الولادة العادية امو تضامن امو الشامل سنيسيس الضمان الاجتماعي بالمجان CNSS AMO tadamon AMO chamil

سبق حطيت موضوع حول الولادة القيصرية ، او جاوني بزاف الاسئلة حول الولادة العادية،
واش كاين فيها البريز اونشارج؟
شحال ديال الفرق كنخلصو ؟
واش طبيب الاطفال داخل ولا لا ؟
واسئلة أخرى جاوبت عليها في هاد الحلقة القصيرة
فيديوا الولادة القيصرية
• الولادة بي لفتيح القيص...
الورقة التي تضم الولادة القيصرية ، الصفحة الخامسة :
www.cnss.ma/si...
المصنف العام للأعمال المهنية NGAP :
www.sante.gov....
الاتفاقية الوطنية بين ANAM وأطباء القطاع الخاص :
www.cnss.ma/si...
القانون المؤطر لعمل أطباء القطاع الخاص :
www.sante.gov....
مواضيع مختلفة سبق طرحها :
1 - كيفاش نعمر ورقة العلاجات العادية ديال كنوبس (الورقة الصفراء)
• كيفاش نعمر ورقة لامتيا...
2 - كيفاش ندير النظارات الطبية او ناخذ التعويض الكامل عند كنوبس
• كيفاش ندير النظارات ال...
3 - الزجاج يعوض مرة كل سنتين فقط (تصحيح لمعلومة جاءت في المقطع رقم 2 بعنوان : كيفاش ندير النظارات الطبية او ناخذ التعويض الكامل عند كنوبس)
kzbin.info....
4 - علاش التعويض ديالي في موقع كنوبس كيطلع ليا 00 في الخانة ديال mutuelle ؟
kzbin.info....
5 - علاش لاكارط كنوبس ما بقاتش غادي تبدل ليك، او غادي تبقا خدام فقط بي لقديمة واخا تتزوج او واخا يتزادوا عندك لوليدات :
kzbin.info....
6 - التعويضات ديال كنوبس هزيلة للغاية، علاش ؟
او كيفاش نقدر نخلي التعويض ديالي يولي افضل
• علاش تعويض كنوبس ضعيف ...
7 - علاجات الأسنان بالمجان (خاص بالسككيين)
kzbin.info....
8 - حلقة عن زيارة طبيب الأسنان 👇👇 :
• شنو كيعطيني طبيب الأسن...
9 - تحياد السنة ولا الضرسة في الحالة العادية
• حيدت ضرسة ولا سنة شحال...
=========================================
Background Music FROM CHANEL :
NCM Sameer
(No Copyright Inspirational Music)
=========================================
#تعويضات_كنوبس #تعاضدية_السككيين #كنوبس #تعاضدية #اومفام #موسح #طلبة #جامعة #omfam #mutuelle #CNOPS #mpsc #MGEN #MGPAP #MGPTT #amo #AMOE #etudiant #Faculté #oncf #CHU #طبيب _داخلي #INP #INPE

[@azzeddinekacimi9196]

الله ارحم الوالدين❤

[@CNOPS_CNSS]

واليدينا او واليديك ❤️❤️❤️

[@khadijatoelmiskini9027]

​@@CNOPS_CNSS ​السلام عليكم الاخ الكريم الى بغيت متلا نولد في كلينيك ولادة طبيعية ودرت prise en charg وخلصت غير 900درھم واش غنستافد من دعم نتاع 40 الف لزيادة الاولى و20 الف زيادة تانية واشن خصني ندير الله يجازيك بخير ​@CNOPS_CNSS

[@kacemmhaya290]

شكرا اخي على المعلومات

[@CNOPS_CNSS]

على الرحب

[@Englishonline1]

السلام عليكم اخي الكريم، الله يخليك الطبيبة عطاتني traitement نتبعو لمدة تقريبا 3 أشهر عاد نرجع عندها باش تشوف واش نستمر على نفس الدواء اولا ربما يكون تدخل جراحي. السؤال هو شحال المدة اللي عندي الحق فيها ندفع الملف الطبي ؟

[@CNOPS_CNSS]

عندك الق في 60 يوما ، يعني شري الدواء او دفعي الملف للتعويض شري ديال ثلاثة اشهر في مرة واحدة او دفعيه ، او من بعد راه اي شيء اخر تديرريه تعمريه او تتعوضي فيه كاين واحد القضية هو أنه في حالة العلاج المستمر المدة كتحسب من تاريخ الانتهاء ديال العلاج، مثلا في حالتك تا تسالي ثلاثة اشهر عاد تبدا لحساب ديال 60 يوما ، لكن نصحك ما تبعيش هاد القضية حيث فيها مشاكيل

[@Englishonline1]

شكرا جزيلا . مزيدا من النالق​@@CNOPS_CNSS

[@hichamanber1989]

سلام عليكم ورحمة الله وبركاته. بغيت نسقسيك أنا مسجل فأمو تضامن وسجلت معايا الزوجة ديالي الزوجة ديالي حامل. انا ديتا لطبيب بفلوس وعمرت لورقة ديال تدويزة عندي. فوقاش كنخبر ضمان الاجتماعي بأنا الزوجة ديالي حامل واش حتا تولد أولا فالأول وشكرا

[@CNOPS_CNSS]

لا دابا عادي ، اي تدوزة عمر ليها وريقاتها منين تبغي تولد تمشي لكلينيك هوما يطلبوا ليك التحمل او شوف داك الساع ولادة عادية تخلص 900 درهم ولادة قيصرية تخلص 2400 درهم شوف هنا العادية kzbin.info/www/bejne/habGmpJpn7KgkMksi=9bANccd2h-zNSc0j القيصرية kzbin.info/www/bejne/lYibg5SYjJitic0si=xyYuuXnGXWHNeEpI

[@جناتالياسمين-ذ7ش]

انا سولت اغلبية دالكلينيكات فالناظور قالولي بامو الولادة العادية 120 الف1200درهم القيصرية بامو 3000درهم اشي حاجة بلا امو 8000درهم للقيصرية 2000درهم للعادية

[@elhoucieneable]

السلام عليكم جزاكم الله خيرا عندي سؤال الى كان الوليد الجديد محتاج للحاضنة او القرعة وهو غير مؤمن ف cnss نظرا لانه مولود جديد، شناهما الاجراءات الى خاصها تدار باش يتسجل ويستفد من البريز اون شارج. ملاحظة : الاب مسجل فامو شامل

[@CNOPS_CNSS]

نفس اللي قلت هنا غادي تديروا عند سنيسيس انا شرحت كنوبس لكن راه تا سنيسيس نفس الامر kzbin.info/www/bejne/mXmue3VmrrKUfMUsi=IVNOMyNgcv4Etcj7

[@KarimaMoutawakil]

سلام عليكم خويا من فضللك بغيت نسولك أنا يلاه درت عملية جراحة الفك لغرض تجميلي و وضيفي حيت دائما كانت كتجيني واحد شقيقة صعيبة بزاااف بسبب المشكل لي عندي فالفك علما ماعندي لا هرس لا تي شي حاجة فالفك ديالي غير الفك السفلي متقدم على الأمامي و دونتيست لي نصحني ندير هاد العملية دبا بغيت نعرف و اش نقدر نتعوض فهاد العملية لأنهم طلبو ليا 12000 درهم بعد ما درت العملية تفاجئت بالتمن ديالها لأغلبية كنت كنسمع أن التكلفة ديالها مكتجاوزش 6000 درهم بالنسبة للعملية درتها فالمستشفى الجامعي 20 غشت و لحد الأن باقي مدرتش prise en charge cnops واش نقدر نديرها دابا بعد العملية حيت فاش سولت الطبيب قاليا نقدرو نديروها لك من بعد العملية ماكينش مشكل و شكرا ليك خويا على الفيديوهات ديالك كتفيدنا بزاف الله يجعل في ميزان حسناتك و سمح ليا طولت عليك 🙏

[@CNOPS_CNSS]

هنا الطبيب نصب عليك او بي العلالي لبريز اونشارج كنديروها قبل التدخل، باش هاكا كتخلص علينا كنوبس او حنا كنخلصوا الفرق اما اذا درتيها قبل فراه غادي يخصك تعمر لوراق او تسنا تعويض كنوبس الطبيب نصب عليك علاش لأنك نتا عطيتي 12000 درهم ، واش عطاك عليها شي وثيقة ؟ واش عطاك تفاصيل الفاتورة ؟ واش عطاك التقرير الطببي ؟ جاوبني في تعليق اخر حيث التعاليق اللي تحت التعاليق ما كتبانش ليا

[@zaariabdelali8650]

السلام عليكم السي العروسي .انا كنت درت عملية على الرباط الصليبي( cnops) والطبيب طلبلي 6000 درهم ديال materiel TLS كأدوات للعملية من بارافارماسي ودفعت الملف وتم ارجاع ديالو بداعي تدقيق نوع الادوات .بغيت نعرف شنو ممكن ندير باش نتعوض الله يجزيك بالخير

[@CNOPS_CNSS]

خويا بلاتي كيفاش متريال العملية ؟ هاد المتريال واش خديتي عليه شي فاتورة ولا لا ؟ راه ماشي أي ماتريال كيتعوض ، كاين لائحة محددة أغلبية هاد المتريال اللي شريتي غير نصب عليك الطبيب لانه صاحب هاداك البارا فين رسلك هاداك الماتريال اصلا كيكون داخل في قيمة التعويض اللي كتعطيك كنوبس ردوا ليك الملف لأنهم بغاو الفواتير او بغاو inp ديال اللي باع ليك الماتريال غالبا ما عندوش او هنا غادي تلقا مشكل الى عندك الملف مصور رسلوا ليا ايمايل نشوف معاك [e-mail]

[@zaariabdelali8650]

Ok merci bqp

[@hajardolly7774]

عفاك شرح ليا كيفاش ندير prise en charge راه مفهمتش اش قصدتي بيها

[@CNOPS_CNSS]

البريز اونشارج هو طريقة دارتها الدولة لصحاب لامتيال باش يتعوض التعويض كيكون بجوج طرق اما خلص كلشي او عمر لوراق او دفع باش تتعوض ولا كاين بعض العلاجات عندك الحق تخلص الفرق نيشان يعني داك الشي اللي كان خاصك تخلصيه او تعمري عليه لوراق عاد تدفعي او يرجع ليك ، الدولة عطاتوا عليك نيشان شوفي هنا سبق شرحتها بالتفصيل kzbin.info/www/bejne/iKnXqqadrZyGd7ssi=52Uo_zq1iNll0XCS

[@TaajMoha]

❤❤❤❤

[@CNOPS_CNSS]

❤❤❤

[@rffvdv4464]

صديق ديالي معندو حتى نوع ديال التغطية الصحية و ولدات مراتو في مستشفى محمد السادس العمومي بطنجة ومخلص والو . هاد الشي غير اسبوعين هادي

[@CNOPS_CNSS]

غير طلع ليه الزهر، اما المستشفى العمومي تعداو عليه يا اخي ولا يا تخلص يا تكون امو تضامن

[@rffvdv4464]

@@CNOPS_CNSS كيفاش طلع ليه الزهر ؟ انا عندي جوج وليدات و مخلصت عليهم والو فقط دورت مع الفرملية اللي قابلات المدام . مكنظنش كاين الزهر مع الدولة اعتقد جازما ان الولادة فالمغرب في المستشفيات العمومية مجانا بل حضرت ولادة نسيبتي في اكادير عطاوها حليب نيدو و باكية ليكوش. هذه وقائع شفتها بعيني وربي شاهد اخي العزيز

[@KhadijaFaraj-sd6py]

خويا ولدات مرتو فيه خلص 2000 درهم

[@meryyam1187]

خويا الله يجازيك بالخير بغيت نسولك انا حامل في الشهر السابع ويالله بدينا فالوراق دآمو شامل وبغيت نولد فكلينيك ب prison charge واش زعما يكون عندي الحق نستافد من خدمات آمو مع العلم اول مرة دفعنا كان من 25 فشهر 12 /2023 ووقعو لينا شي عكوسات ومكانش عندنا الحق نديرو آمو يالله هاد الشهر باش رجع عندنا الحق الله يحفظك جاوبني واذا مكانش ممكن قولينا شي طريقة نديروها باش نقدر نستافد من التغطية الصحية الخاصة بآمو شامل الله يحفظك يعني واش كاينة شي أستيس ولا شي حاجة لي تفيدنا ولو نخلصو فدقة ولا شي حاجة هادشي فمدينة فاس وزعما الأمل فأن ديجا الملف مدفوع قديم ماشي عاد دفعناه غير الخلاص لي مكانش ممكن ديك الساعة جاوبني الله يجازيك بالخير

[@CNOPS_CNSS]

للأسف ختي لا ما كاينش كيفاش ، واخا الملف مدفوع قديم الحساب والاستفادة عندهم علاقة بلخلاص او نتوما عاد بديتوا لخلاص باش ما نسدش في وجك لباب كليا غادي تشوفي شي وكالة ديال سنيسيس قلبي على المدير نيشان او شوفي معاه ممكن يلقا ليك شي تخريجة

[@hichamiriz3919]

سلام حوبا سؤال بعيد على محتوا الفديوا نقطعت عن العمل بسبب المرض لمدة 15 وعمرت ورقة الإنقطاع عن العمل ولكن المشغل خلصني فديك المدة واش ندع ورقة الإنقطاع عن العمل ولا لا شكرا

[@CNOPS_CNSS]

الى خلصك المشغل راه ما غاديش يعمر ليك ورقة الانقطاع ، حيث هاديك الورقة ضروري يعمرها معاك المشغل

[@hichamiriz3919]

@@CNOPS_CNSS السلام عليكم خويا المشغل بغا إعمر ليا الورقة غير واش إلى عمرها أو مقطعش ليا دكلراسيوا واش نستفد منها ولا لا

[@elhoucieneable]

السلام عليكم في حالة الى دارو الوليد فالقرعة وطالت المدة شناهم الحقوق والواجبات للاب الى كانت الولادة في الكلينيك بالبريز اون شارج

[@CNOPS_CNSS]

واخا ما فهمتش المطلوب مزيان غير هو راه ماشي كاع اللي كيديروه لكلينيك راه بالضرورة مطلوب ، كاين تلاعبات من طرف بعض كلينيكات اللي كيلقاو الفرصة او يبقاو يسرقوا في الواليدين بحجة الابن محتاج كذا وكذا القرعة اذا بان ليك الامر مطول طلب ليهم النقل ديالوا لمستشفى جامعي الى كان قريب لكلينيك الى لوليد عندهم علمهم قول ليهم ما عنديش باش نخلص بلا ما تبقاو تجرجروا فيا او الشيك اياك ثم اياك تحطوا راه يعذبوك بيه في حالة النقل سير شوف المستشفى الجامعي اللي قريب او خود الاذن باش تجيب الابن عندهم الى قبلوا قول لكلينيك يتكلفوا بالنقل ولا شوف اسعاف مجهزة للامر المستشفى الجامعي افضل لان الهدف ليس ربحي الى محتاج غادي يديروا ليه القرعة ما محتاجش غادي يحيدوه منها او التكلف ديال كنوبس 100 بالمئة امو كتخلص الفرق ديال 30 في لميا من اصل 350 درهم لكل ليلة

[@elhoucieneable]

جزاك الله خيرا على المعلومات المفيدة وعلى وقتك. سؤال اخر الى كان الوليد الجديد محتاج للحاضنة وهو غير مؤمن فنظام امو شامل cnss شناهما الاجراءات اللي خاص يدارو باش يتامن وتدار ليه البريز اون شار

[@ahmedouarche1253]

كاين شي معلومات حول المنحة على الولادة بالنسبة للموظفين؟؟

[@CNOPS_CNSS]

كاين بحال منحة الولادة سنلام راه داير فيديوات عليها شوف البقية في القناة

[@ahmedouarche1253]

@@CNOPS_CNSS شكرا لكن من غير شركات التأمين، انا عندي حساب فموقع المالية tgr ومؤخرا شفتهوم زايدين واحد حاجة سميتها prime a la naissance فخانة شهادة الأجرة.

[@khadijaelzahiry4887]

عفك اخويا واش الا ولدت ولادة طبيعية حسبو ليا 8000dh و دفعت لاسينيسيس بخيزون او شاغج ولكن بعد ربعة وعشرين ساعة . عفك جاوبني

[@CNOPS_CNSS]

الولادة الطبيعية ماشي ب 8000 درهم ، غير 3000 درهم خلصتيها يعمروا ليك لوراق او دفعي تعوضك سنيسي ب 2100 درهم الى قولبوك او خلصتي 8000 درهم راه ترجع ليك فقط 2100 درهم لكن الى قولبوك عندك الحق تشكي بيهم اوطالبي باش لكلينيك يردوا ليك فلوسكك

[@soumianabil5972]

والا معندو والو باش اخلص في السبيطار امشي تاع الدولة

[@CNOPS_CNSS]

سبيطار الدولة تا هو تخلص الفرق ، الا صحاب امو تصامن اللي ما كيخلصوا والوا

[@ahmedghannam3543]

خلصت لهم 300 ديال طبيب الاطفال

[@CNOPS_CNSS]

نصابة للأسف

[@CNOPS_CNSS]

نصب للأسف

[@hichamtoujana7632]

واش هذ التعريفة هيا لي الأن سارية المفعول؟

[@CNOPS_CNSS]

اه بالضبط، راه الفيديوا ما قديمش باش حطيتوا ، ولحدود اليوم هي التعريفة السارية والقانونية وما خارجها يعتبر نصب من المصحات

[@hichamtoujana7632]

@@CNOPS_CNSS شكرا

[@SoukainaSoka-iz4in]

عفاك واش صانع الاسنان ممكن يعمر ليا ويرجع ليا تعويض كنوبس بالنسبة لطلبة

[@CNOPS_CNSS]

بالقانون لا ، حيث ما عندوش لوريقات لكن غير باش نبهك راه كاين اللي كيكون واخد الكاشيات من عند شي طبيب او يطبع ليك لامتيال، ممكن تدوز ولكنها تعتبر خرق قانوني

[@saidaskour2115]

سلام عليكم مشيت عند الطبيب خاص حيت الجلالة 5000 درهم ولكن ديكلارا ليا غير 3000 درهم فورقة لامو تضامن شنو سبب واش قانوني

[@CNOPS_CNSS]

واش خلصتي ليه كلشي او كتب ليك أق من الثمن اللي خلصتي ؟؟ الجلاة فيها اثمنة اخرى تفرج هنا او دي ليا تعليق تماك فيه التفاصيل كيفاش وقع باش نقدر نعرف اشنوا دار واش التحمل واش خلصتي عادي ؟ kzbin.info/www/bejne/eHbRd6VrnbZ0eNUsi=NhAZG3pWCkO09vpX

[@ilhamilham-rd3iy]

بغيت نسولك حيت اول مرة غنسيفط الدوسي ديال الدوا اشنو هما الوتائق اللي نسيفط انا عمرت عند الفرمسيان ورقة الدوا و فيها الدويان وورقة بيضة اللي عمرت ليا الطبيبة واش صافي غير هادشي او واش نزيد الموافقة على المرض المزمن و جزاك الله خيرا

[@CNOPS_CNSS]

المرض المزمن خاص تا تكوني مصايبة عليه اصلا ملف بحال شرحت هنا kzbin.info/www/bejne/mJyZcoCDfp6SrJIsi=2H8Z6huQvFi-QsdX كيفاش تعمري لورقة شوفي هنا سبق شرحتها kzbin.info/www/bejne/oIvYdYBpaZ2Wocksi=uRjae21vYj8QilB6

[@ilhamilham-rd3iy]

@@CNOPS_CNSS جزاك الله كل خير

[@numinwi1318]

بغيت نولد فبولي كلنينيك عندي ولادة قيصرية اش من وتائق تخصني وشحال نخلص

[@CNOPS_CNSS]

شوفي هنا سبق شرحت كلشي على القيصرية kzbin.info/www/bejne/lYibg5SYjJitic0si=virYF8GCW1aZ6dNt

[@abdelkarimamrani1]

سير الله يحفظك ويكبر بيك

[@etalbisoukayna5551]

فحالة خلصتي كلشي و بغيتي دفع للضمان الاجتماعي باش تاخد التعويض واش كتعمر ورقة العلاج عادية مرفقة بالفاتورة او كتزيد وثائق اخرى ؟

[@CNOPS_CNSS]

ورقة العلاحجات العادية او معاها الفاتورة او تقرير الطبيب اللي دار الولادة او فاتورة فيها تفاصيل الادوية اللي عطاوك نصيحة ديري التحمل ، الى خلصتي يقدر اي ورقة ولا كاشي يردوك عليه او تبقاي طالعة نازلة

[@hajardolly7774]

كيفاش prise en charge

[@CNOPS_CNSS]

البريز اونشارج هو طريقة دارتها الدولة لصحاب لامتيال باش يتعوض التعويض كيكون بجوج طرق اما خلص كلشي او عمر لوراق او دفع باش تتعوض ولا كاين بعض العلاجات عندك الحق تخلص الفرق نيشان يعني داك الشي اللي كان خاصك تخلصيه او تعمري عليه لوراق عاد تدفعي او يرجع ليك ، الدولة عطاتوا عليك نيشان شوفي هنا سبق شرحتها بالتفصيل kzbin.info/www/bejne/iKnXqqadrZyGd7ssi=52Uo_zq1iNll0XCS

[@nourelimane8464]

السلام سيدي الفاضل بغيت نسولك واش لكنوبس كتعوض على تقويم اعوجاج الاسنان لي السبب ديالو وجود فراغات ما بين الاسنان و شكرا جزيلا

[@CNOPS_CNSS]

هذا كيدخل في التقويم او التقويم كيتعوض فقط للاطفال اقل من 16 سنة

[@hajardolly7774]

اشنو ندير باش نخلص غير الفرق راه بزاف عليا

[@CNOPS_CNSS]

غادي تقولي ليهم في كلينيك بغيت ندير لبريز اونشارج، او هوما اللي كيتكلفوا يطلبوها من سنيسيس او نتي تخلصي الفرق فقط

[@miromiro-wk5uc]

السلام عليكم أخي أرجوك أريد منك استفسارا جازاك الله خيرا أنا ولدت ولادة عادية وعندي آمو تضامن ومشيت لكلينيك وتفاهم معايا الطبيب بألف وخمسمائة درهم وبقا عليا بوسائل الإقناع وكذا ومن بعد فالخلاص طلبولي المصحة ألف درهم زيادة بمعنى المبلغ الإجمالي ألفين وخمسمائة درهم منين طلب راجلي تفسير قالولو هذاك المبلغ زدناه على الدواء لي ستعملنا لمراتك وكانت ولادة عسيرة واستعملنا عدة أدوية ومابغيناش نديرولها القيصرية ومنين بغيناهم يقادولنا المسائل ماكناش عارفين هادشي مزيان قالولينا صافي ماعندنا مانعمرولكم عمرو هوما prise en charge وخداو 2500 درهم وبقينا حنايا مصدومين ماكاين لي يدير معاك شي حل. سؤالي أخي الفاضل شمن طريق نشد شنو ندير نتابع هاذ الناس شنو المعمول راني تلفت الله يجازيك بخير

[@CNOPS_CNSS]

غادي تمشي بسرعة تديري شكاية للضمان الاجتماعي باش يحبسوا على يماهم لفلوس في الشكاية وضحي أنك أديتي ثمن الولادة كاملة ، وعند طلب الوثائق قالوا أنها سترسل للضمان الاجتماعي قولي ليهم لم نطلب التحمل هوما غادي يوقفوا ليهم لفلوس ديال التحمل ، يعني ديك 2700 درهم اللي من المفترض يعطيوهم ما غاديش يعطيوها ليهم او رجعي لكلينيك قولي ليهم عطوني فواتير على المبلغ اللي حطينا ما تفاكيش قوليب لهم حطيت فلوس خاص ورقة الا راكم لصوص يعطيوك لوراق داك الساع ديري شكاية ل ANAM موضوعها النصب من طرف المصحة في مبالغ مالية وفوترات خارج القانون kzbin.info/www/bejne/q2LTfJprh9-Vp6csi=HmNJcsE_hOdA9k6Z

[@mohammedennaouri161]

شكرا أخية عندي واحد التساؤل : أنا عندي CNOPS و الزوجة عندها CNSS واش نقدر ندير prise en charge ب CNOPS ؟

[@CNOPS_CNSS]

لا اخي ، غادي تديرها هيا باسنيسيس فقط اضافة الى عندك شي سنلام راه ممكنم تدفع ليها باش تعطيك التكميلي على ملف الزوجة واخا هو عند سنيسيس شوف هنا سبق شرحتها في اخر الفيديوا kzbin.info/www/bejne/Y5TPmamwYpmkfrssi=tDrQw4fQ3FpxWUeW

[@KarimaMoutawakil]

أنا خويا لي كنت دويت معاك على جراحة الفك راني شفت الرد ديالك ،الغريييب فالأمر أنني درت العملية و مشيت كونترول جوج مرات لفرق بياتهوم سيمانة و فاش كنسول على لخلاص كيقولو ليا تال من بعد و فاش سولت لماجور تماك قالت ليه بغيت نخلص مشيت لمكتب فين كيخلصوا عطاتني لفاتورة فيها 12000مصدقتش فاش رجعت عندو قاليا معندي مندير ليك و زيدون سيري حتا تجمعي لفلوس و يكونوا عندك و عاد خلصي باقا مقادراش نفهم هاد التساهل ديالهوم فالخلاص علاش !!!! لي بغيت نعرف أخويا واش باقا نقدر نستافد من تعويض ولا لا و واش هاد عملية من العمليات لي كيعوضوا عليها علما معندي لا هرس لا والو الله يجازيك بيخير

[@CNOPS_CNSS]

كاين بعض التدخلات في الفك يتم التعويض عليها لكن حاجة نتي ما تخلصيش شدي فيهم يديروا ليك التحمل راهم سبيطار ديال الدولة والتحمل بالنسبة للناس ديال امو هو 70 في لميا الفاتورة واش عطاوها ليك ولا غير وروها ليك ؟ الى عطاوها ليك ما نكرهش ترسليها ليا في الايمايل نشوف اش دايرين تماك [e-mail]

[@hamzatory8204]

سلام وعليكم خويا نتمنى تجوبنا على واحد تساؤل أنا حاليا تغطية الصحية عندي حق مغلق في cnss غادي تفتح حتى 1 في شهر 6 حاليا كندير حصص ديال إشعاعي 39 حصة على بروستات خلصت 40600 درهم + واحد ابرة كل 3 اشهر ثمنها 3037 درهم خاص ندكها بديت هاد الحصص من 15 شهر 3 غادي نسالي هاد الحصص حتال شهر 5 سمعت عندك حق 60 يوم من اخر حصة باش تدفع باش تعوض واش يمكن ليا ندفع لتعويض في شهر 6 مني غادي يولي عندي حق مفتوح في التغطية الصحية amo ولا لا وشنو هما وثائق لي خاصني ،؟؟؟

[@CNOPS_CNSS]

اسأل الله العظيم رب العرش العظيم أن يشفيك ويعافيك للأسف يا أخي لا، حيث التعويض كيتحسب تاريخ القيام بالأمر خاص يكون عندك الحق مفتوح في تاريخ القيام به حاول تدير واحد القضية شوف شي مدير ديال وكالة سنيسيس او شوف معاه اذا كان شي مخرج قانوني كيفاش تفتح ليك الحقوق قبل ! او حاول تدير ايضا استعطاف لوزير الصحة وايضا الوكالة الوطنية للتأمين الصحي على الله يخرج ليك شي امر خاص بالتعويض على المصاريف

[@hichamtoujana7632]

السلام عليكم واش هذ التعريفة هيا لي سارية المفعول الأن؟

[@CNOPS_CNSS]

اه هيا اللي كاينة

[@saidaskour2115]

سلام عليكم خويا عندي سؤال واش امكن دوز عند الطبيب العيون اعطيك التحاليل ديرهم تخطيط القلب تخلص داكشي كامل اودير معاك الموعد العملية اوتمشي عند وحد الطبيب اخر تكمل معاه واش تستافد من مصاريف العلاج

[@CNOPS_CNSS]

كيف شرحت قبل يعمر ليك لوريقات باش تتعوض الجلالة تتعتبر عملية بوحدها ، منين تبغي تديرها الطبب الثاني هو اللي غادي يطلب ليك لبريز اونشارج ، او هو اللي يدير ليك العملية كان الطبيب الاول طلبها ليك ، غادي تقولي ليهم يديريوا ليها الغاء ، عاد الطبيب الثاني يطلبها ليك

[@seriestv-ir1dw]

سلام خويا وش عندي لحق نتخلص ملي تولد ليا امرا في لايام لجلست مع زوجا ديالي في للمستشفى ولا ديك 3يام من حقي كمشغل نجلسها و cnss تخلصني فيها وشكرًا

[@CNOPS_CNSS]

بالنسبة للاقتمة في المستشفى ما كتعوضش ديك ثلاثة ايام الى السؤال على صاحب العمل واش يعوضك في ديك ايام الراحة ، لا اعتقد يا اخي كاين 15 يوم عطلة ابوة ولكن لحد الساعة غير بعض القطاعات العمومية نتمنى شي حد عندوا معلومة دقيقة يجاوبك

[@mryamzehri1747]

واش ممكن نخلص 3 شهور فدقة باش نستافد من شهر لأول ديال أمو الشامل

[@CNOPS_CNSS]

لا ما يمكنش ، خاص ثلاثة اشهر متتالية

[@M-ohamed1]

​@CNOPS_CMAM السلام عليكم اخي الكريم. شكرا جزيلا على المعلومات القيمة التي تقدمها لنا. لدي استفسار بخصوص مدة التعويض عن النضارات الطبية في المرة الثانية . وكيف تحسب المدة بين النضارة الاولى والثانية .د مع العلم انني قدمت الطلب في . 11/07/2023 وهو نفس تاريخ زيارة الطبيب و و اخصائي النظارات. وعوضت في . 28/07/2023. متى يمكنني تجديد النضارات الطبية اخي ؟ . هل في . 12/07/2024. ام . 29/07/2024. وشكرا اخي الكريم جزاك الله خيرا ​@CNOPS_CMAM

[@CNOPS_CNSS]

عندك الحق في التعويض بعد سنتين من تاريخ الزيارة الطبية ، يعني شوف الوصفة اش فيها والدليل هاهوا kzbin.info/www/bejne/bqXNZWyfpp2ZY7Msi=YZVjpKg_0oA-2qLI خلي عندك نسخة من الملف الاول

[@hichamchakir8438]

خويا نسولك مرأة الى كانت خدامة اة راجلها مخدمش تاخد فلوس دراري

[@CNOPS_CNSS]

اه تاخدهم كتدفع عقد الزواج او شي تصريح بالشرف ان الزوج ما خدامش او كتولي تخرج ليها

[@hichamchakir8438]

@@CNOPS_CNSS او بالنسبة واش استافد من امو amo معاها

[@user-if7yf]

أخي الفاضل عفاك جاوبني دبا انا ان شاء الله غنولد فكلينيك والطبيب داير معايا 3500درهم وعندي امو تضامن شحال خاصني نخلص فكلينيك؟وشكرا

[@CNOPS_CNSS]

بزاف 3500 درهم راه باغي يسرقك أمو تضامن ولادة قيصرية تخلصي فقط 2400 درهم

[@user-if7yf]

@@CNOPS_CNSS ماشي قيصرية . فولادة طبيعية شحال خاصني نخلص ديال الفرق واش 70.\. يعني 900درهم؟ وشكرا جزيلا

[@يوسفالزاعيم-ظ2س]

سلام عليكم وش الي تزاد عندك مولد جديد واش تستافد من زرورا

[@CNOPS_CNSS]

اه الى كنتي مسجل في السجل الوطني والسجل الموحد او المؤشر أقل من 9,74 راه تستافد من 2000 درهم

[@sultanaoujdia7199]

اخي بغبت نسولك دبا الا مشيت ولدت ف كلينيك 3500 درهم ولادة طبيعية وعندي امو تضامن واش نحطها كاملا ولا نحط غي فرق و امو تكملي لخلاص عافاك رض عليا

[@CNOPS_CNSS]

تحطي غير الفرق اللي هو 900 درهم بي القانون لكن الى بغاو يزيدوك في لكريساج غادي تحطي 1400 درهم بي القانون راني شرحت دافعي على راسك ، او قولي ليهم يدير ليك البريز اونشارج باش تخلصي غير الفرق

[@sultanaoujdia7199]

@@CNOPS_CNSS واش امو تضامن فيه هاد بريز اونشارج انا مزال منعرفش هاد شي لله يحفضك كيما فهمتني

[@KhalidKhalid-il5hr]

خويا نسولك انا ما مسجلش فحتى واحد واش منلقاش شي مشكل فاش تبغي تولد المراة

[@CNOPS_CNSS]

كيفاش ما مسجلش ؟ واش كتقصد متا عندك لا كنوبس لا سنيسيس ؟ الى ما عندكش راه ما كاين مشكل ، غادي تخلص او ضرب عهلى راسك تفاوض

[@KhalidKhalid-il5hr]

@@CNOPS_CNSS شكرا لك اخويا

[@youssefhachmi9273]

خويا انا ولدت مراتي فكلينيك خلصت 1400 درهم

[@CNOPS_CNSS]

الى ولادة عادية راهم كريساوط في 500 درهم خاصك تخلص الفرق ديال 900 درهم اموا

[@youssefhachmi9273]

@@CNOPS_CNSS خويا انا دفعت ليهوم امو وخاصة 1400 و شي يامات هادي طلعلي دوسي فتطبيق cnss فيه 2100 درهم سميتو ملف تعويض مقدمي العلاجات

[@Asma-f6f]

Khoya 3afak wach dik libra dyal dhr flwilada l3adiya ghadiroha ila tlbtha mnhom

[@CNOPS_CNSS]

ما عرفتهاش ديالاش هادي ، الى كان شي توضيح اكبر ؟

[@Asma-f6f]

@@CNOPS_CNSS خويا ديك البرة لكتحيد ألم ديال الولادة

[@CNOPS_CNSS]

@@Asma-f6f لا غير قابلة للتعويض للأسف الى غادي يديروها راه غادي يبغيو يتخلصوا فيها

[@Asma-f6f]

@@CNOPS_CNSS khoya machi t3wid ana ghankhlsha walakin ana bghit n3rf wach idirohaliya ila khlstha

[@meryemfaddoul8541]

Salam lwalida dyali andha cancer hebdo liha ami andha mouchoir tal3 Ach no ndiro 3afak jawbni

[@CNOPS_CNSS]

ختي مريم ما فهمتش السؤال مزيان ، لا كان ممكن كتبي عربية او اذا بغيتي تعطيني تفاصيل اكثر اش نحاول نوجهك مرحبا في الايمايل [e-mail]

[@simpro.8029]

رمضان كريم اخي العزيز تحية خاصة الله يجازيك بخير على هاد التوضيحات راءع جدا شكرا لك 😁😁

[@CNOPS_CNSS]

وانتم اهل الجزاء

[@winners3282]

سلام عليكم انا عندي امو شامل وباغي ندير ابنة ديالي اضافة فلا سينيسيس وشكرا

[@CNOPS_CNSS]

غادي تسجلها معاك في السجل الوطني ثم السجل الموحد ، او من بعد غادي تضيفها فقط من البيسي ،غادي تحتاج عقد ازدياد بعد مدة يتأكدوا من المعطيات راه غادي يتفتحوا ليها الحقوق معاك

[@winners3282]

شكرا جزيلا. واش من تليفون مكيصلحش نتسحل منو

[@electroyounes-te7yb]

اول تعليق❤❤❤

[@CNOPS_CNSS]

مرحبا ❤❤❤❤❤❤

[@darmost6672]

السلام اخي العزيز مبروك عيدك اخي كان عندي بريدج يتكون من ار بعة اضراس ابتدائا من الضرس رقم 46الى الاخر مند 7سنوات وبعد ايام قليلة احسست بتحرك في الضرس الاخر الدي بنيت عليه لبريدج ليس الضرس 46 وبعد دهبت عند الطبيب قال لي يجب تبديله فوافقت تم قام بإزالته بصعوبة خاصتا في الضرس رقم 46الدي هو الهدف من هده الكمونتير وبعد استعمال مطرقة وتم مبرد وشق السيراميك استطاع ازالته بنجاح فهدا يدل على ان الضرس رقم 46في حال جيدة ويتحمل البريدج الجديد لكن بعد ماقمت برسال الملف الى كنوبس مرفوق براديو بنوراميك والدوفي ديل الطبيب وبعد مرور شهر ونصف فوجئت بأن الملف رفض بسبب ان الضرس رقم 46 مصاب بهشاشة لايمكن الموافقة عليه وكما احيطك علما ان هدا الضرس تمت الموافقة عليه في المرة الاولى وهو كان في نفس الحال ومازال لحد الان صامدا المرجو منك اخي العزير ارشادي وشكرا

[@CNOPS_CNSS]

السلام عليكم غادي تشوف الطبيب يكتب ليك تقرير من بعد ما يقرا الرفض ديالهم ، او رسل التقرير مع الرفض مع الملف كامل الى رجعوه ليك او في التقرير الطبيب يوضح ان الحاملة قوية لحمل الجسر في حال استمر الرفض غادي تقول للطبيب يزيد ضرسة اخرى سليمة باش تولي تا هيا حاملة او داك الساع راه غادي يقبلوا

[@techfuture408]

الله يجازيك بخير اخويا هضر لينا على الزرورة ديال لولادة 2000 درهم والوراق لخاص تجمع ف amo tadamon

[@rffvdv4464]

لزرورة عمرتها لواحد الصديق موخرا في منصة الدعم و فأقل من شهر تخلص فيها الف درهم حيت عندو الولادة الثانية . اما امو تضامن خاصك تتسجل فالسجل الوطني و من بعد فالسجل الاجتماعي و تحصل على مؤشر اقل من العتبة المطلوبة و تدفع طلب لصندوق الضمان الاجتماعي و مخاصش يكون عندك حتى نوع من التغطية الصحية و بالتاكيد غادي يقبلوه ليك فأقل من عشرين يوم

[@CNOPS_CNSS]

كلام اللي قال الاخ صحيح الزرورة ساهلة، رب الاسرة غادي يدير طلب من عند كاتب عمومي ولا شي سيبير راه عادية بحال الطلب الاول اللي دار باش ولا ياخد الدعم كلا شهر

[@hanane179]

راجلي عندو la cnss خدام في شركة واش ممكن ادير طلب استافد من زرورة انا مخداماش و قريب نولد

[@rffvdv4464]

@@hanane179 للأسف اختي الناس اللي مصرح بها في صندوق الضمان الاجتماعي و تستفيد من تعويضات الابناء معندهاش الحق فالدعم و بالتالي حتى الزرورة. اعتقد لو خدام فشي شركة راه غالبيتهم كيعطو الزرورة

[@muhamadhannaoui7821]

درت بريزو شارج ولادة طبيعية حسبو لي 2500درهم يالله أسبوع عندي كنوبس... تفاجىت بلي ابنة ديالي منتابهوش ليها عندها واحد تشوه خلقي ولو بسيط مدرق وعاد وليت فتحاليل و عملية ... حمد الله مهم قال لي واحد دكتور على برا خصها ضروري عملية عاجلة.. . كلينيك مقالو لي حتى حاجة بيما فيهم طبيب الاطفال لمخلص 500 درهم منابتهت ليها دكتورة لا طبيب الأطفال معطاونيش حتى تقرير طبيب فاش خرجت مهم خديت منعدهم فاكتورة الاداء (2500د) وقالو لي تعوض فيها ترجع ليك !! دابا بغيت ندير محامي نرفع ليهم دعوة قضائية ... شحل نسبة نربح القضية ؟؟؟ وتعويضات شحاال؟؟

[@CNOPS_CNSS]

قضية الخطأ الطبي صعيب تبثيها هنا ، لأنه اجراء في المحكمة طويييل او تا الاطباء مع بعضهم نهار توقفي على خبرة ما كيبغيوش يديروا خبرة مضادة باش يثبتوا خطأ صاحبهم غادي ترجعي عند مدير كلينيك نيشان دي معاك التقارير الطبية ديال العملية اللي درتي ليها او طلبي ليه يحضر معاك المدير الطبي للمصحة (حيث كاين جوج مدراء طبي واداري) قولي ليه بغيتك تقرا التقرير او تقول ليا واش كاين شي مسؤولية عند المصحة ولا لا ؟ يعني قرقبيه بعدا شوفي اش تحت راسهم قولي ليهم بغيت ندير دعوة قضائية ولكن قلت بلاتي نشوف اذا كانوا هاد الناس غادي يديروا معايا حل لان اللي كيهمني هنا هو الابنة ديالي الى كنتو تعوضوني على مصاريف العملية او تردوا ليا المبلغ الكبير ديال 2500 درهم أنا مستعدة أنني نغمض عينيا الى ما بغيتوش غادي نلجأ للقضاء والصحافة او خرجي عينيك بقضية الصحافة بغيتي فعلا تلج~ي للقضاء راهخ حقك، غير هو كنفضل استشيري محامي في الامر انا عطيتك طريقة للمفاوضة باش يردوا ليك شوية من الاموال ، ما صدقاتش عليك بالمحامي كيف قلت ليك او المحامي بيني ليه أنه في الاتفاقية اللي موقعة المصحة بخصوص الولادات خاص طبيب الاطفال يشوفوا او انا خلصت طبيب اطفال ، يعني من المفترض يكون شافوا مرتين في ظرف يومين

[@muhamadhannaoui7821]

@@CNOPS_CNSS بارك الله فيك غير هوا أستاذ القضية ديال نلحأ معاهم الحل ودي ونطالب بالتعويض ديالي معا المصحة تا الى كانت ميكونش شي تعويض غير الى ردو لي 2500 مثلا ستاشرت مع محامي قالي توصل تال 20 م أو أكثر ... غير قضية تاخد الوقت دابا يهمني غير البنت ... بالنسبة قضية الخبرة الطبية مكيبغيوش عندي علم بيها في هاد الحالة كاين مكتب تابع وزارة العدل والحريات بالرباط قالو لي سميتو مكتب شؤون المدينة والله أعلم.

[@Brahimelbayed]

أنا ماشيت الكلينيك سوالتهم على الولادة العادية قالوا ليا غدي تخلاص 2300 دراهم معه العلام عندي كنوبس خاصني نخلاص غير 300 دراهم راه فاش كتمشي عندهم كتوالي هضرة وحدة اخرى يعني إلى ماتنطحتيش معاهم غادين ينصبو عليك