اليوم الأخير من تسليم شقة المنيل

إنهاردة الجمعه و ده اليوم الأخير اللى هنسلم فيه شقة المنيل
دخلنا نصلي وده الأذان الأول وبالمناسبة من الأخطاء الشائعه فى صلاة الجمعه موضوع الأذانين
هو أذان واحد و ده السنة
المهم ماعلينا .. الأذان الأول خلص والناس قامت تصلي السنة
وده الخطأ التاني .. إن مفيش أصلا سنة قبلية قبل الصلاه فى يوم الجمعه
عارف الناس دلوقتي هتقوللى فى الكومنتات خليك فى المحتوي الهندسي
بس واجب عليا كمسلم لما ألاقيك بتعمل حاجه غلط أنبهك ..
المهم خلصنا صلاة الحمدلله .. وطلعنا من المسجد وده كان شكله بسيط وهادي وشيك
بس من جوه أووووفر أوي بصراحة .. إيه كميه الكرانيش الدهبي ده ..
سيبك سيبك .. إتحركنا على الموقع .. عشان نسلم الشقة
وصلنا المنيل .. ركننا جنب المسجد .. مفيش غيرنا فى الباركنج وشايفين الدنيا فاضية إزاي
وتعالو نطلع نشوف الشقة .. وبسم الله ماشاء الله
ده شكل الرسيبشن .. الألوانات كلها هادية مايلة للجراي
أرضية الرسيبشن بالكامل .. بورسلين مقاس 120 فى 60
بس مش واخدين بالكم من حاجه ؟؟!
الصوت اللى الخلفية ده الساوند سيستم
مأسسينوا بالكامل فى الشقة .. وفي كل غرفه فى سماعه ومفتاح تحكم ليها
الأسقف بالكامل جيبسوم بورد فلات ..
البانوهات على الحوائط لذيذه و هادية وبسيطة
لون الدهان بريز .. بس فتحناه شوية عشان بيبقى غامق
ماشاء الله
الأبواب جايه بالكامل من نوع PVC والقشرة من لون جراي
لو تفتكروا الشقة ده كانت عامله إزاي من الأول .. حصل تغيير جزري فيها واتعدلت بالكامل
أوض النوم باركيه الجوهرة
والأسقف زي م أنتم شايفين .. حاجه أخر دلع .. ده أوضه الأطفال على فكرة
ده الحمام الأساسي بتاع الشقة
والباب عملناه منطبق عشان نوفر المساحة و عشان نخلق حمام تاني لغرفة الماستر
ده شكل الحمام التاني .. وده حوض الوضوء .. عشان ست الكل مترفعش رجليها وهي بتتوضي
بيشتغل بسينسور على فكرة
ده شكل الباب المنطبق و هو مقفول المفصلات مخفيه تماماوده وشكله و هو بيتفتح
أسسنا كمان شاتر على الشبابيك
بيفتح ويقفل أتوماتيك بمكنه .. عزل صوت عزل حرارة وكمان بيحجب الإضاءه تماما
هسبلكم صور الشقة على الصفحه عندي
خلصنا ومروحين ... سلااام ..
#محمود_مختار #Mahmoud_Mokhtar #المنيل #تشطيب #تشطيبات #ديكورات