Рет қаралды 175,364
الشاعر والمنشد . #ناصر_الرزيني
تصميم : الحمراني
كلمات القصيده
حنا على الخوة نسوق المواجيب
وان بارة الخوه ماحنا بحاجه!
لـ وجيهنا قيمة ولصدورنا غيب
ما الله خلقنا ريشةٍ في عجاجة
للطيب طيب وللموده تراحيب
للجد حد وللسماجه سماجه
ㅤㅤ
أبعد عن اللي لا زعل ينكر الطيب
اللّي تقلب عشرته مع مزاجه
إن راق رقاها طوال المراقيب
وإن ضاق ضيّقها على أدناة حاجه
ماهو صحيب لي ولاني له صحيب
حتى لَو إنّا كل يوم نتواجه
احرص على اللي خوته خوة الذيب
لَمّاح دَمّاحٍ طليقٍ حجاجه
يفز لامن جاك منه المناديب
ويجلي عمس عين الخوي وانزعاجه
يستر رفيقه عن كبار العذاريب
ويعرف مداخيله ويعرف خراجه
جربت في الاصحاب كل الاساليب
ولقيت معظمهم سواة الخواجه
اما لقى عندك متاع وملي جيب
والا يبيعك بيع شاوي نعاجه
رفقة فلس مامن وراها مكاسيب
تبين لاحميه للايام صاجه
في كل يوم كاسبن له معازيب
واليا قضى من درب الاشغال ماجه
والا حزامي في الليال المعاصيب
روس الرجال وعز راسي وتاجه
محازم مافي فشقها مكاذيب
ونار يشب الجار منها سراجه
افخر بهم ماتطلع الشمس وتغيب
واعينهم واسدهم بالمواجهه
ولااني على الزله قريب محاضيب
حر على روس الطوال ادراجه
اعامل العالم بحنكه وتهذيب
واشوم عن بعض الحكي واللجاجه
وان شفت عوج اللاش صديت مانيب
مكلوف اعدل ميلته وانعواجه
واليا وردنا صافيات المشاريب
نشرب قراح الماء ونترك هماجه