Рет қаралды 70,145
الليل التاني
- كلمات : عمر عثمان
- ألحان : عبد العظيم منصور
- أداء : محمد النصري
- إيقاع : خالد دقدق
* تم التسجيل و المكساج بأستوديوهات البروف بواسطة مهندس الصوت بيتر.
*رابط التحميل
www.mediafire.c...
****
- النص :
من يوم رُحت من عينيهو ..
راح نور السعادة .. وغاب
حياتي ضُلُمَّة من غيرو ..
حياتي أسى وجحيم وعذاب
***
سمايا الكان معاك صافي .. يضاحِك قمرو فيهو سحاب
شايفو الليلة عكران توبو .. من لَفح السَموم وضباب
لا نجمات يَضوِّن فيهو .. يندلِّن يَجنِّي قُراب
لا قمراً مِتل محياكَ .. ألهمو خاطري سافر وجاب
***
تراهو الليل صِبِح ساعات .. بِقَنْ للذكريات مِحراب
أقضيهن حزين سرحان .. أتوه في دْنية الأحباب
يطول بِي الليل وسهر الليل .. والنوم فارق الأهداب
حاير فكري .. طايش عقلي .. بالجن والهُموم إنصاب
***
سألتو وقُتلو ياااا ها الليل ..
يالمسخوت بقيتَ خَراب ؟!
ياكَ الكُت زمان بتجينا .. ولا ظَهَرّ جديد ياداب ؟؟
زمن كُنا بنناديلَك .. وكِت ضو الشمس راح غاب
نسافر فيك أنا وزولي ... ضلامك لليشوفنا حِجاب
****
نقولك يلا بينا امتدّ .. ويادوب القُعاد فيك طاب
تروح يا ليل تخلينا .. ضلامك في دقايق ذاب
كأنك لا بقيت لا جيت .. لا في الساعة ليك حساب
اتغيرتَ ليه يا ليلي ؟ قول لي بس شنو الأسباب ؟
***
إنت مع الصباح زعلان ؟.. وبيناتكم خِصام وعِتاب ؟
ولا تكون غريب زي أحوالي ؟ والاتنين بقينا اغراب ؟
ولا تكون عشاني حزين ؟ .. عشان حظي الخذلني وخاب !
قول يا ليلي .. قول ريحني .. قول والحقني بالجواب ..
***
كرهت رُقادي ، مليت فرشي .. زي شُوكْ قَدد الأجناب
وياما بنيتَ من آمال .. راحن في النهاية سراب
ياما دعيتَ واتمنيتَ .. ويا ريت لو دعايا مُجاب
عجلات الزمن تسرع بي .. لل فِي بُعدو راسي انا شاب ..
***