مطبخ ام وليد الدوبارة البسكرية (حمص)

[@aglirodinababy501]

يعطيك الصحة يا ام وليد وصفاتك كلها ناجحة حبيت نضيفلك معلومة زيديلها راس الحانوت وحار لحمر والقنطس وشوية فلفل مرقد حار اختكم أم رسيم من بسكرة

[@امامين-ك2و]

وش هو القنطس

[@fatmaaitouali2272]

Wach houwa kantas?

[@oumnihal3884]

واش هو القنطس

[@hadjermehanni7707]

اعطني لفيسبوك تاعك

[@kenzahasna5714]

تحية لناس بسكرة، نموت عليكم ناس طيبين وعليكم الكلام و طيابكم مشاء الله تبارك

[@الوردةالبيضاءس]

صباح الخير أم وليد انا عايشة في بسكرة نقولك الوصفة الأصلية : اوﻻ طيبي الحمص مليح مع شوية ملح وزيت وكمون حتى يطيب الحمص وبعد ذلك دزيديلو الثوم وطماطم المصبرة وتخليه اطيب على نار هادية وعلى جنب توجدي طماطم مرحيين موقعين يعني شوية تقطعيه مكعبات صغيرة وشوية ترابيه والدبشة مقطعة وفلفل حار مقطع صغير وزيت الزيتون وكمون وفلفل عكري و هريسة حارة وبعدما ينضج الحمص يضاف المزيج الأخير اما القارص فهو اختياري فنحن نضيف القارص في الأول مع الفول وليس مع الحمص لأن الفول يسود واذا أضفت القارص راح يبقى لونه ابيض جميل و أي استفسار اختي أم وليد انا في الخدمة وشكرا تحياتي من وﻻية الزيبان بسكرة اختك أم ارسﻻن.

[@lilianeliliane6587]

oui hadi hiya..w lbsal w na3na3 en dernier madirouhchh

[@الوردةالبيضاءس]

Liliane Liliane ﻻ ياأختي البصل والنعناع مايوالموش الدوبارة

[@reinedesaba7011]

من فضلك واش هي الدبشة انا من وهران ما فهمتهش

[@عطرالندى-ب5م]

Dandani Wahab نعم أحسنت

[@الوردةالبيضاءس]

Reine De Saba الدبشة هي الكسبر

[@همامنيوز]

أبلغت الزوجة الكريمة عن الفيديو والنتائج كانت مبهرة لقد استمتعنا بالاكلة وكانت الرائحة فواحة كل الشكر والتقدير أم وليد من وليد ادعو لي ولزوجتي سيداتي سادتي با نجاب ولد صالح مصلح عالم متعلم وأن لايذرنا فردا وهو أرحم الراحمين والسلام عليكم

[@amoulamimi3014]

wadee wadee امين يا رب

[@sarasarsoura5902]

الله يحققلك ما في بالك

[@douaa5425]

رابي يرزقك باولاد صاليحين

[@khadidjahadjadj6545]

حسيتك درتي تعبير كتابي 😃😃 بصحتك ❤

[@semasematta9312]

الله يرزقكم ما تتمناو ويعمر داركم بصغير يارب دعوة من صائمة

[@nabilakouara1946]

سييتها اليوم وعجبت راجلي بالبزاف 😍🥰 قالي كيما تاع برا يعطيك الصحة أم وليد ربي يحفظك 😍

[@malak-pb8zw]

حبيت نقول للي مايطيبولهاش الحبوب الجافة ديري العظم تع التمر 2 عظمات ولا 3 يطيب بلخف وماتتحرحرش كيما كي ديري البيكربونات او خميرة الحلوى😘😘😘

[@يوسفيوارسيف]

تحطيهم يترنخو معا الحمص والفول

[@souadem4946]

​@@يوسفيوارسيف لالا كي تكوني طيبي فيها

[@djihadjeje316]

انا ثاني كي نديرهم يطيبو ندير حباة نواة التمر يطيب ليه ليه

[@dingdong1540]

يعطيك الصحة اول مرة نعرفها هاذ المعلومة

[@BeaulieuElharrach]

صح انا مجرباتو خاصة اللحم او او الدوارة كي ما يطيبوش

[@chaimaamine3576]

لازم نجربها لي تقرا تعليقي تدعيلي ربي يسهل ولادتي ليوم راح نولد لولة تاعي راني خايفة

[@kamilyasouhila5278]

Chaima Amine لاتخافي كوني شجاعة والله منبعد تحسي براحة كبيرة ربي يسلك وحلك وتزيدي إنشاء الله بخير كي تسلكي نستنى منك سلام ربي معاك كوراج برك وكوني فحلة كلش يفوت سلام

[@SaiDoX-j8o]

rebbi yferrej aalik w yjiblek wekfa sahla nchallah

[@امليديا-ظ4ر]

يارب يعطيك وقفة ساهلة وتزيدي بخير حبيبتي لكن أمانة خبريني كي تولدي

[@sihamhamidi7352]

Chaima Amine اسأل الله ان يكرمك بالذرية الصالحة و يسهل ولادتك حبيبتي .بشرينا و ابعثي لنا الطمينة تمنبت راني قدامك و نبعث لك كاش ماكلة مشهيتها بشرينا بالتوفيق.

[@OumWalidcuisine]

ربي يعطيك وقفة زينة يارب

[@monsieuroussama7849]

يعطيك الصحة ولدي يموت على الدوبارة وراني جربتها ونجحت 100/100 و ولدي طاير بالفرحة....ام اسامة

[@YoucefChaanbi]

راني في الغربة من كثرة توحشت ماكلة البلاد وليت نتبع ام وليد بزااف ونطيب روحي

[@كنمعاللهولاتقلق]

ربي يرجعك على خير

[@__2653]

تقنية مفيدة ديري الحمص منفخ في كونجيلاتور ..كي تجبديه يطيب سريعا حتى بدون كوكوطة و في زمن قصير

[@اممحمد-غ9ب]

يعطيك الصحه أم وليد نضيف حاجه برك على لقدمتيه انه نرفدو شويا حميصه وندششها أم نرهسها ونضيفوها مع الخليط هكاكا يجي خاثر شوي ومتجانس مايجيش ماه مطلوق شكرا أم وليد لأنك لبيتي رغبه الاخت إلى تتوحم على دوبارة

[@ouizahami5817]

sao mess

[@mimimimi-yu6zl]

هاهاهاهاهاهاهاهاهاهاهايلة😘

[@fleurnour17amale30]

salam alaykoum Alah il te donne djanette firdawsse amine merci pour les effort que te fait

[@khalilmouloudia7706]

maryoma mimi

[@awatefatufa3580]

لا اختي لازم كي طيب الحمص ديرلو كربونات باه يثقال و يكون البيون تاعو ثقيل

[@chahinedjeridi91]

شكرا لكي يا غالية وأصدق انسانه رأيتها عملت الأطباق نجحت فيهم100/100 وزوجي وابنائى كلهم يشكرون فيكي على تواضعك واكلاتك الطيبة شكرا يا حبيبتي الغالية

[@fatmazohra1248]

ام وليد الدوباره هاذي عندي معاها ذكرى مؤلمة ... بابا الله يرحمو كان يحبها بزااف و يما ماكانتش تعرف تطيبها و انا كنت صغيرة و مانعرفش .. يا رييت نطيبها و بابا الله يرحمو ياكلها من يدي يا ريت.. بارك الله فيك اختي ام وليد

[@tarebamine2200]

ديريها وتصدقي بها على روح باباك و تقبل الله والله يرحمو و يوسع عليه امين يا رب العالمين

[@moufidasounia5218]

fatma zohra ختي انا سمعت بلي كي تطيبيها وتصدقيها تلحق للمرحوم في قبرو

[@amel7567]

طيبيها و تصدقي بيها و نوي الأجر لباباك راح يفرح بإذن الله بأجر الصدقة خير ملي لو كان كلاها في الدنيا ، ربي يرحمه و يوسع عليه.

[@samirabada565]

رب يرحمو

[@soussou3596]

انا بسكرية نقدر نقولك بلي توفقتي فيها بالصح نصححلك حوايج صغار الحمص نشمخوه و الغدوة نصفوه و نديرولو الما و الملح برك في الكوكوت يطيب مليييح مشي كيما درتيه لازم يطيب زبدة و اذا لقيتيه مش طياب ديريلو ساشي تاع خميرة الحلوة بالنسبة للدرسة توفقتي فيها ماعدا التوابل الدوبارة البسكرية سرها في توابلها من المفروض يجيها 14 تابل منهم الفلفل اسود كمون كروية كبابة و كمية مليحة من الكصبر مرحي و الڨنطص راس الحانوت تخلطي من كل تابل كمية صغيرة الا الكصبر و الكمون كمية مليحة رايحة تجيك دوبارة كيما لي تاكليها برة

[@walidboss2322]

marci

[@salimadhmohkterayhanachora5567]

Walid Boss

[@nadrakhaznaji5670]

Sous Sou

[@nadrakhaznaji5670]

Sous Sou

[@sasadada8025]

Sous Sou ممكن اختي طماطم مصبرة ماطيبش ماضرش في المعدة جاوبيني تعيشي

[@SabrinaCuisine]

يعطيك الصحة يا ام وليد راكي علابالك راني بسكرية و حبيت نبعثلك تحية بسكرية و وردة من جنان بسكري حبيبتي

[@sihamhamidi7352]

Sabrina Cuisine سبحان تجربتي مع ناس بسكرة لهم حرص كبير على اللغة العربية و معروفين بالشعر و الادب كان عندي الفرصة انني تتلمذت على ثلاث اساتذة منذ التعليم الاساسي الى التعليم الثانوي تبارك الله بكل اهلينا في الجزاير الحبيبة الله يحفظها .

[@OumWalidcuisine]

الله يبارك حبيبتي خيار الناس

[@SabrinaCuisine]

الله يبارك فيك اختي لينا الشرف و شرف للجزائر كاملة و افتخر

[@brahimleroi2199]

Sabrina Cuisine

[@حافظةالأسرار-ف3ذ]

Oum Walid ام وليد وين راحو حكاياتك

[@hawashawas9037]

جربتها جات روووعة...عدت ديما نديرها ربي يحفظك ام وليد يدخلك ربي الجنة ان شاء الله

[@fedaladjamel7951]

يا خالتي أم وليد نبعثلك خطيبتي ديريلها سطاج هبلتني محبتش تتعلم و راني خايف على مستقبلي

[@nadiaruabah4659]

هههههههههههههه

[@nihadnezzar6105]

هههههههههه

[@rabiabouarouri6628]

هههههه

[@rim6243]

ايحليلي 😂😂

[@manoualgerena8288]

😂😂 بلعقل تتعلم

[@hakimaamri1032]

صباح الخير أم وليد يعطيك الصحة فقط زيدي فلفل العكري الحار ونرابي شوية طماطم والقارص مانعصروهش نحطوه دوائر في النهاية عند التقديم مع إضافة الفلفل المرقد الصغير ودمتي دائما رائعة

[@SamirSamir-ec3ql]

يعطك الصحة بسح وراه الفول

[@SamirSamir-ec3ql]

يعطك الصحة بسح وراه الفول

[@نورجنه-ر6ن]

جربتها جاتتت تهببببل كما لي ناكلوها برا يعطيك الصحه مخليتي حتى حاجة في قلوبنا

[@saifeddineski3943]

سر الدوبارة التوابل الصحراوية لانهم عندهم توابل روعة يخدموها فدار سلام لناس الصحراء وخاصة ناس ورقلة يعطيك صحة ام وليد

[@Imed2019]

شكرا ام وليد راكي سافرتي بينا لكامل مناطق الجزائر و عرفتينا على كامل الاكلات التقليدية

[@zahtaninourelhouda3707]

يعطيك الصحة ،انا لي طلبتها منك والله يجازيك ماتوقعتش يكون ردك سريع. جزاء الله الف خير ان شاء الله

[@samiraabir518]

zahtani nourelhouda بارك الله فيك يا أم وليد كي لبيتي طلبي طلبتها منك في الأمس واليوم قدمتيها في خاطري نعطيك مليون جااام

[@hayetmerchi2188]

Samira Abir

[@hayetmerchi2188]

Samira Abir

[@anais91175]

zahtani nourelhouda

[@didadania2707]

zahtani nourelhouda cxf

[@nabildr8284]

بلا ما نشوف ندير جام يا حبيبتي أم وليد اطباك سهلة إقتصادية رائعة ناجحة100ب1000

[@nabildr8284]

مازال دالتي باش ديريلنا لابايلا من فضلك اخت ام وليد

[@hadjehs6333]

fleure mauve

[@mouhamedkraldlkbir1872]

hadj ehs bjgc Yosaf sx

[@نتالينتالي-ب2ش]

ارجوكم هذه ليلة الجمعة المباركة اريدمن الله ان يفرج همي ويرزقني بزوج صالح في اقرب الاجال يخفف عني وجعي وينسيني يتمي ردو بامين كلمة امين في رد تعني ليا الكثير

[@نتالينتالي-ب2ش]

ارجوكم ردوا بامين ارجووووووووووووووووووووووكم

[@sabah6225]

ربي يرزقك بالزوج الصالح في اقرب وقت ااامين

[@ilyas-brawl4929]

امين

[@امنهالونريمان]

نتالي نتالي شحال في عمرك عندي خطاب ختي ختي يتزوج

[@AhmedAhmed-bk3wi]

amin

[@riadhaoufi]

خفيفة الحمص لازم طيب مليح و تخثر المرقة ماجيش مايهة جي ذوب فالفم و ساعات نحكمو حبات حمص نعبزوهم بالفرشيطة و نردوهم للمرقة باش تخثار حتى الدرسة فيها طماطم مقطعة و طماطم مسكرفجة

[@slimaninacira1912]

مايغيضكش الحال من les commentaire يا ام وليد اكيد جام بدون ما نشوف حتي علابالي جات بنينة انا هكا كليتها عند صحاب بسكرة يعرفو غير يهدرو النسا الجزائريات جربوها يا لحراير سع شكرا لكي حبيبتي علي المجهودات

[@fififofo2015]

سلام البنات انا من الجنوب الجنوب اليكم الوصفة الصحراوية البداية تكون كا ام وليد اما في الاخير ننزع كمية من الحمص نطحنها في مهراس عود ونرجعها الي طنجرة الحمص والكل على النار ونضيف الخليط لي عملاتو ام وليد كما هو زائد برك الهريسة وثوم زيادة ونضيفها الى الطنجرة الحمص حتي تعقد شوية ونطفي عليها وشكرا

[@yousralatrache4905]

انا بسكرية وذركا نعطيلكم سر نتاع دوبارة 1رنخي الفول نتاعك في الماء وديريلو مغرف خميرا نتاع نوارة لمدة ساعة برك وحطيه يغلي على النار وديريلو مغرف صغيرة بيكربونات و4نوايات نتاع تمر ديريهم في كومبراس ولوحيهم باه يطيبوهولك مليح وفلفلة حارة وقارس باه ميكحالش الماء الي طاب فيه وخليه يطيب حتان يولي طايب زبدة ومديريلوش الملح لانو يقسا وميطيبش مليح حتان الاخير ديري الملحوونحي الكومبراس الي فيها النواء نتاع تمر ونفس الشيئ مع الحمص حتان يطيب زبدة وتعود مرقتو خااثرةطفي عليه 2لاصوص ديري في ميكسور فلفل حار وطماطم وثوم ودبشة وكمون وكسبروقنطس تعود مرحية وجديدة وديري طماطم مصبرة مغرف كبيرة وزيت زيتون وملح وتوابل فلفل احمر حار مرحي ميكسيهم ملييح ومبعدا ديري في وعاء فلفل مقطع صغير مع ثوم مقطع صغير وطماطم حب مقطعة صغيرة و دبشة مقطعة صغيرة وزيت زيتون وتوابل ( كمون وكسبر وقنطس وفلفل احمر مديريش الملح) لوحيلهم فلفل مرقد وقارس ولوحيلهم الخليط المرحي الي الوعاء الي قصيتي فيه المكونات السابقة واخلطي بواسطة ملعقة 3التقديم في صحن : ضعي صحن ديري زيت زيتون ثم الفول والحمص مع القليل من المرق نتاعهم في 2 ثم ضعي القليل من لاصوص وخلطي وزينيها بالقارس والفلفل المرقد وقدميها لاحبائك 😘 الي عجباتو يدير جام ويصلي على الحبيب المصطفي صلى الله عليه وسلم يربح من صلى عليه واي سؤال قولولي نجاوبكم وشكرا

[@عبيرالزهور-ظ4خ]

بارك الله فيك

[@عطرالندى-ب5م]

انا سوفية ونديروها بزاف يعطيك العافية أم وليد فقط درتي المرق بزيادة وريي يوفق الجميع

[@ايادبنعزه]

صباح الخير الاخت ام وليد وكل من مر من هنا حبيت نوضح امرين بالنسبه للدوباره اولا فيما يخص الوصفه الي عندهم مشاكل في المعده وميقروش على الطماطم المعجونه وهي نيه يقدرو يقلوها في شوي زيت وصوص الحمص بها الطريقه تطيب الطماطم بلا ما ناكلوها نبه الحاجه الثانيه ونعرف الكثير راح يهاجمني وميعجبوش واش راح نقول هناك معلومه مغلوطع متداوله أن للدوباره بسكريه وعي في الاصل سوفيه اخترعها السوافه وبما انهم كانو تابعين في التقسيم الاداري القديم لولاية بسكره واخذت على اساس انها بسكريه

[@امامين-و3د]

اياد بن عزه ختي لازم ترفدي السلاح وتلبسي كاسك في راسك باش تهدري هنا ههههههههههههه بعض الاخوات ربي يهديهم ما يتقبلوش الاراء 🔫🔫

[@امامين-و3د]

s azerty الله يسلمك حبيبتي

[@celinalifestyle203]

اياد بن عزه ياختي لا للجهوية سوفي و لا بسكري يبقى جزايري

[@lemondedessoeurs416]

عادي سوفي بسكري الاهم لا اله الا الله محمد رسول الله

[@souadtria6030]

اياد بن عزه صح انا سوفية و حرت كي قالو بلي اصلها بسكرية بصح معليش رانا كيف كيف ✌🤗

[@chouta2463]

صباح نور ام وليد ربي ينورلك طريقك و يجعلها فميزان حسناتك ❤ ارجو كل من شاف تعليقي يدعيلي بالفرج و تسهيل الامور في قلبو منحتاجش تعليق

[@louaimourad108]

الدوبارة أصلها من وادي سوف ياسيدتي وليس بسكرة

[@fellahassani2786]

Chou Ta mère

[@JohnCena-yv2mr]

الدوبارة نتاعك هايلة بصح خصها سيد المطبخ البصل النيى المقطع مكعبات مع الأخير ومشكوووورة أم وليد على مجهوداتك ومصداقيتك بارك الله فيك 👍❤

[@moradhamouda8252]

الى.جميع.المشتريكات.اطلبو.رحمة.للفقيد.شيخ.عطاالله.وربي.يجعلو.من.اهل.الجنة.امين.بارابي ام.نمارق

[@boukherchamouhemed3344]

Morad Hamouda صباح الخير انا ام هارون

[@لاالهالااللهمحمدرسولالله-ش1ز7ك]

Morad Hamouda الله يرحمو ويجعل مثواه الجنة والله غاضني بزاف😢😢

[@ciliamaya6129]

الله يرحمه

[@zouaouiahmad4039]

ربي يرحمو

[@user-by2ug7cg9i]

الله يرحمه و يسكنه فسيح جناته

[@kenzanassri952]

أنا من زمان نطيبها كيما هكا غير طماطم مصبرة ما نديرهاش وإذا درتها نطيبها مع الحمص وندير تاني شوية زيت في الحمص باش المرقة نتاعه تجي عاقدة شوية 😘

[@chahrazed5369]

هذي دبل زيت عاصمية اولا تبيتي الحمص فالماء والملح افضل ثم تصفيه وتشليه وترجعيه فالكوكوت مع ماء وكمون وملعة زيت وتغلقي عليه 20د ثم تفتحيلها وتزيديلها درسة ثوم مع كمون والحار اذا تحبي وتغلي عليه مرة اخرى ....ولما تفتحي تلقايها جاهزة طرية وريحة وبنة لما تفرغي فصحن التقديم تضيفي قليل من زيت الزيتون شهية طيبة

[@bouthainamadrid8741]

يعطيك الصحة ام وليد الوصفة لي تديرها ونجربها تنجحلي ونطلب منك كثري من وصفات الجاج والبطاطا ويعطيك الف عافية

[@soulefsoulef3335]

غدوة باذن الله نجربها نموت عليك ام وليد ربي يجعلك من اهل الجنة نتي لبة ...ادعولي نتوفق في زواجي ويرزقني ربي الذرية الصالحة ...راني نتعلم من أم وليد راجلي يتيم يغيضني كي يقولي توحشت ندخل للدار نصيب حاجة طيب في داري يارب نتوفق نطيبلو كامل واش تمنى ونكون كيما تمناني نكون عرسي مزالو شهرين يارب بالهنا عليا وعلى كل وحدة راح تتزوج ولي متزوجين ولي متزوجوش يارب يزين سعدكم ويرزقكم ازواج صالحين عاجلا غير آجل ومتنساوش الدعاء ثم الدعاء ثم الدعاء فإن الله يقول في الحديث القدسي :" أنا عند حسن ظن عبدي بي " الدعاء مع إحسان الظن بالله أنه لن يخيبنا . .والله لا يرد من طرق باب رحمته ...يا الله كم أنت كريم

[@ritarito6310]

ربي يكملك دمعة جاتني

[@soulefsoulef3335]

Rita Rito ربي يحفظك حبوبتي آمين الفرح ليا وليك ولكامل الوليات يارب 😭😘😘😘

[@afaf-vs3cy]

@@soulefsoulef3335 يدرا توفقتي ولا وش صرا معاك

[@nawalabdennebi9049]

@@afaf-vs3cy hhhhhjjjjjj

[@muslimlam3202]

صباح الخير يعطيك الصحة على الوصفة و الدوبارة يقطعولها البصل ملفوق وتاتكل بالكسر ة و كتكملو طاس لبن باش ماتضركمش في المعدة

[@samiraabir518]

راكي جزائرية وحرة أصيلة 👏👏👏👍👍👍👍👍👍👍وذات جودة وكرم وربي يعطيك كل ماتتمناي يالحبيبة أنا لي طلبتها البارح واليوم هديتيهالي ربي يرزقك حجة وعمرة وغدوة نجربها وإليكي الف قبلة يا أحسن طباخة💓💔💝💐

[@alexalvaro2743]

صباح النور اختي ام وليد ما اجمل انك تنوضي الصباح وتصيبي لي خمملك واش ديري لفطور. يعطيك الصحة و دمتي متالقة...

[@abdomeraidikha1430]

لي يقرأ تعليقي يدعيلي بولد صالح انا وزوجتي

[@_koke437]

Rabi éfarahkoum inchalah

[@amelziadna1264]

يعطيك الصحة يا ام وليد،، درتها اليوم جات تهبل ربي يحفظك 🌹❤

[@amine-ll2cc]

دوقينة هههه

[@NidalNinou]

أم وليد نحبها بزاف وبفضلها تعلمت بزاااااف وصفات مملحات حلويات كسرة يعطيك الصحة 😍😘😘😘😘😘👏💯

[@sabrinaouagueni8599]

سلام ختي، انا صبرينة من تيزي وزو، بفضلك وليت نعرف نطيب، عن جد نشكرك بزاف، tu est parfaite pour moi , merci , encors ,mercie

[@amoulazitouni8108]

صباح الخير ام وليد وجميع الاخوات المتتبعات. قناتك يا اختي الفاضلة فضاء يجمع الجزائريات بل العربيات نستأنس بها لاسعاد انفسنا لتزيد ثقتنا بقدراتنا باعتبارنا امهات و ربات بيوت ونتألق امام عائلاتنا في جو من الفرح والحبور ولكن لن يكون هذا دون وجود شخص نحبه كلنا بمقدار واحد لانه سبب في مانحن فيه لاننسى فضلك علينا حبيبة القلوب وخاطفة العقول ام وليد

[@امالبناتبنوتات-ي4ط]

لح .اءطذحخخمخخخخشفشقشغعففجذججخخخخخ1ص ضششغشثضبق

[@jamiladz9573]

انا من بسكرة ونحب نشكرك على انك زرتي بلادنا بطبق وعرفتي العالم بيها .مي نحبك تضيفي الهريسة مع طماطم لمصبرة لخاطر حنا نحبوها حارة وتجيك بنينة مع ملاحظة صغيرة ان الحمص لازم ازيد اطيب اكثر باه اجي هشووش مليح والمرقة نتاعو تجي خاثرة وبالنسبة كي تجي توجدي دوبارة تصبي الحمص اولا بلا ماء نتاعو في لاصوص ومن بعد صوبي الماء نتاع الحمص هذاك الخاثر عليها في لاصوص وزينيها بدواير نتاع القارص والفلفل المنقوع .مشكووووورة حبوبة عرفتي ناس بولايتي ونحب نشكرك بزااااف بزااااف على اطباقك الرائعة

[@meriemluna9275]

يعطيك الصحة اختي ام وليد راكي سافرتي بينا للجنوب الواسع الجميل بكل ثقافته والاجمل ناسو الكراما الف تحية مني اليكم اهل الجنوب اهل الكرم والجود

[@fififofo2015]

Meriem Luna شكرا لكي مرحبا بيك في الجنوب

[@messaimeriem2550]

وي

[@عبدالغنيعمار-ب3غ]

واذا كان الحمص طايب كيفاش تجي

[@فيديومختلفةلجميع]

انا من بلعباس و أول مرة كليتها في سطيف في وحد مطعم هبلت عليها عجبتني بزاااف ورشقتلي عليها تحيااا بنات بسكرة 💖❤️نبغيكم ڨاع ❤️

[@لاالهالااللهمحمدرسولالله-ش1ز7ك]

صباح الخير انا من الغرب الجزايري ونتشرف بالاكلة البسكرية وحاجة مليحة نتعرفوا على اكلات احبابنا في الولايات الاخرى راهي تشهي وراح نجربها ان شاء الله جاااام وشكرا حبيبتي ام وليد💗💗💗

[@omlouaimoussaoui1932]

مساء الخير ام وليد يعطيك الصحة على دوبارة تع بسكرة. راكي فكرتني في يامات شتاء وبرد ايام ميتسوش وجججججاااامممممممم

[@Chocho-ug9jk]

درسة : ثوم مرابي فلفل مقطع صغير دبشة زيت زيتون طماطم مقطعة صغيرة كمون اخضر طماطم مصبرة دبشة قرصة ملح وعصرة ليمون او خل وزيت زيتون اما قبل الطهي ثوم وفلفل

[@Rim14.]

من زمن كورونا وفي رمضان طيبتها اليوم وربي يلطف بينا ويفرج علينا

[@امةالله-م4ل]

أحسنت وانا اقترح عليك أن تطبخين الحمص في الماء اللي نفختي بيه الحمص ماترميهش هو لي تمرقي بيه وتنصبيه بالمعدنوس والثوم والبصل والكمممممون والله روعة.

[@أميأبي-ب8ش]

سلام اختي ام وليد يعطيك الصحة .مام تكوني اخطأت في اي شيئ منها راح تكون بنينة لانها من يدين ام وليد المتواضعة والمحبوبة لقلبي.وشكرا

[@cestssarra8530]

عمري 17 اليوم طيبتها و جات كيما تاع براا الله يعطيك الصحة ام وليد

[@hidayabenatia5135]

راني نشوف فيها في رمضان 2021 قالي راجلي ديريهالي جيت لام وليد شكرا 💕 💕 😘 😘 😘

[@sorayab3325]

Jatek mliha?

[@العروبة-ج5ط]

راني جربتها و جات رووووووعة كيما نتع برا ربي يفرحك

[@samiraabir518]

راني نعلق ونعاود والله ما فهمت كيفاه نرجعلك خيرك ومالقيت مانقوللك يا صاحبة الأيادي الذهبية راكي فووور

[@OumWalidcuisine]

ربي يحفضك حبيبتي

[@rymhadji9864]

Oum Walid سلام

[@mouldiamca3420]

Oum Walid يعطيك الصحة يا ست الحبايب

[@souadkheti5590]

شكر أختي ام وليد أنا كنت نحوص على طريقة تحضير الدوبارة و عطيتني فكرة و مع تعليقات راني فهمت شكرا حبيبتي ام وليد ,,,, انا نعاودلك طلبي لي هو حلوة المخدة بلييييييييييييييييييييييييييييييييييييييييييييييييييييييييييييييييييييييييييييييييييييز تشكراتي

[@yasserali5674]

ربي يرحمو ويوسعها عليه ويتبثه عند السؤال ويجعل قبره روضة من رياض الجنة ويرزق اهله الصبر والسلوان ان لله وان اليه راجعون هم السابقون ونحن اللاحقون اللهم مارزقنا حسن الخاتمة قولوا أمين يارب

[@khalil326]

امين رانا كامل متاثرين للله ما اعطا وللله ما اخذ اللهم ارزقنا حسن الخاتمه

[@fatmazohra1248]

Yasser Ali آمين

[@mimirimi245]

chkoun mat

[@ranialina6584]

Yasser Ali

[@issamoul951]

Yasser Ali

[@meefteehboubaker9404]

يا سيدة ام وليد نجحتي في كل الاطباق و الاكلات الا هدا الطبق

[@saadisoundous8163]

انا من بسكرة نشكرك على محاولتك و نقولك دريلها الهريسة و ماما قاتلك متديريش الثوم و الفلفل كيما تطيبيه لانه بطلق اامرارة و ثاني قتلك دريلو كمان

[@saadisoundous8163]

كمون

[@ouizamoula2996]

يعطيك الصحة وكل ما تتمنينه

[@MayaMaya-cz5wj]

اعتيلي الوصفة من فضللك

[@fatitalbi5918]

اشكرك جزيل الشكر على كل مل تقدمينه لنا وارجو منك ان تكثري لنا من الحلويات لانني مولعة بها اكثر من الطبخ

[@adamyoucef8130]

والله تشهيتها وعمري ماكليتها وحبيت نجربها اليوم ان شاء الله من تيزي وزو امممممم

[@أمسيفالدين-ب6ع]

السلام عليكم جميعا اول ماابدا به و الترحم على الشيخ عطا الله ربي يرحم و يجعل مثواه الجنة امين شكرا ام وليد انا جامي درتها بصح هدي المرة انسييها ان شاء الله

[@rofaidaamina4870]

الله يعطيك الصحة اختي انا جامي طيبتها بصح ديما نشريها متخطنيش وبزاف في فصل الشتاء نحبها عندي ولدي اصغير يموت عليها (باتنة).

[@RohAn-xi9up]

ايه كامل نحبوها خاصتان كي دارتها Sfood كيما تاع البرة الله يبارك جربتها تقول تاع البرة

[@koukaaa2975]

شكرا ليك بزاف جربتها و جات لذيذة و كيما لي نشروها من برا رب يحفظك لينا

[@amelkellal5861]

نموت عليها هي و زفيطي البوسعادي علما انني من أصل قباءلي ويحيا اكلات بلادنا

[@sarahsarah-yj1vk]

جامي دقت الدوبارة رح نجربها شكرااااااااااااا ام وليد

[@امليديا-ظ4ر]

صباح النور يالنوارة ديالي والله خارجة نخدم انشاء الله قلت مدرب طلا عليك واش درتي لقيت اللبة مطيبة دوبارة تشهي جعت على الصباح وتشهيتها ههههه ربي يبارك فيك

[@boukherchamouhemed3344]

ام ليديا صباح الخير

[@امليديا-ظ4ر]

صباح الخيرات يا اختي

[@OumWalidcuisine]

صباح الانوار

[@بلقاسمبوجليده]

ياعطيك صحة ام وليد هذهي ادوبارة البسكرية جربت اطباقك داءم ناجحة متابعة وفية من بسكرة

[@koukamohamed1632]

ولا غير دبارة و نص هايلة هايلة هايلة من المظهر تاعها باينة يعطيك الصحة يا أم وليد كنت حابة نجربها ذقتها عند ختي في بسكرة مزيد من التألق انشاء الله👍😘💝💋💖

[@OumWalidcuisine]

يسلمك حبيبتي

[@amanibouhntala757]

Oum Walid ياه متتصوريش قداه نحبك ونموت عليك الله يعطيك الصحةتبسطي حتى الكل يتعلم مشكوووورة

[@koukamohamed1632]

الله يخليك لينا يا ام وليد عندك بزاف الغايرات كيما راني نشوف بصح مريومة و ميليسا كهينة دايين جام بالمليون بصح ربي معاك.و 👍لكل وصفاتك من عندي

[@bikbok318]

Amani Bouhntala

[@mimamima1790]

ام محمد شكون راه غاير منها

[@kamilyasouhila5278]

يعطيك الصحة مع الصباح يا الفحلة بنت بلادي والله شهيتينا تعجبني وسيرتو على طريقتك الله يحفظك صراحة أنا الحمص منحبش ناكلو بصح نديرو هاكا كيما أنتي ما عندي ماخسرت أنا أثق في أختي أم وليد شكرا مسبقا سلام

[@zohirzozo9491]

يعطيك الصحة.الله يخليك ديرينا طريقة عمل خبز الشعير علي طريقتك.مشكوووووووورة دائما.

[@nourhanea94]

الله بارك صحية

[@aichazaoui8551]

يعطيك العافيه والصحه يا ام وليد على الوصفات ماكاش وحده ماجربتهاش ومانجحتليش بارك الله فيك

[@leila2719]

حبيبتي ام وليد نحبك ونتبعك بزاف لكن اسمحيلي راني من وادي سوف ودوبارة رانا اماليها لازم درسة طيب كأنها صوص باش طماطم مصبرة ماتكونش نية وزيدلها لهريسة ومن بعد حطي لحمص وزيت الزيتون والقارص والفلفل لمصبر ولمعدنوس

[@nabilanabila3327]

دوبارة بلمعدنوس اول مرة نسمعها وزيد لصوص مطيبش تاعها

[@wardadz6679]

@@nabilanabila3327 صعببعب

[@امانيدحماني-ق7ف]

يا ام وليد من فضلك ديريلنا شويا حلويات رانا توحشني القاطو تاعك لبنين من فضلك و حابة نزيد نقولك راني جربت القاطو بدون طهي اللي بالنيستلي و المكسرا في خطبة اختي هبلو عليه

[@bennouisouad9035]

صباح الخير اختي ام وليد انا من بسكرة ونشكرك على طلب الوصفة الصحيحة من اهلها اولا نحن نشمخوا الحمص ليل كامل والحمص لازم كون نتاع الميزان موش نتاع الي يتباع في الحوانت غلط هذاك ومن بعد نطيبوها حتان عود الحمص طري بزاف لدرجة حبات منوا يتعصدوا وتعود للصوص الي طاب فيها خاثرة بزاف ونطيبوه غير ماء و زيت وكمون وكي طيب نديرلوا الملح اخر الشيء.وللصوص نقطعوا الطماطم مكعبات صغيرة و فلفل حار و الدبشة كل حاجة وحدها مانخلطوهمش مع بعض كل حاجة في طبسي وحدها ومن بعد نحطوا في طبسي اخر طماطم النصبرة و الهريسة و الثوم مرحي و زيت زيتون و ملح وكمون بزيادة و فلفل عكري و الكروية ونخلطوهم مليح ومن بعد كي نسقوا الحمص كل واحد هز شوي من الطماطم والدبشة و الفلفل الي كنا قطعناهم وزيد حط اللصوص الي جمعناها مع بعض وناكلوها سخونة و حارة مع اضافة الفلفل المرقد وبالهناء وهذه هي الوصفة الاصلية من اختكم من بسكرة جربوها وادعولي

[@rachidgaga951]

Bennoui Souad شرا علي الوصفة

[@habibhoui9514]

باش تولي مرقة الحمص خاثرة يجب طهي الحمص مع عظم بقري

[@amelhabib6964]

سلام انا عندي الحمص مطيباتو وحاطاتو في الكونجيلاتوغ نقدر نخدم بيه

[@kakiishake5410]

صباح الخير عليكم. وصفة بنينة بزاف و لازم جي حارة في مكلتها باش تحسي بلي راكي تاكلي في مكلة بسكرية.جربها متندموش عليها.ذقتها في المطاعم التقلدية.

[@ريماسميرال-م2ع]

جربتها جتني ما شاء الله يعطيك الصحة حببتي

[@zahrasarraye5474]

يعطيك صحة أم وليد انا بسكرية كبما قاتلك الاخت و وضحتلك ولازم تكون مرقى تع لحمص ثقيلة و حمص طايب بزاف و وصفاتك ماشاءالله لي نجربها تنجحلي

[@bassmalayali5553]

بارك الله فيك يا اخت ام وليد والله وصفاتك روعة و دوبارة بسكرية جات في وقتها برك عندي تساؤل طماطم مصبرا ماطيبش ؟؟؟ لانو هكذا راهي ضر لا ول راني غالطة ...شكرا ليك

[@djihadjeje316]

انا كل مانجي نطيب دوبارة ندير فيديو ام وليد انا باه تخثر ندير حباة حمص نزيدلهم مغرف هريسة وشوي شوي حليب نميكسيهم تخثرهالي وتجي بنينه تهبل تدبيرة هاذي قريتها في تعليقات يعطيها صحة لي قالت عليها

[@aminebelhadj1287]

الله يرحم الشيخ عطاالله ويصبر اهلو غاضني بزاف ادعلو برحمة أمين جميع المشتركات .

[@MimiMimi-ww6qe]

اسمحيلي ام وليد بصح جات مايهة انا ما نعرفش نديرها بصح بانتلي مايهة عذرا على التعليق و المزيد من النجاح ان شاء الله

[@أممحمدأممحمد-ص7ك]

هي دجي مايهة

[@mimitlemcen6609]

Mimi Mimi peut-être hiya tji hakda surtout goulti mandirhach

[@MimiMimi-ww6qe]

mimi tlemcen صح بالاك هكدا تجي انا ما نعرفش نديرها عندك الحق شكرا

[@ميرانانا-و8د]

هي تجي مايهة اختي

[@mimasousou6423]

+Nanou Nana راكي غالطة اختي متجيش مايهة

[@boudjekerb8116]

انا جامي طيبتها ولكن شوقتيني نطيبها يعطيك الصحة ام وليد

[@moradhamouda8252]

لي.يحب.شيخ.عطالله.يدعيلو.برحمة.وربي.يجزي.لاخوات.لي.تفكروه.وراهوم.يدعولو.برحمة.ام.نمارق

[@mmeb.5199]

الله يرحمه و يغفر له و يسكنه الجنة مع الصالحين يا رب. كان انسان طيب و حقاني و الحصص دياله في التلفزة ممتعة، رحمه الله رحمة واسعة

[@muslimlam3202]

انا هكذا موالفة كيشريهالي راجلي ناكلها و هي مفيدة جدا عن تجربة للنزلة البرد والم الحلق

[@michaemicho526]

جربتها فووووور يعطيك الصحة ام وليد

[@zyadzyad4969]

تحية من بسكرة نقولك السر هو منقوع الفلفل وزيد مرقة الحمص لازم تكون عاقدة يعني نخلو الحمص يطيب حتى يطلق هديك الخثرة تاعو وشكرا

[@Mina01192]

الاخت ، من فضلك كيفاه منقوع الفلفل ؟ و واش من فلفل بالضبط ؟ و قداه كمية الماء بالضبط ؟ شكرا جزيلا

[@necirnoorelhouda1662]

صباح الخير الاخت ام وليد ديما منورتنا بوصفاتك تبارك الله عليك و انا راني من ولاية بسكرة راكي جابتها سوا سوا الوصفة ما شاء الله

[@soumiabouch7604]

Necir Noor El Houda

[@OumWalidcuisine]

ربي يحفضك

[@fahimamima7032]

هادي المرة الثالثة لنجربها وجاتني بنة على ينة تهبببيببيل

[@fakou617]

حمص مشمخ نطيبو فالما توم راس حار بعد ما تطيب نديرلها ملح وكمون ونزيدو نطيبوها الدرسة.طماطم مقطعة كزبرة حار مقطع زيت زيتون كمون طماطم مصبرة ملح عصير ليمون ولى خل فص توم مسكرفج كي نجو نقدموها نسخنو الحميصة نضعها في طبسي ونزيد عليها شوية درسة ونخلط ونزينها بكزبر وشهية طيبة 😋

[@marwaarwa9117]

ام وليد يعطيك الصح غير انت تسلكيني في اي حاجه ربي يطول عمرك ويحفضك

[@nousou8562]

ما شاء الله عليك يديك ذهب خالص يعطيك الصحة وصفاتك كلها ناجحة امتعينا بالمزيد

[@khadojkhadoja4182]

ki kont nkamel fi les études ta3i fi Batna kont dima nchoufha w ncham ri7atha w tmanit na3raf la recette dyalha w lyoum nawartini Allah ynawrak w ya7afdak lina ya al ghalya chokran👏👏👍👍😙😙😙

[@amraniaicha7559]

يعطيك الصحة أم وليد على الوصفة الرائعة انا نموت علبها

[@toufikzeghloul1905]

يعطيك صحيحتك ياأختي .انا لي طلبت دوبارة وديرتهالي ربي يفرحك كيما فرحتني

[@oscardj2628]

راني طيبتها اليوم في المانيا.حبيتْ انشوفْ واشن هي هذه الدوبارة البسكرية.😂أنا راجل تاع الكوزينا. و غيرْ تاعْ كرشي😂😋

[@bobakerlobaki3523]

لمرقة لازم خاثرة

[@benzeguiryacin4717]

اختي انا من الغرب . الجزائري الوصفة رائعة ولكنها ليست للبسطاء إنما لمن استطاع اليها سبيلا

[@hudahad6003]

يعطيــك الصحــة أم وليـد جربتها خرجت روعـة 😘

[@amine-ll2cc]

اعطيني ندوق