Рет қаралды 15,212
تابعني على حساباتي :
سناب : / i_majeed97
تويتر : i_...
انستقرام : t.co/TAKSHi42Y...
التعاون يضرب بالثلاثة .. و الاهلي ببرود يفرط بالصدارة
انتهت مباراة الاهلي مع ضيفه التعاون بفوز الاخير بنتيجة ٣-٠ سجلت جميعها في الشوط الاول
التعاون ابهرنا بالأداء الكبير اللي قدمه في المباراة وخصوصا الشوط الاول ذكرنا بتعاون ٢٠١٩ بقيادة تاوامبا العائد من جديد لصفوف سكري القصيم اللي كان من نحوم المباراة بجانب عبدالله الجوعي اللي سجل هدف واعطى اسيست لتاومبا صراحة الجوعي جناح مهاري جرئي يلعب بعقله اذكره لما كان في الفئات السنية عنده قدرات ماشاء الله ولكن ما اخذ فرصته مع الهلال تتقل كثير لعب مع الباطن الى نادي برتغالي رجع يلعب مع ضمك والان مع التعاون كل هذا في ظرف ٤ سنوات تقريبا .. اللاعب اذا ما استقر صعب يعطيك افضل اداء له فنقول ان شاء الله يستقر مع التعاون ونشوف افضل مستوى للجوعي لانه كان من افضل الموهب الصاعدة في المملكة فحرام تندفن هالموهبة وهو لسى صغير.
والاهلي فرط بفرصه ثمينه لانتزاع الصدارة واخذ الثقة من جديد ولكن لاعبيه صدموا الجميع في المباراة لعبو بدون اي رغبة وبرود عجيب وكن الفريق يلعب مباراة تحصيل حاصل استقبل ٣ اهداف في شوط
ومع عودة محمد ال فتيل وبالرغم من التفاهم الكبير بينه وبين معتز هوساوي الا ان الاهلي لا يزال يعاني دفاعيا ،هدف التعاون الاول يلخص لك السوء الدفاعي لنادي الاهلي هدف مايدخل على نادي درجه ثالثه تنظيم سيء
للأمانه عشان ينافس الاهلي في الدوري لازم يوقع مع مدافع كبير يقود تنظيم الدفاع مع معتز وهناك كلام ان الاهلي يبي يوقع مع جمال بالعمري صراحة صفقة ممتازة لو تتم وبيفرق كثير في دفاعات الاهلي
والسوء الدفاعي انعكس على الهجوم مع خروج ادريس فتوحي المبكر بسبب الاصابة الاهلي لم يسدد على المرمى الا تسديدتين فقط و كانت بعد الدقيقة ٨٠ وكلها كانت من خارج منطقة الـ١٨
هنا يبان لك مقدار سوء الاهلي في المباراة.
هالموسم كل الاندية عندها فرصه تحقق الدوري مافي نادي او ناديين فارقين بشكل كبير مثل السنوات الاخيرة وهذا نتاج عدم قدرتهم للاعداد قبل بداية الموسم بسبب جائحة كورونا
على الاغلب راح نشوف كل الاندية تتعثر في مباريات كثير يعني ممكن يلعب فريق مباراة سهله على الورق تلقاه يخسرها وهذا الوضع مو بس في دورينا كل دوريات العالم شفنا فيها هالشيء بسبب تأثير الجائحة مافي نادي في كامل جاهزيته .. فعشان كذا المنافسة على الدوري مفتوحة حتى النصر اللي قدم اسوء بداية في تاريخه بالدوري ممكن يفاجئنا ويحقق اللقب.
الاندية الكبيرة كلها فيها نواقص مافيه نادي كامل يعني الاهلي يحتاج مدافع كبير كقيمة حجازي لقيادة خط الدفاع عكس الهلال اللي دفاعه كويس لكن يحتاج عودة المهاجم غوميز لمستواه او التوقيع مع مهاجم بديل له النصر نفس الكلام حمدالله لازم يرجع لمستواه لان هاللاعبين هم اللي كانوا فارقين بالفريقين اخر سنتين وهذا اللي نقص الاتحاد هالموسم الاتحاد يقدم اداء رائع ولكن ينقصه المهاجم اللي يخلص ونفس الكلام ينطبق على الشباب ديوب ماهو المهاجم اللي تعول عليه لتحقيق الدوري والحمدان لسى يحتاج وقت فمن الواضح أن عندنا هالموسم ازمة مهاجمين
الفريق اللي راح يحل مشكلته بأسرع وقت هو الاقرب لتحقيق الدوري .
وبس هذا اللي كان عندي قلي رايك تحت بالكومنت من هو النادي اللي بيتدارك الوضع وبيكون جاهز لتحقيق الدوري ويعطيكم العافية