيبة ابنك محتاجه انه يغازلها بعنيه أكتر من رغيه اللى مبينتهيش.. أما حياتها الفقيرة فده واضح جدا فى غيرتها من دروس البيانو اللى بنتك بتتعلمه..
من المصادر
bit.ly/3ddY8TA
bit.ly/3SsyFWC
bit.ly/3Q2ezRv
#الجريمة_الكاملة #المواطن_سعيد