Рет қаралды 12,152
طريقة كنز التمر المغمي بطريقتي:
🟡 مقدمة:
كنز تمر المغمي تعتبر من طرق كنز التمر كانوا أجدادنا قديماً الله يرحمهم يستخدمونها إذا بقى عندهم تمر قاسي بعد الصرام ( جداد وجني محصول التمر) مايقدون ياكلونه هالطريقة تخلي التمر لين وطعمه لذيذ فيقدرون ياكلونه.
أفضل نوع الخضري وبعده السكري
يسمّى مغمي علشان التمر يغمر بالدبس
وضروري يكون الدبس كثير علشان التمر اليابس يشرب الدبس ويصير مجروش اذا جمد
ممكن إضافة النكهات مثل السمسم وضروري يكون محمص علشان تكون نكهته حلوة وحبة البركة وحبة حلوة
(الشمر)
ضروري التمر يابس ولا نغسله علشان مايتغير طعمه (يخمّج)
بعد ماننتهي نربط الكيس ونسكر العلبة زين بعدين نخليه برا الثلاجة لمدة اسبوع (قديماً كانوا يحطونه تحت الشمس)
بس كل يوم نقلبه وبعدين ندخله الثلاجة أو نخليه بمكان بارد
الأفضل وضع التمر المغمي في علب معدن أو تنك حتى يتحمل حرارة الشمس افضل من البلاستيك
🟡الطريقة:
نجيب التمر ونمسحه بفوطة ناشفة ونشيل قموعه وممكن نشيل النواة ونحشيه بالجوز ونحطه بعلبة معدن ملبسة بكيس بلاستيك ونصب عليه دبس التمر بعد مانضيف له سمسم وحبة حلوة وحبة البركة
(المقدار كل كوب دبس يقابلة ملعقة كبيرة من السمسم المحمص وملعقة صغيرة حبة حلوة اللي هي (الشمر) وملعقة صغيرة حبة البركة) 😋👍🏼
لين نغمر التمر بالكامل ونربط الكيس زين علشان مايدخله الهواء ونسكر العلبة ونخليه بغرفة دافية لمدة اسبوع الى عشرة أيام مع ضرورة تقليله كل يوم علشان يدخل الدبس وتتشربه التمرة الناشفة وتصير رطبة ومجروشة وبعد انتهاء المدة يكون جاهز للتقديم وبالعافية❤️
ملاحظة:
عند عمل المغمي بالتمر الخلاص يكون جاهز قبل التمر السكري لأن الخلاص طري ورطب
مايصلح التمر يكون قاسي مرة ،ضروري يكون فيه رطوبة خفيفة
التمر المغمي يمكن عمله وإهدائه لكبار السن هدية جميلة تذكرهم بزمنهم الجميل الله لايحرمني وإياكم الأجر❤️
#مْغَمِي_التمر #تمر #تمر_ مْغَمِي
#المْغَمِي #مغمي #مغمي_فاخر #تمور #تمور_فاخرة #شعبيات
#شعبيات_مشاعل_الطريفي
#طبخ #مطبخ #اكسبلور #اكسبلور_فولو
#ترند #trend
#اكسبلور #explore
#طعم #yum
#food
#السعودية