لو حاسس انك تايه الفيديو ده ليك

لو حابب تحجز الاستشارة : [e-mail]
سعر الاستشارة ٢٠ يورو لمدة ساعة
انستجرام نورا :nourasch@
انستجرام محمد : m.eltantawy176@
فيسبوك محمد : profile.php?...
Contact for business: [e-mail]
My tools :
Canon 70D : amzn.to/2Y0G8jR
Canon 10-18 : amzn.to/2R13Cnq
Canon 250D : amzn.to/2q0MSBT
Canon 6d mark ii : amzn.to/2OMKBCs
Canon 16-35 f/2.8 mark iii : amzn.to/35IwHYX
Joby gorillapod 5k : amzn.to/2OuZIle
Joby gorillapod 3k : amzn.to/2OWvtm3
Rode micro : amzn.to/2P6DB3R
mac book pro 13” : amzn.to/2XXBymy

[@sarak5179]

من اول الحكاية ولحد قبل متسافر المانيا حقيقي انت بتوصفني. مش قادرة اصدق ان في حد عدي بكل اللي انا فيه دلوقتي بالشكل دا ما شاء الله يا محمد 💙💙💙💙

[@AmalQwer]

والله كل الكلام ده تعبني كتيير والحمد لله على كل شيء لعله خير ♥️♥️♥️

[@Trying11]

انا بحب فيك انك شخص حقيقي في فيديوهاتك مش بتحاول بتنقل صوره متجمله او دا الي اظنه ودا بيخلي فيديوهاتك قيمه الصراحه ومختلفه ومفيده فعلا وبتلمسنا لانها تجربه حقيقيه

[@user-kx9vr4zg5g]

متشكر جدا ليك بترجعلي طموحي من تاني كل مبتفرج عليك

[@mustafatalaat_]

ربنا يوفقك يامحمد ، لخصت حاجات كتير الطالب المغترب بس هو اللي حس بيها ...

[@ahmedkhamis2180]

محتوي راقى و جوده استشارة ارقي, شكرا يا ريس, ربنا يفتح عليك من واسع ♥

[@rawanabdelsalam9432]

شكراااا من كل قلبي علي اروع فيديو ممكن اي حد يشوفه وحقيقي من اكتر الناس الحقيقية وشخصيتها ملهمه بشكل رهيب .. شكراااااااا

[@AL-EMAM]

فيديو جميل ويوضح الطريق لكتير من الشباب التايه في وسط زحمة السوشيال مديا والانجازات المزيفه شكرا على الفيديو

[@nancy.elzanaty]

أنا حقيقي فخوره بيك اتمني ربنا يرزقك كل خير يارب و يباركلك.

[@manarmohamedredsea]

هدف الفيديو وصلي في الوقت اللي كنت تايهه فيه شكرررررا شكرررا بالتوفيق

[@user-kn7yu8df9q]

نفس اللي حصل بس أنا دخلت هندسة زي ما أهلي عايزين و بشعر بنفس شعور حضرتك مع المعهد و زيادة كمان

[@amrjad5956]

انت غالبا اعدادي. عدي اغدادي واتخصص وشوف الدنيا متيأسش لأن اعدادي في أي كلية هندسة جحيم. اصبر ومتحكمش قبل ما تخش التخصص. جوا التخصص الدنيا بتبقا اروق شوية. إلا لو شايف انه هندسة عموما في مصر ملهاش مستقبل خلاص, ساعتها اقلك تفكيرك مش غلط. لكن لو انت بتحسبها على الفشل او النجاح ككلية, فلازم تصبر شوية عشان تحكم صح.

[@muhammadomar2395]

جميل . الله يفتح عليك.

[@JihadSobh]

Your experience is very inspiring and expressive. You are wonderful!! Keep going

[@ahmednabil7489]

ربنا يكرمك يخويا والله ♥️

[@12Bashandy]

فيديو جامد و من القلب فعلا.

[@Yousef24_]

فيديوهاتك بتحفزني جدا ♥️♥️♥️

[@abderahman6399]

جميلة النوعية دي من الفيديوهات

[@user-qq2ls2wl7h]

استمر يا محمد وربنا يوفقك ياباشمهندس

[@ahmadalzohaile516]

وهذه القناة هي خير دليل على رحلتك ونجاحك

[@shaimaasaid9251]

انا برضو فى كليه مش حاباها مش حاساها مكانى ابدا شكرا انك وضحتيلى انى مش لوحدى ومن انهارده هبدا اخطط ان شاء الله فى خلال سنه اسافر واتعلم علوم الفضاء ان شاء الله مش هتنازل عن راحتى ونفسى ابدا

[@MuazAtik]

عاش بجد👊💪... استمر ربنا يوفقك🙏

[@pta3-mozakra-]

مع انى مش بحب المانيا بس حبيت قناتك جدا

[@nja7]

الموضوع توفيق من ربنا قبل كل حاجه

[@abobakrshafek5587]

ياجماعة محمد شخصية محترمة جدا ومحترف انا عملت معاه استشارة من يومين والله استفدت كتير وسألت عن كل شئ عاوزه شكرا محمد 🙏

[@amiraibrahim3862]

يعني ايه عملت معاه استشاره .. استشارة علي النت يعني اللي هي كولسينج

[@hi-s]

قليل لما بعمل كومنت بس متشكر جدا على الفديو دة

[@mohamedabdelgwad6136]

هههههههه والله يسطا القصة ديه ضحكتني فشخ نفس المشوار بس اختلافات بسيطة مشغل الفيديو واختي سمعته شغال بتقولي القصة ديه مبتفكركش بحد هو بالظبط نفس اللي حصل أنا من اسكندرية زيك ونفس السن أزيد أو أصغر سنة لاني مشفتكش في المعهد كنت مضغوط ومتوتر وطالع عيني في الثانوية وكنت في ضغط نفسي مشاكل مع اهلي واخواتي أنا اكبر اخواتي بس الاهتمام بدراستي كان ضعيف شوية كانو كلهم مهتمين باخواتي الأصغر محدش كان حاطط عليا امل كبير كنت علمي علوم وكنت بقضي معظم الوقت في اوضتي احاول اذاكر واعمل كل اللي اقدر عليه كان عندي اكتئاب لدرجة امشي أوقات واسيب البيت شوية عدت الثانوية وجبت ٩١ ٪ كانت سنة صعبة كل المجاميع فيها واقعة اهلي كان عايزين كلية الطب وأنا ملحقتهاش ولا لحقت علوم و دخلت المعهد وملحقتش من التريقة من صحابي اللي كان ناجحين بالعافية معهد صرف صحي ده يعني ايه هو في حد معهد بيشتغل في التحاليل بعد ما كنت من أعلى المجاميع اللي داخله في المعهد بقيت أشيل مواد ومكنش ليا صحاب ولا كنت عايز اكلم حد هناك أصلا و عمري محسيت اني انتمي للمعهد كانت اسوء سنتين في حياتي واشتغلت برضوا وأنا بدرس وموتت نفسي في الشغل مكنتش بشوف حد ولا عايز اتكلم مع حد السبع ايام كل يوم اكتر من ١٦ ساعة شغل اخش البيت أنام وبس مكنش عندي حد يساعدني اخش خاص وأنا أصلا مكنتش عايز اتقل على اهلي لحد ما بدأت مشوار الألماني وعديت a1 & a2 وفي b1 الدراسة انقلبت اونلاين وحسيت اني بدأت أتوه وسقطت مرتين فيها وكانت اوسخ فترات حياتي بس الحمد لله حالياً في أمريكا وبكمل دراسة في مجال تاني خالص غير المجال الطبي اللي عمري ما حبيته وبرضوا شغال اي حاجة علشان اجيب مصاريف ليا ولدراستي واهلي

[@angelamiralost898]

,طيب فيدنا نتعلم ازاي

[@mahitab9611]

كنت بتذاكر من فين ؟

[@hassanyasser5490]

ممكن اكاونت ليك اكلمك عليه ؟

[@MohamedRagap-jd3mj]

يعنى انت حكيت معظم التفاصيل السيئه فى حياتك ومقولتش سافرت امريكا ازاى وعملت ايه بالالمانى 😢

[@HanyH]

I love listening to all your insights and experiences!

[@monahewidy3748]

شكرا على الفيديو

[@medsalem3659]

شكرا أخي الكريم أنا مررت بنفس تجربتك تقريبا كنت طالب طب لمدة ثلاث سنوات لكن غيرت مجال دراستي و أنا الآن أدرس علوم الكمبيوتر سنة أولى أرسلت إيميل أتمني أن ترد علي في أقرب وقت وشكرا

[@user-ww5xg5gd2i]

والله الواحد سعيد بك

[@ahmedabomemo4219]

موفق بإذن الله...

[@omarhassan6755]

الله يوفقك

[@yasmiensallam]

باقيلي ترم واتخرج وبرضه من دراسه مش حباها ومليون فكره في راسي وكل حاجة بقول لا مش هتحصل حتي لو لسه في شوية تشتت الفيديو ده حسسني اني مش لوحدي .. شكرًا يا محمد علي الڤيديو وربنا يحققلك كل امنياتك ويباركلك في حياتك ومراتك وابنك ♥️

[@HosamHR]

كلية تجاره ها 😂

[@yasmiensallam]

@@HosamHR لا 😁

[@yasmiensallam]

@@Omnia6. اكيد ♥️ اسألي الي انتي عاوزاه ♥️

[@vfy6u3rutb4ug5]

نصيحة لأي حد اتحفز وهيقوم يكسر الدنيا زيي😅 متمشيش في نفس الطريق لكن امشي بنفس الاستراتيجية

[@MohamedEltantawy]

للدرجادي انا في الضياع 😂

[@sroursrour9144]

@@MohamedEltantawy 😅😅

[@omniajamal4612]

انت شجاع

[@ma7moud-d1y]

ماشاء الله انت تنيين يابني اللهم بارك

[@mostafanage7581]

Man! You are really living the dream. My story is very close to yours but I don't live my dream yet. but I will one day. ❤

[@mohammadalkhatib5033]

كلام جميل و محفز بصراحة محمد بتقدر تحكي عن منح DAAD ؟

[@ABDALLAH_AHMED]

استمر

[@ezzo5358]

بشوف الفيديو عشان بفكر امشي من المكان اللي مش عايزه و اطنش ٦ سنين ونص عشتهم في كلية الطب . رسالة حلوة ليا اني اشوف حد عمل نفس القرار اللي انا متردد اعمله

[@amal.abdelaziem]

انت لو درست طب فيعني قمه الغباء انك تسيب دراستك وحياتك وتحول لحاجه تانيه

[@alaaaleskandrany6822]

جميل جدا

[@amal.abdelaziem]

ممتاز

[@mahmoudeid6474]

لو سمحت لو امكن انك تعمل فيديو عن Ausbildung Fachinformatiker für Anwendungsentwicklung

[@MohamedEltantawy]

معنديش تفاصيل عنه

[@MohamedEltantawy]

و بيفرق من شركة لشركة

[@nadataha6878]

حبا اقولك اني جيالك بعد اسبوعين بعد ما سمعت كلامك ودرست الالماني والبرمجه وقدمت علي منحه بكالوريس ف مجال البرمجه واتقبلت اهو الحمدلله

[@soliman4960]

ممكن بعد اذنك تقوليلي المنحه دي منين يا ندي عشان ممكن اقدم انا كمان

[@redaemara9694]

السفر اشبه بالمستحيل يا محمد 💔

[@MohamedEltantawy]

مش حقيقي لو فيه باب اتقفل لسة في ابواب تانية موجودة صحيح اصعب بس مش مستحيلة

[@ahmedhassansaleh1995]

@@MohamedEltantawy مش يمكن لما أجرب أطلع بعرف

[@abdulrahmanashraf1622]

مفيش حاجه مستحيل في الحياة احسن توكيل علي الله وبعد سنتين إن شاء الله تكون سافرت

[@Moaaz11111]

اقسم ب الله حصل بعد ارتفاع الدولار كمان بقت مستحيل مش شبه

[@ayadeif3364]

+١💔💔💔💔

[@kassem4778]

ممكن رابط للمفردات المهمة لامتحان B2 عشان انا بتعلم الماني بالبيت لو سمحت❤️🙏

[@MohamedEltantawy]

معنديش للاسف بس ممكن تشوف على جوجل

[@fathyOmara1]

ياريت تشيل الموسيقي عشان اعرف احطلك ليك ياعالمي

[@n.ne.9]

حضرتك إنسان جميل 😊 نا في ٣ث ويوم ما هكمل دراستي الجامعيه في ألمانيا 🇩🇪 وهتصور مع حضرتك 😅 كل فديو ل حضرتك بيخليني أذاكر اكتر واتعب عشان احقق حلمي وأكمل صيدله عندكو في 🇩🇪

[@abdullahmohammed9403]

أنا دخلت معهد فني صحي و كنت قرفان من نفسى و سنه أولى رحت فيها 7 أيام طول السنه و بعمل حاليا معادله هندسه عشان أدخل هندسه الكليه اللى نفسى فيها

[@user-nk6js5eu6u]

هو انت ممكن تدخل كليه حكومي بعد المعهد الفني الصحي ياريت تفيدني عشان أنا عايز ادخل حاسبات ومعلومات. بعد المعهد

[@abdullahmohammed9403]

@@user-nk6js5eu6u قسم صيانة ليه يعمل إنتحان معادله هندسه زيه زى فنى صناعى و لو نجحت تدخل هندسه باقى الاقسام ليها تخصصيه و كليه تكنولوجيا العلوم الصحيه و الإتنين بفلوس مع إن التخصصية مش غالية عكس هندسه حكومى زيك زى اللى داخل من ثانوية عامة

[@shaimaa12346]

ممكن تتكلم عن الدراسة فى ألمانيا دراسة الطب للبنات

[@mohamedhassan-ic4nk]

محمد ياريت تفدني انا متخرج من دبلوم ٥ سنين وحاليا دخلت كليه تربيه وسني ٢١ سنه هل ينفع اقدم بكالريوس كمبيوتر ساينس

[@MacMoud]

أخي العزيز ممكن الشباب يلي يجي ألمانيا يضيع أخلاقياً ودينياً، يجب ان تتطرق للموضوع وكيف استطعت ان تحافظ على نفسك من الضياع(أصحاب، زوجة، بيئة، مبادئ). ممكن واحد ثاني عشان الإندماج مع الألمان يضعف ويشارك في اجتماعات فيها كحول وبعد الإجتماع يروح المطعم وبعد وبعد بيضيع بمرقص والبنات و و و. فقط كلام عن الوجه الآخر هنا في الغرب.

[@MohamedEltantawy]

اتكلمت في فيديو عن ده فعلا

[@MacMoud]

جزاك الله خيراً

[@techcorp3969]

منحة egfwd لسا شغالة عادي على فكرة يا محمد

[@user-sy8bn1xx4s]

تعلم اللغه ممكن تدلني ع مكان كورس او انت اتعملتو فين ياريت ترد

[@user-oh2od2dt4b]

انا ف اولي صيدله الجامعه المصريه الروسيه هل ينفع اعمل معادله واجي سنه تانيه ادرسها ف المانيا و لا لازم السنه التحضيري و ارجع من اولي

[@blacksky8159]

انا في دماغي اسافر بس انشاء مشروعي بره مصر بس محتار اسافر امريكا وله دوبي وله هنا في مصر عشان لسه في البدايه ومعيش راس مال

[@hanyramadan5123]

حاااابب نصحتك ضروري جداا انا حاليا بدرس طب بيطري ف تركيا سنة تالتة وقربت اخلص وعندي 24 سنة وبفكر ادخل امتحانات الجامعة مرة تانية عشان اقدم ع طب بشري تنصحني اجرب ولا بلاش ما كدا كدا ف بيطري ؟

[@scientest8800]

ممكن اعرف اسم المنحه ؟

[@alielshbassy5256]

متخيل يا محمد اني متابعك من سنين ، و كنت انت احد اكبر المحفزات في حياتي عشان اطور نفسي و احقق حلمي و اسافر المانيا ادرس ماستر ، عملت كل الخطوات (الورق و الشهادات و التوثيق و اللغة) و ناقصلي بس اقدم لما الجامعات تفتح باب التقديم ، بس تخيل بعد كل ده ممكن معرفش اسافر برضه حتي لو اخدت قبول جامعي بسبب ان اليورو مش متوفر حاليا في مصر و في السوق السوداء متوفر بأسعار خرافية حرفيا انا اتمني جدا اخد القبول الجامعي و اعرف احول مبلغ الحساب البنكي لليورو و اخد التأشيرة و اسافر و اقابلك اشوفك و نبقي صحاب انا حتي من نفس مدينتك (الإسكندرية) و نفس المنطقة (المندرة) فنعتبر جيران اتمني اقابلك السنة دي يا محمد و نبقي صحاب و ده واحد من احلامي و الله لانك كنت احد اكبر الاسباب الي خليتني امشي في طريق السفر ده و اجهزله علي مدار سنين و علي فكرة انا شديت معايا كذا حد من صحابي و قرايبي و منهم الي سافر خلاص الحمد لله و منهم الي هيقدم معايا خلال الشهور الجاية دي و نسافر سوا باذن الله دعواتك و ان شاء الله اشوفك لما اجي المانيا و نبقي صحاب ربنا يعلم اني بحبك فيه جدا جدا 🤍

[@MohamedEltantawy]

ربنا يخليك يا رب ان شاء الله تعرف تدبر اليورو و تيجي .. مستنيك ☺️🥰🥰

[@alielshbassy5256]

@@MohamedEltantawy ان شاء الله ربنا يدبرها من عنده و تتيسر

[@ma7moud-d1y]

علاج طبيعي دة 5سنين صح لانة كلية مش معهد ازاي سنتين🤔

[@alihadi6568]

❤

[@amal.abdelaziem]

على فكرة يامحمد انت لو عاوز تدرس طب في جامعات خاصة في المانيا بمصاريف حوالي 5000 يورو في السميستر فلو امكانياتك المادية اتحسنت ممكن تدرس طب جنب شغلك

[@Mohamedahmed-hd8sj]

First time to be first one to view a video in yourube

[@ahmedadel2003c]

انا فكليه تمريض و لسا فأول سنه وتقريبا نفس السبب إلي خلاك تسيب علاج طبيعي هو نفس السبب إلي مزهقني فتمريض بكتب التعليق دا وبقول لنفسي اني دي عمرها ماهتكون النهايه دي مجرد بدايه لسا الطريق طويل والاحداث كتيره هرجع للتعليق دا وانا أنشأ الله فمكان تاني وطريق تاني وتفكير تاني

[@khaledabdalkadr9077]

نفس الشعور بجد وزيك ف تمريض وقرفان منها بشكل

[@rahmaelsayed8936]

انا كنت زيك في تمريض بس سبتها وحولت السن ومش عارفة اخرتي اي ولا ايامي الجاية مخبييالي اي بجد

[@ahmedadel2003c]

​@@rahmaelsayed8936 الايام الجايه كلها خير بإذن الله

[@-abdelrahmanelsayed9336]

من فضلك ايه معجبكش في دراسة العلاج الطبيعي في ألمانيا

[@MohamedEltantawy]

عملت فيديو عن ده في القناة لما سبت الكلية

[@mahmoudhagag526]

دخلت كليه اي فلبرمجه ي بروف؟؟؟؟

[@ecosystem5253]

بعد غلق دورة وزارة الاتصالات البرمجة تنصحني بأي كورس أبدأ به تعلم البرمجة من الصفررر؟ وشكراً يا محمد علفديو الجميل

[@MohamedEltantawy]

شوف الفيديو اللي قبل ده هتعرف بالتفصيل

[@mohamedasem2133]

ممكن قناة أسامة الزيرو

[@ecosystem5253]

@@MohamedEltantawy شوفت الفيديو بيتكلم عن دورة حاسوب لاكن انا بدوّر على دورة مجانية، فأنت شايف ايه أفضل دورة مجانية؟ وهل لو تابعت دورةcs50 هيكون فرق اللغة حاجز صعب مع العلم إنّي متوسط في اللغة الإنجليزية؟

[@TE__Design]

يجماعة المنحة مقفلتش انا لسة مسجل ف تراك web development challenger امبارح والمسار التعليمي اتفتحلي عادي

[@change2023]

@@TE__Design هو المسار ده للمبتدئين؟ أصل أنا نفسى ابقى web developer أوى وتايهة ومش عارفة ابدأ منين

[@AhmedMostafa-vy2wg]

يريت حضرتك تقولنا ازاى نقدر عن طريق المعهد نيجى المانيا بيكون لينا معادله ولا اى الدنيا

[@MohamedEltantawy]

معنديش تفاصيل لكن فعلا هنا محتاجين ناس في المجال جدا و اللي اعرفه انك لازم تظبط الماني عشان تيجي على الاقل

[@1.8-million]

قصة شغف روووعه أقسم بالله 😢🌷🌷 . أنا حاليا ف سنه أولي تجاره عربى ومش حابب الكليه من الأول 😔. ف من شهرين قررت اتعلم ألماني و الآن يعتبر مخلص a1 و إن شاء الله أسافر أدرس اقتصاد هناك 🍁🌷 تنصحني أدرس اقتصاد ولا برمجه انا بحب الاتنين

[@user-ih5yy8pi8w]

انتا كنت بتابع مين عشان تخلص a1

[@1.8-million]

@@user-ih5yy8pi8w اول شهر اخت كورس بس كان غالي و مكانه بعيد و مش معاي وقت و الأستاذ كان مش متمكن ف اللغه لانه متخرج جديد و كان بيتعلم فينا ..... وقررت اتعلم على اليوتيوب . قناة مستر محمد شحاته تعلم الالمانيه. قناة lernen Deutsch قناة Eesy German قناة German mit mera قناة ضياء عبد الله

[@user-ih5yy8pi8w]

@@1.8-million هو انتا ناوي تسافر

[@1.8-million]

@@user-ih5yy8pi8w والله نفسي . بس محدش عارف الدنيا فيها ايه .

[@user-ih5yy8pi8w]

@@1.8-million أنا في اولي جامعه زيك بس السن انتا ناوي تعمل ايه الفترة الجاية كخطوات يعني

[@user-ie7lr4dm5f]

ربنا يوفقك يامحمد معدلي ٦٧٪ بالشهادة الثانوية ممكن اقبل هندسة البرمجيات في ألمانيا ؟

[@MohamedEltantawy]

اه ممكن

[@raof204]

يا محمد انا عاوز اتواصل معاك ضروري من فضلك

[@MohamedEltantawy]

ممكن تكلمني على الاميل اللي في وصف الفيديو

[@user-rc7hx9cv6r]

ازي حضرتك كنت كلية طبية وقدرت تدرس كلية هندسية ؟هل دا مسموح بيه هناك ؟

[@mohammedkhaled6852]

❤️❤️❤️

[@minamaher8547]

هوا انا عشان اتقبل فى كلية فى المانيا لازم اكون جايب مجموعها في مصر ولا مش شرط ؟؟

[@MohamedEltantawy]

فيه كليات بتحتاج مجموع و كليات لأ بس الطب هنا بيقبل من ٩٩٪؜ مثلا

[@ahmedghoniem1783]

ياريت حضرتك تقولي انت تخصصت في مجال ايه في البرمجة اكون شاكر جدا ليك

[@MohamedEltantawy]

Frontend web development

[@3H2023]

♥️♥️♥️♥️

[@AhmedMahmoud-ox3jt]

فيديو جميل

[@abdullahhany8401]

ممكن ادرس computer science في المانيا وانا ادبي

[@MohamedEltantawy]

لو متخرجة من جامعة في مصر تقدري

[@-amrmansour5745]

عاوزيينك تعمل فيديو كامل بالالماني

[@MohamedEltantawy]

ايش لابا ضيش 😂

[@-amrmansour5745]

@@MohamedEltantawy انا وصلت ل B1 الحمد لله و بحب فيديوهاتك ف لو في منها بقا بالالماني يبقي عظمه 😂❤🔥

[@MohamedEltantawy]

مهو محدش هيشوفوا 😂 و لو هقعد اترجم فيه هتشل

[@-amrmansour5745]

@@MohamedEltantawy عموما ربنا يوفق حضرتك ❤

[@user-vy1wo5jy9t]

لو سمحت أنا ف دبي و معايا ٤ سنين خبره ف لحام الكهربا يعني فني و حابب اجي أكمل بكالريوس و إشتغل أعمل أي و ابتدي منين و أفضل طريق أي

[@MohamedEltantawy]

ممكن تحجز معايا الاستشارة و نتكلم في كل التفاصيل هتلاقي اميل الحجز في وصف الفيديو

[@mohamedratep]

اول شخص الاقيه بيرد علي الناس نصيحه ليا معلش دلوقتي انا تالته ثانوي وقاسم السنه واخد السنادي خمس مواد السنه الجايه عربي و جيولوجيا بس يعني هخصصلهم ٣ ايام في الاسبوع ودا بزياده ليهم المهم اني ناوي ١٠٠ % اسافر ألمانيا يا اسنان يا برمجه او حاسبات ومعلومات ايا كان اسمها اي انا كمستوي دراسي كويس حلو اوي يعني اوقات بقفل امتحانات وكدا +سامع فديوهات وتفاصيل كتير للسفر والسنه التحضيرية وكدا وعرفت كل حاجه عن الحوار معلش طولت عليك جاي اقولك تديني نصيحه اللسنه الجايه ليا اللي هي انا واخد فيها مادتين ثانويه بس و هدرس الماني كورسات وكدا +انا عندي امكانيه اعمل الحساب البنكي بس مقدرش ادفع السنه التحضيريه اللي هي بقت ١١٢٠يورو تقريبا سؤال هل كل الكليات ليها سنه تحضيريه؟ يعني لو هدرس برمجه في سنه تحضيريه؟ وهل يمكن اتخطي السنه التحضيرية دي فمصر بتكاليف أقل وكدا

[@MohamedEltantawy]

اه كل الجامعات محتاجة سنة تحضيرية

[@mahitab9611]

طيب دلوقتي انا اخصائي تمريض وجوزي صيدلي هل الصيادله ليهم مجال بالمانيا زي التمريض ؟

[@nikolassxx]

اكيد

[@vfy6u3rutb4ug5]

قصة نجاح جميلة نقطة بدايتها نفس النقطة اللي واقف فيها كتير من الشباب حاليا انت خلصت ثانوي في 2011 انت خلصت في 2022 انت وصلت قمة الهرم 2015 (واللي هي كانت عن طريق السفر) بإذن الله اوصل قمة الهرم في 2026 الفيديو حمسني جدا والله، ربنا يجازيك خير🌹

[@MohamedHassan-ij9vk]

طيب بيقولوا أن الذكاء الاصطناعي يعوض المبرمجين ومش هيكون لهم تأثير كبير

[@MohamedEltantawy]

اي حد فاهم في المجال هيقولك انه شبه مستحيل ده يحصل و لو حصل هياخد كل الوظائف التانية و ينتهي بالبرمجة

[@ibrahimmvd]

❤️❤️الفديو ده انا نزلتو علي الجهاز لانو بلنسبالي مش فديو عادي

[@omarjamal3374]

منحه وزاره الاتصالات، موجوده في اي مكان زيها حتي لو بمقابل ؟

[@MohamedEltantawy]

موجودة على موقع يوداستي بس سعرها بالشهر بيوصل ل ٣٠٠ دولار فأنصحك بأكاديمية حسوب كبديل

[@omarjamal3374]

@@MohamedEltantawy اي دوره بالظبط من علي حسوب ، وشكرًا اوي مقدما ❤

[@MohamedEltantawy]

واجهة المواقع

[@mohamadazaki18]

هو ازاي ي محمد انتا اشتغلت في فترة تعلم اللغة وهو مش مسموح العمل اثناء فترة تعلم اللغة؟

[@MohamedEltantawy]

بتقدر تشتغل ٢٠ ساعة في الاسبوع لو صاحب العمل وافق وبيبعت ورقة بده لمكتب الاجانب

[@elwany-]

11:05

[@mohamed_nabil23]

انا مكملتش الفيديو بس سؤال هى منحة وزارة الاتصالات انتهت ؟

[@MohamedEltantawy]

اه للاسف

[@mohamednashat4777]

طب انا نفس الفكره انا اولي نظم ومعلومات في أكاديمية اسكندريه وعايز اسافر المانيا ادرس واشتغل وبتعلم الماني حاليا بس بعد سعر اليورو مذاد بقي صعب جدا اوفر الحساب البنكي ف ممكن اتعلم برمجه واقدم علي شغل(زي محضرتك قولت الفيديو اللي فات ) واسافر وبعدين اكمل جامعه

[@MohamedEltantawy]

اه بالظبط

[@nadataha6878]

ممكن برضوا تقدمي علي منحه دراسيه لو اتقبلت يبقا تمام سافر اتعلم ببلاش بعدين دور علي الشغل برضوا

[@mohamednashat4777]

@@nadataha6878 مجموعي ضعيف ومش هتقبل ف المنحه

[@hamzaoraby3368]

@@nadataha6878 هوا أنا لو لسه في أولي كليه حاسبات ومايل اني أسافر ادرس بره سواء حاسبات أو كليه طبيه بس مقدرش اوفر الفلوس في الحساب عادي في منح مجانيه وكليات كويسه تقبلني مع العلم أنا جايب مجموع عالي في ثانوي السنه ال فاتت 89.5

[@nadataha6878]

انا مجموعي كان ٦٥ واتقبلت ف المنحه من اول مره وال سندني شهاده اللغه كنت عامله ايلتس ف الانجليزي وكان مستوايا ف الالماني b1 واصلا هما مش بيركزوا علي المجموع اوي ولو المنحه فيها سنه تحضريه ف برضوا مش هيركزوا مع اللغه خالص

[@hazemelsayed6071]

لو سمحت هي efwd اتوقفت فعلا !!

[@MohamedEltantawy]

اه للاسف

[@zohdeismail]

انا بعمل فيديوهات ألأماني عربي وحابب انك تطلع معايا في كام فيديو كده

[@MostafaMohamed-oy6ik]

انا كان عندي حلم واحد وسافرت علشان اكمل دراسه في تركيا بس انا للاسف عمري مكان عندي كليه بحلم بيها ومش عارف انا عايز ايه معندبش حلم حتى المجال اللي انا فيه مش عارف هو دا اللي انا عايزه ولا لا يعني حتى لما سبت مصر مش علشان محققتش حلمي فمصر ومسافر احققه بره وكده اصلا كان ممكن ادخل المجال اللي انا فيه هنا كتن ممكن ادخله فمصر انا سافرت علشان انا عايز اسافر بس ف اتا تايه وابتديت احس بندم

[@MohamedEltantawy]

جرب كتير لحد لما تلاقي الحاجة المناسبة ليك و لو ملقتش فشوف ايه اكتر حاجة تعرف تعملها تجبلك دخل

[@AhmedMahmoud-ox3jt]

هندسة فرص المترجمين اي عندك

[@MohamedEltantawy]

مش عارف الحقيقة

[@AhmedMahmoud-ox3jt]

@@MohamedEltantawy شكرا على الرد

[@mohamedmahmoudfathy3027]

محمد أولا ربنا يوفقك و يعينك بس أنت أتكلمت عن البرمجة الطبية ؟؟ أنت تقصد الbioinformatics أو الmedicalinformatics لإني زيك بحس إني بتشد للبرمجة وحل الproblems الصغيرة و بدأت في مجال الbioinformatics بذات إني كنت في برنامج الbiotechnology لو تعرفه فقولت أبدأ في الbioinformatics بما أنه جامع ما بين البرمجة و البيولوجي فأنت شغال مبرمج في مجال ال bioinformatics و لا لا و لو شغال إيه رأيك فيه أتمني تشوف الكومنت بتاعي.

[@MohamedEltantawy]

انا شغال حاليا في مجال الويب و ده ماوش دخل خالص بالبرمجة الطبية او ال medical informatics اللي بدرسها و اللي مهتمة اكتر بالداتا ساينز و رقمنة المؤسسات

[@higuys5914]

هو أنت من محافظة البحيرة؟؟

[@MohamedEltantawy]

لا

[@shehabluxor]

علاج طبيعي مصر احسن من ألمانيا ؟

[@MohamedEltantawy]

على حد تجربتي ايوة

[@shehabluxor]

@@MohamedEltantawy طيب ليه ؟ وضح اكتر ؟

[@ebrahimahmed1176]

@@MohamedEltantawy متابع قناتك يا برو من زمن.... ليه حاسس انك كل دا تأقلم على الظروف والاوضاع في المانيا.... مستني نجاح لك مبهر يكلل مجهوداتك خصوصا انك امل لكتير ناس بدأت من الصفر.... put ur all efforts just in one thing مستنيين كلنا اخبار ونجاحات اكتر منك. ربنا معاك ويوفقك 🌸

[@mohamedbalb3]

لو حد سنة ٣٠ ممكن يبتدي من جديد ولا اتاخر خلاص؟

[@MohamedEltantawy]

منا داخل على ال ٣٠ و عادي

[@mahmoudsaid3413]

هل الرياضيات كانت مشكلة كبيرة بالنسبالك ف دراسة البرمجة ..ولو حد حابب يخش يدرس مجال البرمجة الطبية بس عنده مشكلة ف الرياضة يعمل اي؟؟

[@MohamedEltantawy]

الرياضيات مش اقوى حاجة في البرمجة

[@waleedmohamed2191]

محمد ازيك انا ٤٠ سنة وكنت بحاول من اربع سنين اتعلم برمجة لمميزاتها الكتير منها السفر والشغل اونلاين لكن فشلت لأسباب كتير وشفت فيديو بتاع اتعلم برمجة ويب بتاع المنحة فى ٦ شهور وعموما بتأثر بالمحتوى بتاعك ملهم المشكلة عندى انى حاسس انى سنى كبر مش قادر استمر في تعليم حاجة لانى أثناء التعليم البرمجة بفكر فى ما بعد التعليم ياترى هل هنجح هل اقدر اعمل حاجة وكمان ماديا الوضع معايا مش كويس ودة بيخلينى مشتت اكتر وعايز اعمل فلوس واسافر ونفس الوقت لازم اتعلم ودة هياخد وقت كبير يارب تقدر تتفهم موقفى . وكمان مش متزوج الزواج هنا محتاج فلوس واختيار سليم لشريك الحياة بجد حاسس انى تايه ومشتت ومش عارف احقق حاجة أو انجح مشكلتى التشتت والخوف ودة بيجيب ملل أثناء المزاكرة انا لم بتعلم حاجة بفهمها بس مش عارف اعمل اية ومش بفكر فى اى وظيفة انا عايز انجح واشوف نفسى ناجح وليس عملى الخاص ومش عارف اعمل اية بس انت شخص ناجح لانك أنجزت حاجات كتير فى سن صغير ربنا يوفقك يارب دايما . وكمان عايز اقولك أن عموما الحياة هنا بتقتل اى طموح لأن المجتمع هنا محشور فى افكار سطحية ووقتها راح عليه الزمن مش عارف اعمل اية نفسى اطلع من هنا وأبدأ حياة جديدة مفيهاش حدود للنجاح والحياة والعمل والسعى ياريت تقولى اعمل اية وشكرا لك

[@MohamedEltantawy]

الموضوع صعب اني ارد عليك في كومنت لكن بإختصار انت المفروض مدام مجتمعك مش مظبوط زي ما قولت فانت اعزل نفسك عنه متقولش لحد اللي انت بتعمله و بالنسبة للملل اثناء التعلم فحاول تعمل لنفسك اهداف صغيرة و تخلصها اكنت بتلعب و بتطلع في الليفلات ده هيقتل الملل اما بالنسبة للسن فملوش تأثير نهائي على سرعتك في التعلم لان البرمجة عاملة زي الصنعة و بالنسبة للشغل و الشركات فأهم حاجة عندهم انت بتعرف تعمل ايه مش عمرك كام

[@waleedmohamed2191]

@@MohamedEltantawy شوف يا محمد اولا اشكرك على ردك ثانيا والله من كل قلبى اتمنى لك التوفيق المشكلة انى حاسس أن سنى كبر على أى تغيير ولسة مش متزوج وعايز فلوس وحاجات كتير عارف انا حاسس زى الى بيجرى ورا قطر ومش هيحصله ابدا فرق سرعات وكمان حاسس زى عايز عايز يتزوج وعايز فلوس تكملة للزواج واحتياجاته وعايز يتعلم مهارات جديدة ونفس الوقت عايز طريقة يجيب بيها دخل تانى على دخلى الاول انا شغال فى مجال الشبكات help desk وعارف html and CSS وعايز اتعلم اكتر وعندى خلفية برمجية بسيطة من المحاولات السابقة حاسس انى عايز اعمل حاجات كتير فى وقت واحد ومش عارف اوصل لانجز حاجة شكرا يامحمد شكرا وربنا يوفقك