Рет қаралды 2,059
السنة التحضيرية مهمة جداً جداً، عشان تجهز للدراسة هناك. مينفعش تروح متعرفش تكلم الماني، ومينفعش كمان تروح متعرفش المواد الأساسية اللي بردوا بالألماني. فالسنة التحضيرية مهمة، لو هتدرس بالألماني في أغلب الجامعات. ولما بحثت عن الموضوع بعناية، وجدت أنَّ معهد جوته يقدم السنة التحضيرية، وهو الأفضل لأنه يجهزك ويؤهلك، وكمان سعره قليل مقارنة بأن تأخذها في مكان تاني أو في المانيا. وكمان ممكن يساعدك في ورقك عشان تقدم في الجامعة بعد ما تتخرج.
مميزات السة التحضيرية :
تحسن اللغة الألمانية للوصول لشهادة الـ B2، وبيدِّك فكرة عن الثقافة بشكل واقعي والحياة بشكل عام، عشان تتجنب أي مشاكل، وطبعاً هتاخد شهادة معتمدة.
الشروط للالتحاق بالسنة التحضيرية :
شهادة تؤهلك للدراسة في المانيا هي الثانوية العامة، ومتذكرش الدرجة يعني في أمل للناس اللي جابو أقل من ٦٠٪. وعشان تتأكد متسمعش من حد، روح معهد جوته أو اتصل بيهم وسألهم، وده أكتر مكان هيفيدك في قصة دي. والشرط التاني لغة المانية B1، عشان ٩٠٪ من اللي هتاخده هيبقى بالألماني.
تكلفة السنة التحضيرية :
هي ١١٧ ألف جنيه، وممكن تدفعهم على ٣ أقساط، ٣٩ ألف جنيه كل قسط. وطبعاً كلكم فاكرين إن المبلغ كبير، هو فعلاً كبير بس مش أكبر من إنك تروح المانيا وتعمل سنة هناك، لأنك أولاً هتحط ١١ ألف يورو وشوية، وتاني حاجة هتبقى في معاناة عشان تجمع اليورو في مصر. فاعتقد ١١٧ ألف جنيه مبلغ أقل.
المواد الأساسية في السنة التحضيرية في مصر :
لغة المانية - رياضيات - فيزياء - كيمياء - علوم حاسب الآلي."