أماه لاترحلي | دنيال بوجبارة

[ أماه لاترحلي ]
| الملتقى الفاطمي الحادي عشر |
| 1445هـ - 2023م |
------------
‌‎أداء الملا | دانيال بوجبارة
‌‎كلمات | آبو نجم الأحسائي
------------
•مكساج | حسن يونس
•توزيع | حسن حريري
‏•‎مخطوطة | السيد حيدر البراهيم
•مدير التصوير | ميثم الضيف
‏•‎مونتاج | قاسم بوشفيع
•‎متابعة | مصطفى بوشفيع
•‎إشراف عام | عبدالهادي البلادي
•إنتاج | الولاية ميديا
------------
على فراش الأجل أبچي وأنظرك
يبني خل أشم صدرك و نــحرك
أماه..لا تَــرْحَــلِـي
عليَّه ما هِجع نوحك و روعك
حبيبي يا حُسين اِمسح دُموعَك
ضُلُوُعي فِدوة يالغالي الضُلوعَك
إرحم گَلبي لا تنحب يَمظلوم
النَّفَس ضاگ بصعوبة مِن أكلمك!
تـعال و خـلنـي هالـليلة أشــمـك
أَنا وِدي بـوَسَط صـدري أضُـمَّــك
وَلَكِن صعبة صدري كِله مهشوم
أماه..لا تَــرْحَــلِـي
##############
بـفَـگِد جـدَّك إجـونـي و روعـوني
اسطروني و عْصروني و سَگِطوني
اشتموني و ضْـربوني و حْـرِگُـوني
ونـار البـاب فـي چَفِّي أَثَـــرها!
شَخِص نادى في هالدار الزچِيَّة!
و بچِلمةْ (وَ إِنْ) صـاح الـدَّعِيَّـة
ثَلَثْ مِـيَّةْ نَــذِل هِجْمَوا عَلَيَّه!!!
و زينب خايِفة و إنتَ بكِتِرها!
أماه..لا تَــرْحَــلِـي
##############
دِفَع بابـي عـدو الله و سطرني!
انتثر قُرطي وكِسر گَلبي وكِسرني
و بـرِجله رِفس بطني و عصرني
ونِبَتْ مسمار حامي بصدري يسعر
رُفَع سوطه و ضُرَب متني و جَبِيني!
خِنَگْ صدري الدُّخان و خَر جنيني
و نِزَف دَمِّي و صِحِت فُضة ادركيني
و علي بذاك الحبل حاسر ويِنجر!
أماه..لا تَــرْحَــلِـي
##############
بجَنِب واحِد أنوح و أسهر الليل
أودعك يا حبيبي و ما بگى حيل
أريد أَشْتَم مواضع مذبح و خيل
و الموعد أجي بعاشِر مُحرَّم
باچر تنـذبح أهلك وِ لَــنْــصار
و تبگى بكربلا ظامي و مـحتـار
و إذا السَّهْم المُثَلَّث بالگَلُب صار
وَعد يبني بچِفُوفي أمـسح الدَّم!
أماه..لا تَــرْحَــلِـي
##############
على الـغَبرة إذا مُهْرَك يِــنَــزْلَــك
أريد أمسح دِما اجْبِيِنَك وَاعَدْلَــك
ولَوَن شِــمْـر الخَــنا بِرجْله يِرِكْلَك
أغطيك و گَبُل ذَبحَك أواسيك!!
يـصعـد صـدرك و صـدري ألُطمه!
بگْعِد يَـمَّـك و تَـحْچِي لي چِلمة:
وَحَق جــدي أَنا ظــامي يَــيُــمَّه!!
عيونك حَمرة وبدمعي أَرَوِّيـك!
أماه..لا تَــرْحَــلِـي
##############
أقَــبِّل خدك و راســك أَمِــســحه
و سامحني تـرى يصعب ألمــحـه..
يطرحك عالثرى و نحرك يـذبحــه
و راسك بالرُّمُح تِتْگاطـر ادماه
تدوسك لَــعـوجِيَّــة وإنتَ عاري!
و ألِـمَّـك مِـن تِــوزعَــك بالبراري
ومع إبْـنَــك أَجَــمْعَــك بالبَواري
(حُسَيْنًا وَاحُسَيْنًا واحُسَيْنَاهْ)