Рет қаралды 1,388,621
如觀賞完此影片,請按讚好 (Like) 及留言寫下你的意見。你們的支持及轉發是我們繼續分享好歌的動力!
請支持訂閱 環星音樂/環星娛樂Facebook (讚好Like & 追蹤 Following)
/ wsmmusic
及
環星音樂KZbin:(訂閱 subscribe)
/ wsmchannel
密切留意:
環星娛樂誠意推介:『星級靚聲演唱廳』 隆重登場
由5月份開始逢星期一晚上9時30分
將於WSM環星音樂KZbin 及Facebook專頁同步直播
星級主角、星級樂隊現場為你準時開show
牡丹亭驚夢之幽媾
主唱:尹光 / 張美峯
曲:古曲 詞:唐滌生 編:周熾楷 監制:張國林
OP: WSM Music Group Ltd. (Admin. by Worldstar Music Int'l Ltd.)
生唱:是誰寶盒藏詩畫 燈下凝眸細看查
生白:不似觀音 又不是嫦娥呀 卻是似曾相識 一位名門佳麗
奇啦 係邊到見過呢
生唱:佢若是慈悲觀世音 定有金童玉女伴
手捧楊枝甘露 腳踏萬朵蓮…花 佢雖則貌美俏嫦娥
但冇蟾宮丹桂傍 倘或下降凡間 定有彩雲護駕
我挑燈仔細看丹青 拭目抬頭重新認
啊 卻是似曾相識 嗰一位絕代嬌娃…
彷彿疑是夢中人 腦際心間留倩影呀
猶記佢掩扇含羞 坐在紅梅花下
生白:畫中人 莫非就是我嘅夢中人 似啦
生唱:似畫原無價 猶似月籠紗 玉蘭般幽雅
佢有緣下嫁 待我挑燈看真她 看真她
似嬌娃 一點桃唇相襯玉芽
畫裡現 真真 畫邊留艷句 真個是妙筆生花
是一首百花詞 抑或是一首紅荳詩
是白頭吟 還是癡心話
生白:近睹分明似儼然 遠觀自在若飛仙
他年得傍蟾宮客 不在梅邊在柳邊
奇啦 對住我笑口架噃
生唱:畫中人對我微含笑 惱煞無端風起亂燈花
我叫句畫裡真真
死啦 一念到佢無姓無名 聲黯啞
生白:為使芳魂來入夢 唯有半掩紗窗去會她吧
旦唱:風吹梧桐 葉落沙喇 風吹梧桐 葉落沙喇…
粉冷香銷 泣絳紗 風飄飄 魂在望鄉台下
夜螢螢 墓門開處鬼離家
行一步 心驚怕
原來是賺花陰 野犬吠螢花
借芭蕉 遮掩在荼薇架
原來是樵樓鼓 落寒更 報月華
休怕 休怕
待重見 窗裡冤家
重續孽緣 燈月下
旦白:開門
生白:呀 月色透羅幃 已是更深時候口架啦
點解仲有人敲門口架呢吓
呀 大抵係雨打竹簾 風搖鐵馬定啦 繼續訓覺
旦白:開門
生白:明明係有人叫門之聲口架噃
好 等我出去 睇吓邊個至得
冇人呀
旦白:柳公子
生白:你點入嚟口架 妳幾時入嚟我都唔知嘅
小姐 我同妳素昧生平 妳點會識我口架呢吓
旦白:柳公子 素昧生平 都仍可相逢夢裡
咁相逢又何必問相識呢
生唱:好似月裡仙 降凡塵
輕弄降紗 輕弄降紗
莫非冷烟蔽月華 她雨中竟自迷途 迷途錯歸家
生白:係唔係呀
旦白:唔係
旦唱:寄寓 寄寓在柳蔭下 悲風霜乞片瓦
生唱:非關有意有意苦追查 夜半芳齋欠奉茶
妳莫借西廂送葯茶 我借盞秋燈妳小心歸去吧
旦唱:嘆息我命如霧裡花 杜麗娘未有家泣孤寡
旦白:我其實係無家可歸口架
生白:哎 世間女子 那有無家之理口架 呀 我知啦
生唱:莫非天仙姐姐妳愛我瀟灑 所以偷偷降落在 柳生衙
可惜我一介潦倒潦倒寒儒 怕有偏差
旦白:你錯啦
旦唱:既屬 有夢鑄佳話
當管不了月夜 月夜月夜叩奔君家
慕君風華 愛君風華
盼君泣於月下 屈居柳蔭受霧雨打
盼蝶來活了解語花
生白:哎呀小姐 點解講得好哋哋 妳又會淚隨聲下口架
生唱:睇佢泣訴多風雅 悲逝水韶華 欲仿效情花再萌芽
生白:妳是否文君新寡口架
旦白:唔係
生白:唔係
旦唱:貞花未嫁口架
生白:哦 妳未嫁口架
旦唱:我獨處深閨未嫁口架
生唱:既是天仙 天仙 未嫁
咁就亦緣也 我福份也
想吓又心中驚怕 我想吓又心中驚怕
點解會相見 相見蕉樹下
生白:哎吔
旦唱:君心休怕 君心休怕
君不記 你揖拜仙觀下
風吹飛花有心 報與君在佛前為你灑
致令郎拾去我丹青畫
生白:小姐
旦白:吓
生白:究竟妳從何而來得口架
旦白:好心喇公子 你何必疑雨疑雲 驚風怕雨啫
丹青畫 丹青畫
我既生於畫中 梗係來自畫中啦
生白:來自畫中呀 等我睇吓似唔似先 係噃 好似呀
旦白:係呀
旦唱:咁真與假
生唱:確未有差
旦唱:衹係腰瘦減
生唱:一般貌似花 丹青仙姿兩瀟灑
旦唱:被冷煙冷煙蓋玉顏 銷毀了鉛華 驟降丹青價咯
生唱:咁鴛鴦帳內同夢去囉
旦唱:又怕冰肌凍著了郎又怕
生唱:我唔怕唔怕
旦唱:又怕又怕聽二更斷續了兩三下
生唱:怕月照香衾閉窗莫理他
生白:點解呀
旦唱:未閉西窗 容我講句傷情話
宋玉都應憐薄命花 決不是秋風秋雨催人嫁啦
當解花有根源 玉有芽
生白:我知妳是千金之軀 不是亂紅衰柳嘅
旦唱:麗娘亦有千金價咯 我係出黃堂太守家
劫餘尚記我嘅爹娘話 佢話我係崑山良璧玉無瑕
衹為驚夢遊園 空累我嘅爹娘掛
生白:驚夢遊園 遊園驚夢 呀 我醒起啦
生唱:好一句驚夢遊園 好一段丹青畫戀
根深蒂固 早連芽
當日在柳川 也曾夢會一佳人
小立在梅花樹下 佢招手問姻緣
夢醒難再續 夢梅兩字
我為記情花 燈下看丹青 執手問嫦娥
嗟莫是夢中人也 卿果是夢中人 我是黃梁客
小樓作引渡仙槎 倩丹青作良媒
雖未有十斛量珠 望他日文章有價
不在梅邊在柳邊 若許夢梅能折柳
做個蟾宮客耀才華
我帶著一表寒酸 兩袖青貧
拜上黃堂談婚嫁
旦白:慢
旦唱:你休向堂前求父母
生白:莫非宰閣嫌貧啩
旦唱:恐觸親心 會淚如麻
生白:哦 梗係太守堂中 不容一個白衣嘅女婿呢 係嗎
旦唱:冷香閨三載悄無人
生白:哎 小姑居處 當然係悄無人啦
旦唱:剩牙床 珠網塵封殘月下呀
生唱:哦 古話花徑不曾緣客掃
待郎採折武陵花
花是有情花 嗟我未成名終是假
旦白:柳郎 我都唔係咁嘅意思 你誤解咗我啦
旦唱:痴心經已贈君 休要弄碎情芽
麗娘心 千般痛
請對奴 笑番吓
旦白:柳郎 我要你笑呀
生白:嘻嘻
旦白:哎呀 笑得咁肉酸嘅
生白:好肉酸咩
旦白:我同你有生死之情 梗係有生死之愛啦
旦唱:嗟我冰雪身都已經硬化 似易散嘅雲霞
不堪提往事 真難言說話
借燈謎 我願君你權度吓
旦白:柳郎
生白:吓
旦白:不如我打個燈謎俾你估吓好嗎
生白:好呀
旦白:嗱 聽住喇
生白:咁你講啦
旦白:燈已滅
生白:燈已滅
旦白:緣已絕
生白:緣已絕
旦白:待等君來臨秀穴
生白:來臨秀穴
旦白:如今仍是半明滅 嗱 你 你明未呀
生白:我唔明呀
旦白:唉 乜你咁蠢口架
你要俾啲心機 用個腦去諗吓
生白:咁妳等我諗真吓先啦
生白:燈已滅 都係唔明呢 好惡猜口架
旦唱:妾長眠柳蔭 蓋面憑絳紗
在梅林夜聽秋雨 任由它飄飄向墓灑
一坏冷土是我家 風吹雨打
生白:哎呀 什麼 什麼燈已滅 緣已絕
原來 原來妳是隻夜鬼回衙啤
哎呀 妳唔好嚇我呀你
旦白:夜鬼回衙
生白:哎
旦白:唉
旦唱:艷骨久塵埋 冷落泉台下
身在桐棺伴冷霞 由來鬼物招人怕啦
試問誰今夜接鬼回衙…
一夢死三年 一見了三生
只剩得一段人鬼相思 留佳話…
生白:哎呀 麗娘 麗娘呀
生唱:麗娘 係鬼也不驚怕
我抱膝慘喚 麗娘向地爬
妳為我死咯 香銷鏡花
哭句曲終 線斷空抱琵琶
拜艷屍抱落霞
旦唱:夢梅不枉我傾心也
我抱君慘喚 夢梅血淚瑕
你肯為我死 施恩更加
我不怨天 不怨地反覺榮華
復活花再萌芽
旦白:柳郎 我當年雖為落花驚閃而亡
猶幸十殿閻君 翻檢姻緣部冊
佢話我同你先有幽歡
後成明配嘅 所以雖登鬼錄卻未損人身
今日陽錄將回 陰數已盡咯
前日為郎而死 今日為郎而生
柳郎 你若能在明日未過辰牌 剜碎銅棺
我同你尚可再續姻緣之份口架
生白:哎呀 麗娘 麗娘
世間只有精靈不死啫 哪有三載回生之理口架
旦白:柳郎 我又點會呃你
嗱 麗娘尚有叮嚀 我願君記取
你既以我為妻 勿誤過辰牌時份
否則過了冥期所限
即今生亦難再有相見之日矣
生白:哎呀
旦白:哎呀
生白:天光啦
旦白:我 我要走啦
生白:哎呀 麗娘 麗娘 麗娘呀 哎呀 麗娘
生唱:桃花樹下把桐棺掘 待我破棺重接再生花
#尹光 #唱盡經典粵曲演唱會 #環星娛樂 #環星音樂 #wsmmusichk #張美峯 #麥玉清 #鍾麗蓉 #謝曉瑩 #鄧美玲 #曾慧