معضلة الثانوية العامة .. أروح فين وآجي منين؟

من هو القس إسحاق صبري سامي؟
كاهن كنيسة الشهيد العظيم مارجرجس والانبا باخوميوس
العصافرة - قطاع المنتزه - اسكندرية
بكالوريوس الطب البيطري جامعة الإسكندرية دفعة ٢٠١٢
دبلومة الرقابة على اللحوم والأغذية عام ٢٠١٤
دبلومة علاج السلوكيات الإدمانية بمركز إيمي عام ٢٠١٧
حاصل على دبلومة علاج التوجه الجنسي والميول المثلية من مؤسسة PATH تحت إشراف دكتور ريتشارد كوهين عام ٢٠٢١
دبلومة التوعية المشورية الأرثوذكسية ٢٠٢٠ - ٢٠٢١
حسابات الفيسبوك
‏ / fa.isaacsabry​
‏ / f.isaacsabry
#ايجو_ايمي​
#القس_اسحاق_صبري

[@eliasezzeldin9110]

شوف يا باشا انا مسلم لكن والله بحب محتواك لان محتواك اكتر النصائح اللى فيه تنفع لأى حد سواء مسلم او مسيحى

[@inasalbert7982]

م الخير طبعا انا بشكرك جدا انك بتسمع قدس ابونا على فكرة فعلا المحتوى حلو جدا للحياة العملية اللى بنعيشها.. بس اسمحلى فى ملحوظة بسيطة ياريت مش تكون بتضايقك حضرتك كتبت" شوف يا باشا " اسمحلى هو اسمه قدس ابونا .. او ابونا هو له مكانه ودرجة كهنوتية مينفعش نقوله باشا . اشكرك لسعة صدرك .. واهلا بك فى الجروب .. صلواتى معك ربنا يدبر لحياتك كل الخير

[@eliasezzeldin9110]

@@inasalbert7982 اسف انى ناديت عليه ب الباشا مكنتش اعرف ولا تزعلي نفسك البابا اسحاق

[@malaknagy46]

@@inasalbert7982 هو حقيقي فعلا بجد كلامه الاستاذ حلو جدا جدا وانا كمسلمه بقدر ده اوي لانو فعلا معظم نصايحه تنفع كل. الناس سواء مسيحي او مسلم لانو في الاول والاخير كلنا اخوات وكلنا لينا نفس الرب هو اللي خالقنا سبحانه وتعالى بس ليا تعليق صغنون واتمني مش تضايق/ي منى بس احنا عندنا ف الإسلام مينفعش أننا نقول ابونا او اي شيء من ده مع طبعا كامل. احترامي وتقديري لك وربنا يهدي كل واحد ويرشدو لطريق الحق

[@nardeennazih3578]

ممكن يقول حضرتك بدل ابونا مع كامل احترامي ليه طبعا مش شرط يقول ابونا او بابا 😊​@@malaknagy46

[@basmala99]

كلام حضرتك مظبوط 100% ربنا يصلح الحال والاجيال اللي جاية يبقى حظها افضل 🤲

[@jesusislve7615]

ربنا بيرتب لينا الخير دائما كل الاشياء تعمل معا للخير للذين يحبون الله انا دلوقتي داخل سنة ٣ كلية زراعة ومجموعي في الثانوية كان ٨٩.٢ ٪ زعلت كتيير فعلا بس انا كنت مصلي أن تكون مشيئتك يارب انت اختار لي الصالح وفعلا ربنا اختار لي الافضل كنت عايز طب بيطري علشان قولت عايز اعمل مزارع علشان بحب الحيوانات وفي اصحابي دخلوا طب بيطري وسقطوا اول سنة ودلوقتي داخلين ٢ مع أن مستواهم ممتاز وبعد ما دخلت زراعة لقيت قسم الانتاج الحيواني فدخلت مباشرة القسم واكتشفت بعدين أن وظيفة الدكتور البيطري هي مجرد العلاج والأدوية أما بالنسبة لعمل المزارع ده من زراعة اساسا المهندس الزراعي قسم الانتاج الحيواني هو اللي بيعمل مزارع 😍 فكانت مفاجأة جميلة جدا ومن وقتها بقول لتكن مشيئتك يارب مفيش خطوة ف حياتي من غير مشيئته طب بيطري مش عارف ٥ سنين زراعة ٤ غير الجيش ف طب بيطري ممكن ٣ سنوات زراعة سنة واحدة لو ملبستش ظابط احتياطي 😂😂💔 فمشيئة ربنا دائما خير لينا اهم حاجة لما تتكل تتكل علي ربنا بس مهما حصل متتكلش علي انسان كل الحب والشكر ليسوع المسيح ❤️✝️ عايزك تقول دائما زي ما قال يوسف لما اخواته باعوه انتم قصدتم لي شرا أما الرب فقصد به خيرا حتي لو انت حاسس انك أظلمت في النتيجة ربنا هيحول كل شر ده لخير لك ربنا يقدر كل آلة صورت ضدك لا تنجح باسم يسوع

[@mariamemad6899]

يا بونا انا كنت بذاكر جدا وفي الاخر جبت 47 وشلت مادتين صليلي يا ابونا انجح ف المادتين

[@hhhlll3643]

ربنا معاك وينجحك

[@Dayana41982]

يا حبيبتي ربنا يسندك ويكمل معاكي

[@sfssfjff8764]

ربنا ينجحك يارب

[@Dayana41982]

عملتي اي طمنينا

[@shadyebrahim5865]

في الاول قريت كل التعليقات اانا كل الناس كانت متاكده ان هدخل هندسه وفي ناس غريبه معرفهاش بتقولي يا بشمهندس المهم كنت بحل واراجع وابقي مطمن فجاة جبت 58.5 كنت بفكر ان اطلع من اوائل الجمهورية حاليا انا مستني اي كلية تبص عليا كنت واثق ان انا اللي اختار وراجعت مواد علشان التظلم لقيت حالل ميه ميه بس الوزير بيقول متعشموش في التظلمات انا اروح ادفع تاني فلوس وماخدش درجات سكت من كتر ما بفكر عمال ادخل اجيب النتيجه كل دقيقه وأسأل ربنا يارب اعمل معجزة ولا بين الحقيقه وغير المجموع كنت متمسك للدرجه ان كان مسالة حياة او موت الناس كلها مصدومه وانا دماغي باظت بين قوسين انا اعمل اي علشان اوصل اي اللي كان غايب عني اي اللي كان مفروض اعملو ومعملتوش بجد انا بشوف ناس جايبه مجاميع مش بتعرف تحل وانا مخلص ملخصات وبحل اسئله محدش كان يعرف يحلها وكنت بقفل ومذاكرة مش اقل من10 ساعات من اول السنه حاسس ان ربنا جربني

[@Marina-wl2ki]

متعملش حاجة انت عملت اللي عليك كفاية تعب السنة 😔ربنا يريح قلبك ويديك سلام ودعي الامر لمن بيده الامر

[@ebraamnasim581]

انا واحد تعبان طول السنة و كنت بعاني من الاكتئاب فنص الثانوية العامة و كنت خلاص على حافة الانتحار و كان مستوايا متوسط طول السنة بس جهدي و تعبي راااااح على الفاضي انا مجموعي كنت فاكره عيبقى من ٨٥ ل ٩٠ ، اناا جبت ٧٠ رغم تعبي 😭😭 اللي انا تعبته . و كل زمايلي اعلى مني ، انا رفضت اغش فالامتحان عشان عارف تعبي واصل لفين . بس لو جيت فكرت و قولنا انا لو رجعت بالزمن هعمل ايه ، انا مش عارف هعمل ليه ولا اذاكر ايه تاني ، فاكتشفت ان ربنا هو اللي حططلي المجموع علشان اكيد في باب اوسع ربنا محضرهولي

[@maro717]

ربنا دايما بيبقي مدبر لينا الخير ف حياتنا وان شاء الله ربنا يكرمك بمجال واسع تنجح فيه وتثبت نفسك فيه

[@youanahany8018]

مجموعك بمجهودك حلو و جداااا جدااا الف مبروووووك بجد

[@لعبيكو-ر5ز]

انا للاسف راسب انا تعبت بجد وانا صرفت فلوس كثير غير المرخصات والدروس والمراجعه النهائيه والكتب وحاجات كثير في الاخر راسب بعثتها سنه كامله انا كنت عاوز افرح اهلي بس اهو نشكر ربنا بجد كان نفسي افرح مش قادر اوصف لحضرتك الي انا فيه وانا عملت ايه في حياتي علشان يحصل لي كده انا كنت مذاكر ورغم اني كنت اشطر واحد وفي الاخر نشكر ربنا الحمد لله ربنا عالم بكل اللي حصل لي يا رب

[@blacknight2020]

انا ثانوية عامة السنة دي 2024 و اتمنى اني اطلع من اوائل الجمهورية حتى و لو ممكن ماتحصلس بس متأكد ان الله قادر على كل شيء على الاقل نفسي ربنا يشوف تعبي و سهري و امانتي قصاده و مايحطنيش في صدمة

[@AyoubWasfy]

إن شاء الله ❤ ربنا هيفرح قلوبنا ❤

[@MihraelrefaatRamzy]

ياريت أولياء الأمور يفهموا كدا ياابي😢💔

[@user-hu6zr4yv]

صلو لي اجلي باقي شهر لي امتحاناتي

[@MakariuosMakram]

ابونا أنا ادبي وذاكرت وجبت ٧٧.٨ وفي ناس مذاكرتش وجابت ٨٠.٣ وناس علي مذاكرتش برضو وجابت ٩٢ بس يلا كله للخير

[@mariamsamir8657]

صليلنا يا ابونا بجد كلنا موجوعين جدااا

[@remoon8817]

😭😭 ولا عارف أبكى ولا اضحك ولا امشى على راسى ولا اروح فين بس كل يوم النتيجه بتموتنى وخلاص مش عارف ربنا عامل إلى فيه الخير ولا ايه انا حاسس انى مش واعى يريت صلاه من اجلنا😓😢😭

[@loloemad5812]

انا ذاكرت كويس طول السنة واقوم 3 الفجر وانام الساعه 12 لغيت يوم الامتحان واجيب 41٪ و شايلة 4 مواد والله حرام وصحابتي اختي مسيحية زي زيه وجايبه من وراي السماعه وغشت ونجحت وانا اللي كانت بذاكرله وصحابتي تاني مسلمة مكنش معها الكتب اصلا وبتروح الدروس تتصور وتدلع وتضحك وتخرج ونجحت وانا شالت 4 انا واخدة علي خاطري اووووي من العذراء والملاك ميخائيل عشان كانت نادرلهم نادر ومحققتليش اللي عوزة وكسفتني وكسفت اهلي انا بجد زعلانه ادعولي رجاءا ادعيلي ي ابي انجح ف السنة الجاية ويخفف عني يارب تنجحي يڤيولا ويخفف عن قلبك يارب شكرا علي الدعوة ♥🤝🏻

[@alisalam4446]

الله يسهلك انا طالب عراقي متوتر لان نتيجتي حتطلع بعد اسبوع

[@loloemad5812]

@@alisalam4446 ربنا معاك وان شاء الله خير

[@alisalam4446]

@@loloemad5812 شكرا جزيلا اختي

[@Marina-wl2ki]

خير ياحببتي يمكن دي فرصتك وربنا شايلك حاجة حلوة اووي اوووي السنة الجاية متخفيش واكيد. العدراء بتحبك وتصليلك دايما. ربنا يسعد قلبك وايامك يغالية ♥🙏🏻

[@loloemad5812]

@@Marina-wl2ki يارب ادعولي ♥

[@veronyasamir3141]

شكرا جدا يا قدس ابونا ♥️

[@marsaasarwt3486]

انا في عذاب طول السنه ومحرومه من كل حاجه وفي الاخر اجيب 50% انا بجد فقد الامل في كل حاجه ومافيش حد وقف جنبي ومش عارفه اعمل ايه

[@krestenasarwat221]

ابونا طالبه صلاة لصديقتي كنت معايا في ثانوي عام السنه الي فاتت والي قبلها وهي هتعيد تالت مره طالبه صلاه من اجلها

[@Marina-wl2ki]

كلامك صح ياابي حقيقي صدمة ومجاميع وحشة جدا السنادي 🥺 لغاية الوقتي مش حاسة ان دي نتجتي وف الاخر جبت 80٪ وكنت عاملة حسابي علي 91💔🥺الحمد لله نشكر ربنا ع كل حال

[@maro717]

كويس انه انتي جايبه 80 انا كنت بذاكر طول السنه ومش جايبه غير 57 اشكري ربنا علي اللي ف ايدك واتاكدي ان ربنا مدبر لينا الخير

[@Marina-wl2ki]

@@maro717 الحمد لله لست تعلم الان ما انا صانع لانك ستفهم فيما بعد اكيد اختيار ربنا هو الافضل والحمد لله علي كل حال المهم عملنا اللي علينا ♥🙂

[@nutrition12317]

4.01 الدقيقة

[@RA-hn1rx]

احنا في مجتمع ليه المظاهر يعني حتي اللي بيختار يكون ادبي المدرس في المدرسه بيعاملهم باستحقار ودونيه يا ريت الناس تراعي كل شخص في مكانه وتقدره بغض النظر هو فين لان مش كل الناس هتبقي دكاتره ومهندسين لازم يكون فيه معلمين ممرضين صنايعيه وعاملين خلينا نعامل بعضينا باحترام مش بدونيه

[@maryammaryam7958]

متوقعتش ان اهلي ميقفوش جمبي يومها

[@gana450]

انا السنه دى داخله تالته ث فبعد النتايج دى والظلم الى حصل خايفه ادخل واجيب درجه مش تبعى حرام يخلوا الواحد بعد التعب ده ميفرحش بنتيجته😔

[@Marina-wl2ki]

ياحببتي صدقيني ممكن يكون ظروفكوا غير ظروفنا وبعدين انتي هتشيلي الهم من النتيجة من دلوقتي مش هتعرفي تركزي في المذاكرة اهم حاجة راكزي علي المذاكرة ومليكش دعوة باي نتيجة دلوقتي سلمي السنادي لربنا وربنا يفرح قلبك اعملي اللي عليكي وذاكري وصدقيني مفيش تعب بيضيع كل الموضوع كل واحد بياخد نصيبه وكفاية انك تكون عاملة اللي عليكي.

[@user-mm4zb6fi6x...]

فعلا

[@mariamadel758]

كل واحد كان مخطط نتيجته

[@antonrizk1826]

التصحيح كمان ممكن يكون فيه غلطات

[@Marina-wl2ki]

الواحد حاسس انو دي لا درجاته ولا ثمار وحصاد تعبه طول السنة🙂

[@mariamatef4073]

بجد يا ابونا انا حاسه روحي بتطلع مني عمري ما اتخيل اني هاعيد السنه ثاني😔💔💔

[@minaisaac7796]

وانا برضو مش عارف ازاى انا كنت بذاكر ازاى اجيب ف الفيزيا 12

[@mervatmakram1937]

معلش دلوقتى متفكروش ريحوا شوية و بعدين أطلبوا من ربنا يفتح نفسكم على المادة و على المذاكرة و الإمتحان ... ربنا معاكم و يسندكم

[@silveagirgis5182]

47٪ و شيلت فيزياء😭😭

[@nerminneam842]

معلش يا ابونا بس احنا اصلا مش عارفين نعمل ايه ده فيه مدرسه فى سوهاج كلها فوق ٩٠فى الميه ولاد أكابر قال وبيتعاملو بالسلاح ويجى التنسيق يعلا واحنا اصلا اللى جايب ٧٠فى الميه ملهوش كليه حلوه اصلا وشوف عدد اللى جايف فى٥٠ وال٦٠ ده هيجيب ايه يعني احنا مرضناش نغش وفى الاخر مش لاقيين كليه

[@katreneshaq7064]

واحده صحبتي من الصدمه كاتبه في البايو بتاع الواتس منتهي القهر أنه يقول لا يخذل منتظري ... ويخذلك

[@AMBITION6176]

يعني هي بتقيس ربنا علي اساس ثانويه عامه 😒 ايه الايمان الضعيف ده

[@sosososoo4842]

افتكر ان كان ف راهبه معروفه تنيحت تنبأتلي اني هكون دكتوره وف الاخر اما جت ثانويه عامه جاتلي حاله نفسيه😂😂😂

[@fadyzsc7346]

ابونا انا بموت

[@gehansophy5663]

طب انا يا قدس ابونا انا كانت درجاتي حلوه جدا في الدروس و المدرسين بيشكرو فيا و كانوا بيقولو انت ممكن تجيب من ٨٠ الي ٧٠ في الميه انا جبت ٥٧.٨ في الميه

[@Marina-wl2ki]

اولا الف مبروك انك نجحتي 🤍 ثانيا اكيد ربنا شايف الخير ليكي في المجموع ده الحمد لله

[@antonbekhit424]

انا كنت فاكر ان هجيب 85% الي 90% .. جبت 58 % 🙂💔💔 مش عارف ازي

[@kirollosadel623]

♥️♥️

[@سارةباسم-س5د]

يا أبونا أنا أتظلمت المفروض أجيب 85جبت 51

[@alisalam4446]

الله يعينك وادعيلي انا طالب عراقي بعد اسبوع وتطلع نتيجتي

[@anamero7801]

ابونا معلش رد عليا انا سقط ومش عارف اعمل اي اعيد السنه وانا مش عايز ادخل ثانوي تاني ولا احول دبلوم صناعي او تجاره نصيحطك يا ابونا معلش

[@amirelkomos6457]

هتعيدي كام مادة طيب؟

[@anamero7801]

@@amirelkomos6457 4 فيزياء كيمياء احياء انجليزي

[@erenmomen428]

يا حبيبى ذاكر تانى و تنجح السنه الجايه و تخلص

[@amirelkomos6457]

@@anamero7801 بصي ولا يهمك كدا زيك زي اللي بيقسم السنة عادي وممكن تجيبي مجموع أحسن بكتير من مجموع السنة دي لكن فكرة انك تحولي دبلوم هتتعطلي سنتين بدل سنة وأيًا كان اللي هتدخليه بعد ثانوي هيبقى أحسن من انك تاخدي دبلوم أنا عارف انك تتأخري سنة صعب وسنتين ثانوية عامة تقيلة بس مش هتستفادي أي حاجة لو حولتي ودي زي ما قلتلك فرصة حلوة انك تحسني مجموعك وفي النهاية هتقدري تعدي السنة الجاية إن شاء الله وتدخلي كلية أو حتى معهد عالي وانت في السنة هتبقي عدت عليكي خبرات ودماغك بقي أحسن وتحصيلك أعلى ونفسيتك بقيت أقوى حتى المواد اللي مانجحتيش فيها هتبقي مذاكراها قبل كدا ومتمكنة فيها أكتر فمتخافيش وكدا كدا الناس بتقسم السنة عادي فانت متأخرتيش كتير وربنا يرشدك للصالح

[@maro717]

بصي عيدي السنه وان شاء الله ربنا هيكرمك فيهم دي نصيحه ولو كده اسألي تاني برضو ناس تكون ثقه وربنا يدبرلك اللي فيه الخير

[@christeenemil2188]

الكنيسة للاسف عندها فقر ف الافتقاد سواء خدام او كهنة مش بتعرف تسال ع عيالها و تلمهم تانى اللى بيغيب يغيب ويجى مكانه غيره عادى ... الخدام و الكهنة اللى فيها مش بيعمله افتقدات لما حد يغيب ولا بيقربهم للكنيسة و المفروض ده دورهم اتجاه المخدومين عشان اسمهم خدام خدام للكنيسه و ل ربنا يبقى دورهم يلموا ولاد ربنا لحضنه لو فعلا مش بيجى يحولوا يسأله عليهم و يقربهم الخادم و الكاهن مش خادم اسم بس الخادم لازم يقوم ب وجباته و إلا مش كل الخدام و الكننة ينفع يخدمه لازم يكونوا مأهلين ل ده لان ف اخر فتره الخدام و الكهنة بقوا سبب ان الولاد ميجوش الكنيسة و هما سبب ان ف خدام بيتعملوا غلط مع الاولاد محدش بيسال مش يمكن حصل ازمة او صدمة في حياته مش يمكن مستنيك بس تهتم و تسال عليه فيفضفض باللي عنده ليك بس مستني منك بس يحس انك بتدور و بتسال عليه بس اقولك حاجة ويل لمن تاتي منه العثرات ربنا يسامحكم علي كل نفس لجأت ليكم و خذلتوها و كنت سبب عثرة ليهم

[@Marina-wl2ki]

انتي في محافظة اي

[@nerminneam842]

ممكن نهدا يا بنات اولا اى كنيسه معروف أنها بتصلى لعيالها فى الثانوية العامة حتى لو مطلبناش هى حاسه بينا وخصوصا ايام الامتحانات بس البعض بيتجنب أنه يسأل لأنهم بيبقو مفكرين أنهم ممكن يعطلونا وده عند بعض الطلبه مش بيحب يكلم حد والبعض بيبقى عايز اللى يسأل عليه وخصوصا البنات وبعدين محدش عالم بكل انسان ومتابعه ومشاغله كل واحد فى الدنيا ده ليه مشغوليات وابونا ده اكتر واحد مسئول عن الكنيسة ولازم ياخد باله منها وبعدين الانجيل قالنا أن لو صلينا احسن من نتكلم مع الناس يعنى انك تصلى لحد احسن من انك تروحى وتتكلمى معاه لأن ربنا هو اللى هيكلمه تمام فياريت منزعلش من الكنيسة وخدامها وكهنتها لأن كل واحد عنده مسىوليات فنعذرهم

[@nerminneam842]

@Mariam Malak ماشى احنا جبنا النتيجة السبت والأحد كانت بدايه العدرا واكيد عارفه اللى بيحصل في العدرا من مشغوليات معلش بس برضو لو ليكى كلام مع ابونا كنتى حاولى تكلميه أو تروحى الكنيسة تقابليه عادى

[@christeenemil2188]

@@nerminneam842 و مين قالك اني ثانوية عامة و حتي لو بتكلم علشان عندي ثانوية عامة في البيت هو الثانوية العامة بس المحتاجين افتقدات و صلوات هو ان كاهن يسال و يفتقد و يتابع ده بقي تقل و عبء ما علشان كدا الكهنوت بقي وظيفة و بدل ما يبقي اب بقوا موظفين و اللي يدفع اكتر نفتقده و نهتم بيه و السبوبة تعمل شغل عالي و نشترك في نوادي و ندخلهم امريكان ولا بريطاني علشان ابننا مايتعلمش ثانوية عامة و يتعقد من الضغط النفسي انا بس اللي قاهرني ان كنت فاكرة ابونا ده غير طلع كلهم موظفين و بيشتغلوا مش اباء كهنة بيخدموا

[@christeenemil2188]

@@Marina-wl2ki قاهرة

[@mina_s_fahmy]

😍😍😍

[@marseltadary459]

يا ابي بجد السنادي انا تعبت جداا وماما عندها السرطان وتعب ومشاكل وكنت بعافر وتذاكر بس وكنت يراجع الاجابات بعد الامتحان وقولت هجيب92 بس للاسف جبت 69 حررررررررام كدة 😓😓

[@romaroma-dh8qk]

متأثره جدا وماما كل شوية تقولي انا مكسوفة من الناس ومش باصة خالص علي زعلي اني كنت شاطرة وان صحابي جابو وانا شلت مادة

[@Dayana41982]

يا حبيبي أولا ربنا يعوضك كل خير ويسندك علشان تكملي بالنسبة لكلام والدتك هي اكيد متقصدش تضايقك اثبتيلها انك شاطرة فعلا لما تقدري تكملي❤️

[@kerolsemad2957]

يا ابونا انا مبقتش عارف اعمل ايه انا جايب 70.73% علمى رياضة و مش عارف ايه الكلية اللى ممكن الحقها

[@Marina-wl2ki]

ممكن كليات الادبي وده غير انو التنسيق منزلش لغاية دلوقتي اصلا

[@kerolsemad2957]

@@Marina-wl2ki المشكلة ان انا عايز ادخل حاسبات

[@hhhlll3643]

@@kerolsemad2957 بص ممكن تبحث عن معاهد كمبيوتر لو انت تقدر ممكن تخش كلية خاصة وتقريبا في قسم في كلية علوم يخص الكمبيوتر لو التنسيق بتاعه يناسبك. وربنا معاك ويوفقك.

[@Marina-wl2ki]

@@kerolsemad2957 عموما التنسيق لسه منزلش ويمكن ورا التاخير ده فيه خير مش قدمنا غير اننا نستنا انا بردو نفسي في حاسابات او علوم

[@erenyehab6883]

هي كلمت ( طوز) مش حرام ؟

[@nerminneam842]

الانجيل قال فليكن نعمكم نعم ولاكم لا وما زاد عن ذلك فهو من الشرير

[@يوساباسطفانوس]

الراجل بيواسينا مش اكتر نيته كويسة

[@mariumfahmy3539]

ياابونا الي غش قدامي بالسماعات جابوا اعلي مني بكتير حرفيا انا جبت ب ٨ كتب ف الماده الواحده وطالعه حاله حلو نقصت جامد بجد اول مره اندم اني عملت الصح بجد 😔😥

[@OmarAhmed-xt8oj]

ربنا يعوضهالك في حاجه احسن من كده