Рет қаралды 922
هتقولى زنا ايه يعم مش للدرجادى هقولك مقدماته مش عادى!
مكالمه , مقابله , لمسه ,
الله يقول (ولا تقربو الزنا)
... متقربوش
الكلام دا بجد!!
______________
لما نكون في سكشن والمعيد يقول: اللي مش هيجيب معاه البالطو السكشن الجاي مايجيش احسن له
وتيجي السكشن اللي بعده وتنسى البالطو..وتقول يا نهار ابيض راح السكشن على كده
وتقول لواحد صاحبك ..خلاص مش هحضر ..انا نسيت البالطو..
يقولك عادي يعني في ايه ده مفيش الا 5 بس هم اللي جايبينه..معقولة يعني هيطردنا كلنا؟
تقوله لا طبعا وتروحوا داخلين السكشن ..
ييجي المعيد يقول مين ماجابش البالطو
يقوم جيييييش يقولوا احنا ماجبناش
يقول: اطلعوا برة
طبعا تطلعوا بس وانتو مش مصدقين ازاي يطرد ده كله ..المفروض يعني لما يكون واحد ولا اتنين ماشي
لكن كل دول يطردهم من السكشن؟
ليييييه؟
لان اغلب المعيدين ما بيعملوش كده
____________________________________
فلما ييجي واحد يعمل ذنب واغلب الناس بتعمل الذنب ده..الا من رحم ربي..بيبقى فاكر انه مش هيتحاسب؟
انا لما بشوف واحدة لابسة لبس الموضه..مش ببقى عارفة هي سايبة نفسها كده ازاي
وليه وعشان مين؟
اللي بتقول ان باباها سايبها عادي
واللي تقول ان مامتها قالتلها تلبس اللبس ده عشان تتجوز
واللي اصحابها كل يوم ينبهروا بطقم من الاطقم اللي عندها
كل دول مش هيعملولك حاجة
مش هيدافعوا عنك يوم القيامة
هتندمي اشد الندم انك سمعتي كلامهم
وهم خلاص ..ولا هتعرفي تاخدي منهم حسنةولا تديهم سيئة
(يوم لا ينفع مال ولا بنون الا من اتى الله بقلب سليم)
خلاص يوم القيامة كل واحد هيقول نفسي نفسي
كل واحد عايز ينجو بنفسه
ما ينفعش ترمي ذنوبك على حد
ما ينفعش تمشي ورا حد
ما ينفعش تسمع كلام حد
طول ماانت فيك عقل وفاهم الحلال من الحرام
يبقى تفكر وتبقى عارف ايه اللي تعمله وايه اللي ماتعملوش
مالكش دعوة بحد
مالكيش دعوة بحد
وافتكر دايما (انك هتتحاسب لوحدك
و لو لقيتى (العملية باظت) ...
خدى التاكسي للمستقبل نص ساعة قدام و اتخيلى نفسك ...
ايه اللي فاضل لك بعد الخروج باللبس او سماع الأغنية أو قضاء الشهوة دي ...
مافيش حاجة غير الذنب اللي اتسجل عليك ... و اللذة راحت و خلاص ..
فأين لذة معصيتك ؟ و أين تعب طاعتك ؟
هيهات رحل كلٌ بما فيه !
فليت الذنوب إذ تخلت خلت !
.
.
.
آه و الله ... رحل كلٌ بما فيه !!!
و لم يبقى إلا أثر الذنوب !!!
اكيد كلنا طبعا بنغلط لكن خير الخطائين التوابون
اللهم لا تجعل الدنيا اكبر همنا و توفنا وانت راض عنا
محاضرة للشيخ هانى حلمى