لسه بتحبه و بتعاند - فات الوقت و الأوان - عارفة يعنى ايه واحد بيحبك كلمات زغلول البطوطى تاجر السعادة

لسه بتحبه و بتعاند
فاكرة كبرها ساند
و بتعاند نفسها
و بتنسى أمسها
بس بصراحة
نظراتها فضاحة
بتفضح حبها
اللى ساكن قلبها
انتى بتعاندى مين؟
حب و عشرة سنين
شكلك غاوية أنين
و عينيكى مليانة حنين
بس كبرك زايد
و بالحزن عايد
لأنك ظلمتى و بجبروت
و ما سمعتيش الصوت
صوت الحب اللى بينادى
و رحتى بعيد فى وادى
غير الوادى
بس انتى الخسرانة
لأنك وقعتى الخرسانة
خرسانة الحب اللى فى القلب محفور
لأنك باختصار مليانة كبر و غرور
و الكبر مفتاح للغدر و الظلم و الشرور
و الدنيا دوارة واللى ظلم هييجى عليه الدور
الظلم ظلمات و عمره ما كان نور و لا سرور
زغلول البطوطى
فات الوقت و الأوان
و عايزة ترجعى
انتى بعتى من زمان
خدى منى و اسمعى
انتى وجعتى قلبى
مع انك حبتينى
و بعتى حبى
و خسرتينى
بس انتى بتكابرى
خلاص فاض صبرى
شفتى معايا الحنان
بس ما قدرتيش
بعتى بكل قسوة
و جنون و طيش
و فاكرة دى السعادة
يظهر قهوتك سادة
العند نهايته مرار
و طال الانتظار
و عايزة ترجعى
خدى منى و اسمعى
انتى سبتى الدموع
خلاص مفيش رجوع
الحزن مالى الضلوع
و صوتك مش مسموع
علمتى قلبى القسوة
بعد الحياة الحلوة
خلاص ما باحبكيش
انا لوحدى هاعيش
و لو غيرك مفيش
جبروتك زال
بعد الزلزال
و عايزة ترجعى
خدى منى و اسمعى
هأمنلك إزاى تانى
و انتى سبب أحزانى
و قهرى و هوانى
خلاص مش هاحبك تانى
ظلمك خلانى
ابيعك برخص التراب
ما انا ياما دقت مر الشراب
خلاص انا قفلت الكتاب
و مش عايز اقرا و لا سطر
هافر منك بسرعة زى القطر
و مش هارحم دموعك
لأنك ما بترحميش
و عايزة ترجعى
خلاص خلص الموضوع
مفيش حب و لا رجوع
زغلول البطوطى
عارفة يعنى ايه
واحد بيحبك
مش عارف ليه
قسى و باع قلبك
عارفة يعنى ايه
واحد بيحبك
يعنى مش شايف غيرك
وفى الأخر هجرتى طيرك
يا ستى كتر ألف خيرك !!!
عارفة يعنى ايه
واحد بيحبك
يعنى اختارك انتى
و فى الأخر بعتى
و افتكرتى
إنك كسبتى
لا يا حبيبتى
ساعات الكسبان
بيبقى أكبر خسران
عارفة يعنى ايه
واحد بيحبك
يعنى عشانك ممكن ينكرذاته
و فى سعادتك أجمل لذاته
بس انتى اشتريتى الوهم
و رشقتى فى قلبه السهم
طعنتيه بخنجر مسموم
و خليتى نفسه مكتوم
عارفة يعنى ايه
واحد بيحبك
صدقينى انتى مش عارفة
وكبرك و عندك خلوكى مش شايفة
مش شايفة غير المظاهر
و دوستى على حب طاهر
بس أحب أقول لك فى الختام
بعد ما سبتى الأحزان و الألام
غدرك بيا قوانى
و خلانى
أعرف أعيش
مش مهم
ترجعى
أو ما ترجعيش
الحياة هتمشى
بيكى أو بدونك
و انتى اللى
هيضرك جنونك
و على رأى فريد الأطرش
( وحدانى هاعيش كده وحدانى
و لا أقول يا غرام أبدا تانى
بعد اللى فاتونى لأشجانى
يحرم على قلبى و وجدانى
وحدانى هاعيش كده وحدانى
زغلول البطوطى