الورد الجوري بانواع والوان مختلفة جاهز للبيع العراق 🇮🇶 بابل جملة ومفرد ‏ يم سيد عبيس‪0780 361 5355‬‏

[@vxr3648]

ابد موخساره اللي يشتري من سيد عبيس انسان يخاف الله وخلوق والله يبارك بيك ابو عبد الرحمن عرفتنا بيه

[@husseinmalkhanfari8382]

تحياتنه للسيد والله يطول بعمره بس للامانه اجيت عليه من الديوانية للحلة علمود مسواك ماجان اكو ترحيب يليق بالمشتري ع الرغم اني اخذ منه جمله واريد احد وياي بالمشتل يدليني بالاسعار ماكو والعمال مالته ملتهين وي الناس الي يشترون مفرد وكل شويه كتله سيد ماتجي يمنه علمود الاسعار واشوف الزرع هسه يجيك فلان وهسه وهسه بالاخير درة وجهي وطلعت الله شاهد يعني معقوله انت تترك ابو الجمله وتفتر وي شخص علمود ياخذ منك ورده وحده ومو بس هاي للامانه الاسعار غاليه والزرع ايضاً مو تفسه الي يطلع بالفيديو حسب ماشفت اني.. الله يحفظ الجميع ويرزقهم ❤

[@plant_world_iq]

كلامك صادق اخي اني شفت السيد يتعب ومرات أمر عليه الكاه نايم حتى قبل الظهر يكعدون من الصبح شغل وهو رجل كبير السن مرات يجي شخص بوقت هو تعبان ويصير معاه مثل حضرتك بس لو تتعامل ويه السيد بعد ما تعوفه اذا صحت الك مرة أخرى حتى لو ما تشتري اكعد يمه وسولف وياه وكله سيد اني متابعك بالمنشورات واجيتك

[@user-bs2ls3kw4m]

السلام عليكم ابو عبد الرحمان هل تصدق انني صرتو مدمن عاى الفيديوات الني اشاهدها لك انتة وسيدا عبيس الى درجة اني اصبحت لا اتناول الفطور الا ان اشاهد فيديو لك ساحر تحياتي لك من بغداد

[@plant_world_iq]

وعليكم السلام ورحمه الله وبركاته ربي يحفظكم شرف لنا هذا الكلام ونسالكم الدعاء أن نستمر بنشر المعلومات المفيده

[@mnarmnar-ii4yb]

مع الاسف الاسبوع الي فات رحت عليهم وكلتلهم اني جايكم من البصره بس الاسعار جانت غاليه حاجيت ابن السيد كلتله ليش اسعاركم تختلف عن الي بالنشر جان يكول الجماعه بالنشر يحرجون الوالد ويخلونه يحجي باسعار احنه ما نبيع بيها

[@plant_world_iq]

ليش من كال هيج السيد أسعاره جيدة لا رخيصة ولا غالية بس الجملة مناسب والدليل من محافظات الجنوب ياخذون منه لو حاجيه ويه السيد بنفسه

[@user-sg5qj6vw8y]

صحيح اني هم هذاك الاسبوع مريت عليهم وأخذنه منهم مظطرين لأن الاسعار مو ذيج المناسبه واحنه جايين الهم ناخذ جمله

[@AsdWahd-qb1nw]

اللهم صل على محمد وال محمد 🌲🌲🌲🌲🌲

[@user-vd6gp1fo9p]

الله يحفظكم أنت وسيد عبيس ويطول بعمركم فعلا الزراعه حياة اي والله استاد اني اخذت وردتين لصديقاتي بمناسبة عيد المعلم الوحدة ب ٣ اثنين ب ٦ الالف انصدمت بس شسوي اضطريت اشتري

[@NA-qd7xd]

بارك الله فيكم سيد عبد الرحمان و سيد عبيس و زادكم من خيره

[@yidbeiveuegey489]

الله يطول بعمرك سيد ويرزقك جنة الدنيا وجنان الاخرة وفقك الله لان تجبر بخاطر الناس جعله الله بميزان حسناتج على هذا التعب

[@mohamedaikido3075]

ماشاء الله الله يبارك في عمرك سيد الحطاب باقة جربيرا ولا احلى والورد ماشاء الله

[@user-jh6nd7gh7r]

الف تحيى للسيدنا عبيس والك استاذ ربي يحفظكم مع الأسف انا ثلاث سنوات بالحله ما تعرفت على سيد

[@plant_world_iq]

إنرتم بمروركم العطر وكلماتكم الراقية

[@aymenaymen3818]

الله يبارك بالسيد ويطول بعمره ويمن عليه بالصحه والعافيه ويبارك بك عرفتنه على رجل وقور وخلوق وطيب طيب الله دنياكم واخرتكم واسعدكم امين

[@ahmedahmed-ys4kw]

عاشت الايادي .. ربي يعطيكم الصحه والعافيه

[@saifmrza5017]

شكرا جزيلا ووفقكم الله لكل خير ابو عبد الرحمن لنشر ثقافة الزراعة والارض الخضراء... وشكرا لسيد عبيس ولزراعته المميزة الفريدة بانواع كثيرة من النباتات. متابعك د. سيف مرزة من محافظة النجف

[@plant_world_iq]

نتشرف بيكم دكتور ربي يحفظكم انرتم بمروركم العطر وكلماتكم الراقية

[@user-gk1yk9ld1e]

تحية طيبة من البصرة إلى ابو عبد الرحمن الغالي وسيد عبيس الطيب ما شاء الله على اخلاقكم وتفاعلكم وانتاجكم الجميل الله يحفظكم ويطول بأعمارگم

[@plant_world_iq]

ربي يحفظكم

[@user-zz3wk5ii4z]

جزاكم الله كل خير وجعلها في ميزان حسناتك

[@HyderMoohamed]

الله يحفظكم ابو عبد الرحمن انت والسيد وكل احبابكم

[@user-cx3rj2bo3n]

الحب يقودنا إلى أناس محترمين تحيه لشخصكم الكريم أستاذ عبد الرحمان بارك الله بجهودك الجباره واطال الله بعمر سيد عبيس .

[@plant_world_iq]

ربي يحفظكم

[@haidar12aalouda77]

عاشت ايدك ابو عبدالرحمن شكرا جزيلا للسيد

[@user-yq8mq9fx6h]

اللهم صل على محمد وال محمد الله يوفقك ااستاذ ابو عبد الرحمن على هذه القطات جميلة والمناظر الخلابة للورد جوري بصراحة اني من عشاق الورد جوري الله يحفضة سيد عبيس ويطول بعمرة بحق محمد وال محمد

[@plant_world_iq]

ربي يحفظكم انتم الورد لانكم تعشقون الورد

[@amalyahyah-px3xb]

عاشت ايدك كنت يمهم البارحه واشتريت منهم الوان الجاربرا هذه

[@alnarjsalnarjs5034]

الله يطول بعمره ويبارك برزقه

[@ZENYA16]

الله يوفقكم ويرزقكم ان شاء الله أستاذ بلكي تسوينا حلقة انت والسيد على طريقة تسميد الورد الجوري ونريد طريقة السيد الخاصة بي حتى نعرف شلون نعتني بالورود الي عدنا لان اكثرها ما تزهر وبميزان حسناتكم ان شاءالله

[@plant_world_iq]

إن شاء الله بخدمتكم

[@user-tj8bl6gx4b]

الله يحفض سيد عبيس الحطاب ويديمه بالصحة والعافية انشاء الله تعالى اا

[@mahmoodsss2675]

الله ينطيكم الصحه والعافيه يارب

[@user-es2sh3vt3l]

الله يطول بعمرك سيد عبيس

[@sadali5803]

جميله جدا جدا

[@user-ly5uv7rq2g]

بارك الله بيك عمو سيد عبيس والله يعلي مقامك اخ ابو عبد الرحمان الورده الذهب تحياتي الكم جميعاً

[@plant_world_iq]

ربي يحفظكم

[@olakhalaf7395]

نتابعكم من فلسطين

[@plant_world_iq]

نتشرف بيكم اهلنا في فلسطين الحبيبه

[@user-jl1re7ue2q]

الله يوفق السيد لخير الدنيا والاخرة

[@zaneb1991]

الله يحفظه للحجي

[@nabilomar2006]

السلام عليكم ورحمة الله وبركاته ماشاء الله و تبارك الله

[@hanymohi3606]

طريل ولكن جميل ورفيع

[@user-fh7ue3mz1o]

الله يحفظه سيد عبيس انسان متواضع اتصلت بيه وكالي تعال بيك خير ودلل ومشكور اخي ابو عبد الرحمن

[@plant_world_iq]

انسان راقي ومحترم سيد عبيس الحطاب منبع الطيبة

[@aichabenatallah3211]

😊وعليكم السلام ورحمة الله وبركاته الله يحفظك ماشاءالله تبارك الله من.الجزائر 🇩🇿🇩🇿🇩🇿😊

[@plant_world_iq]

ربي يحفظكم

[@athraayousif3208]

ماشاء الله. المشاتل الي بالبصره شيبيهم مايجيبون هيج ورد 😢

[@hanymohi3606]

والله ثروة ابو اعبيس وانت لك النا فضل في متابعته لكن قلبتا يتألم لاننا في بغداد ياريت لو نعملكروب للتوصيل

[@plant_world_iq]

عدنا كروب بالفيسبوك عالم الزراعة والنباتات المنزلية نتشرف بيكم

[@user-df3lk4fq8e]

اللهم صل على محمد وآل محمد وآلله اني من عشاق النباتات وياريت دامن اسويه جولات بل مشتل سيد لان كلش انحبه واني اتابعكم باستمرار

[@plant_world_iq]

نتشرف بيكم

[@fatiha559]

ربي طول في عمرك يا. جدي ان من جزاءرية أحب الورد و امت فيه ولكن ان ازرع و هو يمت

[@plant_world_iq]

الورد يعشق الورد الورد له احتياجات يحب التربة الغنية بالسماد العضوي الحيواني المتحلل ومكان مشمس على الأقل ٥ ساعات ليزهر بكثافة أما إذا زرع بوعاء زراعي الافضل يكون بعمل لا يقل الارتفاع عن ٥٠ سم

[@maksam3176]

ابو عبد الرحمن عاشت ايدك على الفديوات وصدك اشكد احزن لمن يخلص فديو سيد عبيس ارجوك فديو طويل ما ينشبع من سيد عبيس ومن تصويرك وشكرا

[@plant_world_iq]

ربي يحفظكم ونتشرف بيكم

[@user-dg3jz3ej5o]

الله يعطيه الصحه والعافيه ويطول بعمره منظره يجنن ويه باقة الورد 🥰🥰🥰إن شاءالله اجيك عمو اسبوع الجاي اشتري ورد الداليا لانه على اسمي

[@user-uu6qy1ux1s]

قصدج الجربرا مو الداليا هاي

[@plant_world_iq]

ربي يحفظكم الداليا موجودة بألوان جميلة جدا جدا اهلا وسهلا بيكم

[@plant_world_iq]

اكو داليا واكو جربرا

[@tem2717]

رحمة الله على والديك والله اترحمتلك من كل قلبي لأن هيج فيديو مفيد وهاي نصيحه وتوعيه على الزرع ومجاني بس عندي سؤال اتمنى ترد عليه رحمه على روح والديك اني جديد على عالم الزراعه وسويت حديقه على كد الحلل زغيره واريد ورد جوري ماتيبس الشجره مال الورد كون مو موسم وتيبس

[@plant_world_iq]

ربي يحفظكم الورد الجوري اقوى شي السلطاني والنسرين المتسلق والجوري المتسلق ازرع الورد الجوري متقارب بين شتلة وآخرى نص متر واول سنة زراعة يحتاج حماية وعناية خاصة الافضل تزرع قرب منه كم شتلة لآلة عباس والزينيا والقطيفة والختمية لتوفير الرطوبة والظل للنبات بالصيف

[@user-ww7zf3pp5i]

اللهم صل على محمد وآل محمد الطيبين الطاهرين

[@atmadali9656]

🌹🌹🌹🌹🌹 الورد للسيد 🌹🌹🌹🌹🌹🌹🌹🌹

[@ommammar7118]

ماشاءالله .. ابو عبدالرحمن السيد عنده سماد الخنس ؟ ويصير هسه نسمد الجوري بي ؟ الله يعافي السيد ويبارك بعمره .. شكرااا اخي

[@plant_world_iq]

موجود عنده بس الان صار الجو حار لازم كمية قليلة جدا

[@mohammedabas7361]

السلام عليكم ممكن تسوي حلقة عن الفرق بين النعناع والبطنج واذ موجود النعناع عند السيد عبيس

[@plant_world_iq]

وعليكم السلام ورحمه الله وبركاته النعنان والبطنج النعناع قابل للاكل مع الخضروات وبيه أنواع منه بطعم الليمون 🍋 البطنج غير قابل للاكل مباشرة وانما تيبيس وطحن لانه طعمه لاذع جدا الاثنين دائم الخضرة البطنج أكثر قوة وتحمل ويتحمل اقسى الظروف الجوية وينمو بشكل طبيعي على حواف الأنهار وجاحته للماء قليلة النعناع يحب الماء بكثرة ....

[@sfggbiiut8970]

السلام عليكم استاذ ابو عبد الرحمن، ،ارجو ان تتكلم عن شجرة الجوجوبا المعمره، وتحاولون جلبها للعراق و زراعتها بالبذور او اي طريقه،لأنها شجره رائعه،، اولا تتحمل الحر وملوحة التربه ،ثانيا لها فوائد اقتصاديه حيث أن زيتها يستعمل لغرض عمل منتجات التجميل وحتى يعمل منه وقود،،،لا أدري ان كانت هذه الشجره موجوده في مشاتل العراق،تحياتي لجنابك،،

[@plant_world_iq]

وعليكم السلام ورحمه الله وبركاته إن شاء الله بصراحة ما موجودة عدنا في بابل اني سمعت تمت زراعة ٥٠٠٠ شجرة في بادية السماوه شجرة قوية جدا وبيها فوائد كثيرة جدا

[@cyllene9604]

منور السيد ياريت انه يمكم انه من البصره

[@plant_world_iq]

نتشرف بيكم

[@alialshammari4746]

رحم الله والديك استاذ وعاشت ايدك ياهو الياسمين الامريكي

[@plant_world_iq]

موجود بالمشاتل يسمى الياسمين الأحمر أو الهندي أو الأمريكي لدي بالقناة تقارير عنه

[@tearelax6161]

ياريت اكو توصيل

[@alialarkwazi1521]

ماشالله عند الجور النموات الجديده تكون بنفسجي مو خضره شنو السبب

[@plant_world_iq]

النموان احيانا حسب لون الورد ونوعيته

[@zaid778]

تحيه طيبه. وين مكان المشتل بظبط❤❤❤

[@plant_world_iq]

بابل الحلة حي الجزائر مقابل ملعب الحلة

[@user-nz3xo6du8j]

عليك الله حاجي خلي يسوي توصيل فدوة واذا طلع اشكال عد احد فلوس التوصيل علينة

[@plant_world_iq]

والله ما يقبل يكول التوصيل يمرد الزرع

[@nibrasfadel]

سيد وين مكان المشتل

[@sihamalkabie7069]

توصيل لبغداد اكو ويحفظكم يارب

[@plant_world_iq]

مع الاسف الشديد ماكو توصيل

[@ahmedalzubaidi2938]

السلام عليكم ورحمة الله وبركاته. سيد رحمه لوالديك اكو عندك ورد لسان الثور او خبز النحل. شكرا

[@plant_world_iq]

لا بس شفت عند مشتل الافراح بابل الحلة شارع الكورنيش

[@user-mj1fw7co5b]

السلام عليكم ابو عبد الرحمن اني زرعت ورد جوري صار تقريبا شهر وهسه تقريباً صار خمس ورقات العقله يمته اكدر انقلهن إلى سندانه اكبر

[@plant_world_iq]

بداية شهر ٤ إن شاء الله بس اهم شي الحرص الشديد على عدم تفتت التربة حول الجذور

[@user-mj1fw7co5b]

شكرا استاذ

[@user-uu6qy1ux1s]

استاذ نتمنى من السيد يشرح عن تطعيم الورد الجوري

[@plant_world_iq]

إن شاء الله الان موعد التطعيم عدنا بالقناة منشور عن التطعيم

[@user-uu6qy1ux1s]

@@plant_world_iq اعرف استاذ ولكن اعتقد نجاح التطعيم يعتمد على قوة الاصل ولكن نريد توضيح بخصوص نوع الاصل اللي طعم عليه السيد عبيس

[@hanymohi3606]

طيب لو سمحت نكدر انسمد الورد الجوري الي اشترينا من اسابيع

[@plant_world_iq]

نعم

[@parkrora2814]

السلام عليكم اذا ردت اشتري منكم باقة ورد روز احمر شكد سعرهه فدوة🌹 ارجو الرد

[@plant_world_iq]

تعالوا للمشتل وبسيطة أن شاء الله

[@dssrtader2427]

شيفيد الجوري من يجي الصيف 😊😅

[@plant_world_iq]

إن شاء الله انزل منشورات الورد الجوري بوسط الصيف

[@dssrtader2427]

@@plant_world_iq رحم الله والديك واهم شي الانواع الي تتحمل الصيف مثل الجوري القديم الموجود باغلب الكليات والجامعات القديمة

[@Dr-M-kk]

اكو خدمة توصيل المحافظات وكم سعر الشتلة

[@plant_world_iq]

مع الاسف الشديد ماكو توصيل

[@user-dx8sv1ib6u]

التصوير سريع ويدوخ ياريت تصور بطيء

[@user-hw3dp4fs6c]

باي مكان العنوان بلضبط

[@plant_world_iq]

بابل الحلة حي الجزائر مقابل ملعب الحلة

[@aboyasser8313]

ما نوع خلط تربة السندان رجائآ سيد

[@0._.0..0]

تراب من السده يحط

[@user-uu6qy1ux1s]

الخلطه هي تربة رمليه مع تربة طينية نسبة قليلة مع سماد عضوي متحلل ويصير سماد عضوي متحلل مع زميج رمل فقط

[@plant_world_iq]

السيد عنده حفرة كبيرة يخلي بيها نشارة خشب وسماد عضوي حيواني متحلل يسقيها مي غزير وبعدها يخلطها برفاس وبعدها يضيف لها تربة رملية مال السدة ويزرع بيها النباتات

[@0._.0..0]

@@plant_world_iq استاذ كم المدة يخليهم بالحفرة ماعندك معلومة كذلك ايضا شنو رفاس

[@saamiy70]

السلام عليكم ورحمة الله وبركاته نرجو إفادة الجميع عن سبب ذبول وموت الورد بعد حين وكيفية معالجة ذلك وكذلك الشتلات الأخرى مع جزيل الشكر والتقدير لكم

[@plant_world_iq]

وعليكم السلام ورحمه الله وبركاته عندي حلقات بالقناة خاصة بالورد الجوري باختصار الإصابات الفطرية اكبر خطر وبعض الحشرات من الخنافس في أحد أطوار النمو التي تعيش بالتربة وتشبه حفار النخيل بعضها يتغذى على جذور الورد الجوري

[@aymanalshammari4072]

الحجي وين عنوانك اريد اسويلك جيه والله المرتب انت

[@plant_world_iq]

بابل الحلة حي الجزائر مقابل ملعب الحلة

[@plant_world_iq]

نتشرف بيكم

[@user-hx4cv5zb1r]

سلام عليكم ابو عبدالله ممكن رقم موبايل السيد عبيس

[@plant_world_iq]

‏‪0780 361 5355‬‏

[@user-hx4cv5zb1r]

جدآ ممنون منك اخي العزيز

[@eyadturfi3404]

ميفيد هذا كله يموت بالصيف

[@plant_world_iq]

ما يموت الورد الجوري يحب الشمس المباشرة

[@user-nz3xo6du8j]

​​@@plant_world_iq عادي نزرعة تحت اشجار الحمضيات السلطاني وبهاي الفترة اتمنة تجاوب

[@iraqclash5459]

المستورد اغلبها مو عطري

[@plant_world_iq]

نعم صحيح الورد الجوري العطري الجوري السلطاني والمحمدي والعراقي وورد الطائف والنسرين المتسلق والجوري المتسلق

[@AsdWahd-qb1nw]

اللهم صل على محمد وال محمد 🌲🌲🌲🌲🌲

[@AsdWahd-qb1nw]

اللهم صل على محمد وال محمد 🌲🌲🌲🌲🌲