التعامل مع شريك الحياة 🤷‍♂️

[@nessrienhussein1760]

خبرة غير هينة مش بسيطة والله ، ده في تركيز و تدبير و توعية ، احييك 👏

[@reemahmed1359]

عايزه اذكّركم واذكّر نفسي أن الارتباط خارج حدود الخطوبة والزواج حرام ❤

[@marwakarim3668]

اتفق معك في كل حاجه إلا البطاطس انا القهوة بقي دي ممكن اطير فيها رقاب فعلا 😂😂😂😂

[@سهيلةعلى-ث2ص]

بجد حضرتك ذوق جداً وربنا يباركلك في زوجتك ويرزقك بالذرية الصالحة إن شاء الله وبجد شكرا لأنك بتحاول بقدر المستطاع إنك تفهم دماغ البنات ويكفيك شرف المحاولة لأن في غيرك مش بيحاول يفهم حاجة خالص بجد حضرتك ماشاء الله عليك وربنا يوفقك ويباركلك في حياتك الزوجية اللهم آمين 🤲

[@fafy3696]

كلامك صح 😂

[@saraezzat3137]

ربنا معاك

[@NJ-ss8fi]

😂😂

[@merįem6666-k4k]

😂

[@mohamedtantawy4960]

شوف يا وائل،،، أنت دلوقتي في مرحلة "الشقوق" اللي بعد مرحلة "الاندماج". خليني أوضح. مرحلة الاندماج هي مرحلة التآلف الكامل (أو شبه الكامل) في الفترة الأولى من الجواز اللي بتكون غالبا اول كام شهر لحد سنة ونصف (وعند بعض الناس بتكون شوية اسابيع). في المرحلة دي، كل شيء، ظاهريا، بيكون مثالي، في مكانه، مضبوط، بدون اي اختلافات أو خلافات تقريبا. ويكون الراجل-خصوصا الراجل-في قمة السعادة ويحس أنه امتلك الدنيا وفاهم مراته قوي وهي فاهماه ومفيش افضل من كدة. لكن...(وآه من لكن)، دائما تأتي الرياح بما لا تشتهي السفن. بعد فترة الاندماج الأولى، وبعد التعود ولما كل شيء يبقى مألوف، تبدأ مرحلة "الشقوق". في مرحلة "الشقوق" تبدأ شروخ بسيطة جدا جدا في العلاقة، وتبدأ بعض الاختلافات البسيطة تظهر في اختيار الأشياء (من نوع الملابس لكيفية قضاء الوقت واستثمار فلوس الراجل). وهنا، يفاجأ الراجل جدا لان، وفق منطقه، مفيش "مبرر" للتغيير ده. لكن هو ده عالم حواء المصرية. أيوة المصرية. الانعطافات والتحولات عند الست المصرية كبيرة جدا وده مش معناه أن أي ست في أي دولة تانية مبتمرش بتحولات أو انعطفات، لكن عند المصرية اكتر لأن الإنسان في النهاية ابن البيئة اللي بيتربي وبيعيش فيها، ولأن مصر مش بخير خالص، فبتكون الست (اللي بتتاثر اكتر بالبيئة المحيطة-ودي مسألة تقدر ترجع فيها لأبحاث لا حصر لها زي المرجع ده: www.jstor.org/stable/2095420) هي أول متلقي ومستودع للتغيرات حواليها. أنا بستغرب جدا من الشاب المصري اللي لسة عايز يتجوز ست أو بنت مصرية (ده بافتراض أنه يقدر يتجوز) بعد كل اللي بيشوفه. راي تاخد بيه أو لا يا وائل: كمل شوية مع الست اللي معاك. والله العملية زادت عن حدها، طلقها بالمعروف وشوف حياتك. مش نهاية الدنيا. بصراحة مع انك بتحاول تبان عادي في الفيديو ده (أو أي فيديو تاني بتتكلم فيه عن مراتك أو عن العلاقة مع البنات والستات المصرية)، لكن واضح عليك فعلا علامات الضغط، وبعض الاضطراب، والغضب المدفون. شخصيا، مراتي مش مصرية ولو قلت اني معاها في جنة، كتير هيقولوا ببالغ. الست المصرية دي كانت زمااان لكن دلوقتي والله لو البنت أو الست نفسها هتدفع فلوس عشان راجل مصري يتجوزها (مين هيتجوز مصرية اصلا؟ عشان إيه)، المفروض يقولها "الله يسهلك". بلاد الله واسعة والستات اشكال والوان. المفروض انك مهندس اصلا وعيلتك ميسورة إلى حد ما وكمان عندك خبرات ومهارات، إيه اللي يجبرك على اللي انت فيه؟ فين اختياراتك واستقلالك؟ إيه فائدة التعليم، والاصل، وخبرات العمل والحياة لو هنعمل زي اي حد مش متعلم وحثالة السوشيال الميديا اللي بيشغلوا الناس بأمور تافهة أو شخصية لأن معندهمش أي رصيد من أي نوع: اجتماعي، مالي، مهني، تعليمي، إلخ. المفروض انت اكبر من كدة يا وائل. للاسف انت نموذج للتغيرات اللي طالت مصر على مر سنين طويلة وده وقت حصاد مر لسياسات عامة وتراخي ولا مبالاة الناس.

[@fafy3696]

علي فكره هو اسمه وليد مش وائل .. ولو انت اول مره تشوفوا هي دي شخصيتوا .. هو مش مضايق من مراتو بس هو ده محتواه لازم يتكلم عن مواضيع بشكل ساخر وكوميدي .. مافيش حاجه ماتكلم عليها فا اكيد لازم يتكلم حتي عن المرأه و العلاقات .. تانيا .. ربنا خلق الانثى والذكر مختلفين فسيولوجيا ونفسيا .. وتنوع ده رحمه من عند ربنا عشان يكملوا بعض واي ست فالعالم بتمر بالانعطافات والانحرفات وتخبط النفسي في اي دوله وفي اي جنسيه .. واي دولة فالعالم فيها سيدات صالحه وسيدات غير صالحة يعني الدوله اللي انت متزوج منها لو بحثت حاتلقى رجاله عرب اتجوزا وطلقوا منها .. لذلك خطأ جدا التعميم واي دراسة تعمم تبقه دراسة وهميه واسأل اي شخص باحث .. وللعلم انا مش مصرية و اخوي متجوز اجنبية وبقولك التعميم خطأ لانه كل انسان له تجربه تختلف عن التاني خاصة فالامور الانسانيه والمعنويه.

[@mohamedtantawy4960]

@fafy3696 مساء/صباح الخير يا "فافي". شكرا للتصحيح. خطأ غير مقصود. وشكرا للفت نظري لمسألة التعميم. الحقيقة أنا واعي جدا بمسألة التعميم والدراسة اللي بشاركها في الرابط مفيهاش أي تعميم. خليني كمان أوضح نقطة مهمة جدا: أنا درست "أنثروبولوجي" بعمق في الولايات المتحدة من سنوات طويلة وعشت في أمريكا كتير ودول أوروبية تانية. وأحب أؤكد ليكي ول "وليد"، إن رأي مفيهوش أي تعميم. للتوضيح أكتر: الست المصرية من أقل الجنسيات العربية وغير العربية اللي بتتزوج رجال غير مصريين (في غالب الأحوال بيكون الزوج "الأجنبي" خليجي لأسباب مادية مفهومة، أو سوداني أو فلسطيني لوجود صلات بالسودان أو فلسطين، ونادرا جدا لما تتجوز راجل غربي أو من خارج منطقة الشرق الأوسط. جبت الكلام ده منين؟ من الجهاز المركزي للتعبئة العامة والاحصاء (المصري): capmas.gov.eg/Pages/StatisticsOracle.aspx?Oracle_id=1837&page_id=5104&YearID=2 بالإضافة لده، المصرية، بحكم بيئتها الثقافية في ثلاثين سنة اللي فاتت، مرت عليها تغيرات هائلة (زي ما مرت على المصري) خلت الزواج منها من أعلى نسب الطلاق في العالم. جبت نسبة الطلاق دي منين؟ مركز الدراسات الدولية والإستراتيجية في واشنطن: www.csis.org/analysis/untying-knot في تفاصيل كتيرة-ثقافية، اقتصادية، اجتماعية، الخ-في كلامي اللي قلته في تعليقي الأول. أنا بتكلم عن دراسة، ومعرفة، وخبرة، وأكيد مش بستند في كلامي لتجربة شخصية بس، زي ما بتعملي يا "فافي". أحب اسمع منك رد أو تعليق يقول عكس اللي بقوله، طالما رد علمي وبالارقام، لو تحبي. شكرا مرة تانية يا "فافي".

[@hudaahmed6662]

تعليق صادم وغير معبر الا عن انانية وغطرسة وتكبر وعقد وكلاكيع نفسية ......ومش عارفة مين ممكن تقبل حد بالتفكير السطحى المريض ده والله يعين اهلك عليك ...روح اتعالج لأن شكلك انت اللى متأثر جدا بالمنحنيات اللى بتمر بيها مصر والله وشهادة حق لا يراد بها باطل ان اغلب السيدات المصريات لم ولن ترى فى قوة تحملهم ابدا بغض النظر ان اكيد فى قلة مختلفة شاذين عن القاعدة ....واذا انت مريت فى حياتك بمشاكل فا دى مش قاعدة معممة على سيدات وانيسات مصر الفضليات ....الله يهديك ويبعت لكل البنات والولاد ايام كلها فرح وسعادة وارتباط ناجح يدوم طول العمر

[@mohamedtantawy4960]

@hudaahmed6662 صباح/مساء الخير يا هدى،،، شكرا على تعليقك. الحقيقة، وزي ما قلت في تعليقي، إن كلامي جاي من إحصاءات ومعارف موجودة في دراسات وغيرها. المسألة مش مسألة "مرض" أو "تخلف" أو "عقدة". لا أنا أعرف اللي بيعلقوا هنا ولا هما يعرفوني شخصيا عشان اكون متحيز. تفتكري يا "هدى" أن طريقة ردك دي مش بتأكد اكتر كلامي اللي قلته في تعليقي السابق؟ أقصد أن سيدات وآنسات مصر بيمروا بالانعطافات الحادة اكتر من غيرهم بدليل "هجومك" على شخصي مع اننا لا علاقة لنا بأي حال من الأحوال ببعض؟ الشخصنة آفة يا "هدى" والمفروض الإنسان الفاضل حتى لو تعرض لإساءة (بافتراض إن في إساءة أصلا) بيرد بلطف واحترام للرأي الآخر أو ينصرف بالمعروف. يا ترى ده أسلوبك-كمصرية-مع أي حد، تعرفيه أو متعرفيهوش، تختلفي معاه؟ يهمني أكتر الحوار البناء والمعرفة الحقيقية، أقدر أسألك منين جبتي الجملة دي: "أن أغلب السيدات المصريات لم ولن ترى في قوة تحملهم ابدا"؟ في دراسة علمية وموسعة على ده؟ إيه الدليل على الكلام ده؟ وهل ده "تعميم" ضد قدرة أي ست في أي دولة في العالم أن معندهاش القدرة على التحمل زي الست المصرية؟ شكرا مرة تانية يا "هدى" وبشكرك على فتح باب حوار مسألة كتير بيخلطوا فيها الأمور.