معيض السعد 2023 | اهداء الى الشيخ معيض بن ناصر الحمر الجنيبي - ناصر الجنيبي - ماجد الخضير

المجلس اللي يشبه لصدر راعيه
ماقول غير الله يطول حياته
ينطحك ترحيبه قبل لاتجي فيه
وتشيلك عيونه قبل كانباته
وبرزان جملنا وبانت مواريه
مشيدٍ مثل السويس وقناته
منصى رجال الطيب ماهوب ترفيه
معْلم ويفخر به معيض وعزاته
معيض ومعيض السعد في معانيه
واخو حسين اللي مشى في وصاته
وحسين من طيبه مانقدر نجازيه
لو الزمان الشين عجّل مماته
شيخن تجلا واعتلى في مباديه
والشعر يعجز لا يعدد صفاته
الله عطاه من الصبر مايكفيه
حتى حذفه اللي عجز عن سواته
يشره ولحدن يلحقه بالمشاريه
من طيب راس اللي تعصي عصاته
والله لموت ومحجر العين يبكيه
وفي جنه الفردوس يهنى سباته
واليوم ابونادر بطيبه يجاريه
يكفي من حميّاه نص التفاته
هذا الحمر ياللي سمعتوا بطاريه
والسيف سيف ولا تخيّب شباته
اللي ورث طيبه وعزه من ابيه
وشداد ريمه مايبى الا عباته
أبوه سرّى القوم ليله عزاويه
يوم اعتزى فالطيبه من خواته
بمفتلن شاله وبيده يحميه
حتى استوى فقر الكريم وغناته
أفتك ذوده وأقتضى دون غاليه
ومن دون جيرانه ومن دون ذاته
فعلن تسطره النشاما وترويه
ويبين مثل الوسم لاأزهر نباته
وربعه بني عمه يديهم بياديه
سوات ضلعٍ ماتحرك حصاته
اليا عطا رايه يقولون لبيه
محزم ظفر عزز وجوّد ثباته
الاد جانب قمه المجد عاليه
واعموا عيون اهل الحسد والشماته
نعمن بربعي باسمهم يوم اسمّيه
دخيلهم يامن ويضمن نجاته
دقلاتهم مثل السحاب ومناشيه
وسيلٍ ليا من سال بانت رهاته
اليا تناخوا ياخذ القوس باريه
مثل الجمل لاقام تهدر لهاته
اقولها واللي يبى العلم يوحيه
عدو ربعي فاته العز فاته ..
واللي زعل لابد الايام ترضيه ..
يشرب نهر دجله ويشرب فراته
ناصر الجنيبي

[@حمودالبقمي-ش5ظ]

❤❤❤❤❤❤❤❤❤ الله يطول حياتي ما يضحك جنات الفردوس الاعلى

[@h2727-]

يامُحبيّن النبيّ . . صلوَا عـــــليّـهہﷺ♥️

[@فيصلالبقمي-ف1خ]

اللة يرحم حسين ويطول عمر معيض الحمر

[@abdulazizalbaqami2243]

انشهد بيض الله وجيههم ويستاهلون القصيده

[@سحرالبقمي-ك3س]

❤❤❤❤❤❤

[@mdmd-qe9ui]

الله يطول بعمره

[@thamerfayez466]

الله يرحمك يبو ناصر ويجعلك فالجنه وطولة العمر ابو نادر

[@mm-vc9bh]

كفو كفو كفو