السلم القديم 🔥 في اللواء عصام بن نايف بن عصام 🔥 كلمات الشاعر سليمان بن ساقه 👏🏻اداء خالد ال بريك 2024

السلم القديم 🔥
قصيدة مهداة الى
اللواء عصام بن نايف بن عصام
كلمات الشاعر سليمان بن ساقه
اداء المنشد خالد ال بريك
كلمات العمل
البارحه ماذعذع الغربي ولا هب النسيم
واول هدايا الشبط للسمار ليل سرمدي
.
واليوم اشوف الشمس فـ اخرها مثل سلك البريم
خايف يعود ليلي البارح واطاوله وحدي
.
فك الشراع وولم الفنجال الاشقر ياسليم
واشعم لنا من طارف اللي حاطبينه فالبدي
.
اقصر من رقاب الحشو واطول من رقاب النعيم
ومن اليباس تقول ماندا بها عرق ندي
.
واجلس على جال الدلال الصفر لو انك غشيم
انت اجودين مادرا ان الوقت ماهو بجودي
.
عطني علوم اللي مربع فى سماح وفى كريم
وعطني علوم اللي شعب ذوده ويممها جدي
.
والا علومك يوم مريت المدينه والقصيم
اتحدك الحاجه وقل الحال وتروح محدي
.
انا ادري انك فى محلي لا انت ضيف ولا مقيم
الرزق جابك من بلادك لين حطك فبلدي
.
سولف عسى صوتك يبدد وحشة الليل البهيم
ماغير انا وياك غربٍ من شعيب الاجردي
.
واحذر تقول الناس عندي كلبوها سيم سيم
ان قلتها قضبتك خطوط البراح الجرهدي
.
والله يالولا الطيبين اللي على السلم القديم
ضاعت حقوق الناس بين الفهلوي والهربدي
.
ولولا مواقيف الرجال من الوجع مات السقيم
اللي يقول الظاهر اني ما اتعدي مرقدي
.
الطيبين اوجيههم تَقرع غريم من غريم
اترد رداد البرا ….. وترد كيد المعتدي
.
اوجيههم عند القبايل شانها شان عظيم
لو كان وجه مخلص الدعوى كبر راحة يدي
.
روس الرجال ان ماغدت فوق البسيطه ضل غيم
صارت مصابيحن بها الغادي يدل ويقتدي
.
انا عرفت من العبر مالله بمضمونه عليم
علم تعلمته وانا بكره بعلمه ولدي
.
مااشين من الحاجه ليابانت على وجه الكريم
الا ليامن بانت النعمه على وجه الردي
.
اليا نصاك المنهك اللي صارت ضلوعه هشيم
قله مدامك جيت ماني ذاخرٍ عنك جهدي
.
ولاتقول انطح لهيب النار وانفخ ياشريم
اشريم لو له برطمٍ ينفعه ماجاك يعدي
.
وانا لواني ما امدح الممدوح واذم الذميم
عزالله اني ظالم حرف القصيد الابجدي
.
يا اعصام ابن نايف عليك من المدايح رش ديم
انت ابلج عند العرب ممدوح قبلي وبعدي
.
امجمل العجمان يابن اعصام يالقرم الحشيم
وانا لو اني عسكري … ماصار غيرك سيدي
.
من جاك متضايق عتق لو كان ماهو من عجيم
واتقول للضيقه تعدي عن زبيني وابعدي
.
يفداك من عاقب بني عمه بمعروف يتيم
علم به محمد وعبدالله وهادي ومهدي
يشهد لك اللي عايشن ليله وصبحه فى جحيم
والمكتب اللي غاديٍ مثل البساط الاحمدي
.
اليا نصاك اللي مدا شوفه مثل ريش الظليم
تفزع معه فزعة ( ولد شيخ الجحادر ) لسعدي
.
ربعك محافيظن تعوذ منهم ابليس الرجيم
فى ساعة ماطاعوا الغادين شور المهتدي
.
ربعك هل الجمع الزرين اللي يجلون الخصيم
اللي بحد اسيوفهم ليل الثكالا يبتدى
.
وانا من اللي ضرب اياديهم يوقع فالصميم
امزبين المجرم اللي ماغفر جرمه فدي
.
ادعي لهم فى كل حجه بين زمزم والحطيم
واظن انا اردى واحدٍ فيهم .. وانا ماني ردي
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/...
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ

[@Basmhalebda3]

تشرفوني في منصات التواصل الاجتماعي : alfan.link/a_thane2

[@user-ql9xx3ew8m]

كلمات جزله وشاعر قووي ويستاهل ابو نايف وونعم ب ال محفوظ منومسين العجمان

[@naifalzahrani2638]

يستاهل اللي يخدم الرياجيل والله يعلي شأنه

[@A9EE]

ماشاءالله يالشاعر عزالله ان عنده من القريحه ما يكفي لشعار اليوم اتمنى م يحرمنا من جديده ويستاهل المدح ابن نايف

[@Al12ill]

ونعم بال سليمان وال محفوظ❤️‍🔥

[@عبدالعزيزعبدالعزيز-خ9ز]

والله ونعم عصام كحيلان

[@moaz5016]

اقصر من رقاب الحشو واطول من رقاب النعيم ومن اليباس تقول ماندا بها عرق ندي مشاءالله يا الشاعر على الوصف

[@حمودالغنيم-ه3ك]

تستاهل بونايف وأقل من حقه ويستاهل أكثر والقصيده فل مارك ✅✅✅✅

[@eidalajmi-n2g]

ونعم في ابو نايف ويستاهل المدح منا الى ماله مدا ، صح لسان شاعرها وصوت خالد

[@NB.S124]

صح لسانك يابو نايف صح صورتك يا خالد ال بريك

[@addvip601]

ونعم بونايف ياطيبه ال عصام كلهم مبروكين ونعم مليون

[@ناصرراشدالخالدي]

الاوجام ... عين عين عينين م م مم العيون ... سورة الأحزاب ... المدير المحترم زيد الخالدي المحترم ... جميع قران كريم مهجور أحياء للخالق عزوجل جميع عدل كلمت رب العالمين جميع دور الحافظ على النعمة رخصة رخصة الخير خيرين ... تحية

[@عبداللهالعصيدان-ف5ل]

ونعم ابو نايف يستاهل المدح وصح الله لسانك يابوفهيد

[@محمد-ع6ط9م]

والله ونعم ف ابو نايف وصح لسانك ي ابن ساقة

[@h.malajmi8855]

كلمات جميلة وأداء رائع وبونايف يستاهل المدح ونعم

[@عبدالعزيزالمطيري-ح2و]

ونعم ابو نايف

[@J_a5]

عزالله انه صح لسان ذا الشاعر

[@albuainain7]

والله ونعم وسبعة أنعام ما مدحته إلا ويستاهل وصح الله لسانك

[@ra3i_alawlh]

عزالله انه اشبعني شعر الله يصح لسانه

[@سلطانالعجمي-ق6ب]

وونعم لو اني ماعرفه ، علم الحيا والطيبين يبين

[@mmmm7156]

قصيده حروفها من ذهب.وصح لسانك ياشاعرها

[@naif1827]

لله درّك يابن ساقة عز الله أنك تعطي القصيد حقة

[@fhhb5382]

هكذا الشعر وإلا فـــــلا لافض فوك وصح الله لسانك وبدنك. هذي القصيد والقصيده اللي في ابن الذيب شي جديد اول مره يمر علي ماشاء الله

[@محمدسعد-ف6ه]

حي والله اني صدق هراس يا شعره

[@alialmakrami4363]

ونعم صح السانك حي ذا الصوت ما شاء الله تفوز شيله ولا بغربيه عليكم الغعل الغانم

[@شغمومالعتيبٰي-خ6ذ]

يسلام الساحة تحتاج امثالك يمبدع شعر عظيم

[@صالحالهذلي-ش8ت]

عزالله شاعر

[@فهدالقحطاني-ق9ض]

والله ونعم حي ذا العين 👏🏻💚

[@راشد-و6ن]

اللهم لك الحمد والشكر والنعمة التي فرحت فيها الدنيا والأخرة

[@abdullahsaady3994]

صح لسانك عزالله انها قصيده جزله من الشاعر في الممدوح ولا يهون النمشد

[@XamdiCsalaan]

الصومال🇸🇦🇸🇴🇸🇴❤️❤️.

[@ابومحاسنربيع]

صح لسانك

[@مطعمسبأجاد]

الحمدلله يبعدي 🤍

[@sanaaalajmi8420]

كفو

[@adiadi-sj1qc]

الشاعر داهيه صح لسانه(وصح صوت المنشد دايم ا لمبدع

[@راشد-و6ن]

🇸🇦🌊🚀🌸

[@Salh20042]

😢❤s

[@ناصرراشدالخالدي]

الكتب اليمنى الكتب اليسرى صح لسانك ٩ مليون قضية منتهية ... ه ٥ ٥ ه ... رعد شديد المحال الرعد والبرق و الصواعق بتحية بتحيات ردية رديات للخالق عزوجل ... ... ... بردين براكين وحمم بركانية بردان بركان وحمم بركانية فردوس الأعلى سدرت المنتهى ... ... ...

[@مسليالقحطاني-ج5ف]

صح لسان الشاعر والمنشد ولكن من وجهة نظري الخاصه تمنيت انه قال خيط البريم وليس سلك البريم لحيث ان الخيط المبروم هو الي يكون من الشعر عند العرب في العصر الماضي والسلك هو الي يكون منسوج من القماش وماشابه ذلك وهذا شغل مكاين وشي مستحدث

[@moaz5016]

وش المقصود بسلك البريم ما فهمت يا ليت توضح لا هنت

[@بدوناسم-ض3ل9ز]

القصيده كفوووو بس لو حذف شطر سيم سيم خرببببب الفكره كلها

[@عبدالعزيز-ي6ع4خ]

بالعكس هو والله الي محلي القصيده 👍

[@بدوناسم-ض3ل9ز]

@@عبدالعزيز-ي6ع4خ سيم سيم موجوده في قاموس لغتنا ؟ انما هي دخيله علينا و صراحه القصيده قويه بس الشطر ذا لم يتوفق فيه

[@rrn7691]

ونعععم ويستاهل وعزالله انها قصيده مليانه وابن ساقه شاعر مكتسح الساحه

[@YouTube_faisal_gser]

مسحرها

[@عبدالعزيزعبدالعزيز-خ9ز]

والله ونعم عصام كحيلان