Рет қаралды 531,604
Бәріңізге ассалаумағаликум. «Мәскеу» суға батып кетті. Қара теңіздегі алып кемені, Яғни крейсерді Украина зымыранмен тас-талқанын шығарған. Бірақ орыс билігі неге оны жасырып отыр? Ресейдің соғысқа салар танкілері таусылғаны рас па? Ал Путиннің шырмауына шырмалған қорғаныс министрі Сергей Шойгудың ранимацияда жатып қалғанын, оның ұлты орыс емес екенін біліппе едіңіз? Ресей енді Финляндия мен Швецияға соғыс ашпақ па? Медведов неге бұл екі елді қорқытып отыр? Өтееее қызықты ақпараттарды сізге білген дұрыс!
ҚАЙЫРЫМДЫЛЫҚ
Соғыс басталғалы біз атын да, түрінде әбден жаттап алған Сергей Шойгу ақыры инфарк алып, ранимацияда жатып қапты. Бір кезде бәріміз жоғалтып алып, артынша әйтеу табылған Ресейдің қорғаныс министрі осылайша Путиннің қысымына шыдай алмай құлаған көрінеді. Журналист Серік Алданның жазуынша Путекеңнің шылауына шырмалған сол Сергей Шойгудың ұлты тыва екен. Төлқұжаттағы аты-жөні: Сергей Күжүгетоглу Шойгу. Олардың алфавитінде Ө, Ң, Ү әріптері бар. Деректерде тыва түркі ұлты деп көрсетіледі. Аздаған бөлігінің арғы тегі моңғол деп те жазылып жүр.
Сергей Шойгуды жалпақ тыва жұрты құрмет тұтады дейді. Көрінген жерге портретін іліп, бас иетін көрінеді. Сол Сергей Шойгу Шыңғысханның сенімді үзеңгілесі, атақты батыры әрі әскер басшысы болған Сүбедейді пір тұтады екен. Өзі демеушілік жасап, "Сүбедейдің нақыл сөздері" деген кітап шығарып, Тываға таратыпты. Сергей Шойгу өзін Сүбедейдің тұқымынан таратады. Өзі о баста әскери адам болмаса да Қорғаныс министрі, генерал атанғаны қызық-ау. Тағы бір қызығы, Путинді кейде Тываға балық аулауға апаратын көрінеді. Кейде бақсылармен кездестіріп, сәуегейліктеріне жүгіндіреді деген ұзынқұлақтың сөзі де жүр. Мына суреттегі қараторы кісі оның әкесі Күжүгет Шойгу. Әкесі газет редакторы, партия, кеңес қызметкері болыпты.
Енді басқа әңгімеге көшейік. «Мәскеу» өртеніп кетті деп сүйіншіледік қой. Мұндағы Мәскеу деп отырғанымыз Ресейдің Қара теңіздегі алып кемесі, крейсері. Соны Украина зымыранмен соққы жасап, өртеп жіберді. бір деректе суға кеткен дейді, екінші дерек зақымданып, қазіргі таңда ресейлік өзге кемелер ыңқылдап қауіпсіз аймаққа сүйреп барады дейді. Екі нұсқаның қайсысы болса да, зақымданғаны анық. Екі ел арасындағы соғысты бес саусағындай біліп отырған журналист Асхат Хасенхалидың жазуынша Мәскеу «Мәскеудің» зақымданғанын мойындады, бірақ соққыдан емес, кеменің ішіндегі снарядтар өздігінен тұтанып кетті дейді (біреу тұтатпаса да тұтана беретін снарядтар екен). Неге бұл оқиға өте маңызды? Біріншіден крейсердің атауы Ресейдің астанасымен аттас, яғни Мәскеу. Оның өз идеологиялық маңызы бар. Екіншіден крейсерді Еуропа немесе АҚШ зымыранымен емес, Украина өз зымыранымен атты. Төл туындысы. «Нептун» зымыранын 2014 жылы жасай бастаған еді, 2020-да оны қолданысқа алды. Былайша айтқанда ресейлік «Мәскеуді» украиналық «Нептун» жойды. Маңызды ма? Маңызды! Тағы бір маңыздысы, енді Ресей кемелері Украина жағалауына тым жақындамауға тырысатын болар. Бұған дейін олар 20 шақырым жерден соққы жасап жүретін. Ал «Нептун» 280 шақырымдағы нысананы жоя алады. Яғни бұл енді ресейліктер үшін бір бас қатырар проблемаға айналды. Оның үстіне Ұлыбритания «Гарпун» атты кемеге қарсы зымырандарын әкелетін болды. Қысқасы Қара теңіз қарсыластың қаңылтырына толуы мүмкін. Ал осындай маңызды оқиғаны Ресей жылы жауып, өте шықты.
Украинада соғыс басталғаннан бері Ресей өзінің 505 танкісінен айырылған. Олардың 256-сын Украина Қарулы Күштері жойса, 9-ы зақымданған. Бұл туралы Bugin.kz порталы хабарлады. Тағы 200 ресейлік танкті украин әскерлері басып алған, ал 40 машинаны басқыншылардың өздері тастап, ұрыс даласынан қашып кеткен.