ما تخلص النوايب || الرادود عبدالامير البلادي || ذكرى استشهاد الامام الحسن العسكري ع 1444 هـ

Рет қаралды 1,601

Күн бұрын

قصيدة " #ما_تخلص_النوايب "
أداء الرادود : #عبدالأمير_البلادي
كلمات الشاعر : #عقيل_ميرزا
ذكرى استشهاد الامام الحسن العسكري ع 1444 هـ
موكب عزاء مأتم السنابس
التصوير :
الكوثر ميديا
العين للإنتاج الفني
مأتم السنابس
المونتاج :
الكوثر ميديا
WhatsApp: +973 33575231
#الكوثر_ميديا
يم حسن وحسين عظم الله الأجر
صبي دمع العين واشتكي لله الأمر
ما تنتهي المصايب ما تخلص النوايب
صبي دمع العين .. صبي دمع العين
***
ما تنتهي الفواجع ما تبرد المواجع وما يوقف الحزن
ما تفتر النوايح وال النبي ذبايح ما يغمض الجفن
هذا انذبح بالفرات ظامي مثل ذبح الشاة
وهذا بوجع سمه مات وهذا قضى بلسجون
يازهره احزانش دوم ادري بقلبچ مألوم
بسيوف قشره وبسموم ما نشفت دمعة لعيون
فاطمه نوحي واسچبي دمع الأسى
بكل وجع بوحي الوجع ما ينسى
كل يوم قلبچ ذايب ما تنتهي المصايب
صبي دمع العين. صبي دمع العين
---
كل الوجع تلايم وبكل مسية ماتم كل ساعة في الم
يوم اللي طاح المحسن صار العزا بكل موطن ويجري دمعها دم
من يوم كسروا لضلوع لليوم تنزف لدموع
وكل ساعه قلبج موجوع ما يوم شفتي فرحه
أول علي راعي الباس ملجم فضخ منه الراس
وتالي الحسن شرب كاس مثل المواسي يجرحه
وتالي خيه حسين ينذبح في كربلا
وطفله شاف البين ابسهم من حرمله
ما تنتهي المصايب ما تخلص النوايب
صبي دمع العين. صبي دمع العين
------
ما جفت المدامع ما سمعت المسامع أبد غير النعي
جم من ولد يقاسي قدامي المآسي ويجري مدمعي
هذا العدو يسمه وهذا غسيل بدمه
جبدي ترى متألمه ألمني حال اولادي
وحتى بناتي انظلمت والله وعليها التمت
أهل الكفر تشمت مسبيه بكل وادي
ولا سلمت الأطفال من فعايل هالعدى
وتجفتت بحبال وهم أهل بيت الهدى
ما تنتهي المصايب ما تخلص النوايب
صبي دمع العين. صبي دمع العين
-------
آلامي من يعدها ما ينحصى عددها مثل عد الرمل
حتى الحشر وجعها عمى عيوني دمعها مثل دم ينهمل
واليوم في سامره حار الإمام بأمره
والسم تجرع مره واذاه فطر جبده
العسكري شاف الموت بسم اللعين الطاغوت
قلبي على ابني مفتوت بالغربه ما حده عنده
بسم الكفر مسموم وجبدته مثل الجمر
بفراشه ظل مألوم يا ويح قلبي يحتضر
ما تنتهي المصايب ما تخلص النوايب
صبي دمع العين صبي دمع العين