МЧСалде сапар

АнцIго соналъ цебе КIуяда росулъ цIа ссвинабизе араб бакIалда нахъ руссун рачIунаго нагагьаб балагьалдалъун гIумруялдаса ратIалъана Гъуниб районалъул МЧСалъул хIалтIухъаби. Гьезул хIурматалда МЧСалъул минаялда цебе лъун буго гьел ракIалде щвезабулеб гIаламат. Щибаб соналъ гьенир чIагоял тIугьдул лъезе данделъула МЧСалъул хIалтIухъаби, Гъуниб районалъул администрациялъул вакилзаби, цоги гьалбал…
Гьал къояз гьеб мурадалда МЧСалъул сверухълъиялда букIана дандеруссин. Гьаб нухалъ гьенир рукIана ва кIалъазе рахъана райсобраниялъул председатель ГIабдулаев ХIасан, районалъул бетIерасул заместитель Шамил МухIамадов, райадминисторациялъул гIолилазулгун спорталъул ва туризмаялъул рахъалъ отделалъул начальник МухIамад Сагитов ва МЧСалъул Гъуниб бугеб отделалъул начальник Надирбег ГIумаров. МЧСалъул гIумруялдаса ратIалъаразул хIурматалда лъуна тIугьдул.