محمد بن جرشان ورشيد الزلامي ( سلام الله سلام يقطع الفرجة بليا شك ) المغترة 1406 هـ

[@MO-ic7pe]

مميز بن جرشان بالتسليم والترحيب والحضور واختياره للمعنى المستفز لخصمه ولحد يقدر يستفزه ومن يبدا طاروقه لين ينتهي وهو على الضغط عالي الله يحفظه ويرحم رشيد الزلامي

[@Delice3]

الله يرحمه 💔

[@AyedAlqahtani-p6e]

شاعر ما فيه حيلة ابن جرشان لكن رشيد الزلامي لعب به لعب في ذا الطاروق

[@FaiSal-r2g]

اشهد انه قهر خصمه بقوة المعني 🥴✋🍇

[@علياحمد-غ1ه7ض]

يارجال ترا الدعوى سهالات كلها كلام في كلام وكل واحد آخذ حقه وافي من الشعر ​@@FaiSal-r2g

[@F_.nmqp11]

منهو الزلامي قدام بن جرشان يمال الجنه​@@AyedAlqahtani-p6e

[@jokr4098]

ونعم يابن جرشان شاعر البقوم الأول وشاعري المفضل حفظه الله اخوك ابو عقاب الشلوي

[@fayyz99f]

ابن جرشان شاعر علم خسرته ملعبه المحاوره وهو في عز توهجه اطال الله عمره على الطاعه ورحم الله ابو جميل رحمه واسعه

[@talal_6s259]

الله يرحمك ي ابن جرشان انا اشهد انك شاعر واللي ماتهمه شهادتي مايهمني ✌🏻

[@ناجيالعطوي-ث3غ]

ونعم في عتيبه و البقوم

[@mohammed394]

ابن جرشان شاعر قوي وبيوته محبوكة ودايم يكون قاسي على الشعراء واتوقع هذا سبب ابتعاد كثير منهم عنه وامتناعهم اللعب معه

[@user-hh6ss5bt8k]

من قال ان فيه شاعر امتنع عنه

[@Ha-t]

الزلامي امتنع عن اللعب معه ورح تحصل محاورة مطلق الثبيتي وبن جرشان والثبيتي وتعرف ان رسيد امتنع عن اللعب معه واذا تبي اجيب الرابط لك جبته

[@user-hh6ss5bt8k]

@@Ha-t جب الرابط معليك امر

[@Ha-t]

@@user-hh6ss5bt8k kzbin.info/www/bejne/mXqoZ4qum7OYftU

[@user-hh6ss5bt8k]

@@Ha-t هاذي اخطاء ابن جرشان على الزلامي والزلامي يحقله مايقوم

[@faisal5383]

يا وجد روحي يا ابو جميل انشهد ان جبل وتبطي الملاعب تجيب مثله عسى الله يرحمه ويبيحه ، ولا هو قصور في ابن جرشان جعله يبطي حي ، لا هنت يا ابو خالد ابيض وجه

[@سلطان-غ6ج9ظ]

الله يرحم الزلامي وبن جرشان البقمي شعار كبار فقدتهم الساحه الشعريه

[@sauud8_]

اثنينهم قويين وشرسين فاللعب الله يرحم الزلامي ويطول بعمر ابن جرشان

[@الأستاذمحمد-ه8ل]

رحمهم الله جميعاً جرشان شاعر شرس ويعطي الملعبة جو المعركة وأبو جميل مدرسة في جميع الأساليب

[@العرماني-د9د]

الله يرحم الزلامي ويطول بعمر ابن جرشان ابداع من الشعار ومن قناه الفن

[@Bader-pn3qu]

ابن جرشان والله الصمخ 👏🏻👏🏻

[@فهدالبقمي-ي9ز]

الله يرحم رشيد الزلامي ويطول في عمر ابن جرشان وابن جرشان قاسي على الشعراء وهذا سبب ابتعادهم عنه

[@باسلالكعبيالهذلي]

سبحان الله اذا بدا الطاروق ابن جرشان من البدعة والمعنى اللي يلعب عليه تعرف انه علم من اعلام الشعر وابو جميل بحر يتلاطم (وابن جرشان ماهو جد لك عود على جدك ) الله يرحم ابو جميل ويطول عمر ابن جرشان بالصحة والعافية 🌹

[@ifgiijgfh8340]

ابن جرشان شاعر عملاق و مصيبة الله يطول بعمره ورشيد الزلامي الله يرحمه مدرسة شعرية شكرآ لفن القلطة

[@ابكوخروخر]

ابن جرشان شاعر عملاق بحر ابك الشاعر اللي يلعب ضده يقول يالله بالخراج

[@اللهمصلعلىمحمد-م1ظ]

ادعو لهم بالرحمه واموات المسلمين اجمعين

[@ahmadaldakhil3884]

أحسن لحون لحون الشاعر الكبير ابن جرشان تناسب وقفته العجيبة وابتسامته الماكرة رحمه الله ورحم العملاق رشيد الزلامي

[@shshsyuyuff9107]

الاسطوره بن جرشان 🔥

[@عمرالنصافي-د1ز]

رشيد الزلامي شاعر صعب مجاراته ولا يضيع له شي مع احد

[@هاديالهادي-م7ظ]

انشهد الله يرحمه

[@mohand227]

كل محاورته هو وابن جرشان ابن جرشان يتفوق عليه الله يرحمه ويطول عمر ابن جرشان

[@عمرالنصافي-د1ز]

@@mohand227 مالك لوى الزلامي ماحد يتفوق عليه الا شاعر واحد ويمكن ينافسه مايتفوق بس للاسف ماصار بينهم لقاء اللي هو عبدالله المسعودي +ابن جرشان ليس بند ل الزلامي انا مطلع وشاعر وناقد وماني ببعتيبي 😭

[@omarroph8469]

@@عمرالنصافي-د1ز ابن جدلان ماقال انه شاعر وانت صنفت نفسك على طول😂😂

[@mus.22]

رحمهم الله وغفرلهم وجميع موتى المسلمين

[@سعيدالأكلبي-ض9ز]

بن جرشان كان بحر هايج لكن الزلامي كان جبل ثابت، نقض أبياته ثم هاجم الله يرحمه ويمد بن جرشان بالعافية

[@سعودالاحمري-ن3خ]

الحقيقة محاوارة شعار كبار والمعنى تركيبة شعار تعليقلي

[@ابكوخروخر]

ليتك راقد تدري انهم كانو يلعبون المحاوره هذي وانت مابعد خلقت ع الحياه تقول نقض ابياته وهاجمه هههه انت تسمع بالمحاوره ولا تعرف معانيها

[@سعيدالأكلبي-ض9ز]

@@ابكوخروخر ياشين الطمير وش دخل العمر فالتحليل، والله ماكرّه الناس المحاورات الا عيناتك؛ ذلحين فكني من البربرة وعطني تحليلك يالمسعودي

[@مشعلالعتيبي-ف5ه]

صدقت هذا الكلام

[@طناخهكريزي]

@@سعيدالأكلبي-ض9ز انت اطامر وتحلل محاوره كانو يلعبونها وانت مابعد خلقت لو احلف اقول عطني معناهم اللي يلعبون عليه لينشب لسانك في جماك

[@ahmadaldakhil3884]

ابن جرشان عليه ضحكة ساحرة وماكرة في نفس الوقت ،،،، ابن جرشان والزلامي عليهم رحمة الله

[@محمدالسبيعي-ح2خ]

الله ع لبس الجاكيت في الصفوف كانت موضة رائعة

[@user-zs8vv2vh7l]

ذلحين يعني مافيه جاكيتات 😂

[@ابوعبدالله-ن4ش7ذ]

برد المغتره في الطائف

[@الشيبة-خ2ب]

يابو سيف حديده مشترك وتقول هنداوي!! أقوى شطر في المحاورة ، وهو هجاء مقذع ، غفر الله لبن جرشان .. ورحم الزلامي.

[@user-aziz_94]

☝️ بعد جات الروايه كذب شرتها على الراوي ..

[@AyedAlqahtani-p6e]

البيت والله يوم قال ، ابن جرشان ماهو جد لك عوًد على جدّتك

[@الشيبة-خ2ب]

@@AyedAlqahtani-p6e رأيك، مع أن هذا الشطر قذف وسب (مباشر)، والمباشرة ليست من الشعر، بل يحسنها كل الناس.

[@WaseemNaseer-f6p]

يارجال الكل شعار لكن البيت هذا قووووووي ورد الزلامي قوي لكن عط البيت القوي حقه​@@الشيبة-خ2ب

[@naif1-]

ابن جرشان يتماز بحسن اختيار الطروق ودائما البدايه عنده إذا بداء ممتازه وهجومي من الدرجه الاولى

[@ysah9177]

البداية تكون قوية يسويها في البيت قبل الملعبة

[@حلم-غ2ط]

@@ysah9177 والمحاوره ذي مهب ماليه عينك من اولها لتلاها وهو مبتجح ومهب شايف احد قدامه

[@طناخهكريزي]

@@ysah9177 الله يسامح بن جرشان كانه مخليك تحت الضغط ترا يجيك قايلون كذا😂

[@hygjujgyyj]

ابن جرشان البقمي عنيف وقوي جعله الجنه

[@motabmohsan3537]

الله يرحمهم جميعًا

[@محمدالحربي-ج9ك6ض]

شكراً لك يافن القلطه. 🌹🌹🌹

[@هاديالهادي-م7ظ]

رشيد رحمه الله حاله خاصه من الإبداع وابن جرشان بحر

[@ابوخلف-ر3و]

لو ان الميد ميدك كان انا مرهن على طقتك لاكن يدين غيرك تطرح الوبّال والشاوي طارووووق حامي🔥

[@FaiSal-r2g]

الصدق. انهم. عملاقه كبار. على مستوى بن جدلان. ومطلق مبدعين. ولاتنسى مطلق. وغيرهم مطلق مبدعين. في كل لعبهم ولايهون. الشاعر الكرام وعبدالله المطرفي. مبدع كلهم شغالين على الضغط العالي الله يرحمهم واموات المسلمين

[@FaiSal-r2g]

انشهد صدق لسانك🌷

[@casw-g3z]

ليتك رقدت عند امك مايبغون لك شهاده هههه اجل الزلامي وابن جرشان على مستوى ابن جدلان حطيت ابن جدلان فوقهم ههههه

[@a.h.a5416]

شعار اول افضل من التالي

[@فيصلالهذلي-ش1ذ]

الله يرحم رشيد ويعافي بن جرشان الحقيقه كانت البدايه قويه من بن جرشان وكاد يدخل الزلامي في مأزق ولكن قلب عليه في آخر الطاروق وكأن القضيه ليست محاوره بل عراك جمال مع صعوبة صدر القاف والحقيقه أن بن جرشان أخطى في حق حليمه مرضعة النبي محمد صلى الله عليه وسلم كما أشار بعض الأخوان وهذا أظعف موقفه ،،، غفر الله لنا ولهم ولجميع المسلمين

[@عبدالرحمنالعنزي-غ4ض]

@فيصل الهذلي بالعكس القاف سهل قاف الصدر حرف واحد به سكون واللي هو كْ وقاف العجز بعد سهل واللي هو اوي

[@الشامخالشامخ-ي9ط]

آمين يارب العالمين آمين يارب العالمين آمين يارب العالمين آمين يارب العالمين آمين يارب العالمين الله يسمع منك

[@مشعلالوافي-و3ع]

ماهو صعب صدر القاف بالعكس يحبونه الشعار

[@مشعلالوافي-و3ع]

@@عبدالرحمنالعنزي-غ4ض صادق القاف حلو وسهل

[@فيصلالهذلي-ش1ذ]

@@مشعلالوافي-و3ع ليس بمعنى الصعوبه لكن دائما الحرف الساكن تنتهي وجوه البيوت بدري وتأخذ القوافي في الضعف والنزول وعذا شيء معروف

[@منالناس-ط8ج]

رحمهم الله واسكنهم فسيح جناته

[@kh.8884]

- رشيد الزلامي اذا غضب لايستطيع اي شاعر غلبه لا ف المعنى ولا القاف ولا اللحن وردوده تاتي بسرعه الله يرحمك يابو جميل فعللااً اتق شر الحليم اذا غضب

[@bajoelepidermism3680]

هههههههه لا والله ابو جميل وضعه بهالمحاوره صعب الله يرحمه

[@turkialbadr1097]

ولا حتى في مضاربه 😏😏😏

[@هاديالهادي-م7ظ]

@@bajoelepidermism3680 بالعكس اختلف معك رشيد كان ينقض الأبيات بقوه وقلب الطاوله على بن جرشان رحم الله رشيد والله يمتع بن جرشان بالصحه والعافيه

[@الكويت-ج7ز]

رشيد خطير وصعب جدا

[@حلم-غ2ط]

شكلك تشوف شي محد يشوفه غيرك 😂

[@saad0tb1]

وانا ويش اتحصل من كلامن خالي المبرك بعد ما سرحت مدهول الرسايم ليش جاء ضاوي اللهم ارحم عبدك رشيد الزلامي اللهم نور له قبره وآنس وحشته 💔

[@tg8068]

مدهون*

[@منسهومالمنايا911]

الله يرحمه ويغفرله

[@فهد-م7ي]

وش معنى مدهون الرسايم

[@rajeh0]

وش معنى خالي المبرك

[@sankib0]

@@rajeh0يعني كلام فاضي مافيه بركه

[@مهديحسين-س2ج]

الزمن الجميل

[@abumohmad367]

الله يرحمهم ويتجاوز عنهم

[@amir202012]

تفوق واضح لابن جرشان .. ورحم الله رشيد الزلامي .

[@مشعلالعتيبي-ف5ه]

وين التفوق الزلامي نقض معناه من اول بيت وقام يعيد ابن جرشان

[@hygjujgyyj]

صح

[@دخيلاللهمتعبالبلوي]

الله يرحم رشيد ويمد بن جرشان بالعافيه

[@دخيلالله-ه9ك]

الله يرحم الميت ويعافي الحي

[@turki09alarj55]

ابن جرشان الله يرحمه قوي

[@abdullahonly1279]

رشيد اللي يبي ياخذ على مالي وماله صك ، هنا بداية المعنى ، عميق ابن جرشان لكن طاح في ابو جميل ماهوب حي الله

[@excusemehd4434]

انشششششهد

[@ابومشعل-ت1ك]

والله ماتدري هذي اسوأ محاوره لرشيد مسكين فيها ماتخارج عزالله

[@hygjujgyyj]

الله يرحهم جميع لكن ابن جرشان تفوق بكثير فهالمحاوره

[@AL-OTaibi-511]

يمال الجنة يابو جميل

[@سيفالاسلامالقحطاني-ذ9ث]

لله درك يابن جرشان هتلر المحاورات

[@ggggdcutv1200]

الله. يرحم. رشيدالزلامي. واموات.المسلمين اويعطيه.العافيه.ابن.جرشان كولهم.شوعارعمالقه. القاف. هاذاصعب. لاكن. رشيدشاعر

[@أبوفهد-ش3ص]

الله يرحم رشيد جمع الاماره والرجولة والجاه وقوة الشعر وشيخة ربعه

[@الاسدالحربي-س6ت]

اكثر اتعليقات مدح او سب في الشعار وهذاء دليل الجهل في معاني ومقاصد الشعر العربي المحاوره

[@kld515.]

القاف صعب الله يرحم رشيد ويعافي بن جرشان لكن تعامل معه معاملة العملاق رشيد ومثل هالقوافي هي المحك الحقيقي لشاعر

[@عبداللهالعتيبي-س4ن]

يا الربع سوال قد مر عليكم سريع البديه مثل رشيد

[@rd8260]

على أنهم شعار عمالقة واسماء كبيرة لكن قاف هزل ، ابن جرشان وضح معناه بقوة كانه مبتدي مايعرف يركب بيتين ، ورشيد الزلامي شطح عن موضوع ابن جرشان يوم يقول ( ابن جرشان ماهو جدك ) وبعدها اخطى ابن جرشان بحق مرضعة الرسول حليمة رحم الله رشيد واطال بعمر ابن جرشان

[@عبدالرحمنالعنزي-غ4ض]

R D@ ابن جرشان مات؟؟؟؟؟

[@سَنَدالعتيبي-ج2خ]

للأسف بسبب سوء اخلاق بن جرشان صار اي شاعر يتوقع من الردية

[@rd8260]

@بـــرنـــس الهـــ الغبـيـوي ــيـلا الشاعر محمذ ابن جرشان هذا اسمه الفني بالمحاورة نسبه لشيخ البقوم ويقال انه لقب بهاللقب لانه يجرش الشعار والله اعلم

[@rd8260]

@@عبدالرحمنالعنزي-غ4ض عدلت التعليق الله يطول بعمره ويرحم رشيد

[@rd8260]

@@سَنَدالعتيبي-ج2خ ابن جرشان عايش وضع انه محارب من عتيبة لانه بقمي لكن فيصل الرياحي جاء بعده وخاوى شعار عتيبة ولا حاربوه بل سطع نجمه بمحاوراته معهم، ابن جرشان صحيح معانيه غير نظيفة لكنه شرس جداً وشاعر عملاق تركيب ومعنى مايقل عن الاسماء الموجود بالمغترة

[@mkidldu6385]

صرحه بن جرشان شاعر كبير وهجومي

[@محمدالعتيبي-م3د6ل]

أخطأ بن جرشان في ذكر حليمه. لأنها ام النبي صلى الله عليه وسلم

[@عبداللهالدوسي-ر4ث]

صدقت .. الله يسامحه

[@user-ww2tg2lb2f]

ماهي حليمة ام النبي المقصوده

[@محمدالعتيبي-م3د6ل]

@@user-ww2tg2lb2f منهي حليمة أجل

[@منسهومالمنايا911]

المعنى في بطن الشاعر وهذا حال القلطة يرمز لشي والمعنى شي

[@محمدالعتيبي-م3د6ل]

@@منسهومالمنايا911 أجل سب عمر بن الخطاب وقل المعنى في بطن الشاعر لا تدافع عن الغلط بالغلط

[@جوادالحوزي]

ابن جرشان والزلامي في برج عالي الله على الصمخ

[@ابوعزّااام]

الزلامي الله يرحمه لاينفع مع اللعب بمجابهة..

[@ابومشعل-ت1ك]

بن جرشان افضل من يسلم في المحاورات سلامه جزل ولا يخلو من المعنى ،، ابن جرشان مدرسه لحاله،، بن جرشان يقول. بيوته وهو يضحك والزلامي اختلف صوته من الزعل ياكبر الفرق بينهم رحم الله الزلامي واطال بعمر بن جرشان

[@أبوغزوىالعتيبي-ر6ح]

أول واستمر.

[@FXF557]

نقاش حول الموضع من ابن جرشان كالعادة والقوافي عسرتهم عسر (خلف هذال وشليويح المطيري وابن جرشان) كثير من ملاعبهم لو تلاحضوا يتعمدوا القوافي الصعبه وهذا من باب الثقافة وسعة المعرفة وفردها بينهم .

[@مشعلالوافي-و3ع]

لا تظلم حظك مايقارن ابن جرشان بخلف وشلويح

[@FXF557]

@@مشعلالوافي-و3ع ليه وش هو السبب برايك؟

[@ضيفاللهالزوايده-د6ز]

@@مشعلالوافي-و3ع ابن جرشان اقوى

[@user-hh6ss5bt8k]

@@مشعلالوافي-و3ع بالعكس خلف بن هذال شاعريته أقوى من ابن جرشان واقوافيه أقوى ولا يخطي بلقافيه مثل ابن جرشان وشليويح مافيه مثله في النقض لاتهضم حق الريجيل عشان تمدح ولد عمك

[@user-aziz_94]

توفى رشيد مالقى خصمه الله يرحمه

[@naif1-]

من قال هذا الكلام... سوار الذهب اقوي منه وحبيب ند له وصياف اقوي منه

[@user-aziz_94]

@@naif1- سوار ذهب لم اصل الى ماوصل له رشيد الزلامي

[@هاديالهادي-م7ظ]

@@naif1- لا ياعزيزي رشيد أقوى من سوار الذهب ومن حبيب وصياف ورشيد نجوم الصف الأول في المحاوره بلا شك

[@nayefal-thaqafi8975]

شاعر كبير لو خلاه يمكن نسمع حاجات كثير بس بعده عن المغتره

[@قاصدخيرا-ن9غ]

ليت المسعودي رحمه الله لحق على المغترة

[@abo.ariyadh9561]

ياابو فهد ترانا باجازة تكفى نبي محاورات ونوادر وانت تحري بها

[@الحربي-ص7م]

وش معنى العنقاوي؟

[@FaiSal-r2g]

بن حرشان. داهيه زمانه❤

[@متذوق-ذ7ظ]

جعل رشيد وابن جرشان للجنه ف المحاوره هاذي كان عمر رشيد ٦١

[@نايفا-ه1ذ]

ابن جرشان اعظم من قال خلوها ولا يهون الزلامي

[@abonaif628]

بن جرشان : سلامَ الله سلامٍ يقطع الفِرجه بِلَيّا شَكّ وانا عارف عتيبه تنقِسِم روقي وبرقاوي رشيد اللّي يبى ياخذ على مالي وماله صَكّ اَبَى انقِض حِجّتِه ما دامِ لا يرحَم ولا ياوي الزلامي : هلا يا مرحبا والنّاس اَحَد يبكي وَ اَحَد يضحك انا اعرِف نِيّتِك وابغَيكِ تعرف ويش انا ناوي انا خابر جِسَدك اِصحِيح ما انتِ بَ اجرِبٍ تِحتكّ لكنّ اِِن كانِ في صدرك علوم الدّربِ مِتساوي بن جرشان : تقُولَه وانتِ حَبلك لو عَقَدتّه باليِدَينِ اِيفَكّ لكنّ الله يعجّل بالفرج ويعَدّل الغاوي نسَيتِ اِنّك غزيت اهل الكويت ولا عطَوك اِفرَنك وذالحِينه تعزوى بالعرب وانته فرنساوي الزلامي : انا ويش اتحَصّل من كلامٍ خاليَ المَبرَكّ بعَد سرّحتِ مدهون الرّسايم ليش جا ضاوي اِبِن جرشان ما هو جَدّ لِك عَوّد على جَدّتك وجدّتك القديمه تِشتِري لِك ثوب وِعقاوي بن جرشان : يا ريض اخطاك مع غيري وانا لِمسابَقي ما اسبقكّ يا بو سيفٍ حِديدٍ مشترك وتقول هِنداوي وابن جرشان طيبه طيبنا لا تختلف مشيتك ولالي جَدّةٍ تدعى حليمه نجمها هاوي الزلامي : لِيَا اعطيناك بالمليون ما تقنع تبي لك لَكّ بعد جات الروايه كذب شرهتها على الرّاوي صحيح اِنّك عدو القوم لو ما كذّبت بندقك اكَلك الذّيب في قطع الخلا وَاَ ذيبِكَ الغاوي بن جرشان : نويت اللّيله اَفتكّك على خَطّ المنايا سَكّ ما هي بعلومكَ اللّي جابها حربي وعنقاوي لو انّ المجد مجدك كان انا مِرهٍ على طَقّتك لكنّ اِيدَينِ غيرك تطرح الوَبّالِ والشّاوي الزلامي : اَشِيلَ الحِملِ في ظهر الجِمَل مير البعيرِ رَكّ وما هي خاتمة شَيلي وحَطّي والجِمَل ثاوي تبي تصبر على صَكّاتِ بقعا والرّحَل يلحَقكّ وانا لي صَنعةٍ ما جابها هندي ولا جاوي بن جرشان : لو اِنّ العِلمِ عِلمي كانِ دَكّينا بيوتك دَكّ ولا ارُوح اشتكي مِثلِك على هندي وغزّاوي تِشِيل الحِملِ وتحِطّه ولي مِلّه ولِك مِلّك وبكره شُوف من يصبِح عليه الحِملِ مِتساوي الزلامي : اشُوفك نافخ ذِربك على العربان وش حضرتك تبي لك خنقةٍ من عقبها ترتاحِ وتخاوي

[@FUN-ALQALTAH]

اليوم يبو نايف مجتهد 😀 ثلاث محاورات اللي كتبتها

[@abonaif628]

@@FUN-ALQALTAH *قل ما شاء الله لا تنمسح* 😂😂

[@abonaif628]

*برجع لتعديلها*

[@FUN-ALQALTAH]

هههههههههههههههه 😂

[@abonaif628]

*يقول الزلامي وجدتك القديمه تشتري لك ثوب وعقالي* !! ^ *هنا تغيير في القافية وكتبتها و (عباوي) بدل (عقالي)* ^ *يمكن السماع عندي غلط* ^^ *واستغربت حتى الصفوف والشاعر المقابل لم ينتبهوا لكلمة عقالي* ^^

[@معيضالحبابي-ش7ز]

شعراء لهم مكانتهم

[@iAbdulKarim511]

@@3bdulllah961 لا بقمي

[@mohand227]

@@3bdulllah961 لا البقمي

[@الأجدل-س3ق]

رشيد خصم صعب الله يرحمه ويغفرله

[@Sayaf_Alharbi]

الأحد الموافق ١٤٤٤/٧/٧ه‍ـ وفاة الشاعر العملاق محمد ابن جرشان اللهم ارحم محمد بن جرشان ورشيد الزلامي واجعل جنة الفردوس داراً ومستقراً لهم. وإنا لله وإن إليه لراجعون.

[@محمدالعتيبي-ج1ل1خ]

الله يرحمه ويغفر له ويسكنه فسيح جناته

[@mdnfc2736]

برأيي الطاروق هذا وطاروق مستور وصياف (يوم جردنا السيوف المستسنة ) تفوز بأفضل طواريق مغترة 1406

[@سلطانالبقمي-ص6ض]

@@تاريخالقلطة وين الطاروق

[@aassaass9701]

انشهد انه مصيبه ابن جرشان ولايهون رشيد الله يرحمة

[@casw-g3z]

معناهم فوق ورشيد المقصود ليس رشيد الزلامي

[@aah2765]

لو ان الميد ميدك كان انا مرهيٍ على طقتك لكن يدين غيرك تذبح الوبال والشاوي

[@sassas1065]

محاورة عمالقة لكن توفق ابن جرشان وتفوق بهذا الطاروق والله يرحم أبو جميل شاعر هجومي شرس لكن ابن جرشان قليل من يتفوق عليه وواضح انه عارف موضوع رشيد في الكويت ووظفه في المحاورة (نسيت انك غزيت أهل الكويت ولا عطوك فرنك وهالحين تعزوى ف العرب وأنته فرنساوي) وحاول أبو جميل الضغط عليه في (ابن جرشان ماهو جد لك عود على جدتك...إلخ) لكنه خارج روحه بذكاء(ابن جرشان طيبه طيبنا لا تختلف مشيتك) على عكس الزلامي ما أرى انه وفق في نقض بيت ابن جرشان حتى ابن جرشان ضحك وقال (ياريض أخطاك مع غيري وأنا ...إلخ) يعني انك تصعب على غيري لكن ماتصعب علي . هذا غير تراكيبه ومفردات بيوته العجيبه فعلاً ابن شاعر مختلف لكن صياف الله يرحمه تفوق عليه بعدة طواريق وخلف للأمانة بطاروق واحد في المغتره (على اللي سمعته )لكنه تفوق على خلف بعدة طواريق ليته تقابل مع المسعودي رحمة الله عليه كان شفنا محاورة قوية ونارية

[@ggggdcutv1200]

شوف. اصفوف. الرجاحيل. الي. يقدرون ماهي. اصفوف. الورعنه.. والمهسترين

[@يوسف-ج8ذ]

انشهد انك صادق ما عاد فيه الا وراعين يتراقصون كأنهم ورعان يلعبون في مراجيح

[@MB-mw4vt]

الزملاء الذين شغلوا أنفسهم بمهمة التحكيم ليتهم حاولوا الاستمتاع بالمحاورة وفهمها وتركوا المسارعة لتنصيب أنفسهم قضاة بين اثنين رحلا دون يحتكما هنا. الاحتشاد الكروي خلف كل شاعر ليس له قيمة حتى ممن لديهم خبرة في التحكيم.

[@abonaif628]

*رحل أبو جميل وبقي أبو سعد بالفعل الجميل* ^ *التحكيم هنا غير سويّ والسبب هو النظر فقط في آخر الاسم* ^ *صراع اللسان ما بين الحجاز والحرّة سيستمر ويستمر لأن لديهم الفصاحة في دفن الحرف قبل تكفينه وحتى الصلاة عليه* ^ *نحن مستمتعون بذلك وتحق لنا الفُرجة* ^

[@حسنالميموني-ش9ل]

هذا والله الشعر اللي له سنع ماهو الخبال اللي غثونا به هالحين

[@الناطقبالحق-ش3ر]

حتى الاولين عندهم خبال والتالين مثلهم فيهم اللي شعره من الوزن الثقيل وفيهم اللي على قولتك خبال واللي يبي الجزل يلقاه واللي يبي الهزل يلقاه

[@حسنالميموني-ش9ل]

@@الناطقبالحق-ش3ر لاوالله منول ماهو واجد الخبال نادر تلقى قاف خبال

[@سلمان-ج1ش]

@@حسنالميموني-ش9ل الا واجد

[@محمدالحربي-ج9ك6ض]

ياناس الصفوف منول تشجعك وتحمسك انك تسمع. اما الي هالحين غادلهم صياح ومناقز تقل سكارا

[@صقرالعروبه-غ2ق]

@@محمدالحربي-ج9ك6ض عزالله هذا الصحيح ان الصفوف القديمه ركاده ومتذوقين للشعر احيان يكملون البيت قبل لا ينهيه الشاعر اما الحين هطبله وتحزب وتلقى بهم اللي يهز بعد

[@harbimkify]

ودي اعرف من يقصد رشيد في الذيب الي تعشى ابن جرشان ؟. وكان رد ابن جرشان ان هذا داهيه .؟ فمن المقصود ومن هذا الشاعر

[@na-ix3ej]

ابن جرشان من ثاني بيت صار ينقض وكرر القافية

[@shshsyuyuff9107]

ثاني بيت لابن جرشان نسيت انك غزيت اهل الكويت ولاعطوك فرنك وهالحينه تعزوى بالعرب وانته فرنساوي يقصد مشكلة رشيد مع الحكومه وقصيدته بالملك فهد عشان يعفون عنه وين رجع ينقض!! وش عاد اقوا من هالفتل !! 😂😂😂😂😂

[@honestboy911]

في نظري أن الدركتر (سفر الدغيلبي) هو نسخة مصغرة من ابن جرشان رحمه الله مع اختلاف رفعة أسلوب ابن جرشان بالمعاني وبالشخصية ..

[@honestboy911]

@@dhyvt والله عاد ذا رأيي ولا سبيت احد .. شكلك صغير أو شايل على الدركتر من محاورة.

[@صقرالعروبه-غ2ق]

ابن جرشان أفضل

[@nader312879]

يافن القلطه ارجو انك تلغي خاصية التعليقات نظرا لتفلسف اكثر المعلقين وعدم فهمهم وعنصريتهم واما اللي بيدعي لاحد يدعي له وبينه وبين الله. الا ابونايف اوواللي يكتب الابيات نزل تعليقه

[@رفيعالمقام2]

كل واحد منشود عن كلامه عند ربه لا تخاف

[@FUN-ALQALTAH]

اشكر لكم حرصكم، وللتو حذفت اريعة تعليقات مسيئة، وعتيبة والبقوم وسائر القبائل والعوائل الكريمة أكبر وأجل من كل إساءة

[@waelalqurashi1449]

@@FUN-ALQALTAH تشكرون على التفاعل والمتابعة وتعطيل ميزة التعليقات يفقدنا المشاركات الي فيها اثراء ولاتنقص في الاهمية عن المحاورة نفسها

[@abdallahsaad5981]

رشيد اللي يبا ياخذ على مالي وماله صك.....ابنقض حجته مادام لا يرحم ولا ياوي معنى عميق جدا مشيخه ابن حميد ومشيخه الزلامي

[@AyedAlqahtani-p6e]

أنا خابر جسدك صحيح مانته باجربً تحتك .. يعني ايش دخلك بين عتيبة بين بعض اشهد ان رشيد شاعر عتيبة بلا منازع على الرغم من حرب شعراء عتيبة له بشهادة لسانه

[@تركي-ق7ع]

ياسلام محاوره ممتعه عمالقه وكبار .. رحم الله الزلامي واطال عمر بن جرشان على الطاعه ارى بن جرشان جزل وواثق في هذا الطاروق : : ( هل قال الزلامي ) وجدتك القديمه تشتري لك ثوب (وعقالي او عقاوي او عباوي) لو قال عقالي اخلف القافيه ولو قال عباوي تعتبر صح ولو قال عقاوي يقصد العقال عسف حتى ان الصف بعظهم شلها ب عقالي ورد بن جرشان وقال وبن جرشان طيبه طيبنا ... ( لاتختلف مشيتك )

[@things_2020]

حليمة نجمها هاوي وهي مرضعة الرسول! الافلاس مشكلة رحم الله الجميع

[@sfbbx381]

حليمه تطلق ع قبيلة عتيبه يقول احد الشعراء من قحطان اعتقد يقاله ابن جروان في احد قصايده سقنا حليمه لين جاو الحره

[@things_2020]

كلما فشل شاعر قالوا العتبان حاربوه بينما كل الشعراء التقليد المشتهرين اشتهروا باسم عتيبة

[@user-aziz_94]

رشيد عملاق وابن جرشان ليس ند له الله يرحمهم

[@الأستاذمحمد-ه8ل]

بالعكس الزلامي هو الذي ليس نداً لابن جرشان

[@user-aziz_94]

@@الأستاذمحمد-ه8ل غير صحيح والله اني ماني عتيبي لكن الحق ينقال بن جرشان ليس ف مستوى الزلامي

[@ابومشعل-ت1ك]

الله يرحم بن جرشان

[@عبداللهالبقمي-ل7ث]

ههههههه الربع الي يعلقون يسبون ابن جرشان والزلامي كلان يجيب من راسه موضوع المحاوره حول إمارة رشيد الزلامي الي خذوها بني عمه وراح الكويت ورشيد يقول انت منت ابن جرشان شيخ البقوم

[@hygjujgyyj]

ابن جرشان لقب ماهو اسم لانه يجرش الشعار وابن جرشان الحقيقي هو زعيم البقوم وفارسها الشيخ رشيد بن جرشان الكريزي البقمي امير الكرزان البقوم في الجاهليه له تاريخ كبير ومرابط الخيل عنده وهاذا اللي يقصده الزلامي الله يرحمه

[@محمدالعتيبي-و5د2ف]

ابن جرشان ماهو جد لك عود على جدتك وجدتك القديمه تشتري بشت وعباوي

[@ابوصقر-ح6ث5ج]

بن جرشان شاعر ومن اقضل شعار الجزيرة لكن الله يسامح الي حاربوه حتى عيفوة بالمحاوره كلها ( شعار العتبان ) وخاصة مستور رحمة الله حتى شككو في اصلة حتى ان صياف الله يرحمة انذرة في ملعبة من الملاعب ان لازم تودع المحاورات الي فيها يقول بن جرشان غشوك الي العام عطوك واد الرشا لكن سامحهم الله ماتو كلهم

[@محمدمحمد-ص4د6م]

مايستشك في اصله الا ردي الاصل لكن ابن جرشان والله ثم والله ماضرب حساب للي قدامه صمخ بيوت .لكن انت يالضعيف مشكوك في اصلك يالهتيمي ابن الهتيميه .

[@ابوصقر-ح6ث5ج]

@@محمدمحمد-ص4د6م الهتيمي انت وبوك وجدك انصل ابن اصل ونا ماقلت بأصل محمد بن جرشان شي محمد بن جرشان بقمي اصل وفصل ومن شجرة طيبة شف وضعك

[@Mazin_otb]

متى حاربوه؟

[@محمدالعتيبي-و5د2ف]

قوي ابن جرشان الله يرحمه بس خانه التوفيق بحتكاكه بمستور

[@معتصمبالله-غ4ب]

القافية راحت كلها برمواوي وغزاوي وهنداوي وجاوي وبرقاوي ماش

[@ابوعبدالله-ن4ش7ذ]

حليمه نجمها هاوي والله انت الهاوي الغاوي الشعراء يتبعهم الغاون

[@ابوسعدال-ض4ي]

هجوم شرس من بن جرشان

[@hygjujgyyj]

وش يقصد ب حليمه

[@Omar305o]

يقصد حليمه

[@An-sg7nn]

مايجوز نشر مقاطع فيها استهزاء بحليمه مرضعه الرسول صلى الله عليه وسلم

[@ابنالبلد-ب3ي]

عطوك فرنك ؟؟؟؟؟؟؟؟

[@بدرالمطيري-ز1ن]

الفرنك احد العملات المشهوره

[@ابنالبلد-ب3ي]

@@بدرالمطيري-ز1ن انا عارف انه يقصد العمله المعروفه بس كنت استغرب انه غير الوقفه قبل لااتابع المحاوره كانله بس تابعت المحاوره اكتشفت انها وقفتهم الاولى تغيرت ثلاث مرات هههههههههه اول وقفه اك ثم انك ثم اتك هههههههه خبصوها خبص

[@بدرالمطيري-ز1ن]

@@ابنالبلد-ب3ي انت تلومهم زين اللي ماجابوا تيك توك 🤣🤣

[@ابنالبلد-ب3ي]

@@بدرالمطيري-ز1ن 😂😂😂😂😂

[@فهد-م7ي]

@@ابنالبلد-ب3ي يا شين اللي ما يعرف في الشعر وحاطن عمره فاهم . . القافيه على حرف ( ك ) ما هو شرط انك تلتزم بما قبلها من حرف علاك باخر حرف اللي هو الكاف زي قافيه اص تقص فص نقص زي كذا

[@abo.ariyadh9561]

الزلامي ابن جرشان ماهو جد لك عوّد على جدتك ابن جرشان ياابو سيفٍ حديده (( مشترك )) وتقول هنداوي . رغم ان المعنى خزي وعار وكلّن هرش من الثاني لكن ليت شعراء الطقم الصيني الحين يتعلمون مايصرحون مثل محمد العازمي والرياحي ، وبالأخير ابن جرشان ورشيد اخوان ولعبوا مع بعض للوناسة وتغيير المزاج وتونيس الجمهور

[@مشعلالوافي-و3ع]

هذولاء رياجيل ماهم ورعان يلعبهم خشم الريال

[@منسهومالمنايا911]

المعنى خزي وعار؟؟ وضح لنا فهمك

[@هديب-س3ع]

بيت ابن جرشان اللي كتبته قوي معناه بس مدفون مثل ماقلت صدقت

[@ABAB-br4zr]

حقيقة بعيدا عن العنصرية ابن جرشان شاااااعر جزل جدا وحبك وسبك وسلالسة وعذوبة في تركيب البيوت غير طبيعية ويجيد فن استفزاز الخصم لكن بلا حجه والشاهد هذه المحاورة مع رشيد من يوم ما قال رشيد ابن جرشان مو جدك عود على جدتك ضاعت حجة ابن جرشان ولا قدر يخصم رشيد انما استمر في استفزازه فقط حتى سقط سقطة شنيعة لما فال عن حليمة مرضعة التبي صلى الله عليه وسلم نجمها هاوي؟!!!! وهذه سقطة شنيعة جدا في المعنى وضعف حجك وفي ظني رشيد انهى المحاورة من بيته السابقة بالضربة القاضية. ومثلها محاورته مع صياف في نفس الحفلة الا يقول فيها صياف يشيبون الاوادم والبقوم انا مشيبها صياف في ذيك المحاورة كان يصرف في كل بيت ذهب صافي عيار ٢٤ قيراط وضيع الن جرشان ضياع