Рет қаралды 9,452
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
الاسى مستوى الوعي التالي للامبالاة والسابق للخوف"الاسى هو مقبرة الحياة"
اكتشفتي ان زوجك نرجسي ؟ فهمتي انه بلا مشاعر واستوعبتي؟ لما صدقتي الفكرة وادركتي انه مش بيعرف يحب وانه مجرد ممثل بارع وكاذب ، او كذوب ، في الحالة دي بتحسي بشعور اسمه الاسى . المستوى الرابع من مستويات الوعي المنخفضة
ايه بقى الشعور بالاسى دة وايه أسبابه وازاي حنتخلص منه؟
الشعور بالاسى هو إحساس بالحزن والقهروالندم ع العمر والخساير اللي لحقت بنا ، بتحسي انك جواكي فراغ وبرودة وضياع وان كل شيء اصبح صعب وانك وقعتي في حفرة ومش حتقدري تخرجي منها ، الفكرة المسيطرة هنا : العمر ضاع ع الفاضي ، سرق شبابي ، راحت سنين عمري في القهر والظلم ، والفكرة دي بتولد شعور بالخسارة والحزن والوحدة ، وفكرة لو كنت عرفت او لو كنت فهمت من بدري لو كنت انتبهت للرد فلاجز من أيام الخطوبة والفكرة دي بتولد شعور الندم والخسار اللي مستحيل تعويضها ، وخيبة الامل ، الاسى هو شعورك ان الموقف دة صعب مستحيل اتخطاه كل ما أحاول مقدرش ، طيب ايه الفرق بينه وبين اليأس؟ في مستوى الاسى بيكون عندك استعداد تحكي وتدوري على حد يحل لك المشكلة انتي ادركتي انك مش حتقدري تحليها لكن طاقتك هنا اعلى شوية من طاقتك لما تكوني في يأس فبتقدري تطلبي المساعدة من شخص آخر وبيكون عندك بصيص امل ان حد ممكن يحل المشكلة ، طيب ايه اللي بيوصلك لهنا؟ ديفيد هاوكينز أتكلم عن حاجتين بيكونوا سبب في الشعور بالاسى ولو الحاجتين دول مش موجودين عند البني ادم مش حيوصل ابدا للشعور بالاسى وحيتخطاه فورا ، الحاجتين دول هم التعلق ووهم الحيازة او وهم الملكية ، يعني ايه الكلام دة ؟ خلينا ناخد التعلق الأول ،هو بيقول ان التعلق هو العملية اللي بتتسبب في المعاناه بالفقد ، طبعا في وضع زوجة النرجسي فاحنا مشكلتنا العظيمة هي التعلق بيه والتعلق بينشأ أصلا من الإحساس الوهمي بالتملك ، ودة حياخدنا لوهم الحيازة او الملكية وهنا هاوكينز بيقول ان الإحساس بالتملك دة إحساس وهمي ومش حقيقي واحنا اللي بنولده بداخلنا لان الحقيقة الواقعية ان محدش بيمتلك شيء لان الملك كله لله وحده ولان أي حاجة أيا كانت قيمتها احنا مهما دفعنا فيها من تمن فاحنا سايبينها لغيرنا وماشيين مهما طال بينا الزمن فمصيرنا الى الله مصيرنا تاركين الدنيا ورايحين لربنا فمفيش حاجة اسمها ملك ليا اطلاقا الملك كله لله فقط دة كلام ديفيد هاوكينز وهو مايتفق تماما مع معتقداتنا الإسلامية والايمانية فعلا احنا لانمتلك شيء حتى اجسادنا هي ملك لله وحده وان كانت تخدمنا حاليا بأمر من ربنا الا انها مش ملكنا وهي كمان حنسيبها ونمشي ، طيب اذا انتي لاتملكين نفسك فازاي حتملكي أي حاجة او أي حد تاني ؟ هاوكينز بيقول اننا لو تخلصنا من الشعور بالملكية مش حيحصل اننا نتعلق أصلا بالشيء او بالاشخاص ومش حنشعر بالاسى ولا حنستسلم له ومن هنا فعلا لو مفيش إحساس بالملكية مش حيكون فيه تعلق وبالتالي الشعور بالخسارة مش حيكون دائم ولا عميق وبالتالي مش حنحس بالاسى
الاسى شعور مميت والبقاء في مستوى الوعي دة بيؤدي للاكتئاب الحاد وممكن يؤدي للموت ،
شوفي هاوكينز بيقول ازاي نتخلص من الشعور بالاسى دة بيقول حاجة جميلة اوي برضه متفقة مع معتقداتنا جدا : بيقول : ممكن تخفف من الشعور او الشحنة العاطفية بانك تدرك ان كل شيء في الواقع هو ملك لله وان للبشر حق ممارسة الاشراف عليه فقط والملكية في العالم هي متنقلة يعني هي بتنتقل منك لاولادك سواء في حياتك او بالوراثة
واحنا بنقول ان فعلا كل شيء ملك لله ولو ادركنا دة بقوة عمرنا ما نأسى وربنا قال ايه ؟ ( لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ) اسمعوا الشيخ الشعراوي في شرح الاية دي رائع رائع اختصاره ان الاسى حيولد مزيد من الحزن ولو استسلمت للحزن وحبيته ربنا حيساعدك في اللي انت عايزه وحيزود لك الحزن لانك اخترت البقاء فيه ويأست من رحمة ربنا فانت حر خليك في اللي انت حبيته وبيقول لك ماتفرحش الفرح اللي يوصلك للخيلاء والكبر والبطر لكن افرح الفرح اللي يوصلك للانكسار لله ولشكره على نعمه
طيب كدةاتفقنا اننا حنتخلص من الاسى اذا اقتنعنا اننا مانملك شيء طيب بس كدة ؟ لا كمان نتخلص من التعلق بقى بالخطوات طبعا اذا قدرنا نوصل للحالة الروحانية القوية واليقين بان الملك لله وحده خلاص زال كل التعلق وكل الوهم بالملكية وزال معاهم الاسى امتثالا لأمر الله ، طيب اللي لسة في اول الطريق ولسة مش قادر يرقي روحه وحيحتاج وقت عشان يوصل لدرجة ايمان تمكنه من الكلام دة حياخد بالاسباب ويمشي في التشافي (قايمة تشغيل تلخيص التشافي) عشان نخلص من التعلق وبالتالي حنخلص من الاسى
كمان ايه كمان اسمعي لنفسك تحزني وتشعري بالاسى على حسب كلام هاوكينز ادي نفسك من عشر دقايق لتلت ساعة تبكي وتشعري باالحزن ودة مش بيتعارض ابدا مع الاية لان هنا بنقول اشعري بالحزن لمدة قصيرة تسمحي فيها لنفسك انها تخرج طاقة الحزن بالبكاء مع التسليم لله وكل ماتشعري بالاسى تسمحي لنفسك تبكي من عش دقايق لتلت ساعة وفي كل مرة حتبكي حتتخلصي من جزء كبير من المشاعر السلبية المكونة للاسى ومع مرور الأيام مفترض يختفي الشعور تماما من ٣ أيام لاربعين يوم على حسب مقدار التعلقق ومنه حترتفعي لمستوى وعي اعلى
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية