Рет қаралды 28,547
Бұдан былай мектепте ұстаз болғысы келетіндерге қолында педагогикалық жоғары білімін растайтын дипломының болуы жеткіліксіз. Мұғалім болып жұмысқа орналасу үшін түлектер биылдан бастап міндетті біліктілік тестін тапсырады. Егер қабілеті жетпей, сынақтан сүрінсе, білім беру мекемелеріне қабылданбайды.
Ұлттық біліктілік тестте түлектерге өзі оқыған пәнінің төңірегіндегі сұрақтар беріледі. Мәселен, төрт жыл бойы математика мұғалімі мамандығын оқыған студент тестілеу сұрақтарында сол пәннің мектеп бағдарламасы мен сабақ беру әдістемесін жетік білуі шарт. Білім және ғылым министрі Асхат Аймағамбетов 4 жыл оқыған түлектерге мұндай сынақ қиынға соқпауы керек деп есептейді. Алайда бұл жоба былтыр пилоттық түрде жүргізілгенде, 32 мың түлектің жартысынан көбі сынақтан сүрінген.
Соның нәтижесінде елімізде 30-дан астам жоғарғы оқу орны педагогика бойынша лицензиясынан айырылды. Мұндай тестілеу елдегі білім сапасын жақсартып, мектепте қызмет етуге лайықты жас мамандардың келуіне жол ашады дейді министр. Әрі ұстаз болғысы келмесе де, дипломымен жұмысқа орналасқысы келетіндерге шектеу болмақ.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Педагог #қиындықтар #біліктілік_тесті