Рет қаралды 59,097
Paroles : Med Iheb Jabri
Cover : Achref Kabbous
في خيالنا
ترسموا تصاور تسرد قصة أمجادنا
كل تصويرة معها لبعيد و خذتنا
رسمت بسمة رديتو نهار ظلامنا
بليزير كبيرة في كتاب حكايتنا
و سلامنا
للي بغاها و غرام أجيال عدلنا
للي تفنن و غناياتوا بكاتنا
للي مابخل نهار و صان أسوارنا
للي يتبع فينا ما خلط لمقامنا
في سكاتنا
قلوبنا تنطق و تقلك إنت حياتنا
لكسيجين لي بلاش بيه تاقف أنفاسنا
كنت إنت النور و إنت مصدر إلهامنا
أدمنا حبك كي الشيخة لي بلاتنا
في بالنا
أول شنعة فيك كي هزينا أعلامنا
تغرمنا بيك وليت إنت روبارنا
هوني تربينا و بقيت ذكرياتنا
الروح ما تغيب عليك كي تغيب أجسادنا
بحذانا
تتعلم nouveautés زيد برشا فيانا
عالمنا غريب فتنا درب التبانة
كيما حكينا ما تجيبوهاش معانا
ما تقارن سردينة بحوت البيرانا
LBK
عام 80 دات يبق فخرة لينا
هيا لي جمعتنا و كبرت العيلا
جيت اليوم نصارحكم بالحقيقة
نتوم خواتي ما جابتكمش لميمة
يا لوالدة
إنت لي سهرت ليالي تدعي ساجدة
إنت لي فنيت عمرك عليا تاعبا
إنشاء الله ربي يقدرني نخليك زاهيا
Message admis ليا و لأخواتي كاتبا
مانسينا
الناس اللي راحوا لعزاز علينا
بكات عليهم العين بحور عبينا
خونا غسان الدريدي عايش فينا
في جنان الله و إنشاء الله مع نبينا
يا غرامي
تفجر قلمي كي قوات عليه المعاني
وراقي البارول طارت كي غلبها كلامي
قلبي فيها ما قدر يخبي أسراري
نختم الغنايا و نقلك bonne année