ليل الشتاء & خالد ال بريك - وين الصباح يقدم الليل قدام - كلمات عمران الزراقي 2024 حصري

لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
" سنابي "
/ u511a
الكلمات :
وين الصباح يقدم الليل قدام
ليل الشتاء ساعات ليله رتيبة
طال السهر ياعين والعالم نيام
مالي خوي الا النجوم الرقيبة
هبي عليّه يا ذعاذيع الانسام
الصدر مما فيه زايد لهيبه
والله يا بعض الطواري والاعلام
تاخذ من انتاج الخلايا ضريبة
ياصاحبي خلك مغامر ومقدام
لا تلتفت لـ العالم المستريبة
لا تنتظر فـ الحلم تحقيق الاحلام
خوض الحياة وما تجيبه تجيبه
العز يبغى راسٍ اصوك و جزّام
فـ عيونه يشوف البعيدة قريبة
واللي شبابه ضاع في طرد الاوهام
ماهو محقق غايته في مشيبه
كم واحدٍ ما غير هيكل وهندام
والفعل فعل اهل الوجيه الغضيبة
اللي يشب النار من بين الأرحام
واللي يثور بندقه في قريبه
والمدح يزهى كل شامخ وضرغام
شروى ابلجٍ فـ المعضلة نعتزي به
خلف ولد عابد ذرى كـل منضام
الطيب اللي كلن يعد طيبه
مربح التجار في سوق الاغنام
واللي بجيبه ما يطوّل بجيبه
تسمع تراحيبه من الشارع العام
في مجلسٍ مافيه نمة وغيبة
وان جات للوقفات فالموقف الهام
يثبت وجوده فـ الامور الصعيبة
يفهق صعيبات الدعاوي ليا قام
ياقف لها وقفة طليب لـ طليبه
في محفله يا مرحبا رحب الاكرام
وأهلًا هلا حسب السلوم العريبة
يامرحبا عداد من لبس الإحرام
واعداد من صلى بمكة وطيبة
عبدالعزيز الله يزيده فـ الاعوام
جعل السعادة والفرح من نصيبه
من لابةٍ تاريخهم بالفخر تام
وأمجادهم ماهي عليهم غريبة
لاد المقاطي والله وسبعة انعام
الهم مكانة فـ الجزيرة وهيبة
وان دارت الهيجاء وثارن الالغام
كم شيخ حطوا فوق راسه نصيبة
من عزوة الهيلا مجلين الاخصام
والحمد لله يوم انا من عتيبة
برقا وروق اهل الشجاعة والإقدام
اسمٍ على روس العدا يندعي به
اهل الصدارة من قديمات الايام
وضرباتنا فالخصم دايم عطيبة
واللي تحدانا وفي خشمه اعرام
مصيبته ياكبرها من مصيبة
عمران الزراقي