محمد جباره / تراب بلدي/ كلمات السر عثمان الطيب

كلمات المبدع/ السر عثمان الطيب
أداء الفنان: محمد جبارة
e.top4top.net/...
وا مغستي رحل تلوت الليل
شقاوتي رحل تلوت الليل
مسالكي ضلمه ما بتنشق
سكت روح نويرة الفرقة
جوة الجوف تسوي البق
مشيت لا زاد أشيلو معاي
ولا زولاً معا اترفق
لما بقيت مفارق الدار
نجيم الليل مشي إتفرق
بكيت و بكيت طريف العين متمسح
و بالدموع رقرق
اسوى الوووب نحاس احزانى
جوه قليبى ينقر دق
يلوعنى يوهدبنى
و اخاف من المصير واشفق
اوادع الناس افوت مجبور
يجيني نغيم من الطنبور
اشوفلي جني وقف صفق ينط لا فوق
يطير يندق واطير واندق
وادنقر فوق تراب بلدي
أخم بي إيدي في رحلي
اقول يا ليل افارق الدار
اجر فوق الوداع مسدار
ادخل إيدي في رحلي
تراباً فيهو تسوى الكون
تراب اهلى..تراب اهلى
بشم طيبة اهلي منو
تفوح ترد الروح
عويناتن تلوح وتلوح
انين الساقي لما تنوح
حسيس البربخ المفتوح
عراريقن طواقيهن
طواريهن سواقيهن
واشيل من زادي واتكرف
واشوف فيك يا تراب اهلى
الحنين المابي يتوصف
اشوف فيك صورة ماب تنشاف
واشم ريحة الكُليت والشاف
بنات بلدي... بنات بلدي
رقيصاتن... شبابيلن
طريحاتن... مناديلن
سماح ناساً حلاة ناساً بلا السكر
طعم قراصه في قدحاً من الدبكر
كواريك شفع المغرب
يقلبوا في الجمر قنقر
ولاد بلدي يا ناس... ولاد بلدى
جبابيدن سنانيرن
نقاقيرن طنابيرن
وافوت يا ناسي في دربي
أقول يا أهلى واغلبي
خلاص ريدكن ملك قلبي
منو الغيركن بشيل حبي...
وا عذابي رحل تلوت
وا كِتِلتي رحل تلوت الليل
وا شقاوتي رحل تلوت الليل
وا مغستي رحل تلوت الليل

[@معتزخالد-ذ4ض]

❤أستاذي المفضل ❤كن بخير

[@omniamagdi4637]

ياسلاااااام بجد قمه الرووووعه حروف تحمل في طيتاتها حنينه الطمبور بسيطه تخاطب الوجدان تحمل اجمل معاني الطيبه السودانيه وتراثنا المتفرد التحيه للفنان القامه محمد جبا ره

[@taeigfhaki1052]

السلام عليكم ورحمة الله .قمة الابداع تحياتي الي عاصمة الإبداع المقل الحبيبة من سلطنة عمان

[@سليمانالحجبرالمنصوري]

ود جباره ي سلام ياخي تسلم الحنجره الذهبيه

[@taeigfhaki1052]

وامغستي رحل تلوت الليل من بطون اللهجة الشايقية ومعبرة جدا ...

[@omerkerberos]

بنات بلدي يا ناس رقيصاتن شبابلين مناديلن

[@abdullahalnaqar357]

وامغستي رحل تلوت الليل 😂😂😂😂😂

[@omerhmad-l8h]

تراب بلدي للرائع . . . السر عثمان الطيب . . . وغناء عندليب القرقير والحجير محمد جباره . . . كلمات القصيده . . . ============== مَغَستي.. رحل تِلُوت الليل... شقاوتي... رحل تلوت الليل... مسالكي ضُلُمة ماب تنشَق.. سكت روَّح.. نويرةَ الفُرقة.. جوة الجوف تسوي البق. مشيت.. لا زاد أشيلو معاي ولا زولاً... مع اترفَّق ولما خلاص بقيت ماااارق.. نجيم الليل مشى اتفرق بيكت.. وبكيت.. طريف العين متمسح بالدموع رقرق عشان مظلوم... زماني الليلي شتَّت.. للشمل فرَّق بسوي الووب.. نحاس أحزاني جوة قليبي... ينقر.. دق.. يوهدبني.. يلوِّعني.. واخاف من المصير واشفق اوادع الناس.. وافوت مجبور.. يجيني نغيم.. من الطنبور.. اشوفلِي جِنّيْ.. وقف صفَّق ينُط لا فوق... يطير يندَق.. واطير واندَق وادنقِر فوق تراب بلدي... أخُم بي إيدي في رحلي.. أقول يا ليل وافارق الدار... أجر فوق الوداع مسدار... أنوني .. أنوني... شاق الواح.. محال ارتاح.. أدخِّل إيدي في رحلي... تُراباً فيهو تسوَى الكون.. تراب بلدي... أشيل منُّو.. أشم وارتاح.. أشم طيبةَ أهلي.. مِنُّو تفوح.. ترد الروح عيوناتُن تلوح.. وتلوح عراريقُن.. طواقيهُن.. طواريهُن.. سواقيهُن.. أنين الساقي لما تنوح.. حسيس البربَخ المفتوح.. ........................... واعاين يا تراب بلدي... أشوف فيك صورة ماب تنشاف واشم ريحة الكُليت والشاف بنات بلدي.. بنات بلدي... طريحاتِن.. مناديلِن... رقيصاتِن.. شبابيلِن... حليلي.. حليلي... يحليلِن.. ............................ واشيل من زادي واتكرَّف واشوف فيك... يا تراب بلدي الحنين المابي يتوصَّف سماح ناساً حلاة ناساً بلا السُكَّر.. طعم قراصة.. في قدحاً من الدَّبْكَر كواريك شُفَّع المغرب يقَلِّبوا في الجَّمر قنقَر.. ولاد بلدي.. ولاد بلدي... نقاقيرُن.. طنابيرُن... جبابيدُن... سنانيرُن... ........................... وافوت يا ناسي في دربي أقول يا أهلي واااغُلبي. خلاص ريدكُن ملك قلبي منو الغيرْكُن بشيل حبي...

[@sudaniaayadsagiron2062]

بنت،بلدى،،التوب،كلام،زى،سكر،كنان،فى،الشاي،المقن،لون،زى،عصير،المق،فى،الجوف

[@osmanalajmi2702]

عندليب المقل