ام كلثوم "يا مسهرني" مختصره بدون اعادات بالكلمات جوده عاليه وصوت نقي

اغنية يا مسهرني غناء كوكب الشرق ام كلثوم وكلمات الشاعر الكبير احمد رامي والحان الموسيقار سيد مكاوي.
شاعر الشباب أحمد رامى الذى توفى فى 5 يونيو من عام 1981، بعد سنوات طويلة قضاها فى عالم الشعر والفن، خاصة علاقته الخالدة مع سيدة الغناء العربى أم كلثوم.
وكتب أحمد رامى لأم كلثوم نصف أغانيها من أول قصيدة الصب تفضحه عيونه، إلى آخر أغانيها "يا مسهرنى" التى كتبها كعتاب فى أم كلثوم عندما ظلت أياما لم تسأل عنه فكتب فيها "ما خطرتش على بالك يوم تسأل عنى دى عينيا مجافيها النوم يا مسهرنى".
ورغم أن "يا مسهرنى" هى آخر ما كتبه رامى لكوكب الشرق، فقد كانت أول ما لحنه الشيخ سيد مكاوى لأم كلثوم، حيث غنتها أم كلثوم، بعد أن طلبت من سيد مكاوى، أن يقدم لها لحنًا تغنيه فى أحدث حفلاتها، وقد فاجأها الشيخ سيد مكاوى بأنه أعد لها لحنًا بالفعل، وبعد أن قدمه بصوته، عرض عليها الأغنية التى تعتبر واحدة من أشهر الأغنيات التى كتبها الشاعر الراحل أحمد رامي، وغنتها كوكب الشرق عام 1972.
ما خطرتش على بالك يوم تسأل عنى
وعينيا مجافيها النوم يا مسهرنى
أنا قلبى بيسألنى: إيه غير أحواله
ويقولى بقى يعنى.. ماخطرتش على باله
أمال غلاوة حبك فين.. وفين حنان قلبه عليا
وفين حلاوة قربك فين.. فين الوداد والحنية
يا ناسينى وانت على بالى
وخيالك ما يفارق عينى
ريحنى واعطف على حالى
وارحمنى من كتر ظنوني
لا عينيا بيهواها النوم
ولا بخطر على بالك يوم
تسأل عنى ..
يااااااااااا يا مسهرني
***
اسأل عن اللى يقضى الليل
بين الأمل وبين الذكرى
يصبر القلب المشغول ويقوله نتقابل بكره
وبكره يفوت وبعده يفوت
ولا كلمة ولا مرسال
وهو العمر فيه كام يوم
وأنا بعدك عليا طال
يا ناسينى وانت على بالي
وخيالك ما يفارق عيني
ريحنى واعطف على حالي
وارحمنى من كتر ظنوني
لا عينيا بيهواها النوم
ولا بخطر على بالك يوم
تسأل عنى ..
يااااااااااا يا مسهرني
***
يا مسهر النوم بعنيا
سهرت أفكارى وياك
الصبر ده دا مش بإيديا
والشوق واخدنى فى بحر هواك
أقول لروحى وأنا ذنبى إيه
يقولى قلبى حلمك عليه
مسيره بكره يعطف علينا
ونبقى نعرف هجرنا ليه .. ليه ليه هجرنا ليه
يا ناسينى وانت على بالي
وخيالك ما يفارق عيني
ريحنى واعطف على حالي
وارحمنى من كتر ظنوني
لا عينيا بيهواها النوم
ولا بخطر على بالك يوم
تسأل عنى ..
يااااااااااا يا مسهرني
***
تعالى خلى نسيم الليل على جناح الشوق يسري
الهجر طال والصبر قليل والعمر أيامه بيجري
طالت الأيام، تعالالى قوام
دنا عندى كلام بدى أقوللك
أنا عندى كلام وف قلبى هيام أوصفهولك
ونعيش أيام ولا فى الأحلام
يا ناسينى وانت على بالي
ارحمنى من قسوة قلبك
ريحنى واعطف على حالي
خلينى أتهنى بقربك
وانا عينى يهواها النوم
ولا أشكى ولا أقولك يوم
إسأل عنى ..
يااااااااااا يا مسهرنى
صفحتنا على الفيسبوك:
/ tarabecom

[@mohamadhusseini5175]

انك صاحب الذوق الرفيع

[@guest7501]

مساء الفن و الطرب الأصيل دائمًا احسن اختيار راقي جدا كله فن ونغم ومع ست الكل اخر سلطنة و سمع ولا مثلة اغنية روعة لا مثيل لها ممتعة 🎵🎶👌😍👍⭐️تحياتي قناني أحلى 😊🎁✊👏🏻👏🏻👏🏻👏🏻👏🏻💫

[@elhassanelhassan-gv9mt]

سيد مكاوي والسهل الممتنع

[@عبدالقادرقباني-ب1ض]

سيد مكاوي ممتاز

[@musamia123]

تعالى خلي نسيم الليل على جناح الشوق يسري الهچر طال والصبر قليل والعمر ايامه بتچري طالت الأيام تعلالي أوام انا عندي كلام بدي اقولولك

[@عبدالقادرقباني-ب1ض]

امكلثوم اصيلا بلغناء

[@نرمينالسيد-ت2ش]

اغنية وعمري ما اشكي من حبك ممكن تعملوها مشكورا❤️

[@designer916]

#عمري يانرمين❤🌷

[@amercall1129]

اخت مرت من عندكم من لبنان

[@rachidamura8360]

الله يعطيكم الصحة 🤲🏻🤲🏻🤲🏻🙏🙏🙏👍

[@monamonasaber]

روعة ❤❤

[@HafidaRahaliajel-Asfirane]

Bien Ouii❤🎉🎉🎉,,e🕊️