Рет қаралды 86,463
Қызылорда облысында тұрғындар мемлекеттік бағдарламамен берілетін баспаналарды ауыл әкімі өзінің жақындарына бөліп берді деп ашулы. Айтуларынша көпбалалы аналарға арналған үйлердің кілті шенеуніктің қайын жұрты мен інісіне табысталған. Бірақ ауылда олардан бөлек пәтерге мұқтаж жандар көп дейді тұрғындар.
Ақжарма ауылындағы 8 баланың анасы Гүлзат Шәмшат бірнеше жылдан бері әкімдіктің табалдырығын тоздырып келемін дейді. Басты мәселесі баспана қамы. Айтуынша тұрып жатқан үйінің әбден тозығы жеткен. Қабырғалары сөгіліп, қыс бойы терезесінен жел соғатын үйімді жамап-жасқаумен күніміз өтіп жатыр дейді. Мектепте еден жуушы болып жұмыс істейтін Гүлзат ауылда көпбалалы аналарға үй берілгелі жатыр дегенде қатты қуанған. Алайда жаңа баспана бұйырмапты.
ГҮЛЗАТ ШӘМШАТ, көпбалалы ана:
- Әкімге барсам атыңда үй бар дейді. Үй болмау керек бес жылға дейін дейді. Үш үй салынды, біреуі бұйырады деп ойладым. Бірақ әкімдік маған бермеді. Өзінің туыстарына берді.
Мемлекеттік бағдарламамен салынған үш үйдің екеуінің кілті ауыл әкімнің қайын ағасы мен інісіне табысталған дейді тұрғындар. Сондықтан, бұл жағдайға күмәнмен қарап отыр. Айтуларынша жаңа қонысқа ие болған шенеуніктің жақындарының бұрын да баспаналары болған. Тіпті қайын ағасы ауылдағы үйін сатып, қалаға кеткен еді дейді. Оның үстіне тегін табысталатын баспаналар туралы хабар алдымен ауылдағы жұрттан бұрын қаладағы қайын жұртқа қалай жеткен деп көпшілік аң-таң.
АЛТАЙ ҚОШҚАРБАЕВ, ауыл тұрғыны:
-Біреуі бауырына, біреуі қайын ағасына берілді. Халық оны біледі. Соны көпшілікке салып, көпбалалы, үйі-жайы жоқ отбасылар бар ауылда. Соларға берілу керек еді ақылдасып. Ондай болмады. Әкім өзі билік жасап, өз билігін істеп кетті.
Ауыл әкімінің бұған өз уәжі бар. Айтуынша, бастапқыда баспаналардың қандай санат бойынша кезекте тұрған жандарға үлестірілетіні туралы белгісіз болыпты. Сондықтан тұрғын үйлердің көпбалалы аналарға арналып салынғанын ауылдықтарға дер кезінде айта алмадым дейді. Бірақ берілген баспаналардың бірі қайын ағасына бұйырғанын мойындайды. Үш отбасы да заң шеңберінде үйлі болды деп отыр ауыл басшысы.
ЕРЛАН ЕШМҰРАТОВ, Ақжарма ауылдық округінің әкімі:
- Ел болған соң бәрі ағайын-туыс қой. Бәрі туысқаным емес. Аса бір жақындарым жоқ. Тек бір үй иесі әйелімнің туған ағасы. Жасыратыны жоқ қайын ағам. Ол үй салынғанға дейін кезектілікте тұрған.
Әкімнің айтуынша көпбалалы аналардың санаты бойынша ауылда тек 4 адам кезекте болған. Олардың бірі өз еркімен бұл баспаналардан бас тартты дейді. Алайда тұрғындардың кейбірі тегін берілген үйлер шын мұқтаж жандарға табысталмады деп қапалы.
Абай Нұржанұлы, Рахымжан Ысқақов
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#мұқтаждық #баспана #әкім