ماشاءالله تبارك الله ريفيوه عن بوتجازي الجديدبريميم جراندشيف حاجه كداوهم ربنا يرزقناخيره ويكفيناشره

[@مملكتيمععائلتي-ك6و]

ياجماعة بتوجاز زي الزفت اوعو تشتروه نهائي اقسم باله أنا عايشه سنه ودخله في السنه التانيه في مرار تافح بين عيوبه ومشاكله والصيانه وخدمه المستهلك ومازال البوتجاز مركون عندي من غير باب والحساسات بتعته بايظه ومش شغال الشوايه نهائي زي الزفت اقسم بالله 😔😡

[@يومياتاسرةمنالصعيدالجوانى]

بسم الله ماشاء الله تتهنى بيه وربنا يوسع عليكى ويكفيكى شره

[@يومياتاسرةمنالصعيدالجوانى]

عندى جديد والناس للناس

[@مملكتيمععائلتي-ك6و]

تسلميلي ياغاليه يارب والناس للناس مكملين لبعض

[@Malak-lr8ty]

اول بصمه اللهم بارك مبرووك عليكي وتعيشو وتجيبو

[@مملكتيمععائلتي-ك6و]

حبيبتي الله يبارك فيكي وتسلميلي يارب وعقبال لمه تجيبي وتتهني يارب العالمين

[@ayatahmed7698]

حبيبتي انا كنت جيباه في جهازي وسمعت رفيوهات انو مش كويس وفيه عيوب وكده ممكن تقوليلي هو عامل معاكي اي دلوقت و لوحه المفاتيح القزاز دي والزراير بتسخن جامد واللي طبيعي

[@الحاجكيلانىللكوميديا-ت4ر]

بالتوفيق ان شاء الله تعالى واحلا بصمه كمان

[@مملكتيمععائلتي-ك6و]

يسلمو

[@shoshoharon5945]

اخبار السخونة ايه اللي ق الجناب وباب الفرن والازازاللي حوالين المفاتيح

[@مملكتيمععائلتي-ك6و]

بصراحه الجوانب مش بلمسها علشان هي بين الحيطه والمطبخ فبتالي مش بقدر اوصلها بأيدي ثانياً الزجاج حول المفتايح عادي بيسخن لمه الفرن يشتغل على حرارة عالية وكمان المفتايح

[@fadiashehab1933]

@@مملكتيمععائلتي-ك6و ببسخن اوفر ولا معقول ؟ وفي عيوب تانيه ظهرت مع الاستخدام لانه عندي ولسه مستخدمتوش ؟

[@emanmohamed9060]

اخبار البوتاجاز ايه معاكي دلوقتي م فضلك لان هجيبه عيوبه اللي ظهرتلك ايه؟ والاستالس بتاع السطح عرفت انه وحش ف تنضيفه وبيبقع لو مااتنضفش يوميا بعد الاكل فقوليلي عيوبه بعد الوقت ده معاكي م فضلك

[@ghadaali9124]

انا جبته وربنا يستر

[@Malak-lr8ty]

احلي كيك يا قلبي

[@مملكتيمععائلتي-ك6و]

تسلميلي ياغاليه يارب

[@هندمحمود-ق5ع]

يعنى الفرنيين الشعله مابتشتغلش خالص معلش ردى عليه لانى مش عارفه اشغلها خالص. ولو هى مابتشتغلش عاملينها ليه

[@مملكتيمععائلتي-ك6و]

حضرتك هو فرن واحد فقط عندي مش فرنيين ولا حضرتك تقصدي ان الشوايه والفرن مش بيشتغلو مع بعض

[@Rody2710]

تتهني بيه يارب ويرزقك خيره ويكفيكي شره عندي جديد

[@مملكتيمععائلتي-ك6و]

الله يباركلك يارب وعقبال لمه تجيبي وتتهني يارب العالمين واكيد الناس للناس مكملين بتوفيق حبيبتي

[@مملكتيمععائلتي-ك6و]

اللهم امين يارب العالمين

[@Rody2710]

@@مملكتيمععائلتي-ك6و ربنا يوفقنا جميعاً يارب ❤️

[@kokosoftu7254]

هل الكيكه بتعدي الساعه

[@مملكتيمععائلتي-ك6و]

لأ طبعا

[@الخلاصه-ش6ه]

حبيبتى ممكن تقوليلى رايك فيه حاليا دلوقت لانى شوفت رفيو بيقول أنه بيسخن من الجوانب والمفاتيح سخونه عاليه جدا و بيكهرب وكمان لو رجع بيكى الزمن هتجيبه ؟

[@مملكتيمععائلتي-ك6و]

السلام عليكم اختي الحبيبه انا العيوب اللي ظهرت معايا ان الشوايه مطلعتش زي ما انا متخيله تشتغل مع الفرن في نفس الوقت لحين قفلها بأيدي ولكن الشوايه بتاعته ليها سستم معين المفروض انها تشتغل مع الفرن ١٢ دقيقه فقط وبتفصل اتومتك علشان الأمان ولو اشتغلت الشوايه مع الفرن لازم الفرن يدخله أكسجين لازم يتم تهويه الفرن وفتح الباب شويه وأيضا مش بتكمل ال١٢دقيقه بتفصل قبلهم بس لو هتشتغلي الشوايه لوحدها هشتغل معاكي ديرك لغيت لمه تفكري تقفليها وبتاع الصيانه بيقول لازم الفرن يكون جانبه متهوي يعني ميكونش في مكان ضيق لازم يكون في وسع تام من ورا ومن الجوانب علشان الأكسجين يدخل للفرن دي بنسبه ليا مشكلة حكايه الشوايه دي اول مشكله تاني مشكله ابني عنده ٦ سنوات من فتره بيفتح الفرن علشان ياخذ حاجه منه الباب انخلع في ايده من ناحيه وحده المفصله وقعت عن الفرن تمام اتصلنا بصيانه وجه واحد معندوش ضرايه بجهاز الإصدار الجديد ومش عارف في التاتش بتاعها بصراحه فضل يدوق على المفصله بتاعت الباب حبه كبيره علشان تركب تاني وزوجي هو اللي ركبهاله علشان معرفش وبعدين لمه ركبت الباب الهيدروليك باظت مبقاش هيدروليك زي الاول دا غير أن لمه اجي افتح باب الفرن مش بيقف على مستويات زي الاول كان الباب الأول تقيل ولكن الآن لمه افتح الباب واسيبه يطب نازل لوحده على الهوا مبقاش تقيل وبيقف على مستويات الفتح مثل الاول ودا طبعا عيب لأن لمه اجي افتح الفرن وهو ساخن مبعرفش كدا اتحكم في باب الفرن مثل الاول بقى سايب والمفصله من كتر الدق عليها تحسي انها فوضتت حاجه مش زي الاول والهيدورليك مبقاش زي الاول باظ للأسف والمصيبه بتاع الصيانه بيقول انا شايف ان مفهوش مشكله ودي تاني مشكله اما ثالث مشكله وهي الحملات الزهر بتاعت البوتجاز تقيله جدا وتهمه وبشيل هم غسلها ان انقلها على الحوض اغسلها كل ما البوتجاز يتزيت من الاكل وطبعآ بيتوسخ بسرعه جدا وبتري تغسليه مش غسليه سهل زي البوتجازات التانيه بيكون الحملات بتاعتها عاديه وخفيفه مش زهر تقيله ثقل السنين ودي ثالث مشكله اما رابع مشكله الشرايح الفضيه المعدن اللي على المفاتيح بيقع بسرعه لأنها ملزوقه بأمير او شمع لصق عادي يعني رابع مشكله لمه اجي اشغل الفرن يعني مثلآ بعمل كيكة في الصينه بتاعت الفرن المرفقه بتاعتها بلاقي ان الجهه الشمال اعلى من الجهه اليمن وبتحمر الجهه الشمال قبل الجهه اليمن اما خامس مشكله فتحات التهويه اللي فوق بتكون ساخنه جدا لمه بتشتغلي الفرن انتي بقى بتقولي الفرن بيسخن ولا لاءه اي بوتجاز جديد بيسخن في الأول وبعدين بيهدي وبيتظبط بعد كده وبيقل سخنيته الجوانب معرفش والله اذا كان بيتسخن ولا لاءه لأن انا حشراه بين المطبخ والحيته او الجدار وبعدين الجوانب بتاعتها محمله علشان السخونيه يعني بتكون عزله للحراره لو رجع بيا الزمن هو اولآ شكله طحفه فنيه ولو رجع بيا الزمن كنت جبت واحد تاني شكله كويس والحملات خفيفه علشان يكون سهل غسله والشوايه بتشتغل ديرك مع الفرن لحين قفلها بنفسي بس هرجع واقولك الحياة تجارب والحمدلله على كل حال

[@الخلاصه-ش6ه]

@@مملكتيمععائلتي-ك6و طب ليه حبيبتى مش بتكلمى الصيانه تغيرلك الهيدرولك الباب دا لسه شهر استعمال

[@مملكتيمععائلتي-ك6و]

@@الخلاصه-ش6ه ممكن حضرتك تقرأ ى تعليقي بعنايه تاني انا ذكرت ان بتاع الصيانه جه ومعرقَفش يصلحه كويس ممكن حضرتك تقرأي تعليقي تاني وحضرتك هتعرفي

[@الخلاصه-ش6ه]

@@مملكتيمععائلتي-ك6و قرأته والله بس من كتر منا حزينه عشانك نفسى اساعد بأى شىء

[@مملكتيمععائلتي-ك6و]

@@الخلاصه-ش6ه حبيبتي تسلميلي يارب وربنا يقدملك الخير كله وتجيبي احسن بوتجاز يارب بس نصيحه مني انا كنت بدور على الشكل الحلو والنوع الغالي علشان ميتعبنيش انا جيباه ب١٠ الف ونص قسط انا قولت ان حاجه غاليه زي دي مش هئرفني وهتريحني بس للأسف طلع سكة ونسيت اقولك على حاجه كمان المفتايح لمه تحبي تشغلي شعله من فوق لازم ولابد تفضلي ضغطه ٢٠ ثانيه على المفاتيح لجوه لحين لقط الغاز كويس حتى لو اشتغل معاكي لازم تفضلي ضغطه كتير علشان ميطفيش معاكي اذا كنتي هتشتغلي من الاشعال الذاتي او من غير إشعال زاتي والاشعال الذاتي من نفس المفاتيح نصيحتي مدختيش حاجه بمظاهر وخلاص لازم ولابد يكون حد جربه واستخدمه عنده في البيت متقتنعيش بريفيوهات من محلات الاجهزه الكهربائيه لأن الناس دي بتسوق منتجها وخلاص خدي النصيحه من ريفيوهات حد استخدمها في بيته وبإذن الله انا هعمل ريفيوه عن عيوبه كلها في فيديو قريب علشانك

[@kokosoftu7254]

توقيت الكيكه ادايه

[@مملكتيمععائلتي-ك6و]

الكيكة لو معموله صح ومظبوطه يدوب ٢٠ دقيقه ولا تعدي الساعه

[@shoshoharon5945]

معملتيش ليه بلاغ تاني وتالت لحد ما يستبدلوا البوتجاز حضرتك ف الضمان ليه متصلتيش بجهاز حماية المستهلك البوتجاز موش رخيص وموش من الفئة المتوسطة

[@مملكتيمععائلتي-ك6و]

والله زوجي زهق من خدمة العملاء اللي مابيستعنوش حد ولمه تصل بيهم يبعتو لينا نفس بتاع الصيانه هو هو راح زوجي قالي مش هتصل تاني مدام هو هو الشخص دا اللي بيجي دا غير رد خدمة العملاء بيدو اقتراحات بيقولو لزوجي خلي خلف البوتجاز حوالي نص متر او اكتر علشان يوصله أكسجين وبعدين جرب البوتجاز كدا وبعدين هنتصل بيك بعد مرور ٣ ايام ولا اتصلو ولا حاجه وبعدين ازي هنعمل كدا اصلآ ومساحة مطبخى متسمحش لكدا خالص

[@fadiashehab1933]

البوتجاز عامل معاكي ايه دلوقتي

[@مملكتيمععائلتي-ك6و]

الحمدلله كويس بس للأسف الشريحه الفضي اللي على المفتايح بتقع من على المفتاح وكمان الشوايه ضعيفه شويه دا غير انها مبتشتغلش اكتر من ١٢ دقيقه علشان الأمان وبعدين المروحه مبتشتغلش مع فتح الشوايه لا دا لا دا مبشتغلوش مع بعض واللمبه بتاعه مبتشتغلش غير مع متور الشوايه اللي بتلف يعني لو عايزه افتح اللمبه الاضاءه لازم يشتغل معاها متور الشوايه يعني هما الاتنين مفتاح واحد للأسف والاستلس بتاعه بيبقع بسرعه والحملات تقيله جدا تهمه في غسلها ونقلها انا شلتها وحطيت حملات البوتجاز القديم لأنها خفيفه علشان يكون سهل معايا في الغسيل دا بنسبه لعيوبه اما بنسبه لمميزاته فهو ماشاء الله العيون عاليه وجميله والأشغال بتاعها من المفتاح حلو والأمان حلو بردو مش اي حد يعرف يشغل العيون لازم حد كبير علشان بيضغط بصفه مستمره لجوه وتفضلي ضغطه على المفتاح شويه علشان يفتح معاكي دا في حد ذاته امان علشان لعب الأطفال وكدا وماشاء الله الفرن جميل علشان واسع والمروحه بتسوي الحاجه بسرعه جدا ودرجات الحراره بتاعه ممتازه والتاتش بتاعه أيضآ ماشاء الله ممتاز وفيه امان في التاتش علشان الأطفال ميلعبوش فيه دا لو وصلتي الكهرباء ليه بصفه مستمره بتقفلي قفل التاتش علشان زي ما قولت لحضرتك الأطفال متلعبش فيه

[@fadiashehab1933]

@@مملكتيمععائلتي-ك6و شكرا ياحبيبتي كدا علي ردك ♥️♥️ انا جبته لجهازي وكنت محتاجه راي حد عن تجربه شكرا جدا ليكي ♥️♥️

[@مملكتيمععائلتي-ك6و]

شوفي كدا التعليق تاني لاني عدلت فيه حاجات

[@fadiashehab1933]

رايك انه يستاهل اجيبه ولا لا بعد استخدامك هو هيجيلي في خلال يومين لسه

[@fadiashehab1933]

ومعلش هو بيسخن ولا لا ؟