Өлсем,орным қара жер сыз болмай ма ? Абай Құнанбайұлы

Өлсем, орным қара жер сыз болмай ма?
Абай Құнанбайұлы
Өлсем, орным қара жер сыз болмай ма?
Өткір тіл бір ұялшақ қыз болмай ма?
Махаббат, ғадауат пен майдандасқан,
Қайран менің жүрегім мұз болмай ма?
Амалсыз тағдыр бір күн кез болмай ма?
Біреуге жай, біреуге тез болмай ма?
Асау жүрек аяғын шалыс басқан,
Жерін тауып артқыға сөз болмай ма?
Сонда жауап бере алман мен бишара,
Сіздерге еркін тиер, байқап қара.
Екі күймек бір жанға әділет пе?
Қаны қара бір жанмын, жаны жара.
Жүрегіңнің түбіне терең бойла,
Мен бір жұмбақ адаммын, оны да ойла.
Соқтықпалы, соқпақсыз жерде өстім,
Мыңмен жалғыз алыстым, кінә қойма!
Жасымда албырт өстім, ойдан жырақ,
Айлаға, ашуға да жақтым шырақ.
Ерте ояндым, ойландым, жете алмадым,
Етекбасты көп көрдім елден бірақ.
Ой кіргелі тимеді ерік өзіме,
Сандалмамен күн кешкен түспе ізіме.
Өзі ермей, ерік бермей, жұрт қор етті,
Сен есірке, тыныш ұйықтат, бақ сөзіме!
Ішім толған у мен өрт, сыртым дүрдей,
Мен келмеске кетермін түк өндірмей.
Өлең шіркін - өсекші, жүртқа жаяр,
Сырымды тоқтатайын айта бермей.
#Өлсем орным қара жер сыз болмай ма?
#Абай Құнанбайұлы
#Өлсем орным қара жер сыз болмайма
#абай құнанбаев
#поэзия
#қазақша поэзия
#Поэзия әлемі
#Абай Құнанбайұлы өлеңдері
#Өлсем орным қара жер сыз болмай ма? Абай Құнанбайұлы
#Қазақша поэзия
#Қазақша өлеңдер
#Абай өлеңі
#поэзия қазақша
#Абай өлеңдері
#Абай Құнанбаев
• Өлсем,орным қара жер с...
• Бір сұлу қыз тұрыпты х...
• "Білектей арқасында өр...
• "Сегіз аяқ"
Абай Құна...

[@user-on4gi5hz1w]

Адалдык адамнын жары , Ар тазалыгы , Адал табыс адал ас .

[@user-xs8wb4jm5f]

Перевод можно на русский язык

[@user-jj6zy8lx8b]

Сонда жауап бере алман,мен бишара. Дұрысы: Сонда жауап бере алмаспын,мен бишара. Асай,кесей, алман,кемен(келмен),т.б. - шала қазақ тілінің сөздері. Дұрысы: Алмаспын,келмеспін,т.б. Махаббат??? Дұрысы: Махабат. Мухаббат(өзб-ше) - махабат(қаз-а), муаллим(өзб-ше) - мұғалім(қаз-а), мулла(өзб-ше) - молда(қаз-а),т.б. Тыныс белгілерінің дұрыс қойылу үлгілері: Өлсем орным қара жер,сыз болмай ма, Өткір тіл,бір ұялшақ,қыз болмай ма. Махабат, ғадауатпен, майдандасқан, Қайран, менің жүрегім, сыз болмай ма! Сөйлем сұраулы сөйлем болған күннің өзінде де, сұрақ белгісі сөйлемдегі ой аяқталғаннан кейін ғана қойылады Бірақ бұл жерде бізден сұрап тұрған жоқ, солай болатынын айтып тұр.