مصطفى سيد أحمد عمنا الحاج ودعجبنا الدوحة 1994م

مصطفى سيد أحمد -الحاج ود عجبنا-عود-الدوحة 1994م
كلمات: أحمد الفرجوني
عمنا الحاج ود عجبنا
فى الفريق ياهو الركيزة
هو البشيل حمل الرباعة
وعندو كلمة على الجماعة
فى الفريق باقيلنا تاية
وكل طيب ليهو غاية
للضعيف تلقاهو ساند
ويقهر الكعب المعاند
للضيوف ديوانه فاتح
ديل يقوموا وديل يدخلوا
يا ولد جيب الرتاين
جيهوا الديوان فراشو
وأفرشوا الفرشة الكبيرة
والأباريق والتباريق
وأضبحوا الحمل المدوعل
*********
عمنا الحاج ود عجبنا
من سنين أيام جهلتو
وديمة في دعوة صلاتو
يسأل المولى السلامة
وسترة الحال والكرامة
********
وعمنا الحاج ود عجبنا
فى ليلة من ذات الليالى
فى زمن حظر التجول
جاهو ضيف فى راس حداشر
رحب الحاج بيهو جداً
فرّشولوا ونزلوهو
وكاسوا للعشا ما أتلقالو
ما الرغيف ممحوق مقصّر
والبلد فى حال معسِّر
وعمنا الحاج فى مبادؤه
وجبة الضيف زى فريضة
وهسي ضاقت بى العريضة
ضيفو كيف يترك عشاهو
من ده زايد إختشاهو
وجاتو فكرة
يمشى للفرن المجاور
ولي لجان العيش يشاور
بس عشا الضيف يا جماعة
ضيفى نازل ليهو ساعة
شاكلوهو ،،، ودفروهو ،،،، ونهروهو
وجاتو دورية الطوارى
وأمسى بايت فى الحراسة
وناسو جنـّوا وللصباح ما عرفوا حاجة
وين ده روّح
وجاهم الخبر المؤكد
ود عجبنا فى الحراسة
ماشي محكمة الطوارى
ناسو أولادو وبناتو
عرفوا حالو
بدري فاتوا
راحوا محكمة الطوارى
وفيها فى نص الخلايق
شافوا حالاً ماهو لايق
عمنا الحاج بى جلالو فوقو حس السوط يولول
فوق قفاهو
فوق زنودو
وفوق رجولو
ومرة فوق فِججاً حشايم
أصلو ما قايل بهونن حتى لو نزلن هجايم
إلاّ لكن الليالى
هى البتِترْخِص كل غالى
*********
حاكمو الولد المنصّب
كتفو بالدبّور مقصّب
إنت يا حاج يا مخالف
زول مخرّف وعقلو تالف
إنت ياحاج ماكا دارى ؟
ذِلة الناس فى الطوارى؟
أجلدوهو
وغرموهو
ونفذوا الحكم البهينو
شان يفتِّح تانى عينو
وتسمع السوط ليهو خاوية
فوق قفا الحاج صيحتو داوية
وفجأة رفع الحاج عيونو
شاف بنات ولدو وبناتو
كلهن واقفات يعاينن
دمعتهن فى العين ترقرِق
ووجعتهن فى الجوف تحرّق
والحزن ليهن يفرّق
دي النجوم الفى سماهن
كل سوط نازل عليهو من شعاع الضو عماهن
عمك الحاج دمعو سرّف
وسيلو فوق أشنابو سرّب
تم حكمو وراح بيوتو
نفسو مكسورة وذليلة
كيف ملاقاة الحليلة
وصحوة الروح العليلة
********
فى البيوت الجوّة غادى
عمك الحاج ما اعتيادى
وفوقو متلمِّين جماعتو
والسكيل ضرب حزاينى
وقالوا ناداهو المنادى
فارق الدنيا المهينة
يقطع الذلّة وسنينها
وفوق فراش ودعجبنا
تسمع الزول البوصي
أقفلوا الحوش يا جماعة
وطفّوا أنوار الرتاين
داك حرس حظر التجول
من بعيد ليكم بعاين
*******
يا زمن حظر التجول

[@-noname-1441]

هذه ليست اغنية .. هذه مشاهد سنمائية ذات سيناريو عظيم و اخراج في قمة الابداع و تمثيل في غاية الروعة ..

[@مصطفىشكيتابوسامرالمسلمي]

مصطفانا الذي نعشقه ونحبه ❤❤

[@بشيرعبداللهبشهبشه]

❤❤انت❤❤ الوطن ❤و❤❤ من ❤❤بعدك❤❤ مافي❤❤ وطن ❤❤❤❤

[@farahfadul959]

القلب يخشع لفراقك يا فنام يا وطن انت العلمتنا الانسانية وحب الوطن هكذا هي الدنيا ارقدبسلام وادخلك فسيح جناته

[@mohanedabdalla4281]

يا الله على جمال الكلمات و حلاوة الأداء الفرجوني

[@بهاءالدينمصطفي]

له الرحمه والمغفرة بقدر ما أعطي. والله مثل الواقع السوداني في أغانيه

[@mohamedal4123]

رحم الله الاستاذ مصطفي سيداحمد فعلا واقع الليله اليوم معامله الكيزان. قصيده الحاج ودعجبنا ربنا امتعه بالصحة والعافيه الشاعر احمد الفرجوني

[@ابراهيمالتجانىابومحمد]

ولله السودان 🇸🇩 فقد انسان وفنان

[@alzubairhassan1047]

اللهم اصلح حال السودان و ابعد عنو خبث الشويعية و الكيزان

[@KingSolomon88]

الاثنين وجهين للعملة واحدة . هم من اتوا بالفرقة و الشتات في الوطن و دمروا شيء اسمه السودان منذ الاستقلال. من المفترض ان يحرموا من ممارسة السياسة بتاتًا في السودان.

[@ghaziomer4015]

ابو السيد ربنا يرحمو ويغفر ليهو الان نعيش حظر التجول بسبب مرض الكرونا ابعدها الله منا ومعاها حظر التجول

[@مهندعبدالله-ط4ع]

نفسو مكسوره وذليله ،، وكييييييييف ملاقاة الحنينه

[@محمدحسن-خ8س2م]

كيف ملاقاة الحليلة (الحلة)

[@ahmedhassan-dy1jj]

@@محمدحسن-خ8س2م الحليلة (الزوجة)

[@احمدمحمدالهادي-ث6ف]

هذا الاغنية تشبه حال المواطن السوداني الغلبان لك الرحمه و المغفره عمل في غاية الروعة و العزوبه اللهم اغفر له وارحمه واجعل مثواه الجنة

[@نزارابراهيم-ع7م]

شاف بنات ولدو وبناتوا كلهن واقفات يعاينن اللهم انا نعوذ بك من قهر الرجال

[@etamsudani5330]

لك الرحمة والمغفرة والعتق من النار اللهم عافيه واعف عنه بقدرى ماقدم 😭😭😭😭😭😭😭

[@manonacool9719]

رحم الله المبدع الأنسان القامه. وأجعل الجنة مثواه

[@fgdydfsgs8918]

مصطفي سيد احمد إنسان من المستقبل ضله طريقة الي الحاضر

[@مسترحوتة]

حاكمو الولد المنصب ، كتفو بالدبور مقصب ابو السيد يا وطن ♥️♥️

[@احمدرابح-ك3ص]

كل الأداء

[@برعيمنصور-ز7ب]

رحمة الله عليك ي انسان اغنيه لا يمل سماعها

[@عثمانادمجلمبو]

يا معلم المطربين رحمه الله

[@المهلالكاشف]

إلا لكن الليالي يوم بترخص كل غالي

[@mohamedalfateh5978]

والله اتمنيت انو مصطفي سيد احمد وحميد يكونوا حاضرين الثوره ويشوفو الكيزان منزلين

[@التاريخكمايجبأنيكون-و6ز]

لك الرحمة والمغفرة انت كنت في حتي تانية خالص ابداع فوق الابداع

[@Mafaza790]

ود عجبنا عمنا الحاج ود عجبنا في الفريق يا هو الركيزة وهو البشيل حمل الرباعة وعندو كلمة علي الجماعة في الفريق باقيلنا تاية وكل طيب ليهو غاية وعمنا الحاج ود عجبنا من سنين ايام جهلتو بسال المولي السلامة وسترة الحال والكرامة وعمنا الحاج ود عجبنا في ليلة من زات الليالي وفي زمن حظر التجول جاهو ضيف فوق راس حداشر رحب الحاج بيهو جدا وفرشولو ونزلوهو وكاسو للعشا ما اتلقالوا ما الرغيف ممحوق مقصر والبلد في حال معسر وعمنا الحاج في مبادؤا وجبةالضيف زي فريضة وهسا ضاقت بي العريضة وضيفوا كيف اترك عشاهو ومن دي زايد اختشاهو وجاتو فكرة امشي للفرن المجاور لي لجان العيش اشاور بس عشي الضيف يا جماعة وضيفي نازل ليهو ساعة وشاكلوهو ودفروهو وجاتو دورية الطواري وامسي بايت في الحراسة وناسو جنوا وللصباح ما عرفو حاجة وين ذه روح وجاهم الخبر الماكد ود عجبنا في الحراسة وماشي محكمة الطواري ناسوا اولادو وبناتوا عرفوا حالوا وبدري فاتوا فاتوا محكمة الطواري فيها في نص الخلايق شافوا حالا ماهو لايق عمنا الحاج بي جلالوا فوقوا حس الصوت مولول فوق قفاهو وفوق سدولو وفوق رجولو ومرة فوق فججا حشايم اصلوا ما قايل اكونن حتي كان نزلن هجايم الا لكين الليالي يوم بترخص كل غالي حاكموا الولد المنصب كتفوا بالدبور منصب انت يا حاج يا مخالف زول مخرف وعقلوا تالف انت يا زول ماكا داري زلة الناس في الطواري اجلدوهو وغرموهوا ونفزوا الحكم البهينو شان افتح تاني عينوا تسمع الصوت ليهو خاوبة وفوق قفا الحاج صيختوا داوية وكل جلدة جبل مزلة فوق ضمير الحاج وقلبوا وفجاة رفع الخاج عيونو شاف بنات ولدوا وبناتو كلهن واقفات اعاينن دمعتن في العين ترقرق ووجعتن في الجوف تحرق والحزن بيهن مغرق دة النجوم الفي سماهن دة الزمان الكان حماهن وكل صوت نازل عليهو من شعاع الضو عماهن عمك الحاج دمعوا سرب وسيلو فوق اشنابو ترب تم حكموا وراح بيوتو نفسو مكسورة وزليلة وكيف ملاقاة الحليلة وصخوة الروح العليلة في البيوت الجوة غادي وعمنا الحاج ما اعتيادي وفوقوا متلمين جماعتو والسكيلي ضرب حزايني وقالوا ناداهو المنادي فارق الدنيا المهينة اقطع الزلة وسنينا وفوق فراش ود عجبنا بسمع الزول البوصي اقفلوا الحوش يا جماعة وطفو انوار الرتاين شان حرس حظر التجول من بعيد ليكم بعاينو يا زمن حظر التجول الرسالة التي يود الفنان ان يوصلها انو الكرم والصفات النبيلة بدات تختفي بي سبب القمع السياسي والظلم والاضطهاد الزي يواجهه الخيرون حتي في اثناء تقديمهم لفعل الخير وحتي المروءة والشهامة التي اشتهر بها السودانيين بدات تختفي بي سبب وكل زول بقي اقول يا روحي بس

[@بدرادريس-ذ1ظ]

مقطع كامل ماكتبتو

[@user-zj1eb4uw8t]

ابداع لن يتكرر

[@محمدسيفالنصر-ث8ذ]

رحم الله المبدع مصطفى سيد أحمد المقبول

[@ادمصديقابراهيم-ز3ع]

الفنان الراحل المقيم ابو السيد له الرحمةوالمغفرة

[@mohammedyousif447]

الحاصل الآن كما الأغنية وازيدك في الشعر بيت اتهمونا بالانحلال والإلحاد والصعلكة ولكن لا زلنا نعافر... الثورة مستمرة

[@hassnmhadealhaghassn8277]

ارقد بى سلام ابو السيد

[@ادمصديقابراهيم-ز3ع]

غني أغنيات المضي البعيد لكن الآن حصلنا على الزمن المقصود في أغانيه

[@MazacarzMmedz]

الله يرحمه ويغفرله ويجعل مثواه الجنة

[@jabirsalih]

الرحمه والغفران لي روحه الطاهرة البقاء لله وحده. الفنان القامه المدرسه المتفردة قدم وساق كل معاني الانسانيه في ظل قمع ممنهج ضد كل من ينادي بالحريه و العيش الكريم رغم عفويته إلا أنه أستطاع أن يخترق قلوب أعداءه قبل معجبيه . إ لا رحمك الله تعالى.

[@aabrr6038]

زلة الناس في الطواري

[@yousifsayed9636]

عمنا الحاج مات مغسة

[@ازهريازهري-ح6ث]

😎 حظر التجول 😎 كلمات اغنية ودعجبنا عمنا الحاج ود عجبنا في الفريق ياهو الركيز هو البشيل حمل الرباعة عندو كلمة على الجماعة في الفريق باقيلينا آية للضعيف تلقاهو ساند ويقهر الكعب المعاند للضيوف ديوانو فاتح ديل يقوموا وديل يدخلوا يا ولد جيب الرتاين جيهوا الديوان فراشو وأفرشوا الفرشة الكبيرة والأباريق والتباريق وأضبحوا الحمل المدوعل D D D D D عمنا الحاج ود عجبنا من سنين أيام جهلتو ديمة في دعوة صلاتو بسأل المولى السلامة وسترة الحال والكرامة وعمنا الحاج ود عجبنا في ليلة من ذات الليالي في زمن حظر التجول جاهو ضيف فوق راس حداشر رحب الحاج بيهو جداً فرشولو ونزلوه وكاسو للعشا ما تلقالو ما الرغيف ممحوق مقصر والبلد في حال معسر وعمنا الحاج فيما بالو وجبة الضيف زي فريضة وهسي ضاقت بي العريضة وضيفوا كيف إترك عشاهو D D D D D وجاتلو فكرة يمشى للفرن المجاور للجان العيش يشاور بس عشا الضيف يا جماعة ضيفي نازل ليهو ساعة شاكلوه ودفروه ونهرهوه وجاتو دورية الطوري وأمسى بايت في الحراسة D D D D D وناسو جنو للصباح ما عرفوا حاجة وين ده روح ؟؟؟ وجاهن الخبر المؤكد ود عجبنا في الحراسة ماشى دورية الطواري ناسو أولادو وبناتو راحوا دورين محكمة الطواري فيها في نص الخلايق شافو حالاً ما هو لايق عمنا الحاج بي جلالو فوقوا حس السوط يولول فوق قفاهو فوق ذنودو فوق رجولوا ومره فوق فججاً حشايل أصلو ما قيل بهوناً حتى كان نزان عجايب إلا لكن الليالي هي البترخص كل غالي D D D D D حاكموا الولد المنصب كتفوا بالدبور مقصب أنت يا حاج يا مخالف زول مخرف وعقولوا تالف أنت يا زول ما كا داري زلة الناس في الطوارئ أ جلدوه غرموه ونفذوا الحكم البهينوا شان يفتح تاني عينو D D D D D تسمع الصوت صيحتو داوية تسمع السوط ليهو خاوية فوق قفة الشيخ صيحتوا داوية وفجأة رفع الحاج عيونو شاف بنات ولدو وبناتو كلهن واقفات يعاينن دمعتين في العين ترقرق والحزن بينن مفرق ده النجوم الفي سماهن ده الزمان الكان حماهن كل سوط نازل عليهو من شعاع الضو عماهن عمك الحاج دمعوا سرف سيلوا فوق اشنابو سرب تمه حكموا وراح بيوتو نفسوا مكسورة وذليلة كيف ملاقاة الحليلة وصحوة الروح العليلة في البيوت الجوه غادي عمك الحاج ما إعتيادي فوقو متلمين جماعتو والسكيلي ضرب حزايني قالوا ناداهو المنادي فارق الدنيا المسيئة يقطع الزلة وسنينها فوق فراش حاج ود عجبنا بسمع الزول البوصي أقفلوا الحوش يا جماعة وطفوا أنوار الرتاين داك حرس حظر التجول من بعيد ليكم بعاين يا زمن حظر التجول يا زمن حظر التجول

[@mohanedabdalla4281]

يا زول ما تكتب ساي لو ما عارف في كلمات دي جايبها من ياتو قاموس

[@aliahmedmohammedaldsher4356]

عمك يا شنوبا يا

[@mohamedalaminmohamed5112]

عجبنا في الفريق ياهو الركيز هو البشيل حمل الرباعة عندو كلمة على الجماعة في الفريق باقيلينا آية للضعيف تلقاهو ساند ويقهر الكعب المعاند للضيوف ديوانو فاتح ديل يقوموا وديل يدخلوا يا ولد جيب الرتاين جيهوا الديوان فراشو وأفرشوا الفرشة الكبيرة والأباريق والتباريق وأضبحوا الحمل المدوعل D D D D D من سنين أيام جهلتو ديمة في دعوة صلاتو بسأل المولى السلامة وسترة الحال والكرامة وعمنا الحاج ود عجبنا في ليلة من ذات الليالي في زمن حظر التجول جاهو ضيف فوق راس حداشر رحب الحاج بيهو جداً فرشولو ونزلوه وكاسو للعشا ما تلقالو ما الرغيف ممحوق مقصر والبلد في حال معسر وعمنا الحاج فيما بالو وجبة الضيف زي فريضة وهسي ضاقت بي العريضة وضيفوا كيف إترك عشاهو D D D D D وجاتلو فكرة يمشى للفرن المجاور للجان العيش يشاور بس عشا الضيف يا جماعة ضيفي نازل ليهو ساعة شاكلوه ودفروه ونهرهوه وأمسى بايت في الحراسة D D D D D وناسو جنو للصباح ما عرفوا حاجة وين ده روح ؟؟؟ وجاهن الخبر المؤكد ود عجبنا في الحراسة ماشى دورية الطواري ناسو أولادو وبناتو راحوا دورين محكمة الطواري فيها في نص الخلايق شافو حالاً ما هو لايق عمنا الحاج بي جلالو فوقوا حس السوط يولول فوق قفاهو فوق ذنودو فوق رجولوا ومره فوق فججاً حشايل أصلو ما قيل بهوناً حتى كان نزان عجايب إلا لكن الليالي هي البترخص كل غالي D D D D D حاكموا الولد المنصب كتفوا بالدبور مقصب أنت يا حاج يا مخالف زول مخرف وعقولوا تالف أنت يا زول ما كا داري زلة الناس في الطوارئ أ جلدوه غرموه ونفذوا الحكم البهينوا شان يفتح تاني عينو D D D D D تسمع الصوت صيحتو داوية تسمع السوط ليهو خاوية فوق قفة الشيخ صيحتوا داوية وفجأة رفع الحاج عيونو شاف بنات ولدو وبناتو كلهن واقفات يعاينن دمعتين في العين ترقرق والحزن بينن مفرق ده النجوم الفي سماهن ده الزمان الكان حماهن كل سوط نازل عليهو من شعاع الضو عماهن عمك الحاج دمعوا سرف سيلوا فوق اشنابو سرب تمه حكموا وراح بيوتو نفسوا مكسورة وذليلة كيف ملاقاة الحليلة وصحوة الروح العليلة في البيوت الجوه غادي عمك الحاج ما إعتيادي فوقو متلمين جماعتو والسكيلي ضرب حزايني قالوا ناداهو المنادي فارق الدنيا المسيئة يقطع الزلة وسنينها فوق فراش حاج ود عجبنا بسمع الزول البوصي أقفلوا الحوش يا جماعة وطفوا أنوار الرتاين داك حرس حظر التجول من بعيد ليكم بعاين يا زمن حظر التجول يا زمن حظر التجول