مطبخ مريومة / هاذا واش يوالم للقهوة و لضياف الغفلة ليه ليه توجديها

مطبخ مريومة / هاذا واش يوالم للقهوة ولا لضياف الغفلة ليه ليه توجديها
#وصفة مسكوتشو
من قناة وصفات مريومة
اول شي نجيب كسرونة فيها ماء مغلي ونحط فوقه الاناء ل راح نخدم فيه نحط فيه بيضتين +رشة ملح +نصف كاس سكر عادي +فانيلا او مبشور الليمون او عطر الليمون ونخلط الكل بواسطة الخلاط اليدوي حتى يذوب السكر +ربع كاس زيت ونخلط +ربع كاس حليب ونخلط نحي الكسرونة ل فيها الماء +كاس معمر فرينة مع كيس خميرة حلوى ونخلط الكل حتى تندمج نفرغ الخليط في صينية 25سم مدهونة بازبدة ومرشوشة بالفرينة ونعدلو مليح ونرش فوقها كمية مليحة من كاوكاو افيلي المهم مايكونش محمص وندخلو الفرن ساخن مسبقاً من تحت ونتركها اطيب حوالي 25د وتتحمر من جوانب نطفي عليها ونشغل لا من فوق مباشرة وهي سخونة ندهنها ب ملعتين كبار عسل أو مربى أو ناباج
#سهل_سريع #2023 #algérie

[@cuisinemaryouma]

يالله حضروها للقهوة واعطوني رايكم فيها ❤

[@djamasarah6451]

جربتها هايلة بصح عدلت شوية في المقادير درت كاس غير ربع سكر و ثلث حليب وثلث زيت وساشي وشوية تع لاليفور وجات خفيفة ماتأمنوش ومغرف خل زدتها تان ،وبصحتكم

[@aminafamilydz1483]

اللي دارتلي أبوني روحي يا أختي الله يخلي شملك مجموع وكلامك مسموع وين ما رحتي وربي يعطيك وقفة في مكة ويعطيك برنوس لهنا وصحة وسلامة يارب العالمين وياك ❤

[@chifasaid5967]

سلااااااام مريومة الطيبة الله يرضى عنك يا مريومة حاولي غيري صورة البروفيل نتاعك إلى صورة أخرى كالطبيعة أو اي صورة أخرى من غير ماتحطي أي شكل من اشكال المرأة وإن شاء الله ولك كل الحرية هذا اقتراحي كااخت لاختها شككككككرا حبيبتي

[@OmasmaAfaf]

فكرة مليحة تاع الماء الساخن باش يتخلط السكر بالخف دايما تعطينا افكار مفيدة ربي يجازيك كل خير ❤ ودمتي متألقة ج🎉

[@inconnuinconnu2618]

انا جاتني رقيقة مابغاتش تطلع 😢

[@ikramgoudjil2380]

جربتها الان روعة الله يعطيك الصحة

[@wadoudppoj9791]

يا اختي مريومة ديريلنا حلويات في المقلاة ما عنديش كويزنياغ الله يبارك فيك

[@nadiaoussama3204]

Machaallah top top top

[@zaidziad55]

سلام شاف ❤❤

[@ninacreations9598]

سر نجاحك هو وصفاتك الاقتصادية برافو عليك اختي

[@oummeriem9675]

أسهل منها مافيش يعطيك الصحه ساهله ماهله لقهوة لعشيه

[@user-xz1px9lj4u]

خدمتها مع كاس أتاي ورجعت نحط لك أكبر لايك ❤❤❤❤❤👌👌👌👏👏👏👍👍👍

[@houssembhoussem732]

جربتها سااااهلة وغير مكلفة و خفيفة و بنينة

[@user-ni4bx5th7d]

ماشاء الله ،يعطيك الصحة ختي مريومة افكارك تححفة

[@houarifel5878]

يعطيك الصحه تبان خفيفه

[@ramzigattafi6629]

جربتها وتقهويت بيها يعطيك الصحة

[@YounesKhoues]

جربتها جات هايلة يعطيك الصحة

[@AnWar-cb6kp]

سلام مريومة انا متتبعة نحب وصفاتك السهلة والمضمونة ونتمنالك النجاح تعيشي حبيت نطلب منك ديريلي وصفة بقلاة على شكل صدفة وبعجينة الفيلو لي نديروها فالبيت

[@mohlag5907]

يعطيك الصحة خفيفة هايلة راني كل يوم نديرها لاولادي